Morgunblaðið - 28.12.1986, Blaðsíða 1

Morgunblaðið - 28.12.1986, Blaðsíða 1
56 SIÐUR *fami(IiiMfe STOFNAÐ 1913 292.tbL72.arg. SUNNUDAGUR 28. DESEMBER 1986 Prentsmiðja Morgunblaðsins Vildi ekkigefastupp vildi ná til lífsins - sagði Jón Snæbjörnsson, einn skip- verjanna sem komust líf s af er f lutningaskipið Suðurland f órst Þórshöfn, frá fréttamönnum Morgunblaðsins Arna Johnsen og Agnesi Bragadóttur. ÁTTA skipverjar af Suðurlandi, sem sökk á jóladagsnótt í hafinu milli Islands og Noregs, komust í gúmbjörgunarbát við illan leik. Laskaðist hann mikið í hafróti við skrokk skipsins sem var komið á hvolf og við það að sökkva. Þá kom gat á botn báísins og yfir- breiðslan rifnaði öll í tætlur. I þessu rekaldi höfðust skipbrotsmenn- irnir við hátt á elleftu klukkustund. Vegna rifunnar á botni bátsins gátu þeir ekki setið heldur urðu að standa saman í hnapp. Sjór gekk sífellt yfir bátinn og inni í honum náði vatnið þeim oft i klof. Að sögn Jóns Snæbjörnssonar, 1. stýrimanns, skiptust skipbrotsmenn- irnir á um að halda uppi nafnakalli, til þess að tryggja að enginn liði útaf. „Þetta var vissulega hrikaleg staða en við trúðum því allt- af að björgun myndi berast. Við vorum alltaf að tala saman og gerðum meira að segja gamni okkar. Ég býst við því að mesta ork- an hafi farið í að halda hópnum saman." Jón sagðist hafa verið síðastur úr brúnni áður en skipinu hvolfdi og hafði hann skömmu áður haft samband við Nesradió. Brúin var að fyllast af sjó þar sem hurðin bakborðsmegin hafði farið úr. „Ég var skömmu áður búinn að fara niður í vélarrúmið til að athuga hvort mannskapurinn væri ekki ör- ugglega kominn upp, en ég ætlaði aldrei að hafa mig upp aftur því þar var allt löðrandi í olíu og 111— mógulegt að fóta sig eða ná handfestu," sagði Jón. „Þegar skip- inu hvolfdi lenti ég undir því og festist þar. Ég barðist um á hæl og hnakka en mér virtust allstaðar vera rimlar fyrir og gat enga grein gert mér fyrir hvað sneri upp og hvað niður. Eiginlega var ég búinn að sætta mig við að komast ekki undan skipinu því ég var hreinlega fastur í rekkverkinu. Samt vildi ég ekki gefast upp, vildi reyna að ná til lifsins. Þá losnaði ég skyndilega, fann leiðina og mér skaut upp þeim megin við skipið þar sem gúmbjörg- unarbáturinn var á reki. Eg sá hann í um það bil 20 metra fjarlægð og synti að honum. Skipsfélagar mínir voru þá á sundi í kringum bátinn en komust ekki um borð vegna þess að kaðalstiginn var allur flækt- ur." Jón sagði að sér hefði tekist að vega sig um borð í bátinn með því að ná taki á bjarglínunni sem nær allt í kringum hann. Hann gat híft einn félaga sinn um borð og í sam- einingu náðu þeir sex öðrum. Töldu þeir að einn skipbrotsmannanna hefði þá þegar verið látinn. „Bátur- inn var í slæmu standi. Við urðum því að standa uppréttir í bátnum, sem er ekki það auðveldasta við þessar kringumstæður, stórsjó og ágjöf. En þeir sem settust stóðu ekki upp aftur. Við reyndum að hugsa ekki um erfiðleikana heldur hvetja hver annan. Myrkrið var svo mikið að við sáum ekkert í kringum okkur en héldum uppi reglulegu Skipverjarnir fimm sem björguðust er Suðurlandið fórst. Frá vinstri, Jón Snæbjörnsson fyrsti stýrimað- ur, Halldór Gunnarsson fyrsti vélstjóri, Kristinn Harðarson háseti, Júiíus Guðnason háseti, og Anton Sigþórsson viðgerðarmaður í vél. Myndin er tekin á sjúkrahúsinu í Þórshöfn. nafnakalli og skiptumst á að eiga frumkvæði að því. Þessi samstaða hafði mikið að segja. Okkur óx ásmegin þegar við heyrðum í Nimrod-þotunni, upp úr klukkan fjögur um nóttina. Ég skaut upp rakettu og handblysi því eina sem við áttum, því öðru hafði skolað niður um gatið á botni báts- ins. Þá var kastað grænu blysi úr þotunni sem merkti að þeir hefðu staðsett okkur. Skömmu síðar var kastað neyðarsendibauju frá banda- rískri flugvél niður að bátnum svo fylgjast mætti betur með okkur." Jón sagði að um tíuleytið hefði verið kastað niður nýjum björgunar- bát úr Nimrod-þotunni. Ekkert rekankeri var á bát skipbrotsmann- anna þar sem þeir töldu að hann stæði sig betur svo illa farinn í sjó- ganginum án þess. Þeir reru nú lífróður að nýja björgunarbátnum og tók það kiukkutíma. Skipbrots- mennirnir klifruðu yfir í þurran bátinn en þurftu að skilja lík félaga sinna eftir. „Einhvern veginn fannst okkur kaldara þegar við vorum komnir um borð í þurran bátinn," sagði Jón. „Við tókum með okkur þrjá hitapoka og fórum í þá tveir og tveir, nema Anton sem er svo stór að það gekk ekki. Nú gátum við sofið stund og stund, en einn var þó alltaf á vakt og kallaði reglulega á okkur hina. Það yar mikill léttir þegar þyrlan kom. Ég var hífður síðastur um borð en þá var ég alveg búinn að vera og man ekki einu sinni eftir því að ég bað um sígarettu og bjór. Þegar við vorum komnir um borð í Vædderen vorum við settir í heitt bað og þá fór maður smátt og smátt að ranka við sér. En þegar ég var búinn að vera í vel heitu baði í 1 V2 klukkustund var líkamshitinn kominn upp í 36 gráður." Jón sagðist viija flytja öllum þeim sem aðstoðað hefðu við björgun skipbrotsmannanna þakkir, þó sér- staklega áhöfnum bresku og bandarísku björgunarvélanna, áhafnar Vædderen, einnig Nesradió og Slysavarnafélagi íslands. Sjá fleiri viðtöl fréttamanna Morgunblaðsins við skipbrots- menn af Suðurlandi á bls. 24 og 25, ennfremur fréttir af skipssköðunum um jólin á bls. 2, 26, 27 og baksíðu og einnig forystugrein á miðopnu. Hafsteinn Böðvarsson matsveinn Hlöðver Einarsson yfirvélstjóri Sígurður Ölvir Bragason háseti Sigurður Sigurjónsson skipstjóri Sigurður L. Þorgeirsson 2. stýrimaður Svanur Rögnvaldsson bátsmaður Sex menn úr áhöfn Suðurlandsins f órust Mennirnir se'x hétu: Hafsteinn Böðvarsson mat- sveinn, til heimilis að Langholts- vegi 178 í Reykjavík. Hann fæddist 25. júlí 1930. Hafsteinn lætur eftir sig sambýliskonu, Guðnýju Tryggvadóttur, aldraða móður og sex börn. Hlöðver Einarsson yfirvélstjóri, Flúðaseli 90 í Reykjavík. Hlöðver fæddist 11. nóvember 1945. Hann lætur eftir sig eiginkonu, Kristínu Káradóttur, og tvö börn. Sigurður Ölvir Bragason há- seti, til heimilis að Fornósi 1 á Sauðárkróki. Hann fæddist 7. jan- úar 1965 og var ókvæntur og barnlaus. Sigurður Sigurjónsson skip- stjóri, til heimilis að Breiðvangi 32 í Hafnarfirði. Sigurður fæddist 7. ágúst 1924 og lætur eftir sig eiginkonu, Heru Gísladóttur, og þrjú börn. Sigurður L. Þorgeirsson 2. stýrimaður, Grenilundi 33 á Akur- eyri. Hann fæddist 15. ágúst 1941 og lætur eftir sig eiginkonu, Kristínu H. Harðardóttur, og fjög- ur börn. Svanur Rögnvaldsson bátsmað- ur, Ferjubakka 8 í Reykjavík. Svanur fæddist 14. desember 1929. Hann lætur eftir sig eigin- konu, Fríðu Gústafsdóttur, og fimm börn.
Blaðsíða 1
Blaðsíða 2
Blaðsíða 3
Blaðsíða 4
Blaðsíða 5
Blaðsíða 6
Blaðsíða 7
Blaðsíða 8
Blaðsíða 9
Blaðsíða 10
Blaðsíða 11
Blaðsíða 12
Blaðsíða 13
Blaðsíða 14
Blaðsíða 15
Blaðsíða 16
Blaðsíða 17
Blaðsíða 18
Blaðsíða 19
Blaðsíða 20
Blaðsíða 21
Blaðsíða 22
Blaðsíða 23
Blaðsíða 24
Blaðsíða 25
Blaðsíða 26
Blaðsíða 27
Blaðsíða 28
Blaðsíða 29
Blaðsíða 30
Blaðsíða 31
Blaðsíða 32
Blaðsíða 33
Blaðsíða 34
Blaðsíða 35
Blaðsíða 36
Blaðsíða 37
Blaðsíða 38
Blaðsíða 39
Blaðsíða 40
Blaðsíða 41
Blaðsíða 42
Blaðsíða 43
Blaðsíða 44
Blaðsíða 45
Blaðsíða 46
Blaðsíða 47
Blaðsíða 48
Blaðsíða 49
Blaðsíða 50
Blaðsíða 51
Blaðsíða 52
Blaðsíða 53
Blaðsíða 54
Blaðsíða 55
Blaðsíða 56

x

Morgunblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Morgunblaðið
https://timarit.is/publication/58

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.