Morgunblaðið - 26.06.1987, Blaðsíða 15

v*ðÖ f Sí/fffi áó ífi rn /. rít fTp.-'V.i aíaÁ taf/ffff>onM
MORGUNBLAÐIÐ, FÖSTUDAGUR 26. JÚNÍ 1987
15
Borgarráð:
Lóðum á BUR-
svæðínu úthlutað
Charles I. Keller ásamt konu
Morgunblaðið/Sigurður Jónsson
Arnbjörn Kristinsson fráfarandi umdæmisstjóri, Charles I. Keller
verðandi alþjóðaforseti Rotary og Jorma Jaatinen umdæmisstjóri
frá Finnlandi.
U mdæmisstj óra-
skipti hjá Rotary
Verðandi forseti Rotary Internatio-
nal meðal gesta á umdæmisþingi
hreyfingarinnar
Selfossi.
Á UMDÆMISÞINGI Rotaryhreyf-
ingarinnar sem haldið var á Hótel
Örk í Hveragerði 19.—20. júní tók
Stefán Júlíusson frá Hafnarfirði
við af Arnbirni Kristinssyni sem
umdæmisstjóri hreyfingarinnar á
íslandi. Meðal gesta þingsins voru
Charles I. Keller sem tekur við
embætti alþjóðaforseta 30. júní,
Steingrimur Hermannsson for-
sætisráðherra og Jorma Jaatinen
umdæmisstjóri frá Finnlandi.
Charles I. Keller sagði að einkunn-
arorð sín í forsetaembætti Rotary
Intemational yrðu: „Rotarymenn
sameinaðir í þjónustu í þágu friðar."
Hann kvaðst mjðg ánægður með
dvöl sína á íslandi og sagði starfsemi
íslenskra Rotatymanna mjög vel
skipulagða.
Charles I. Keller er frá Pensylvan-
ia-fylki í Bandaríkjunum og er
lögfræðingur að mennt. Hann hefur
einu sinni áður komið til íslands en
það var 1944 þegar hann hafði 36
klukkustunda viðdvöl hér á leið til
Englands í sprengjuflugvél. „Þá kom
ég hér við sem þátttakandi í stríði
en nú er ég hér á ferð í allt öðrum
og friðsamlegri erindagerðum og
líður mun betur nú,“ sagði Charles
I. Keller. Hann sagði gott að fá anda
íslenskra Rotarymanna með sér til
athafnarinnar 30. júní í Evenston í
nágrenni Chicago þar sem höfuð-
stöðvar Rotaryhreyfingarinnar eru.
Þá tekur hann við forsetaembætti
Rotary Intemational af Mat Capares
frá Filipseyjum.
Hann gat þess að styrkur Rotary-
hreyfíngarinnar fælist í samstöðu
félaganna. Nú væru starfandi 23
þúsund klúbbar í 163 löndum og
landsvæðum. Það væri ætlun Rotaiy-
manna að þjóna mannkyninu, undir
það hefðu þeir játast við inngöngu í
hreyfínguna. Félagar í hreyfíngunni
leituðu friðar með störfum sínum og
í því sambandi benti hann á að hreyf-
ingin stæði fyrir ungmennaskiptum
milli ólíkra landa og menningar-
svæða og hreyfingin hefði tækifæri
til áhrifa í mismunandi heimshlutum.
Stærsta alþjóðlega verkefni Rot-
aryhreyfingarinnar sagði Charles
Keller vera ónæmisaðgerðir á böm-
um gegn lömunarveiki í þróunar-
löndunum. Hreyfingin hefði þegar
safnað 40 miHjónum dollara til þessa
verkefnis og hún myndi á þessu ári
safna 120 milljónum dollara til að
nota á næsta ári. Keller sagði verkef-
nið hafa gengið mjög vel og sýndi
ljóslega styrk hreyfingarinnar
Verkefni þetta er unnið í samvinnu
við alþjóða heilbrigðisstofnunina og
ýmis líknarfélög. Áfórmað er að
verkefni þessu sé lokið árið 2005
þegar hreyfingin verður 100 ára. Það
hefur gengið það vel að nú er einnig
farið að bólusetja við öðrum sjúk-
dómum.
Sig. Jóns.
ÖLLUM lóðunum á Meistara-
völlum, þar sem Bæjarútgerð
Reykjavíkur var áður til húsa,
var úthlutað í borgarráði í
gær. Alls var þarna um að
ræða 140 íbúðir, fjölbýlishús
og raðhús, og var þeim út-
hlutað til samtals 17 bygging-
armeistara.
Þeir aðilar sem fengu lóðir við
Meistaravelli voru Atli Eiríksson
hf. 6 íbúðir í fjölbýlishúsi og 4
raðhús, Guðjón Pálsson 8 raðhús,
Dögun sf. 6 raðhús, Böðvar Böð-
varsson 4 raðhús, Óskar og Bragi
sf. eitt fjölbýlishús og fyrirheit um
úthlutun á lóð fyrir annað. Fimm
aðilar, Amljótur Guðmundsson,
Haraldur Sumarliðason, Birgir R.
Gunnarsson sf., Húna sf., Jón
Hannesson hf. og Magnús G. Jens-
son fengu byggingarreit fyrir 3
fjölbýlishús með 27 íbúðum, Guð-
mundur Hervinsson fyrir 4 raðhús,
Hrafnkell Guðjónsson 2 raðhús,
Húsvirki hf. 5 raðhús, Haukur
Pétursson 12 íbúða fjölbýlishús og
Þórður Þórðarson 6 íbúða fjölbýlis-
hús.
íþróttafélagið Gerpla:
Flóamarkaður á Lækjartorgi
FIMLEIKAFÓLK í íþróttafélag-
inu Gerplu verður með flóamark-
að og kökubasar á Lækjartorgi
í dag, föstudag.
Á flóamarkaðnum verður ýmis-
legt á boðstólum, einnig verða
uppákomur s.s. fimleikastökk á
trampolíni. Þetta er 30 manna sýn-
ingarhópur sem stendur fyrir þessu
og er hópurinn að fara á Gymn-
aströdu í Danmörku 3.-14. júlí nk.,
en þar mæta til leiks 27 þjóðir með
um 25.000 þátttakendum.
Einnig var 61 íbúð í fjölbýli
úthlutað til Ármannsfells og sam-
taka aldraðra og er í því húsi gert
ráð fyrir þjónusturými sem
Reykjavíkurborg kostar, og mun
þjóna öldruðum íbúum í vesturbæ.
Byggingaraðilar þurf a að greiða
sem svarar tvöföldu gatnagerða-
gjaldi fyrir þessar lóðir, annars-
vegar gatnagerðagjaldið sjálft og
hinsvegar þann kostnað sem borg-
in hafði vegna kaupa á landinu
og niðurrifs.
Samtímis þessu var úthlutað í
Grafarvogi þijátíu íbúðum í fjöl-
býli og fímm í einbýli.
Fjórir til fímm hreppar
verða kaupstaðir í ár
ÚTLIT er fyrir að á þessu ári verði 5 hreppar
gerðir að kaupstöðum. Tveir hreppar hafa þegar
fengið kaupstaðarréttindi, Stykkishólmur og Eg-
ilsstaðir. Tveir til viðbótar, Mosfellssveit og
Hveragerði, öðlast kaupstaðarréttindi síðar á ár-
inu og í Borgarnesi er slíkt í athugun. Þessi
breyting kemur í kjölfar nýrra sveitarstjórnalaga
sem samþykkt voru á Alþingi fyrir rúmu ári. Með
þeim opnuðust hreppum leiðir til að öðlast kaup-
staðarréttindi á mun einfaldari hátt en áður var,
að uppfylltum vissum skilyrðum. í nýju Iögunum
er ennfremur gert ráð fyrir sameiningu þeirra
hreppa sem hafa innan við 50 íbúa og hvatt er
til sameiningar sveitarfélaga, þótt mannfleiri séu
en það. í samræmi við þessi ákvæði hafa nokkrir
hreppar sameinast eða eru með slíkt á döfinni.
Nú síðast sameinuðust allir fimm hreppar Austur-
Barðastrandarsýslu i einn, Reykhólahrepp.
Magnús Guðjónsson, fram-
kvæmdastjóri Sambands íslenskra
sveitarfélaga, sagði í samtali við
Morgunblaðið, að hreppar sem
hefðu haft yfir 1.000 íbúa samfellt
síðastliðin þijú ár og meirihlutinn
byggi í þéttbýli ættu rétt á kaup-
staðarréttindum. Áður hefði þurft
að setja lög fyrir sérhverri slíkri
breytingu, en nú þyrfti hreppsnefnd
viðkomandi hrepps aðeins að breyta
samþykkt um stjóm sveitarfélags-
ins og fá staðfestingu félagsmála-
ráðuneytis.
Magnús kvað 10 hreppa hafa
uppfyllt skilyrðin þegar lögin voru
sett. Egilsstaðir og Stykkishólmur
hafa þegar notfært sér þetta.
Ákveðið er, að Hveragerði fái form-
lega kaupstaðarréttindi 1. júlí
næstkomandi og Mosfellssveit 9.
ágúst. Hjá Borgameshreppi em
menn að velta þessum möguleika
fyrir sér, en Magnúsi var ekki kunn-
ugt um hvort hinir hreppamir sem
rétt hafa til væru með slíkar áætl-
anir á pijónunum. Þeir eru Miðnes-
hreppur (Sandgerði), Ölfushreppur
(Þorlákshöfn), Blönduóshreppur,
Hafnarhreppur (Höfn í Homafirði)
og Gerðahreppur (Garður). Sem
stendur er Mosfellshreppur lang-
fjölmennasti hreppur landsins að
sögn Magnúsar, en næst honum
kemur Borgameshreppur sem verð-
ur þá stærstur eftir 9. ágúst.
Kaupstaðirnir í annarri
skúffu í ráðuneytinu
Morgunblaðið hafði samband við
sveitarstjórana í Hveragerði og
Borgamesi og skrifstofustjóra Mos-
fellssveitar. Þeir vom sammála um
að hér væri um ákveðna þróun að
ræða sem eðlileg væri og halda
myndi áfram. Með nýju sveitar-
stjómalögunum væri stefnt að
auknu sjálfstæði stjómeininganna.
Aðspurðir um ávinninginn af því
að hljóta kaupstaðarréttindi nefndu
þeir aukið sjálfstæði, þar á meðal
möguleika á eigin sjúkrasamlagi,
bæjarbókasafni og jafnvel lögreglu,
og hugarfarsbreytingu annarra sem
og íbúanna sjálfra gagnvart staðn-
um. Kristján Jóhannesson, sveitar-
stjóri í Hveragerði, nefndi í því
sambandi gróskumeira atvinnulíf,
þar sem fyrirtæki litu frekar til
kaupstaða um staðsetningu en til
hreppa. Pétur Fenger, skrifstofu-
stjóri hjá Mosfellshreppi, sagði að
meðal annars væri sveitarfélagið
að leita eftir betri fyrirgreiðslu hjá
ráðuneytinu, en það virtist vera
önnur skúffa fyrir hreppana en
kaupstaðina þar. Gísli Karlsson,
sveitarstjóri í Borgamesi, taldi fyrst
og fremst um formbreytingu að
ræða sem breytti engu um tekjur
og gjöld sveitarfélagsins eða um
samstarf við önnur sveitarfélög.
Borgames væri stærra en margur
kaupstaðurinn og ætti því fremur
samleið með þeim en hreppunum.
Hann sagði ekkert ákveðið um
hvort Borgames muni sækja um
kaupstaðarréttindi. Ákvörðun um
það verði ekki tekin fyrr en í fyrsta
lagi í ágúst.
Hreppar sameinast
Margt er í bígerð um sameiningu
hreppa, í samræmi við ákvæði þar
um í nýju sveitarstjórnalögunum.
Þegar þau vora sett vora 17 hrepp-
ar með innan við 50 íbúa, að sögn
Magnúsar Guðjónssonar, fram-
kvæmdastjóri Sambands íslenskra
sveitarfélaga. í fyrra var Klofnings-
hreppi í Dalasýslu skipt á milli
tveggja nágrannahreppa, Fells-
strandarhrepps og Skarðshrepps.
Um áramótin sameinuðust Hróf-
bergshreppur og Hólmavíkurhrepp-
ur í Strandasýslu og nú síðast allir
fímm hreppar í Austur-Barða-
strandarsýslu undir nafni stærsta
hreppsins, Reykhólahrepps, en hinir
vora Geiradalshreppur, Gufudals-
hreppur, Flateyjarhreppur og
Múlahreppur, en aðeins tveir hinir
síðastnefndu vora undir stærðar-
mörkum.
Uppi era áætlanir um að Ketil-
dalahreppur og Suðurfjarðarhrepp-
ur í ísafjarðarsýslu sameinist og
þá líklega undir nafninu Bíldudals-
hreppur. Magnús sagði að hug-
myndir um sameiningu fleiri hreppa
væra til umræðu. Fólksfæsti hrepp-
ur landsins, Selvogshreppur í
Amessýslu, gæti sameinast Ölfus-
hreppi, FVóðárhreppur á Snæfells-
nesi Ólafsvíkurkaupstað og
Helgustaðahreppur í Suður-Múla-
sýslu Eskifirði svo dæmi séu tekin.