Morgunblaðið - 15.10.1987, Side 25

MORGUNBLAÐIÐ, FIMMTUDAGUR 15. OKTÓBER 1987
25
Páll Jóhannesson syng-
ur á nýrrí hljómplötu
ÚT ER komin hljómplatan „Ég
syng fyrir þig“ með söng Páls
Jóhannessonar tenórs. Olafur
Vignir Albertsson leikur með á
píanó. Hljóðritun fór fram í Hlé-
garði nú í sumar, og annaðist
hana Halldór Víkingsson með
stafrænni tækni. Platan er press-
uð þjá fyrirtækinu Teldec i
V-Þýskalandi.
Á hljómplötunni eru 17 lög, m.a.
eftir Sigvalda Kaldalóns og Svein-
bjöm Sveinbjömsson, einnig þekkt
lög frá ítalfu s.s. 0 sole mio, Rond-
ine al Nido og Core ’ngrato. Tvö
síðustu lögin syngur Páll með
Karlakór Akureyrar og Karlakóm-
um Geysi undir stjóm Atla Guð-
laugssonar.
Frá árinu 1981 hefur Páll verið
við söngnám á Ítalíu, meðal kenn-
ara hans þar var Pier Miranda
Ferraro. Þá hefur Páll unnið til
verðlauna í hinni alþjóðlegu söng-
keppni í Siena á Ítalíu sem kennd
er við Ettore Bastianini.
Dreifingu annast Fálkinn.
152. árgangur:
Almanak
Háskólans
1988
Yfirlitstafla um
sjálfstæð ríki
. út er komið Almanak fyrir
ísland 1988, sem Háskóli íslands
gefur út. Þetta er 152. árgangur
ritsins, sem komið hefur samfellt
út síðan 1837. Dr. Þorsteinn
Sæmundsson, stjarnfræðingur
hjá Raunvísindastofnun Háskól-
ans, hefur reiknað almanakið út
og búið það til prentunar.
Auk dagatals með upplýsingum
um flóð og gang himintungla flytur
almanakið margvíslegan fróðleik.
Af nýju efni má nefna yfirlitstöflu
sem sýnir stærð, mannfjölda og
höfuðborgir allra sjálfstæðra ríkja
í heiminum. Taflan er sérstæð að
því leyti, að tölur um stærð og
mannfjölda miðast allar við ísland
og fjölda íslendinga. í ritinu er og
yfirlit um tímareikning á íslandi.
Háskólinn annast sölu almanaks-
ins og dreifingu þess til bóksala.
Almanakið kemur út í 8500 eintök-
um, en auk þess eru prentuð 3000
eintök, sem Þjóðvinafélagið gefur
út sem hluta af sínu almanaki með
leyfi Háskólans.
Kjartan Guðjónsson
sýnir í Gallerí Borg
KJARTAN Guðjónsson opnar
sýningu í Gallerí Borg við Aust-
urvöll J dag, 15. október, kl.
17.00. Á sýningunni eru teikning-
ar, vatnslita- og olíumyndir.
Kjartan sem er fæddur árið 1921
stundaði nám við Art Institute of
Chicagó og við Akademíuna í Flór-
ens. Kjartan hefur m.a. kennt við
Myndlista- og handíðaskóla íslands.
Kjartan hefur haldið einkasýn-
ingar hér á landi og tekið þátt í
samsýningum hérlendis og eriendis,
meðal annars með Norræna lista-
bandalaginu á Norðurlöndum,
Þýskalandi, Belgíu og Ítalíu.
Framan af ferli sínum málaði
Kjartan abstrakt, en hann segist
hafa fengið hugljómun um 1978
og breytti þá um stíl og fór að sinna
grafík jafnframt málverki. Kjartan
hefur einnig myndskreytt nokkrar
bækur.
Sýningin er opin virka daga kl.
10.00-18.00 og um helgar kl.
14.00-18.00 og lýkur 27. október.
Fundur SVS og Varðbergs:
Steingrímur Hermanns-
son ræðir utanríkismál
SAMTÖK um vestræna samvinnu
(SVS) og Varðberg halda sameig-
inlegan hádegisfund laugardag-
inn 17. október.
Framsögumaður á fundinum
verður Steingrímur Hermannsson
utanríkisráðherra. Umræðuefni
hans verður utanríkismál íslands.
Hann svarar fyrirspumum og tekur
þátt í umræðum að framsögu lok-
inni.
Fundurinn verður haldinn í Átt-
hagasal í suðurenda Hótels Sögu.
Salurinn verður opnaður klukkan
tólf á hádegi.
Fundurinn er opinn félagsmönn-
um í SVS og Varðbergi, svo og
gestum þeirra.
(Fréttatilkynnmg)
Steingrímur Hermannsson
Nú er hollt að muna efdr
Skútuvogi 4
Slátur er einstaklega ódýr mat-
ur — þú kemst að því ef þú
heimsækir slátursölu SS.
Fimm slátur í poka kosta aðeins
1.285 krónur. Það er ekki til önnur
leið betri til að lækka útgjaldaliði
heimilisbókhaldsins en taka og
borða slátur.
Slátursala
Skútuvogi 4 Sími 35106