Morgunblaðið - 06.08.1986, Side 19

MORGUNBLAÐIÐ, MIÐVIKUDAGUR 6. ÁGÚST 1986
19
Vildi gjarnan sjá fleiri
Islendinga í Puerto Rico
- Rætt við Antonio Ruiz Ochoa ræðismann íslands í Puerto Rico
FYRIR tveimur árum var Ant-
onio Rui* Ochoa skipaður
heiðursræðismaður íslands i
Puerto Rico. Ochoa þekkir vel
til hér á landi. Hann kom fyrst
til íslands árið 1974, tók ást-
fóstri við land og þjóð, og hefur
síðan komið hingað á hveiju
sumri. Morgunblaðið hitti
Ochoa að máli er hann var hér
á ferð fyrir skömmu og var
hann fyrst spurður hvernig
áhugi hans á íslandi hefði vakn-
að.
„ÉG las grein um laxveiðar á
íslandi í spænsku tímariti og þá
vaknaði áhugi minn fyrir að renna
hér fyrir lax. Það varð úr að ég
kom hingað sumarið 1974 og
síðan hef ég komið á hverju ári.
Ámar ykkar eru alveg sérstakar
og laxinn í þeim hefur eitthvað í
sér sem ég hef hvergi fundið ann-
ars staðar í heiminum. Eftir komu
mína hingað skrifaði ég grein um
laxveiðar á Íslandi, sem birt var
í víðlesnu veiðitímariti. Greinin
var myndskreytt með fallegum
litmyndum og vakti talsverða at-
hygli þannig að fólk hafði
samband við mig og spurðist fyr-
ir um hvemig best væri að komast
hingað í laxveiði. Þannig lenti ég
óvart í því að skipuleggja veiði-
túra til Islands. Ég kem hingað á
hverju ári, yfírleitt í júlí, og þá
bæði til að veiða lax og einnig til
að hitta hér vini og kunningja,
sem ég hef eignast marga með
árunum. Og ég kann sífellt betur
við mig eftir því sem ég kem oftar.
Ég fer aðallega í Langá. Það
er áin mín. í allt hef ég veitt um
650 laxa frá þvi ég kom hingað
fyrst. Þar af eru yfír 500 úr
Langá. í sumar fékk ég 69 laxa
í Langá og 18 í Laxá í Ásum.
Ég veiði bara á flugu, jafnvel
þótt ég viti að það er hægt að fá
fleiri með því að nota líka maðk.
En það á ekki við mig, ég vil
bara fluguna."
Aðspurður segir Ochoa að veðr-
ið hér á landi eigi vel við sig. „Ég
kann afskaplega vel við þetta
hreina og ómengaða loft héma.
Þegar menn koma frá svona heit-
um löndum, eins og Puerto Rico,
er veðrið hér kærkomin tilbreyt-
ing og manni fínnst það nánast
eins og forréttindi að fá að anda
að sér þessu tæra lofti. Ég játa
að það getur stundum orðið dálít-
ið kalt, þegar hvessir, en það getur
líka verið hressandi. En það sem
heillar mig einna mest er hin sér-
stæða náttúrufegurð landsins og
svo fólkið sem hér býr.“
Aukin samskipti
„Því miður koma ekki margir
íslendingar til Puerto Rico, en í
hvert sinn sem ég frétti af þeim
hef ég samband við þá og reyni
að greiða götu þeirra," segir
Ochoa þegar við víkjum talinu að
ræðismannsstörfunum. „Ég reyni
þá að fara út með fólkinu og sýna
því áhugaverða staði. En eins og
ég sagði koma ekki margir íslend-
ingar til Puerto Rico. Ætli það
séu ekki að meðaltali 10 til 15 á
ári. Ég vildi gjaman sjá þar fleiri
íslendinga og ég el þá von í bijósti
að efla samskipi þjóðanna á sviði
ferðamála. Ferðalag til Puerto
Rico er miklu auðveldara en
margir hér á landi virðast halda.
Flugieiðir eru með næstum dag-
legar ferðir til New York og þaðan
er aðeins þriggja tíma flug til
Puerto Rico og yfír 15 flugferðir
á degi hveijum.
Puerto Rico hefur upp á margt
að bjóða fyrir ferðafólk og þá
sérstaklega það, sem margir Is-
lendingar virðast sækjast eftir í
sumarleyfínu, sól og gott veður,
baðstrendur og marga áhuga-
verða staði til að skoða. Spænsk
menning á djúpar rætur i Puerto
Rico og margt líkt þar og á Spáni.
Fyrir golfáhugamenn er Puerto
Rico hreinasta paradís. Get ég þar
nefnt Dorado Beach Hotel, þar
sem eru fjórir 18 holu golfvellir.
En það er ekki aðeins á sviði
ferðamála sem auka má sam-
skipti þjóðanna. Fiskur er þýðing-
armikil fæða á Puerto Rico,
einkum saltfískur sem er mat-
reiddur þar á ýmsa vegu. Eins og
sakir standa er saltfískurinn að
mestu fluttur inn frá Kanada, en
ég vildi gjaman sjá aukna hlut-
deild íslendinga í þeim viðskipt-
um. Og ég held að íslendingar
gætu átt þar mikla möguleika,
að minnsta kosti er markaðurinn
fyrir hendi.“
Islandsg-ata
„Annars hef ég sem ræðismað-
ur reynt að kynna ísland í Puerto
Rico eftir bestu getu. Ég hef flutt
fyrirlestra, bæði fyrir skólafólk
og kennara, þar sem ég reyni að
gefa rétta mynd af landi og þjóð.
Þá hef ég fengið myndband frá
íslandi sem hefur reynst afar
gagnlegt við þessa kynningar-
starfsemi.
Það sem þó hefur vakið mesta
athygli er lfklega þegar mér fyrir
nokkrum mánuðum tókst að fá
borgarstjórann f Bayamon, sem
er önnur stærsta borgin með um
110 þúsund íbúa, til að sam-
þykkja að nefna eina götuna eftir
Islandi. Það hefur vakið umræðu
um ísland enda sjaldgæft að göt-
ur séu nefndar eftir öðrum
löndum.“
Þegar samtalið átti sér stað var
Antonio Ruiz Ochoa á förum frá
íslandi að þessu sinni. En hann
kvaðst myndu koma aftur í lok
ágúst. „Það er fyrirhugað að
halda hér ráðstefnu með ræðis-
mönnum íslands erlendis. Það
verða um 130 til 140 manns og
menn munu bera saman bækur
sínar og skiptast á skoðunum. Það
verður eflaust fróðlegt og
skemmtilegt að hitta þessa menn
fyrir utan að þetta gefur mér
kærkomið tækifæri til að koma
hingað aftur.“
Almennar tryggingar senda
600 sveitarstj órnarmönnum bréf:
„Tjón í umferð-
inni allt of mikið“
- segir Ólafur B. Thors, forsljóri
ALMENNAR tryggingar hf. sendu sex hundruð nýkjörnum sveitar-
stjórnarmönnum bréf þar sem þeim er bent á hve mikið tjón hlýst
af umferðarslysum og þeir hvattir til að setja slysavarnir ofarlega
á verkefnalista sinn á næsta ári.
„Við sættum okkur ekki við allt
það tjón sem verður í umferðinni,"
sagði Ólafur B. Thors, forstjóri Al-
mennra trygginga hf. þegar
Morgunblaðið innti hann eftir
ástæðu bréfaskriftanna. „Tilgang-
urinn er að vekja athygli þeirra sem
eitthvað geta gert í málinu á því
öngþveiti sem ríkir í umferðarmál-
um. Þótt ekki sé talað um mannslíf-
in, sem eru ómetanleg til fjár, hlýtur
manni að blöskra það peningatjón
sem þjóðarbúið verður fyrir á hveiju
ári. Tjónið er allt of mikið, sama
við hvað er miðað. Reynslan frá
1968 sýnir hvaða árangri er hægt
að ná.“
Það kom fram hjá Olafí að árið
1985 hafí tryggingarfélögin greitt
970 milljónir króna vegna umferð-
aróhappa, en á sama tíma námu
iðgjöld 840 milljónum og fínnist
fólki þó nóg um hve iðgjöldin séu
há. Hvert eitt prósentustig í fækkun
umferðaróhappa er því u.þ.b. tugur
milljóna. Þvi leggja tryggingarfélög
æ meiri áherslu á forvamarstarf.
Félögin hafa því staðið fyrir
áróðri fyrir varkámi í umferðinni
meðal almennings, en meðal úrbóta
sem Almennar tryggingar hf. leggja
til að sveitarstjómarmenn beiti sér
fyrir eru bætt umferðarfræðsla,
betri umferðarmerkingar og lag-
færing slæmra vegakafla.
JMfagpuiiHflifrtfer
I Gódan daginn!
Urvals
myndaflokkur
Myndaflokkurinn SPACE
er byggður á samnefndri
skáldsögu James A. Mitc-
hener sem kom út árið
1982, og varð eins og aðrar
bækur höfundarins met-
sölubók bæði í Banda-
ríkjunum og Evrópu.
í SPACE rekur Mitchener
sögu geimferða og örlög
fólksins sem gerði þær að
veruleika allt frá þeim degi
er Roosevelt Bandaríkja-
forseti hafði frumkvæði að
því að láta leíta uppi þýska
vísindamenn sem unnu að
eldflaugasmíði fyrir föður-
land sitt til dagsins í dag.
Einn vinsælasti sjón-
varpsþáttur síðari ára
með úrvalsleikurum.
Fæst á helstu mynd-
bandaleigum.
Dreifing:
HASKOLABÍO
aslMI 611212
ISLENSKUR TEXTI