Morgunblaðið - 03.10.1987, Blaðsíða 36

36
/
MORGUNBLAÐIÐ, LAUGARDAGUR 3. OKTÓBER 1987
Fjórðungssjúkrahús Akureyrar:
Morgunblaðið/GSV
Röntgendeild sjúkrahússins flytur i þetta nýja hús 1989.
Auglýsir eftir starfs-
fólki í þýskum blöðum
Fjórðungssjúkrahús Akureyrar
hyggst á næstu dögtun auglýsa
eftir hjúkrunarfræðingum i þýsk-
um dag- og fagblöðum. Halldór
Jónsson framkvæmdastjóri FSA
sagði í samtali við Morgunblaðið
að mannekkla væri alltaf einhver
á sjúkrahúsinu, þó mismikil hveiju
sinni.
„Það vantar alltaf hjúkrunarfræð-
inga til starfa hér auk þess sem
okkur vantar tvo til þijá sjúkraþjálf-
ara í viðbót við þann eina sem við
höfum, en sérstaklega hefur gengið
erfíðlega að fá þá til starfa. Mikifi
er búið að reyna bæði hér innanlands
og erlendis, en lítið gengið auk þess
sem þetta er oft þungt í vöfum.
Umsókn barst um daginn frá Suður-
Afrískri stúlku sem var þá stödd í
Englandi og vildi koma hingað sem
sjúkraþjálfari, en þegar allir pappírar
voru loks tilbúnir, hætti hún við,“
sagði Halldór.
Hann sagði að sjúkrahúsið hefði
auglýst mikið eftir sjúkraþjálfurum
í enskum blöðum og einnig hefði
verið leitað til Norðurlandanna eftir
hjúkrunarfræðingum. Næsta skrefíð
væri því að vita hvort þýskir hjúk-
runarfræðingar sýndu áhuga. „Við
höfum haft nokkra hjúkrunarfræð-
inga frá Norðurlöndunum í störfum
hér, ungt fólk sem er að sjá sig um
í heiminum og hefur það allt nýst vel
í vinnu. Gallinn er hinsvegar sá
hversu stutt þeir stoppa.“ Sjúkrahú-
sið býður í auglýsingum sínum
erlendis fríar ferðir báðar leiðir til
og frá landi, ráði viðkomandi sig í
eitt ár, en aðeins fría aðra ferðina,
ráði viðkomandi sig í hálft ár. Þá
reynir sjúkrahúsið að vera erlendum
starfsmönnum sínum innan handar
með húsnæði, en tekur ekki þátt í
að greiða leigu.
Halldór sagði að svokölluð at-
vinnuauglýsingablöð væru heppileg-
ust erlendis þar sem þeir, sem væru
á annað borð í atvinnuleit, keyptu
þau yfírleitt. Hinsvegar skiluðu aug-
lýsingamar í dagblöðunum sér oft á
tíðum betur en þær sem færu inn í
fagblöðin.
NÝJAR BÆKUR NÝJAR B4EKUR NÝJAR BÆKUR NÝJAR BÆKUR NÝJAR BÆKUR
Röntgendeild FSA:
Útboð á frá-
gangi innanhúss
ÚTBOÐ verður auglýst innan
skamms í innréttingar og inn-
anhússfrágang við nýja rönt-
gendeild Fjórðungssjúkrahúss
Akueyrar. Kostnaðaráætlun
hljóðar upp á 35 til 40 milljón-
ir króna og er þá ekki talinn
kostnaður við tæki og búnað
sem gert er ráð fyrir að nemi
60 niiiyónum króna.
Áætlað er að deildin verði full-
búin fyrri hluta árs 1989, að sögn
Halldórs Jónssonar fram-
kvæmdastjóra FSA, en flutt
verður inn í hluta húsnæðisins
um áramótin ’88/’89. Byggingin
er hátt í 1.200 fermetrar að
stærð. Röntgentæknar búa nú
við þröngan kost á annarri hæð
í gömlu byggingu sjúkrahússins
og hefur röntgendeildin verið þar
til húsa síðan sú bygging var
tekin í notkun 1953.
Skátafélagið Klakkur:
Innritun hefst á morgnn
Fálkafellsveisla haldin í kvöld
INNRITUN hjá skátafélaginu
Klakki hefst á morgun, sunnu-
dag. í félaginu eru starfandi 360
börn og unglingar á öllum aldri.
Skátastarfið býður upp á ýmis
verkefni, jafnt úti sem inni allan
ársins hring.
Innritunin fer fram milli kl.
14.00 og 17.00 á morgun í skáta-
heimilinu Hvammi, Hafnarstræti
49, skátaheimilinu Völubóli Helga-
magrastræti 17, í kjallara Lunda-
skóla og í Síðuskóla. Auk þess er
hægt að hringja í síma 26894 og
21812 á sama tíma. Þá verður
tekið á móti umsóknum á skrif-
stofu félagsins í Hvammi alla
næstu viku milli kl. 17.00 og 19.00.
í kvöld verður hin árlega Fálka-
fellsveisla haldin í tilefni vígslu
nýrra dróttskáta að vanda. Einnig
verður Fálkafell formlega opnað
fyrir útilegur í vetur. Veislan verð-
ur með hefðbundnum hætti og
hefst við Pásustein kl. 20.15.
Nýr söngstjóri
í Glerárkirkju
Askell Jónsson hættir eftir 42 ára starf
ÁSKELL Jónsson lætur af störf-
um söngstjóra og organista í
Glerárkjrkju á morgun, sunnu-
dag. Áskell hefur starfað
samfellt í sókninni í 42 ár, en
auk starfs hans þar hefur hann
samið fjölda laga við ljóð mætra
manna.
Sonur Áskels, Jón Hlöðver, hef-
- ur starfað við hlið föður síns
síðastliðin tvö ár. Þeir feðgar láta
báðir af störfum og við tekur Jó-
hann Baldvinsson sem nýkominn
er heim frá námi í Þýskalandi.
Hátíðarguðsþjónusta verður í
Glerárkirkju á morgun kl. 14.00
og munu þar allir þrír organistam-
ir og söngstjóramir koma við sögu.
Eftir guðsþjónustuna verður síðan
sérstök hátíðarsamvera í kirkjunni
til heiðurs Áskeli og konu hans,
Sigurbjörgu Hlöðversdóttur. Kven-
félagið Baldursbrá annast kaffi-
veitingar og eru bæjarbúar hvattir
til að fjölmenna við þetta tækifæri.
TVær nýjar bækur
Gerist áskrifendur það borgar sig, tvær bækur í mánuði
kosta aðeins kr. 550. Hringið í áskriftarsíma 96-24966.
NÝJAR BÆKUR NÝJAR BÆKUR NÝJAR BÆKUR NÝJAR BÆKUR NÝJAR BÆKUR