Morgunblaðið - 03.10.1987, Blaðsíða 26

26
MORGUNBLAÐIÐ, LAUGARDAGUR 3. OKTÓBER 1987
UPPSAGNIR í ORKUSTOFNUN
Verið að vinna skemmd-
arverk á stofnuninni
-segja starfsmenn
MIKILL kurr er í starfsmönnum
Orkustofnunar vegna uppsagna
18 starfsmanna. Helga Tulinius
formaður starfsmannafélags
Orkustofnunar segir að þessi nið-
urskurður horfi við starfsmönn-
um sem óskipulegur og
stefnulaus, skorið sé niður um
ákveðna tölu án þess að taka til-
lit til hvar niðurskurðurinn verði.
Hún segir að hann komi misilla
niður, þó sé ljóst að mjög stórt
seiðaeldisverkefni sem verið sé
að vinna að verði mjög illa úti,
svo og Háskóli Sameinuðu Þjóð-
anna. Aður hafi fækkað mest á
Vatnsorkudeild en nú séu flest
nöfnin úr Jarðhitadeild, sem hafi
verið stærst fyrir.
Helga sagði að á döfinni væri
að setja nefnd sem ætti að endur-
skoða alla starfsemi stofnunarinnar
og ætti hún að skila áliti sínu eigi
síðar en um mitt næsta ár. Hvort
þetta væri upphafíð á endalokunum
vissi hún ekki, en starfsmenn hefðu
fengið vilyrði fyrir því að fylgjast
með störftim nefndarinnar án þess
að eiga þar fulltrúa.
Starfsmenn hittu iðnaðarráð-
herra á miðvikudag. Að sögn Helgu
lofaði ráðherra að reyna að koma
í veg fyrir að fleirum yrði sagt upp
fyrir áramót. Bauð hann einnig
þeim starfsmönnum sem sagt hefði
verið upp, aðstoð við að fínna önnur
störf.
Um þá yfírlýsingu starfsmanna
að stjómarmenn ættu ákveðinna
hagsmuna að gæta sagði hún að
það væri ljóst að þeir Jónas Elísson
og Valdimar K. Jónsson ættu hags-
muna að gæta þar sem þeir væru
samkeppnisaðilar við Orkustofnun.
Þeir hefðu t.d. báðir kynnt starf-
semi Rannsóknarþjónustu Háskól-
ans, sem væri í samkeppni við
Orkustofnun.
Hagsmuna Jarðhita-
skólans ekki gætt
Ómar Bjarki Smárason jarð-
fræðingur og Brynjólfur Eyjólfsson
jarðeðlisfræðingur starfa við Há-
skóla SÞ á vegum Orkustofnunar
en hefur nú verið sagt upp. Þeir
sögðu að það kæmi mjög illa niður
á skólanum. Hagsmuna hans hefði
ekki verið gætt, því þeim sem ynnu
að söluverkefnum til tekjuöflunar
fyrir skólann hefði verið sagt upp.
Þá kæmi þetta mjög illa niður á
nemendum skólans sem misstu sína
leiðbeinendur og fengju tæplega
aðra í staðinn. Brynjólfur sagði að
hann hefði undanfarin fjögur ár
starfað nær eingöngu við jarðhita-
skólann sem starfsmaður jarðhita-
deildar. Margir starfsmenn
Orkustofnunar væru kennarar við
skólann. Hann tók sem dæmi að
hann hefði hingað til séð um tölvu-
mál skólans. Með því að segja sér
upp teldi hann að staða sín hefði
verið lögð niður þar sem honum
vitanlega væri enginn til að taka
við.
Þeir sögðu það furðulega ákvörð-
un að segja upp starfsmönnum á
grundvelli fjárlaga sem ekki hafa
verið lögð fyrir Alþingi. Einnig
sætti það furðu að þetta skyldi
koma niður á Háskóla SÞ þar sem
hann væri fjármagnaður með fé frá
utanríkisráðuneytinu og væri fjár-
hagslega óháður Orkustofnun.
„Við erum ósammála þeim orðum
Jakobs Björnssonar orkumálastjóra
í Morgunblaðinu þess efnis að verk-
efni Orkustofnunar hefðu dregist
saman. Samdrátturinn er í fjár-
framlögum, ekki verkefnum,
íslenskur orkumarkaður er ekkert
minni en fyrir nokkrum árum. Við
teljum enga ástæðu fyrir uppsögn-
unum nema þá að verið sé að gæta
hagsmuna keppinauta stofnunar-
innar. Það er verið að gera Orku-
stofnun óstarfhæfa, verið að vinna
skemmdarverk á stofnuninni",
sögðu þeir.
Hvað tæki við vissu þeir ekki. Á
meðan fólk vissi ekki rétt sinn og
verið væri að kanna hann þá gerð-
ist ekkert í málinu. Þeir bjuggust
þó við að nýta sér þá aðstoð sem
iðnaðarráðherra hefði boðið.
Hverfum frá ókláruð-
um verkefnum
Guðmundur Ingi Haraldsson og
Gunnar V. Johnsen eru tveir þeirra
starfsmanna Jarðhitadeildar Orku-
í AUSTORSTRÆTI
Opið til
kl. 16 í dag.
í sláturtið:
5 slátur í kassa
1.190
.00
2 kg. Rúgmél
Verð frá kr.
49-#0
Kynnum
Campbellsúpur
í dag.
stofnunar sem sagt hefur verið upp
störfum. Guðmundur Ingi er jarð-
fræðingur og hefur 14 ára starfs-
aldur að baki hjá stofnuninni,
Gunnar er verkfræðingur og hefur
unnið hjá Orkustofnun síðastliðin
12 ár.
Þeir Gunnar og Guðmundur Ingi
sögðu að 18 manns hafi þegar ver-
ið sagt upp og fyrir liggi að ekki
verði ráðið í stöður 10 annarra sem
láta munu af störfum hjá stofnun-
inni á næstu mánuðum. Því standi
í raun til að fækka starfsmönnum
um í kringum 25%, ekki 15% eins
og fram hefði komið hjá forsvars-
mönnum stofnunarinnar. Þá nefndu
þeir félagar að tvisvar á undanföm-
um ámm hafi rekstur stofnunarinn-
ar verið tekinn til endurskoðunar
og í bæði skiptin hafi meginniður-
staðan orðið sú að fjölga yfirmönn-
um. Engum yfírmanni hafi hins
vegar verið sagt upp núna þótt svo
stórkostleg fækkun almennra
starfsmanna stæði fyrir dyrum.
Guðmundur Ingi sagði einnig að
flestir þeirra 11 starfsmanna Jarð-
hitadeildar sem nú missi störf sín
hafí unnið við útseld verkefni sem
skilað hafi stofnuninni tekjum til
dæmis við leit að heitu og köldu
vatni fyrir hitaveitur og fiskeld-
isstöðvar. Vafasamt væri að stofn-
unin gæti sinnt slíkum verkefnum
eftir niðurskurðinn.
Gunnar og Guðmundur Ingi
sögðust ekki hafa fundið fyrir verk-
efnaskorti hjá Jarðhitadeild, menn
hafí einkum unnið að rannsóknum
og gagnasöfnun yfir sumarmánuð-
ina en notað veturinn til að vinna
úr gögnum eftir því sem tími hefði
verið til. Enn sé mikið starf óunnið
við slíka úrvinnslu og að nú blasi
við að aldrei verði unnið úr niður-
stöðum margra þýðingarmikilla
rannsókna sem gerðar hafi verið á
undanfömum árum.
Guðmundur Ingi og Gunnar segj-
ast ekki vera bjartsýnir á að fá starf
þar sem menntun þeirra og sér-
þekking nýtist. Orkustofnun sé
ásamt Háskólanum langstærsti
vinnuveitandi jarðvísindamanna og
störf liggi ekki á lausu.
Unnið óbætanlegt tjón
Elsa Vilmundardóttir jarðfræð-
ingur á Vatnsorkudeild sagði um
uppsagnirnar: „Þær hafa lamandi
áhrif á okkur sem eftir sitjum, og
koma illa niður á deildinni. Núna
var níu manns sagt upp og við lítum
svo á að hér hafi verið unnið óbæt-
anlegt tjón. Eg held að starfmönn-
um þessarar stofnunar sé annt um
hana og það sem hér fer fram“.
Sagt upp eftir meira en
20 ára starf
Ingunn Sigurðardóttir og Erla
Kristjánsdóttir eru tækniteiknarar
hjá Orkustofnun. Ingunn hefur
starfað hjá stofnuninni í 23 ár,
Erla í 20 ár. I gær barst þeim upp-
sagnarbréf, og verða stöður þeirra
lagðar niður frá áramótúm. „Það
lítur alls ekki vel út með aðra vinnu
fyrir okkur“,segir Erla, „stutt er
síðan tækniteiknurum hjá RARIK
var fækkað og hörð samkeppni er
um hvert starf sem býðst.“ Tækni-
teiknarar Orkustofnunar eru sex,
fimm konur og einn karl, Ingunn
og Erla missa vinnuna og auk þeirra
nokkrir aðrir félagsmenn í BSRB.
Þær sögðust telja að þær ættu,
samkvæmt samningum, rétt á laun-
um í allt að 12 mánuði og ætla þær
að leita réttar síns í samráði við
BSRB.„Hér hafa allir haft nóg að
starfa og uppsagnirnar komu flatt
upp á mann þótt við höfum vitað
að stjórnarsáttmálinn gerði ráð fyr-
ir að starfsemin hér yrði skorin
niður", sögðu þær Ingunn Sigurðar-
dóttir og Erla Kristjánsdóttir.
„Framkvæmdir hefj-
ast vonandi í haust“
- segir aðstoðarmaður samgönguráðherra
„VANDINN sem við er að glíma í Mosfellsbæ er í raun tvíþættur.
Það er annars vegar framtíðarskipulag Vesturlandsvegar og svo
hins vegar öryggisráðstafanir við núverandi aðstæður,“ sagði Hreinn
Loftsson, aðstoðarmaður samgönguráðherra. Hann sagði að bæði
framkvæmdavaldið og fjárveitingavaldið yrði að leggjast á eitt svo
unnt yrði að hefja nauðsynlegar framkvæmdir.
„Hvað varðar skipulag Vestur- nokkum tima að koma t.d. Vestur-
landsvegar hefur samgönguráðherra
átt í viðræðum við forsvarsmenn
Vegagerðarinnr frá því í sumar, en
eins og fram hefur komið hyggst
hann beita sér fyrir átaki í samgöngu-
málum á höfuðborgarsvæðinu í ljósi
þeirrar gífurlegu umferðaraukningar
sem orðið hefur á undanfömum
tveimur til þremur ámm. Það er þó
ljóst að það kostar mikið fé og tekur
landsvegi í endanlegt horf. Það er
einnig verkefni sem þarf að koma inn
í vegáætlun.
Hvað varðar síðara atriðið, þ.e.
aukið öryggi við núverandi aðstæður,
þá hefur Vegagerðin átt í viðræðum
við bæjaryfirvöld frá því snemma í
haust, eða bytjun september, og einn-
ig hélt ég fund hér í ráðuneytinu um
miðjan september með Salóme Þor-
-s