Morgunblaðið - 06.08.1986, Side 47

MORGUNBLAÐIÐ, MIÐVIKUDAGUR 6. ÁGÚST 1986
47
F araldur,
fjörleg plata
Hl|6mplötur
Árni Johnsen
Faraldur heitir fjögurra laga
plata í stóru broti, sem Grand hf.
hefur nýlega gefið út. Þama eru
á ferðinni tvö lög eftir Magnús
Eiríksson og tvö lög eftir Eggert
Þorleifsson, en söngvarar eru
Eggert Þorleifsson, Pálmi Gunn-
arsson og Eiríkur Hauksson.
Faraldur er snaggaraleg plata
en vart líkleg til þess að verða
bráðsmitandi faraldur. Platan er
þó bráðvel unnin, en tippamelódía
Eggerts heldur teygjanleg þótt
skemmtileg tilþrif séu í þeim þætti
plötunnar og nokkuð á annan
hátt en hefðbundið er. Heilræða-
vísur Stanleys eru svona og svona,
en lagið er mjög gott og söngvið,
sannkallað stuðlag. Það er því
synd að heilræðin skuli ekki vera
betri og bitastæðari. Hlutir og
atvik þurfa ekki að vera dýr til
að vera fyndin, en þau mega ekki
beinlínis vera ódýr. Fiskland
Magnúsar Eiríkssonar er fjörugt
og vel byggt lag og gefur góða
stemmningu og þeim fer söngur-
inn vel í munni félögunum Eiríki
og Pálma, en segja má að nokkur
Gleðibankabragur sé á þessu
ágæta lagi. Draugar á ferð er
hins vegar þungt lag, en gott til
síns brúks og svo rekur Stanley
blessaður lestina með því að fara
í stúdíó. Stanley er gott efni og
vonandi verður hann eitthvað
meira en efnilegur unglingur.
Faraldur er þegar á allt er litið
Qörleg plata þótt textatuggan sé
að sjálfsögðu alltaf smekksatriði
á svona plötum sem eiga að lífga
svolítið upp á lífið og tilveruna
svona rétt eins og dægurflugurnar
sem staldra stutt við.
Það frumlegasta við þessa út-
gáfu er hins vegar plötuumslagið
sem er límt saman alhvítt en síðan
sprautað með spreybrúsum og
brosandi litum bak og fyrir og
miðum með helstu upplýsingum
skellt á báðar hliðar. Góð hug-
mynd.
Handbók ferðalangsins
Erlendar bækur
Jóhanna Kristjónsdóttir
The Traveller’s Handbook
Ritstjóri: Melissa Shales
Útg. Heinemann og Wexas
Bók af þessu tagi ætti að vera
kærkomin ferðaglöðum Islending-
um því hér eru gerð skil nánast
öllum þeim mörg hundruð og
fimmtíu smáatriðum sem skipta
máli til að ferðalag geti heppnast
vel. Upplýsingamar eru ótrúlega
fjölþættar og má nefna nokkra
kafla sem ætla má að sérstaklega
veki áhuga og hafi beinlínis nota-
gildi. „Hvers konar ferðalag“
skiptist niður í ýmsa undirkafla
þar sem dálkahöfundarnir fjalla
um ódýrar ferðir, skipulagðar
ferðir, einstaklingsferðir, lúxus-
ferðir, viðskiptaferðir, náms-
mannaferðir svo 'nokkuð sé nefnt.
Þá er farið allskilmerkilega út í
hvernig maður skuli velja ferðafé-
laga, skrifað um konuna sem er
ein á ferðalagi og það sem hún
þurfí að varast, hafa í huga og
THE
vita. Einnig er sérstaklega skrifað
um ferðalög fatlaðra og aldraðra
og ferðalög með börnum.
Mjög gagnlegur kafli er um
vegabréfsáritanir og ýmsar uppá-
komur í því sambandi. Listi er
birtur yfír nánast öll lönd í heimi
og gefnar upplýsingar um fyrir-
komulag vegabréfsáritana,
hversu lengi þær gildi og svo
framvegis. Þá er skrifað um flug-
ferðir og allt sem þeim fylgir, svo
sem flughræðsluna sem margir
kannast við en ekki allir viður-
kenna, þotuþreytuna (jet-lag) í
kjölfar langflugs og hvað megi
gera til að draga úr henni. Far-
angurinn, peningamir, ítarlegar
ráðleggingar um bólusetningar og
mataræði, bílaleiguferðir í öðrum
löndum, ljósmyndun og farmiða-
mál.
Auk þess eru sérstakir kaflar
um hina ýmsu heimshluta, en
þetta er ekki ferðalýsingabók í
hefðbundnum skilningi.
Auk þess er aragrúi af
praktískum upplýsingum um flug-
félög, hitastig, flugvallarskatt, og
er þá aðeins fátt eitt talið.
Bókin er á níunda hundrað
blaðsíður og óhætt að mæla með
henni fyrir alla ferðalanga, hvort
sem þeir eru ferðavanir eða ekki.
Það er ferðaklúbburinn Wexas
Intemational í London sem stend-
ur að útgáfunni, en bókina má
síðan panta í gegnum forlag W.
Heinemann þar í borg.
Morgunblaðið/Jón Gunnlaugsson
Stefán Skjaldarson, nýskipaður
skattstjóri Vesturlands.
Vesturland:
Nýr skatt-
stj óri
tekínn við
Akranesi.
ÞANN 1. júlí sl. tók Stefár.
Skjaldarsson lögfræðingur við
embætti skattstjóra Vesturlands-
umdæmis af Jóni Eiríkssyni sem
gegnt hafði því starfi um árabil.
Stefán Skjaldarson er fæddur á
Siglufirði 9. september 1956, sonur
hjónanna Skjaldar Stefánssonar
útibússtjóra í Búðardal og Sigríðar
Ámadóttur. Hann lauk laganámi
frá Háskóla íslands vorið 1981 og
starfaði eftir það á Skattstofunni í
Reykjavík allt þar til hann fluttist
til Akraness í september 1985.
Hann starfrækti lögfræðiskrifstofu
þar á Akranesi þar til hann tók við
embætti skattstjóra. Eiginkona
Stefáns er Ingibjörg Eggertsdóttir
íþróttakennari.
Stefán sagði í samtali við frétta-
ritara Mbl. að hið nýja starf legðist
vel í sig. Hann hefði mestan part
síns starfsferils unnið við skattamál
og í lögfræðináminu hefði hann
tekið sem valgrein skattarétt. Hjá
mér hefur áhugi á þessum mála-
flokki verið lengi til staðar og ég
hef gaman af að fást við hin marg-
víslegu viðfangsefni sem tengjast
honum, sagði Stefán að lokum.
JG

ERTUAÐ
BJARGADU ÞER!
r, PSSST.... AHHHHHHI
m j
fi I w 1