Morgunblaðið - 03.10.1987, Blaðsíða 47
MORGUNBLAÐIÐ, LAUGARDAGUR 3. OKTÓBER 1987
47
Frá starfsnámskeiði í Þrúðvangi, húsi starfsmannafélags Álafossverksmiðjanna. Morgunbiaðið/KGA
Starfsnám fyrir ófaglærða
í fata- og trefjaiðnaði
Markar tímamót, segja aðstandendur
í kjarasamningum 6. desember
1986 var undirritað sérstakt sam-
komulag, milli Landssambands
iðnverkafóiks annars vegar og
Vinnuveitendasambands Islands,
Vinnumálasambands samvinnu-
félaganna og Félags íslenskra
iðnrekenda hins vegar, um
starfsnám fyrir ófaglœrða í fata-
og trefjaiðnaði. Öllum núverandi
starfsmönnum f þessum iðnaði,
sem eru fimmtán hundruð til tvö
þúsund talsins, gefst kostur á
þessu námi.
Markmið sam-
komulag’sins
Meginmarkmið samkomulagsins
um starfsnámið er að starfsmennim-
ir öðlist betri verkkunnáttu og
þekkingu í starfi sem auki afköst
þeirra og bæti vörugæði. Auk þess
á námið að stuðla að auknum áhuga,
öryggi og vellíðan starfsfólksins, svo
og bættum kjörum þess.
Samkvæmt samkomulaginu er
starfsnámið i þrennu lagi: f fyrsta
lagi sérstök námskeið fyrir starfs-
þjálfara í fyrirtækjum sem sjái um
starfsþjálfun núverandi starfsmanna
og nýliða. í öðru lagi námskeið fyrir
núverandi almennt starfsfólk og í
þriðja lagi námskeið fyrir nýliða.
Væntanlegir starfsþjálfarar sækja
átta vikna námskeið sem fer fram
á átta mánaða tímabili þannig að
þátttakendur starfa í fyrirtækjum á
milli námskeiðshluta.
Námskeið utan
vinnutíma
Samkvæmt samkomulaginu sækir
núverandi almennt starfsfólk 40
stunda námskeið utan vinnutfma.
Námskeiðið skiptist í níu fjögurra
kennslustunda einingar sem eru:
Samvinna og samskipti á vinnustað,
aðbúnaður, hollustuhættir og öryggi
á vinnustað, líkamsbeiting og vinnu-
tækni, gæðaeftirlit og vöruvöndun,
notkun og meðferð tækja, efnis-
fræði, vinnumarkaðurinn, réttindi
og skyldur, launakerfi í fata- og
vefjariðnaði og hagræðing og skipu-
lag vinnustaðar.
I framhaldi af námskeiðinu er
gert ráð fyrir að hver starfsmaður
fái tveggja daga verklega þjálfun
sem starfsþjálfarar fyrirtækjanna
munu annast með aðstoð sérfræð-
inga.
Samkvæmt desembersamkomu-
laginu eiga nú allir nýliðar í fata-
og veíjariðnaði að fá fimm vikna
þjálfun áður en þeir hefja reglubund-
in stöf í iðnaðinum. Þjálfunin hefst
með bóklegu og verklegu grunnnámi
og í framhaldi af því fá nýliðar
þriggja vikna starfsþjálfun.
Leitað verður til Iðnskóians í
Reykjavík og Verkmenntaskólans á
Akureyri um kennslu í saumaiðnaði
og ef til vill fleiri greinum en ann-
ars fer fræðslan fram í fyrirtækjun-
um sjálfum. Gert er ráð fyrir að
nýliðar hafi náð 60% afköstum þeg-
ar þjálfun lýkur.
Sérstakt nám-
skeiðsálag
Samkomulagið kveður á um að
starfsmaður í fata- og vefjariðnaði,
sém lokið hefúr starfsþjálfun, skuli
fá sérstakt námskeiðsálag sem nú
er 1574 krónur á mánuði. Enn frem-
ur getur námið leitt til óbeinna
kjarabóta vegna bættrar nýtingar
hráefnis og meiri vörugæða.
Fyrirtækin í fata- og vefjariðnaði
munu bera hluta af kostnaði vegna
starfsnámsins en leitað verður eftir
fjárhagslegum stuðningi hjá At-
vinnuleysistryggingasjóði, Iðnlána-
sjóði, Iðnþróunarsjóði og ríkissjóði.
Fræðslumiðstöð iðnaðarins og
Trefjadeild Iðntæknistofnunar ís-
lands hafa séð um allan undirbúning
og framkvæmd þeirra tveggja þátta
starfsnámsins sem þegar er byijað
á. Þeir eru námskeið starfsþjálfara
sem hófst í maí síðastliðnum og
námskeið fyrir núverandi almennt
starfsfólk sem byijað var á 1. sept-
ember síðastliðinn.
Samkomulagið mark-
ar tímamót
Þeir sem standa fyrir starfsnám-
inu segja að enda þótt kauphækkun
vegna námsins sé ekki mikil í krón-
um og aurum, megi hiklaust fullyrða
að þetta samkomulag, Landssam-
bands iðnverkafólks og VSÍ, VMSS
og FÍI, marki tímamót í iðnaði hér
á landi. Með samkomulaginu sé lagð-
ur grundvöllur að sérþjálfun alls
verkafóiks í fjölmennri grein verk-
smiðjuiðnaðar.
Ennfremur binda þeir vonir við
að þetta starfsnám leiði síðar til
þess að fyrir starfsmönnum í fata-
og vefjariðnaði opnist námsbraut til
viðurkenndra fagréttinda í greininni,
svipað og gerðist í kjarasamningum
starfsmanna í húsgagnaiðnaði.
Menn hafi nú áttað sig á því að
þrátt fyrir undur og stórmerki tækn-
innar, vegi lóð manneskjunnar alltaf
þyngst í árangri fyrirtækjanna.
ALLT I
HELGARMATINN!
Rauðvínslegin lambalæri.
Kryddlegin lambalæri
og sérlega meyrt og Ijúffengt
lambakjöt sem þið getið
kryddað eftir eigin smekk.
-Náttúruafurð
sem bráðnar uppi í manni.
HAGKAUP
SKEIFUNNI KRINGLUNNI KJORGARÐI
AKUREYRI NJARÐVÍK