Morgunblaðið - 22.04.1987, Page 41

MORGUNBLAÐIÐ, MIÐVIKUDAGUR 22. APRÍL 1987
41
Bandaríkin:
Stríðsglæpamaður fram-
seldur til Sovétríkjanna
Réttarstaða hans mjög óljós
Moskvu, Vínarborg, Reuter.
KARL Linnas, sem var dæmdur
til dauða fyrir stríðsglæpi í Sov-
étrikjunum árið 1962, kann að
geta áfrýjað þeim dómi, að því
er Gennady Gerasimov, talsmað-
ur sovéska utanríkisráðuneytis-
ins, sagði í gær. Linnas er
sakaður um að hafa stjórnað út-
rýmingarbúðum nasista i Tartu
i Eistlandi á árum siðari heims-
styrjaldarinnar.
Linnas hefur búið í Bandaríkjun-
um frá árinu 1951 en Hæstiréttur
Bandaríkjanna úrskurðaði að hann
skyldi sendur úr landi. Sovétmenn
buðust til að taka við honum en
hann var dæmdur til dauða að hon-
um fjarstöddum árið 1962.
Gennady Gerasimov sagði að Linn-
as myndi geta áfrýjað dómnum ef
Hæstiréttur Sovétríkjanna hefði
ekki staðfest þann úrskurð. Gera-
simov kvaðst ekki vita hvort
herdómstóll hefði dæmt Linnas til
dauða og því væri réttarstaða hans
óljós.
Linnas hélt frá New York á
mánudagskvöld og kom til Sov-
étríkjanna í gær eftir að hafa
millilent í Tékkóslóvakíu. Á flug-
vellinum í New York hrópaði Linnas
til fréttamanna sem þar voru stadd-
ir: „Segið bandarísku þjóðinni að
hér sé verið að fremja mannrán og
morð“. Að sögn sjónarvotta leiddu
óeinkennisklæddir lögreglumenn
Linnas út úr flugvélinni á flugvellin-
um í Prag. Þaðan fór hann með
tékkneskri farþegaflugvél til
Moskvu.
Linnas hefur neitað öllum ásök-
unum um að hafa framið
stríðsglæpi. Hann kveðst hafa verið
í námi á árum síðari heimsstyrjald-
arinnar og ekki hafa gegnt her-
þjónustu er Þjóðverjar réðust á
Sovétríkin árið 1941 og hernámu
Eistland. í ákæru bandaríska dóms-
málaráðuneytisins er Linnas
sakaður um að hafa stjórnað af-
tökusveitum í Eistlandi sem myrtu
menn konur og börn á hinn hroða-
legasta hátt. Þá er einnig fullyrt
að Linnas hafi sjálfur myrt fjölda
manns.
Þetta er í annað skipti sem
bandarísk yfirvöld framselja
stríðsglæpamann til Sovétríkjanna.
Árið 1984 var Feodor Fedorenko,
sem var sagður hafa stjórnað skipu-
legum fjöldamorðum á þúsundum
manna í Treblinka-búðunum í Póll-
andi, framseldur þangað og var
hann síðar dæmdur til dauða.
Gengi
gjaldmiðla
GENGI Bandaríkjadollars var á
þann veg í London á hádegi S gær
að sterlingspundið kostaði 1,6355
dollara. Gengi annarra helztu
gjaldmiðla var þann veg að doll-
arinn kostaði:
1,3220 kanadíska dollara,
1,8080 vestur-þýzk mörk,
2,0395 hollenzk gyllini,
1,4840 svissneska franka,
37,44 belgíska franka,
6,0140 franska franka,
1.288 ítalskar lírur,
142,00 japönsk jen,
6,2925 sænskar krónur,
6,7425 norskar krónur,
6,8075 danskar krónur.
Únsa af gulli kostaði 454,25
dollara.
Reuter
Sir Geoffrey Howe í Thailandi
Sir Geoffrey Howe, utanríkisráðherra Bretlands, sem nú er
staddur í Thailandi, hvatti í gær til þess að hersveitir Víetnama
yrðu fluttar frá Kambódíu. Skoraði hann á sovéska ráðamenn,
sem styðja Víetnama, að beita sér fyrir því að innrásarliðið
yrði kallað á brott. Howe ræddi við fréttamenn er liann skoð-
aði flóttamannabúðir í Thailandi um tvo kílómetra frá landmær-
um Thailands og Kambódiu. Sagði hann að svo virtist sem
sovéskir ráðamenn hefðu ekki hug á því að þrýsta á stjórnvöld
í Víetnam í þessu skyni. Sagði hann að ekkert hefði komið fram
sem benti til þessa í viðræðum Margaret Thatcher, forsætisráð-
herra Bretlands, og Mikhails Gorbachev Sovétleiðtoga á
dögunum. Howe var vel tekið i flóttamannabúðunum og sýnir
myndin ráðherrann heilsa ungum Kambódiumönnum að hætti
þeirra.
Bretland:
Kennarar takast á við
menntamálaráðherrann
St. Andrews. Frá Guðmundi Heiðnri Frimannssyni, fréttaritara Morgunblaðsins.
TVÖ stærstu stéttarfélög
breskra kennara héldu ársþing
sín um páskahelgina. Annað
þeirra samþykkti að neita að
leggja fyrir nemendur ný próf,
sem Kenneth Baker mennta-
málaráðherra hefur ákveðið, að
tekin verði upp. Bæði samþykktu
félögin að túlka nýjan starfs-
samning, sem menntamálaráð-
herrann hefur ákveðið einhliða,
mjög bókstaflega og krefjast
þess, að kennarar telji hveija
mínútu, sem þeir vinna. Þessar
ákvarðanir munu valda veruleg-
um erfiðleikum í skólastarfi.
Menntamálaráðherrann hefur
samkvæmt nýjum lögum ákveðið-
einhliða nýjan starfssamning fyrir
kennara. Þar er mjög nákvæmlega
kveðið á um skyldur kennara og
meðal annars ákveðið, hve marga
tíma hver kennari á að nota til
flestra hluta í starfi sínu. Sam-
kvæmt samningnum eiga þeir t.d.
ekki að nota meira 1095 klukku-
stundir á ári með nemendum, og
ekki meira en 95 stundir á ári við
undirbúning kennslu og yfirferð
verkefna.
Ráðherra hefur einnig ákveðið,
að lögð verði samræmd próf fyrir
alla nemendur ijórum sinnum á
skólaferlinum, við 7, 11, 14 og 17
ára aldur. Þessari tillögu hafa kenn-
arar nú hafnað og ákveðið að fara
mjög nákvæmlega eftir starfssamn-
ingnum. Þegar þeir hafa lokið
vinnutíma sínum samkvæmt samn-
ingnum, hyggjast þeir ganga út.
Kennarar höfnuðu með meiri-
hluta atkvæða að hefja bein verk-
föll. Það hefði getað kostað
stéttarfélögin stórfé ogjafnvel gert
þau gjaldþrota. Ráðherrann hefur
skýra heimild í lögum til ákvarðana
sinna og aðgerða.
Þessar ákvarðanir kennarasam-
takanna munu valda miklum erfið-
leikum í skólastarfi í Englandi og
Wales. Kennarar í Skotlandi ákváðu
síðastliðið haust að ganga að kjara-
samningi við ríkisvaldið, og skóla-
starf þar hefur gengið snurðulaust.
En kennarar í Englandi og Wales
höfnuðu samningnum þrátt fyrir
boð um umtalsverðar launahækk-
anir til að mótmæla því, að þeir
hefðu ekki lengur samningsrétt umt
kaup og kjör.
Sumar-
fagnaður
Hestamannafélagsins Fáks verður í Fáks-
heimilinu, Víðidal, í kvöld, síðasta vetrar-
dag. Hljómsveitin Kjarnar leikur fyrir
dansi. Húsið opnað kl. 22.00.
Hestamannafélagið Fákur.
UTANKJÖRSTAÐASKRIFSTOFA
SJÁLFSTÆÐISFLOKKSINS
Valhöll,
Háaleitisbraut 1,3. hæð
Símar: 689004 - 689005 - 689006
Utankjörstaðakosning ferfram hjá borgarfógetanum í
Reykjavík í Ármúlaskóla alla daga frá kl. 10-12,14-18
og 20-22 nema sunnudaga og aðra helgidaga kl. 14-
18. Lokað föstudaginn langa og páskadag. Skrifstofan
gefur upplýsingar um kjörskrá og allt sem lýtur að kosn-
ingunum. Áðstoð við kjörskrárkærur.
Sjálfstæðisfólk! Hafið samband við skrifstofuna ef
þið verðið ekki heima á kjördag.
X-D X-D
Sjálfboða-
liðar
D-listinn í Reykjavík auglýs-
ir eftir sjálf boðaliðum til
margvíslegra starfa fram að
kjördegi og á kjördegi, laug-
ardaginn 25. apríl nk.
Allar upplýsingar eru veittar í sjálfstæðishúsinu
Valhöll í síma 82900. Þar fer jafnframt fram skrán-
ing sjálfboðaliða frá kl. 9.00-22.00 virka daga og
frá kl. 13.00-22.00 um helgar.
Stöndum vörð um Sjálfstæðisflokkinn — herðum
sóknina!
D-listinn í Reykjavík.
Ég kýs
Siálfstæðisflokkinn
af því að hann vill láta einstaklinginn njóta sin.
Það versta sem fólki er gert er að taka frá þvi sjálfsbjargar-
viðleitnina.
Rúnar Guðbjartsson,
flugstjóri.
Á RÉTTRi LEIÐ ... X-D