Morgunblaðið - 05.05.1987, Blaðsíða 35

MORGUNBLAÐIÐ, ÞRIÐJUDAGUR 5. MAÍ 1987
35

Hvar er siðgæðið?
eftir Hálfdán
Kristjánsson
Það hefur víst ekki farið framhjá
mörgum landsmönnum, sem fylgst
hafa með fréttum, að nokkur ólga
hefur verið í Súðavik, í kjölfar sveit-
arstjórnarkosninganna síðastliðið
sumar. En hvað er raunverulega
að gerast. Er eitthvað að marka
þær flugufregnir, sem menn hafa
gripið á lofti? Hvers vegna hefur
hreppsnefnd Súðavíkurhrepps sam-
þykkt að leita allra leiða til að
hnekkja sölu Frosta hf. á eigin
hlutabréfum til Togs hf.? Og hvað
er þetta Tog hf.?
Ein afleiðing sveitarstjómar-
kosninganna í Súðavík síðastliðið
sumar var sú að sveitarfélagið varð
um skeið eini hluthafinn í Frosta
hf., sem jafnframt er yfir 70% hlut-
hafi í Alftfirðingi hf., sem á Bessa
ÍS-410, og er líka yfir 70% hluthafi
í Þorgrími hf.
Það hefur verið um margra ára
skeið kappsmál hreppsnefnda sveit-
arfélagsins hvetju sinni að hafa
einhver áhrif á stjórnun fyrirtækis-
ins með heildarhagsmuni í huga.
Eitt atriði, sem vanmáttugt sveitar-
félag hlýtur að hugsa um, er að
reyna að tryggja sem best að þeir
sem sækja atvinnu sína til byggðar-
lagsins séu þar heimilisfastir og
greiði þangað sín gjöld til að standa
undir sameiginlegum útgjöldum
kauptúnsins, en vemlegur brestur
hefur verið á þessu.
Oddviti sveitarfélagsins, hæfi-
lega virtur Auðunn Karlsson, lagði
á það ofurkapp að fá að fara einn
með atkvæði Súðavíkurhrepps á
aðalfund Frosta hf. síðastliðið sum-
ar. Þar sem hreppurinn var stærsti
og á leiðinni að verða eini hluthaf-
inn í Frosta hf., þá fékk oddvitinn
með því að fara einn með hlutafé
sveitarfélagsins aðstöðu til að skipa
með sér í stjórn fyrirtækisins að
eigin geðþótta.
Það er við hæfi að nefna það að
þetta kapp oddvitans byggðist að
sjálfs hans sögn á því að hann
bæri svo mikla umhyggju fyrir
kauptúninu og framtið þess, að
hann treysti engum til að vinna
þar betur að málum en sjálfum
sér.
Já, það er gott að eiga um-
hyggjusama og traustverðuga
forystumenn, sem hugsa ávallt
fyrst um annarra hag.
Eftir að sveitarfélagið er orðið
eini hluthafinn í Frosta hf. er það
hlutafé, sem fyrirtækið hafði keypt
inn, boðið til sölu.
Bréf þar um barst flestum
Súðvíkingum sem og starfsmönnum
fyrirtækisins og dótturfyrirtækja
þess.
Ekki virtist vera mik.il áhugi
fyrir kaupum, enda ekki ljóst hvaða
hagsmunum var verið að ganga
framhjá, ef hafnað yrði, því í allri
umræðu í hreppsnefnd og innan
stjómar fyrirtækisins, að þeirra
sjálfra sögn, miðaðist hún við að
hag sveitarfélagsins yrði borgið um
alla framtíð, þannig að ef ástæða
væri til hefði hún tök á að grípa
inn i atburðarásina og hafa áhrif.
Auðveldast til að tryggja þetta að
mati allra væri að dótturfyrirtæki
félagsins keyptu löglegan hlut í
móðurfélaginu, sem er 10%, en þar
sem atkvæði dótturfélaga teljast
ekki með við atkvæðagreiðslu í
móðurfélagi frekar en eigin bréf
þess þá var þessu markmiði um
mögulegan rétt sveitarfélagsins til
áhrifa náð.
Samkvæmt öruggum heimildum
kom fram eitt tilboð, sem var all-
vemlegt, en það gerði ráð fyrir
kaupum á bréfum fyrir um 30 millj-
ónir króna, en á einhverjum
annarlegum forsendum er því nán-
ast stungið undir stól, en hvers
vegna?
Lá f iskur undir steini?
Jú, ný tegund, felufiskur, var á
sveimi. Hlutafélagið TOG hf., sem
hafði það að meginmarkmiði að
eignast hlut í öðm hlutafélagi,
nefnilega Frosta hf. En hverjir eru
eigendur þessa feluhlutafélags?
Auðunn Karlsson, oddviti sveitarfé-
lagsins og stjórnarformaður Frosta
hf., stjómarmaðurinn Jónatan Ingi
Ásgeirsson, skipstjóri hjá dótturfyr-
irtækinu og stjórnarformaður þess,
ísfirðingurinn Ingimar Halldórsson,
framkvæmdastjóri fyrirtækisins,
ráðinn af þeim félögum, Isfirðingur-
inn Jóhann R. Símonarson, skip-
stjóri á skipi dótturfyrirtækisins
Frosta hf. Bessa ÍS-410, svo og
hreppsnefndarmaðurinn Barði Ingi-
bjartsson.
Samkvæmt bókfærðri yfirlýsingu
Barða Ingibjartssonar í fundar-
gerðabók Súðavíkurhrepps var
meginforsenda þess, að þetta þá
óskráða fyrirtæki keypti nokkurn
hlut í Frosta hf. sú, að annaðhvort
Hálfdán Kristjánsson
„Sá trúnaðarbrestur,
sem hér hefur orðið
milli oddvita og hrepps-
nefndar, er svo alvar-
legur að einsdæmi
hlýtur að teljast.“
yrði keypt allt eða ekkert, þannig
að það yrði tryggt að fyrirtækið
TOG hf. hefði ávallt yfirburði við
atkvæðagreiðslu.
En hvernig- gerast
kaupin á eyrinni?
Þau virðst gerast með einföldum
hætti. Oddvitinn og stjómarformað-
urinn Auðunn Karlsson, ásamt
meðstjórnarmanni sínum, Jónatani
Ásgeirssyni, kemur með tilboð frá
nýja félaginu sínu og leggur það á
borðið hjá framkvæmdastjóra
Frosta hf., sem er líka hluthafi í
nýja hlutafélaginu og óskar eftir
því við hann að nú verði boðað til
fundar til að taka ákvörðun um það
tilboð, sem borist hafi í eigin hluta-
bréf Frosta hf.
Nú er kallað á sveitarstjóra sveit-
arfélagsins, en hann er líka í stjórn
fyrirtækisins, og nú hefst fundur,
þar sem meirihlutinn, með sam-
þykki sveitarstjórans, selur sjálfum
sér öruggan meirihluta í fyrirtæk-
inu Frosta hf., enda bárust engin
önnur tilboð að sögn oddvitans og
stjómarformannsins. Hann hefur
jafnframt látið hafa eftir sér í fjöl-
miðli að þetta sé fullkomlega
löglegt. Skyldi lögfræðingurinn
þeirra ekki hafa upplýst herrana
um ákvæði 56. og 60. greinar hluta-
félaganna, sem kveður á um
vanhæfi stórnarmanna til að semja
við sjálfa sig, auk viðurkenndra sið-
gæðisreglna.
Skyldu þessir höfðingjar, oddvit-
inn og sveitarstjórinn, hafa gleymt
þeim meginmarkmiðum, sem um
hafði verið rætt í hreppsnefnd, en
það var að tryggja meirihluta sveit-
arfélagsins um alla framtíð og láta
það ekki gerast að það ástand kæmi
upp aftur, sem var búið að vera
viðloðandi allt frá sjötta áratugnum.
Sá trúnaðarbrestur, sem hér hef-
ur orðið milli oddvita og hrepps-
nefndar, er svo alvarlegur að
einsdæmi hlýtur að teljast. Spurn-
ingin nú er því væntanlega sú,
hvenær hann segir af sér, svo hann
verði ekki sviptur embætti.
Höfundur er hreppsnefndarmað-
ur og sparisjóðsstjóri íSúðavík.
MDNZA
CHEVROLET MONZA
er framhjóladrifinn og rúmgóður fjölskyldubíll, hannaður af
vesturþýsku hugviti og tækni, með mýkt og snerpu Chevroletsins.
Auk þess er hann sérlega styrktur, með hlífðarpönnu,
stærri hjólbarða og fjölmargt annað er hentar sérstaklega
íslenskum akstursaðstæðum.
Chevrolet Monza er ríkulega búinn aukahlutum,
en verðið er þó broslega lágt.
' CHEVR01ET'
GM
Verð frá kr. 453.000.
Góðir greiðsluskilmálar.
BÍLVANGUR st=
HÖFÐABAKKA 9 SÍMI 687300