Morgunblaðið - 06.08.1986, Page 26

Þúsundir gesta
á þjóðhátíð skáta
Þjóðhátíð var haldin í skátalýðveldinu í Viðey á laugardag og
fluttu sökkhlaðnir bátar milli tvö og þrjúþúsund gesti á hátíðina.
Skúlaskeið hafði ekki undan og bættist þá bátur Slysavarnafélagsins
í flotann til aðstoðar. Mikil örtröð var við Sundahöfn og þó nokkur
bið fyrir þá sem vildu í eyna en Lýðveldisbandið, hljómsveit móts-
ins, var þá flutt í land og skemmti hún gestum með söng og leik
meðan biðið var.
Þjóðhátíðin hófst á skátatívolíi
sem allir gátu tekið þátt í og undu
menn sér vel fram eftir degi í því
blíðskaparveðri sem einkennt hefur
mótið. Þá var haldið alsheijar
pulsupartý og óteljandi grill höfð í
gangi. Síðan var safnast saman við
varðeld og kyijaður þar söngur
kröftuglega og hátíðarskemmtiat-
riðin frumsýnd. Skátastúlkur frá
Noregi sem löngu voru orðnar fræg-
ar á mótinu fyrir frumlegheit og
dugnað slógu alveg í gegn þegar
þær afhentu skátahöfðingja heima-
pijónaða peysu í norsku fánalitun-
um og mótsstjóm langan pijónaðan
orm.
Kakóveilsa tók við að lokinni vel
heppnaðri kvöldvöku og meðan
kakóinu var rennt niður skreyttu
flugeldar himininn. I kvöldkyrðinni
var svo siglt með gesti í land.
Ljósmyndir/Þórdís Erla Ágústsdóttir
Skátativolí og keppt um hver getur hitt blautum svampi beint í
mark. Sú iitla sem var í heimsókn á mótinu hafði æði gaman af
keppninni.
Þessar norsku skátastúlkur gerðu garðinn frægan fyrir dugnað og vaskan fram-
gang á mótinu. Endanlega slógu þær svo í gegn þegar þær færðu skátahöfðingja
Isands peysu í norsku fánalitunum og mótstjórn heljarlangan pijónaðan orm.
Á kvöldvökunni söng hver sem betur gat við undirleik lýðveldisbandsins.
Morgunblaðið/Einar Falur
„Það er mikil reynsla fyrir unga krakka að búa í tjaldi í viku
og bjarga sér sjálf.“
„Krakkamir ánægðir
og reynshmni ríkari“
Rætt við aðstandendur að mótinu loknu
Nítjánda landsmóti skáta er
nú lokið, en það hófst i Viðey
sunnudagin 27. júlí með stofn-
un nýs lýðveldis. Frá setningu
mótsins til slita brosti sólin við
þeim þúsund skátum er gistu
mótið, en nokkrir regndropar
féllu þegar þeir bjuggust til
brottfarar á sunnudag.
„Mótið tókst vonum framar,“
sögðu framkvæmdastjórar þess
Heba Hertervik og Sigurður Jóns-
son. „Krakkamir voru mjög
ánægðir, mörg þeirra höfðu aldrei
farið á skátamót áður en það er
mikil reynsla fyrir svona unga
krakka að búa í tjaldi í viku og
bjarga sér sjálf. Veðrið hefði ekki
getað verið betra hjá okkur og
allt gekk stórslysalaust. Um helg-
ina margfölduðust íjölskyldubúð-
imar og dvöldust margir alveg
fram á mánudag."
Að þrem til Qórum árum liðnum
munu íslenskir skátar svo safnast
saman á ný til landsmóts á nýjum
stað undir nýju kjörorði.
„Nú saman tökum hönd í hönd ...“
Mótsslit voru á sunnudag og
söfnuðust allir þegnar lýðveldis-
ins saman að Lögbergi að lokinni
helgistund.
Fyrst var flokkunum afhentar
viðurkenningar fyrir vel unnin störf
og þátttöku í flokkakeppni og út-
lendir skátar færðu íslenskum
skátum gjafir. Þá tók forsætisráð-
herra til máls og sagði að stjórn
lýðveldisins teldi hlutverki sínu lok-
ið og færði nú umboð sitt í hendur
þegna lýðveldisins og hvetti þá til
að viðhalda þeim góðu tengslum
og kröftuga starfi sem fyrsta vika
lýðveldisins einkenndist af. Því
næst afhentu forseti og forsætis-
ráðherra embættisskikkjur sínar.
Skátahöfðingi, Ágúst Þorsteins-
son, þakkaði skátum ánægjulegt
samstarf og hvatti þá til dáða. Var
mótinu síðan slitið með bræðralags-
söngnum.
Morgunblaðið/Einar Falur
„Nú saman tökum hönd í hönd og heits þess minnumst við, að tengja saman lönd við lönd og líf vort
helga frið“ syngja skátar og haldast í hendur við mótsslitin á sunnudag.