Morgunblaðið - 15.10.1987, Qupperneq 17

MORGUNBLAÐIÐ, FIMMTUDAGUR 15. OKTÓBER 1987
17
Nefnd kann-
ar laun karla
og kvenna
Forsætisráðherra hefur skip-
að framkvæmdanefnd um sér-
staka samanburðarkönnum á
launum karla og kvenna í fram-
haldi af athugunum á tekjum
karla og kvenna, sem unnar hafa
verið i Þjóðhagsstofnun á grund-
veili skattgagna.
Nefndina skipa Hallgrímur
Snorrason, hagstofustjóri, sem
jafnframt er formaður nefndarinn-
ar, Esther Guðmundsdóttir, þjóð-
félagsfræðingur, tilnefnd af
félagsmálaráðherra að fenginni til-
lögu Jafnréttisráðs og Sigurður
Snævarr, hagfræðingur, tilnefndur
af Þjóðhagsstofnun.
í fréttatilkynningu segir að verk-
efni þessarar framkvæmdanefndar
sé að hafa yfírumsjón með úrtaksat-
hugun sem gerð verði í því skyni
að leiða í ljós, svo sem kostur er,
hvort eða í hvaða mæli sé munur
á launum eftir kynjum og ef svo sé,
í hveiju hann felist fyrst og fremst
og hveijar séu helstu skýringar
hans.
Framkvæmdanefndinni er falið
að hefjast nú þegar handa við að
undirbúa þessa athugun og skal
nefndin leggja tímasetta verk- og
kostnaðaráætlun fyrir ráðuneytið
eigi síðar en 30. nóvember næst-
komandi.
BHM heldur
ráðstefnu um
einstaklingínn
og samfélagið
BANDALAG háskólamanna efn-
ir til ráðstefnu næstkomandi
laugardag, 17. október, i Odda,
húsi félagsvisindadeildar Há-
skóla íslands, og hefst ráðstefn-
an kl. 10 árdegis.
Yfirskrift ráðstefnunnar er Ein-
staklingur og samfélag. Framsögu-
menn eru 5 talsins og munu þeir
ræða efnið frá ýmsum hliðum. Sig-
urður Öm Steingrímsson, guð-
fræðingur og dósent við guðfræði-
deild HÍ, flytur erindi sem hann
nefnir Siðgséði og umhverfísvemd.
Stefán Ingólfsson, verkfræðingur
og fyrrum starfsmaður Fasteigna-
mats ríkisins, ræðir um söfnun og
miðlun upplýsinga. Hjördís Hákon-
ardóttir, borgardómari og fyrrver-
andi sýslumaður, flytur erindið
Samspil manna og laga. Magnús
Skúlason, geðlæknir, flytur erindi
sem hann nefnir Skaðsemi velmeg-
unar. Síðasta framsöguerindið
flytur Birgir Sigurðsson, rithöfund-
ur, og nefnist það Sjálfsvitund,
mannfrelsi og lifandi líf.
Að loknum framsöguerindum
verða pallborðsumræður með þátt-
töku framsögumanna. Ráðstefnu-
gestum gefst kostur á fyrirspumum
til framsögumanna á milli erinda
og í pallborðsumræðum.
Fundarstjóri verður Sigríður
Dúna Kristmundsdóttir, fyrrverandi
alþingismaður.
Ráðstefnan er öllum opin.
Forseta Ind-
lands afhent
trúnaðarbréf
HINN 6. október afhenti Hannes
Jónsson, sendiherra, Ramaswami
Venkataraman, forseta Indlands,
trúnaðarbréf sitt sem sendiherra
íslands í Indlandi, með aðsetri í
Reykjavík.
Ríkisspítalar eru stór og
fjölbreyttur vinnustaður og
þar starfa um 3.000 manns;
við rannsóknir, lækningar,
hjúkrun, endurhæfingu og
aðstoð við sjúklinga og
aðstandendur þeirra.
Starfsemi Ríkisspítala fér
fram á nokkrum stöðum á
höfúðborgarsvæðinu;
á Landspítala, Kleppsspítala,
Vífilsstöðum, og Kópavogs-
hæli, auk hjúkrunarheimila
víðsvegar í Reykjavík. Krist-
neshælið við Akureyri og
Gunnarsholt eru einnig rekin
af Ríkisspítölum.
Starfi hjá Ríkisspítölum
fylgja ýmis hlunnindi, svo
sem ókeypis vinnufatnaður
(eða fatapeningar), ódýrt
fæði í matsölum á vinnustað,
mikið atvinnuöryggi, öflugur
lífeyrissjóður og launahækk-
andi námskeið.
Okkur vantar fleira fólk til
starfa, ýmist í fullt starf eða
hlutastarf. Ef þú vilt reyna
eitthvað nýtt, afla þér þekk-
ingar og reynslu og fá innsýn
í mannleg samskipti á stórum
vinnustað þá ættirðu að hafa
samband við okkur í síma 91-
29000.
Hér að neðan eru nokkur
dæmi um störf sem nú bjóð-
ast hjá Ríkisspítölum. í
starfslýsingu er talað um
meðallaun, en þau eru mis-
munandi eftir aldri eða
starfsaldri. Viðbótarmennt-
un sem nýtist í starfi og öll
viðurkennd námskeið, hækka
launin.
K0ÚKRUNARFRÆÐINGUR
Landspítalinn býður upp á
hjúkrun bráðveikra sjúklinga
eða langlegusjúkfinga, barna
og fullorðinna, bæði almenn
og sérhæfð hjúkrunarstörf.
Fyrir þá sem hafa áhuga á
fræðslu eða stjórnun opnast
oft tækifæri. Allir sem hafa
áhuga fá tækifæri til að leggja
sitt af mörkum til hinna
ýmsu verkefha sem í gangi
eru hverju sinni.
Við bjóðum upp á einstak-
lingsbundna aðlögun og mis-
munandi vaktafyrirkomulag.
Komið og kynnið ykkur allt
sem er að gerast í hjúkrun á
Landspítalanum í dag.
Meðallaun: (án aukavinnu)
Mánaðarlaun eru 70.193 kr. með
vaktaálagi.
Fyrir hverja aukavakt eru greiddar
5.135 kr. Hlutastörf eru einnig í
boði.
Nánari upplýsingar eru veítt-
ar í sírna 29000 hjá hjúkrunar-
ffamkvæmdastjórum.
SJÚKRAI.IÐI
Við bjóðum upp á skemmti-
lega samvinnu í góðu and-
rúmslofti. Hér er tækifæri til
að annast sjúklinga með
mjög mismunandi þarfir og
ólík hjúkrunarvandamál. Hér
bjóðast oft tækifæri til að
bæta við sig þekkingu í formi
námskeiða auk reglubund-
innar fræðslu sem er innan
ákveðinna eininga.
Meðallaun: (án aukavinnu)
Mánaðarlaun eru um 60.000 kr.
með vaktaálagi. Fyrir hverja auka-
vakt eru greiddar 3-982 kr. Hluta-
störf eru einnig í boði.
Nánari upplýsingar eru veitt-
ar í síma 29000 hjá hjúkrunar-
framkvæmdastjórum Hand-
lækninga- og Lyflækninga-
deilda.
STARFSMAÐUR Á SJÚKRA-
DEILD.
Störfin eru á Geðdeildum
Landspítalans og á Kópa-
vogshæli.
Starfsmaður á sjúkradeild
fæst við þjálfun, uppeldi og
umönnum sjúklinga og vinn-
ur í nánu samstarfi við hjúkr-
unarfræðinga, sjúkra- og iðju-
þjálfa, auk lækna og sálfræð-
inga.
Boðið verður upp á launa-
hækkandi námskeið í þeim
tilgangi að gera fólk hæfara
og veita því meiri innsýni
í starfið.
Meðallaun: (án aukavinnu)
Mánaðarlaun eru 45.665 kr. með
vaktaálagi.
Fyrir hverja aukavakt eru greiddar
3.235 kr.
STARFSMAÐUR Á SJÚKRA-
DEILD, í HLUTASTARFI Á
NÆTURVAKT.
Mánaðarlaun eru 39.118 kr. (mið-
að við 70% starf, 28 klst. á viku)
með álagi.
Fyrir hverja aukavakt eru greiddar
3.235 kr.
Nánari upplýsingar eru veitt-
ar á Geðdeild í síma 38160
eða 29000 (hjúkrunarfram-
kvæmdastjóri) og á Kópa-
vogshæli í síma 41500
...fyrr en þú hefur kynnt þér málíÓ
RÍKISSPÍTALAR