Morgunblaðið - 03.10.1987, Blaðsíða 12

Morgunblaðið - 03.10.1987, Blaðsíða 12
12 MORGUNBLAÐIÐ, LAUGARDAGUR 3. OKTÓBER 1987 4- OSTYRILÆTIOG FAGUN Myndlist Bragi Ásgeirsson Ekki verður annað sagt, en að unga kynslóðin sæki stíft á íslenzkan myndlistarvettvang. Einkasýningar fulltrúa hennar eru tíðar ekki síður en þátttaka í hinum ýmsu samsýningum og þannig bendir allt til þess, að þeir telji sig hafa eitthvað að leggja til málanna og ástæðu til að slá í borðið. Það er allt af hinu góða og eink- um, ef þeir sleppa heilskinnaðir úr þeim miklu átökum, sem til- heyra sýningartilstandi í okkar litla þjóðfélagi. Hins vegar er Reykjavík hvorki Berlín né París ellegar London eða Amsterdam, Köln eða Zurich, heldur einfaldlega smáborg á hjara veraldar, sem gríðarlegir listrænir vaxtarverkir hrjá. Of- framboð á sýningum hefur valdið síminnkandi aðsókn á undanförn- um árum og víst er, að það er ekki lengur neitt ævintýri að fara á opnanir sýninga, því að þær geta verið allt að 5 á svipuðum tíma. Pyrir vikið fara ýmsar ágætar sýningar hjá án þess að vekja verðskuldaða athygli, en aðrar lítilsgildari njóta þess kannski að koma á réttum tíma, er fjölmiðl- arnir taka við sér. Það gera þeir reglulega en á milli gætir eðlilega þreytu líkt og hjá mannfólkinu, sem ætlast er til að komi og skoði í gullakistu listagyðjunnar. Á Kjarvalsstöðum er líf og fjör á veggjunum um þessar mundir, auk þess sem gólfflötinn prýða einnig tilfaliandi listaverk. í vestri sal sýna þrjár listspírur núlistum vígðar, sem allar eiga það sameig- inlegt að hafa stundað nám við MHI á árunum 1975—79 og vera á iíku reki, en annar er skyidleik- inn ekki, a.m.k. ekki sá listræni. Unga fólkið hefur skipt sýning- unni í þrjá afmarkaða hluta og í hinum fyrsta, er blasir við skoð- andanum##er inn er komið, sýnir Björg Örvar fyrirferðarmikil listaverk. Hún hélt námi áfram í Bandaríkjunum á árunum 1981—83 og hélt þar eina einka- sýningu áður en hún sneri á heimaslóðir. Hefur haldið einka- sýningar í Gallerí Borg og í Nýlistasafninu auk sýninga úti á landi og í útlandinu. Það að koma inn í hluta Bjargar leiddi huga minn að því er ég leit nýbylgjumálverkið fyrst augum á sýningunni „Westkunst" í Köln Deutsch fyrir liðlega fimm árum. Þetta er nú ein aðferðin, sem einkenndi nýbylgjumálverkið og ekki dugir ferhyrndi, sígildi flötur- Frá undirbúningi sýningarinnar f Vestursal Kjarvalsstaða, Jón Axel Björnsson t.h. inn einn hér frekar en hann gerði hjá byltingarseggjunum í Kðln, því að ýmis afbrigði vaxa út frá honum líkast framlengingu til- finningaflæði gerandans. Þannig var hráa málverkið upp- runalega, en þróaðist á ýmsa vegu á því skamma tímaskeiði, sem markaði blómaskeið þess, og hlýt- ur því iistakonan að teljast full- gildur fulltrúi stefnunnar í íslenzkri myndlist. í stuttu máli er hér á ferð óheft tilfinningagos, þar sem gerandinn hefur ekki hinar minnstu áhyggj- ur af því, hvort útkoman hreyfi við fegurðartilfínningu samtímans — komi það sem koma skal... í miðhlutanum sýnir Valgarð- ur Gunnarsson 21 málverk af allt öðrum og agaðri toga. Valgarður stundaði einnig framhaldsnám i Bandaríkjunum og hefur haldið þrjár einkasýning- ar í Reykjavík auk þátttöku í farandsýningunni „Miklatún — Manhattan" á vegum norrænu listamiðstöðvarinnar 1986. Valgarður varð auðsjáanlega fyrir miklum áhrifum í Banda- ríkjunum og vöktu myndir, er hann sýndi eftir heimkomuna, strax drjúga athygli fyrir sérstæð „artistísk" vinnubrögð. Þessi vinnubrögð hefur Val- garður þróað staðfastlega allar götur síðan, en þó má kenna ýmissa breytinga, en þó engin stökk á milli myndstfla þótt hann vinni í senn fígúratívt og óhlut- lægt. Yfirleitt hefur Valgarður látið sér nægja að vinna í litlum stærðum og það virðist hafa hent- að honum ágætlega til þessa og það álit mitt breytist ekki eftir skoðun framlags hans — hinar minni myndir eru þannig undan- tekningarlítið sterkari og agaðri í byggingu, þótt myndirnar pSvartur skór" (10) og „Bormenn Islands" (12) séu athyglisverð verk og gefi til kynna listamann í markvissri gerjun. Þótt verk Valgarðs kunni að orka á marga íhaldssamari en félaga hans, þá vinnur hann sum- ar myndirnar þannig, að þær minna sterklega á Neo-Geo-stefn- una, sem er einmitt það, sem virðist vera ofán á í Evrópu í augnablikinu. Yst í salnum sýnir svo J6n Axel Björnsson 9 málverk og einn voldugan skúlptúr. Gangstætt félögum sínum lét Jón Axel sér nægja námið við MHÍ, en hefur hins vegar málað af miklum krafti hér heima og sá kraftur virðst frekar færast í auk- ana en hitt. Hann hefur haldið þrjár einka- sýningar, sem allar hafa vakið athygli og einkum sú fyrsta, sem var í Ásmundarsal árið 1982, en þar kvaddi hann sér hljóðs á eftir- minnilegan hátt. Auk þess tekið þátt í samsýningum hér heima, Svíþjóð og Frakklandi. Jón Axel er ekki hræddur við stærðirnar og virðist koma einfaldri form- hugsun sinni í öflugan búning jafnt á stóran sem smáan flöt. Þannig kemst hann vel frá hinni risastóru mynd „Til einka- nota" (6), sem líkist þó einna helst sviðsmynd í leikhúsi og mynd hans „Andartaksþögn" (5) tel ég toppinn á allri samanlagðri sýn- ingunni, eins konar þrumuskot í bláhornið. Tilraun hans í skúlptúrnum er og alirar virðingar verð, þótt ég meti málverkin meira. Dregið saman í hnotskurn þá kynnir þessi umbrotaríka samsýn- ing gjörólíkar stefnur, sem ofar- lega hafa verið á baugi í núlistum heimsins og náð hafa að festa rætur hér. Jafnframt þrjá lista- menn af yngri kynslóð, sem eru að hamast við að greina þær og yfirfæra á íslenzkan vettvang — en enn sem komið er með misjöfn- um árangri. LISTRÆNT HANDVERK í vestri gangi Kjarvalsstaða sýnir Katrin H. Ágústsdóttir 52 vatnslitamyndir og stendur sýn- ingin til 11. október. Katrín hefur áður sýnt vatnslitamyndir sínar á þessum stað, sem hún virðist hafa tekið ástfóstri við. Það eru nokkur ár síðan Katrín sneri sér að vatnslitatækninni eft- ir að hafa um árabil unnið í batik og kjólahönnun. Vatnslitatæknin er mjög ólík batíktækninni svo að þetta var allstórt stökk hjá Katrínu, en á fyrstu sýningum hennar komu þó fram ótvíræðir hæfileikar í sum- um myndanna og einnig mátti merkja framfor í þeim næstu. En ávallt hefur það verið svo, að nokkrar myndir hafa tekið öðrum langt fram á sýningum hennar og á því hefur ekki orðið nein breyting, sé tekið mið af þeirri, er nú stendur yfir. Morgunblaíið/KG Katrin H. Ágústsdóttir við mynd sina „Öræfaslóð". Katrín virðist vera nokkuð hik- andi við að færast mikið í fang, hvort heldur það er beislun ein- faldleikans eða hins fjölþætta. Vatnslitatæknin er mjög kröfu- hörð og vandmeðfarin, svo sem allir vita, sem nálgast hafa hana — kostar miklar yfirlegur og ná- kvæmni í vinnubrögðum, vilji viðkomandi ná vaidi á henni. Þess hef ég áður vísað til varð- andi sýningar Katrínar, og það er einungis skólabókardæmi að benda á þær myndir, er búa yfir mestri tæknilegri ögun ásamt list- rænustu útfærslunni. Nefni ég hér til áréttingar myndir eins og „Jarðrask" (9), „Skógarlind" (10), „Fjalladalur" (23), „Garðsbrot" (34) og „Skógarkjarr" (43). Þá eru meiri átök í myndinni „Sumar á Suðurlandi" (4) en í öðrum á sýningunni og í myndinni „Fjalla- sýn" (51) er efri helmingurinn kannski betur málaður en nokkuð annað á sýningunni, en það er sá neðri ekki. Sýningin bendir sterklega til þess, að Katrín þurfi að stokka upp spilin og athuga sinn gang, því að hún getur gert svo miklu betur að mínu mati. En að öðru leyti er ekkert við því að segja ef slík léttvæg nostursvinnubrögð fullnægja listrænum metnaði hennar. Kvenfélag Háteigs- sóknar með kökubasar KVENFÉLAG Háteigssóknar heldur árlegan kökubasar sinn í Blómavali við Sigtún, laugardag- inn 3. október og hefst hann kl. 10 árdegis. Eins og flestum hér í borginni er kunnugt er unnið að gerð altaris- myndar í kór Háteigskirkju. Hefir Kvenfélag Háteigssóknar kostað alla vinnu og tillögur listamanna til þessa, en aðalvinnan við gerð mósaíkmyndarinnar er enn eftir og mun kosta mikið fé. Kvenfélagið hefir tekið að sér að greiða alla þá vinnu. Ágóði af sölu á kökubasarnum í Blómavali á laugardaginn rennur til þessa verkefnis. Vel væri, að sem flestir styrki Kvenféiag Háteigs- Haf steinn Austmann sýn- ir í Galleríi íslensk list sóknar í þessu verkefni með því að kaupa ágætar kökur, sem félags- konur hafa Iagt til á basarinn. Frá prestum Háteigskirkju. HAFSTEINN Austmann opnar á laugardag 3. okóber, sýningu á 30 vatnslitamyndum i GaUerii íslensk list. Myndirnar á þessa sýningu eru unnar síðustu þrjú árin. Hafsteinn er fæddur árið 1934. Hann stundaði nám við Myndlista- skólann í Reykjavík og síðar í Myhdlista- og handíðaskóla Islands. Hann dvaldi síðan einn vetur í París þar sem hann stundaði nám við Akademi de la Grande Chaumier. í París bauðst honum að taka þátt í sinni fyrstu samsýningu með hin- um virta listahóp Realites Nouvelles árið 1955. Ári síðar fluttist hann til íslands og hélt sína fyrstu einka- sýningu í Listamannaskálanum árið 1956. Hafsteinn hefur tekið þátt í fjölda samsýninga hérlendis sem erlendis og einkasýningar hans eru nú orðnar 14. Myndir Hafsteins eru afstrakt- Haf steinn Austmann við uppsetningu verka sinna. myndir og hefur hann unnið jöfnum höndum með vatnslitum, akrýllitum og olíulitum. Á þessari sýningu verða þó eingöngu sýndar vatnslita- myndir. Sýningin stendur f þrjár vikur og er opin virka daga frá klukkan 9 til 17, en um helgar er hún opin milli klukkan 14 og 16.
Blaðsíða 1
Blaðsíða 2
Blaðsíða 3
Blaðsíða 4
Blaðsíða 5
Blaðsíða 6
Blaðsíða 7
Blaðsíða 8
Blaðsíða 9
Blaðsíða 10
Blaðsíða 11
Blaðsíða 12
Blaðsíða 13
Blaðsíða 14
Blaðsíða 15
Blaðsíða 16
Blaðsíða 17
Blaðsíða 18
Blaðsíða 19
Blaðsíða 20
Blaðsíða 21
Blaðsíða 22
Blaðsíða 23
Blaðsíða 24
Blaðsíða 25
Blaðsíða 26
Blaðsíða 27
Blaðsíða 28
Blaðsíða 29
Blaðsíða 30
Blaðsíða 31
Blaðsíða 32
Blaðsíða 33
Blaðsíða 34
Blaðsíða 35
Blaðsíða 36
Blaðsíða 37
Blaðsíða 38
Blaðsíða 39
Blaðsíða 40
Blaðsíða 41
Blaðsíða 42
Blaðsíða 43
Blaðsíða 44
Blaðsíða 45
Blaðsíða 46
Blaðsíða 47
Blaðsíða 48
Blaðsíða 49
Blaðsíða 50
Blaðsíða 51
Blaðsíða 52
Blaðsíða 53
Blaðsíða 54
Blaðsíða 55
Blaðsíða 56
Blaðsíða 57
Blaðsíða 58
Blaðsíða 59
Blaðsíða 60
Blaðsíða 61
Blaðsíða 62
Blaðsíða 63
Blaðsíða 64

x

Morgunblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Morgunblaðið
https://timarit.is/publication/58

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.