Morgunblaðið - 07.01.1988, Blaðsíða 51
MORGUNBLAÐIÐ, FIMMTUDAGUR 7. JANÚAR 1988
51
Minning:
Guðni Skúlason
bifreiðasijóri
Fæddur 15. júní 1910
Dáinn 29. desember 1987
Svartasta skammdegið er að baki
og möndull jarðarinnar breytir af-
stöðu sinni og færir okkur nær lengri
degi og hækkandi sól. Síðastliðinn
desember var svo mildur að ekki mun
gleymast, enda sá næst hlýjasti frá
því fyrst voru gerðar veðurathuganir
hér á landi.
Þegar daginn var byrjað að lengja
og birtan að taka völdin seig ævisól
Guðna Skúlasonar til viðar.
Sextán dögum áður gekkst hann
undir læknisaðgerð sem gaf til kynna
að lífslíkur væru litlar og æviþráður-
inn senn á enda. Þó sárt sé að kveðja
látinn vin, er honum ekkert betra en
hvíld frá okkar jarðneska lífi, eftir
langan og strangan ævidag þegar
heilsan er þrotin, og byija nýja göngu
þar sem eilífðarljósið vísar veginn til
æðra og fullkomnara lífs.
Guðni var fæddur í Króktúni í
Landsveit 15. júní 1910, sonur heið-
urshjónanna Margrétar Guðnadóttur
og Skúla Kolbeinssonar. Eftir því
sem ég best veit var ekki auður í
búi foreldra hans eins og flestra alm-
úgans niðja á þeim árum, en með
eljusemi, þrautseigju, hagsýni og
dugnaði var hægt að sjá sér og sínum
farborða. Öllum er skylt að hafa það
hugfast og gleyma því ekki að upp
af svitadropum feðra okkar og
mæðra og annarra hetja hins hvers-
dagslega lífs hafa vaxið þau lífgrös
menningar, tækni og þægindá sem
við búum við í dag. Þau eru vega-
nesti sem ekki þrýtur. Þau eru
fjársjóður sem aldrei fymist.
Á uppvaxtarárum Guðna var hér
ekkert kröfugerðarþjóðfélag, en því
miður margur beygður undir vald
þeirra sem betur máttu sín. Það er
ekki ólíklegt að slíkt hafi haft áhrif
á lífsskoðanir Guðna þegar aldur og
þroski færðist yfir og hann sá sem
aðrir að ýmsa hlekki þurfti að bijóta
til að fjöldinn fengi að njóta sín.
Þrátt fyrir ólíkar skoðanir í þjóðmál-
um og ýmsu fleiru, fann ég að við
áttum margt sameiginlegt og var það
undirstaða þeirrar góðu vináttu sem
varð á milli okkar. Hann reyndist
mér hreinskilinn drengskaparmáður
og heiðarlegur til orða og verka. Það
má segja að hann hafi tekið sér að
leiðarljósi þann sígilda sannleika sem
felst í þessari eilífu setningu: „Orð
skulu standa."
Guðni dvaldi í heimabyggð sinni
til fullorðinsára og vann þar við öll
algeng störf, sem mörgum mundi
þykja frumstæð í dag, miðað við þá
tækni og nýjungar sem nú þykja
sjálfsagður hlutur. í nokkur ár stund-
aði hann sjómennsku á togurum og
niinni skipum, en flutti síðan til
Reykjavíkur og gerðist afgreiðslu-
maður og bifreiðastjóri á leigubif-
reiðastöðvum meðan aldur og heilsa
leyfðu. Síðustu áratugina hafa leiðir
okkar Guðna legið saman á BSR.
Hann var traustur hlekkur í þeirri
keðju sem samtök okkar á stöðinni
hafa myndað og á það einnig við um
stéttarfélagið í heild. í daglegri um-
gengni var Guðni bæði prúður og
þægilegur og ávann sér traust starfs-
bræðra sinna sem hann endurgalt
með hlýju viðmóti. Aldrei lét hann
skoðanamun eða ágreining valda
sundrung, heldur hitt að ná sáttum
með hlýju handtaki sem segir meira
en orð fá lýst.
Guðni hafði fágaða framkomu og
var snyrtimenni í klæðaburði, og
báru bílamir hans honum glöggt vitni
um þrifnað og hirðusemi. Guðni var
mjög góður bridsspilari og flyt ég
honum kveðjur og þakkir frá starfs-
bræðmm hans á BSR. sem mest og
best kynntust honum við spilaborðið.
Þar er nú skarð fyrir skildi sem vand-
fyllt verður. Léleg spilamennska var
honum ekki að skapi, en hann var
ávallt reiðubúinn þegar aðstæður
leyfðu að leiðbeina þeim sem lítið
kunnu, og þá sérstaklega ef hann
sá að var efni í þeim í góða spila-
menn. Þegar hann sá að illa var
spilað af þeim sem töldu sig geta
nokkuð var fjarri því að slíkt færi
fram hjá Guðna, tróð hann þájafnan
fastara í pípuna sína, hristi kollinn
og strauk sér á bakvið eyrað, sagði
fátt en svipurinn leyndi því ekki hvað
hugurinn meinti.
Guðni var mikill hestamaður og
mun það hafa komið strax í ljós þeg-
ar hann var ungur maður í heima-
byggð sinni. Þá var það metnaðarmál
ungra manna að eignast gangmjúk-
an gæðing og þeysa um sveitina og
næsta umhvcrfi _þegar frítími og að-
stæður leyfðu. Á sumar- og sunnu-
dögum sáust oft heilir skarar af
ríðandi fólki þeysa um sveitirnar á
mismunandi gæðingum og njóta reið-
skjótans og veðursins að ógleymdri
náttúrufegurðinni sem oftast er fyrir
hendi í ríkum mæli. Þá veit ég að
Guðna hafa oft verið í huga þessar
sígildu ljóðlínur Einars Benedikts-
sonar:
Maður og hestur, þeir eru eitt
fyrir utan hinn skammsýna markaða baug.
Það finnst, hvemig æðum alls fjörs erveitt
úr farvegi einum, frá sömu taug.
Þeir eru báðir með eilífum sálum,
þó andann þeir lofi á tveimur málum,
- og saman þeir teyga í loftsins laug
lífdrykk af morgunsins gullroðnu skálum.
Síðustu áratugina sem Guðni bjó
hér í borginni, naut hann þess í ríkum
mæli að eiga hér nokkra gæðinga,
sem hann hafði bæði yndi og ánægju
af. Ég veit að það hentaði honum
vel að loknu annríki líðandi stundar,
að umgangast hestana sína, þrífa
þá og snyrta, klappa þeim og tala
við þá, og finna að í raun og veru
voru þeir allir með eilífum sálum.
Síðustu rúm þijátíu árin var Guðni
í sambúð með Herdísi Karlsdóttur,
hún er Húnvetningur að ætt og voru
æskuheimili okkar nágrannabæir
þegar við vorum börn að aldri. Herdís
er mikil sómakona, hagsýn og hirðu-
söm. Bjó hún þeim gott heimili sem
Guðni kunni vel að meta. Honum
þótti vænt um Dísu og bar virðingu
fyrir umhyggju hennar og ástúð í
sinn garð.
Guðni var skemmtilegur, glaður
og hress í góðvinahópi, söngmaður
ágætur og kunni vel að meta að
skála í gómsætum guðaveigum. Við
Guðni nutum þess nokkrum sinnum
að skála saman og átti það vel við
okkur báða. Þá opnast oft nýir heim-
ar sem sýna og sanna að lífið er
dásamlegt.
Ég kveð svo minn góða vin, með
þessum sígildu gömlu ljóðlínum, sem
ég lærði ungur að árum, og þá er
það ekki síður lagið við textann sem
heillar, og oft er sungið þar sem
góðravinafagnaður er annars vegar:
Hin gömlu kýnni gleymast ei
enn glóir vín á skál.
Hin gömlu kynni gleymast ei
né gömul tryggðamál.
0, góða gamla tíð
með gull í mund.
Nú fyllum bróðir bikarinn
og blessum liðna stund. (Þýtt úr ensku.)
Við hjónin þökkum traust og góð
kynni, og ekki síst umhyggju og vin-
semd síðustu árin.
Blessuð sé minning Guðna Skúla-
sonar. Friður sé með sálu hans.
Jakob Þorsteinsson
hagstæö magninnkaup:
15 til 40% verðlækkun á
26 vörutegundum.
20% VERÐLÆKKUN
25 í kassa. Verð pr. stk. áður 165,- nú 129,-
Hallarmúla 2, S 83211
SÝNINGIN SEM SLÓ í GEGN Á NÝÁRSDAG!
td ckeywitewda,
Flugglaðir hf. tilkynna brottför flugs SAG 66 til dægurlanda öll
iaugardagskvöld í janúar. Ýmsar helstu stórstjömur íslenskrar
poppsögu síðustu tveggja áratuga verða um borð og bera fram
hugljúfar og bráðfjörugar tónlistarkræsingar meðan kokkarnir
á Sögu sýna listir sínar.
Maggi Kjartans yfirflugstjóri og áhöfn hans hafa viðkomu í .
mörgum bestu dægurlöndum endurminninganna - og þeir
Pálmi Gunnarsson, Jóhann G. Jóhannsson, Rúnar Júl,
Engilbert Jensen, Einar Júlíusson, Anna Vilhjálms, Magnús
Þór Sigmundsson og fleiri listamenn skapa stemninguna.
Góður matur, fyrsta flokks skemmtun, danshljómsveit
í sérflokki og frábærir gestir gera laugardagskvöldið í Súlnasal
að frábærri byrjun á nýja árinu.
Verð á þessu öllu er aðeins kr. 2.900. Og munið: Þessi dagskrá
verður aðeins í janúar!
Tryggið ykkur far í tíma. Flugfarseðlapantanir í síma 29900.
Brottför kl. 19:00
GILDIHF