Morgunblaðið - 06.09.1988, Blaðsíða 24

Morgunblaðið - 06.09.1988, Blaðsíða 24
5<; 24 MORGUNBLAÐIÐ, ÞRIÐJUDAGUR 6.1SEPTEMBER 1988 Þórir S. Gröndal skrifar frá Flórída Eitt leiðir af öðru Sjaldan er mannskepnan eins varnarlaus fyrir hugsunum, sem á hana leita, eins og þegar hún liggur í rúmi sínu í kolamyrkri og bíður þess, að svefngyðjan beri hana inn í draumaheima. Það er vitanlega hægt að reyna að stýra starfsemi heilans og skipa honum að hugsa aðeins það, sem skemmtilegt er og fallegt, en ekki tekst það alltaf. Undir slíkum kringumstæðum eru líka þessar hugsanir skýrari og áleitnari, þeg- ar ekkert er til að trufla þær. Þá er bara legið í myrkrinu og „hlust- að" á það, sem heilinn hefir að segja. Það eru engin takmörk fyrir því, hvaða hugsanir sækja á í myrkrinu. Úr verður oft upprifjun dægurmála og liðinna atburða og skapast oftast halarófa af óskyld- um málum, sem tengjast hvert við annað í eins konar afleiðing- arstíl, þ.e. eitt leiðir af öðru. Oft er þetta hálfgert eintal heilans (sálarinnar?), og talar hann þá til mín, eins og ég sé önnur persóna en hann. Ég svara honum sjaldan og læt hann bara þusa. í gærkvöldi leið eitthvað lengri tími en venjulega, að ég mátti hlusta á hann áður en ég sofn- aði: Af hverju skyldum við ekki geta sofnað? Var það ef til vill eitthvað, sem þú borðaðir? Það getur samt varla verið, því það var þetta líka fína blómkálsgratín, og ekki er það þungt í maga. Ekki er samt blómkálið hérna f henni Ameríku eins gott og á ís- landi. Reyndar held ég, að fátt grænmeti hér bragðist eins vel og það gerði í gamla daga á Fróni. Ekki nema þá að bragð- laukarnir i þér séu ekki eins næm- ir núna og áður fyrr. Alla vega þá var það betra heima... Hvað er eiginlega að gerast heima? Er allt að fara fjandans til? Hvað er búið að gera við alla peningana, sem hrúguðust inn í landið, þegar afurðaverðið fór upp úr öllu valdi? Getur verið, að þið séuð svo mikið óráðsíufólk, að þið hafi ekki lagt neitt fyrir til mögru áranna? Þegar við vorum að lesa Moggann í kvöld, varð ég dolfall- inn að sjá, að haft var eftir frammámanni ( íreðfiskútflutn- ingi, að verðjöfnunarsjóðurinn hefði ekki verið starfræktur í mörg ár. Hann hefði auðvitað átt að vera búinn að taka obbann af hinu hækkandi útflutningsverði. Nú gæti hann svo borgað fram- leiðendum til baka, þegar þeir eru allir að fara á hausinn... Fyrst við minnumst á hausinn, langar mig að spyrja: Hvers vegna notar þú ekki hattinn þinn, þegar þú slærð grasið? Núna í sumar hofir þú staðið f sláttumennskunni um hádaginn, þegar sólin er hæst á lofti. Það er eins og þú vujir bara fá sólsting! Þú sýnir ekki mikinn skilning á því, að ég er hér uppi á hausnum, og vantar stundum sko ekki mikið upp á það, að ég hreinlega soðni. Og ekki er því fyrir að fara, að hárið veiti mikið skjól eins gisið og það er nú orðið, en þér og maganum þykir líklega gott að gera hlé á slættinum, fara inn og svala ykk- ur á köldum bjór... Það var annars skrítið hjá Bush forsetaefni repúblíkana að velja þennan Quayle sem varaforseta- efni. Tókstu eftir því í dagblaðinu hér, að gárungarnir kalla þá fé- laga Bush (þekkt bjórtegund í Ameríku) bjór og Bush léttbjór! Þeim fínnst hann víst ekki nógu skarpur, þessi ungi maður. Hvað með hina miklu leiðtoga fyrri tíma? Ég veit, að þeir eru auðvit- að allir dauðir nú, en það er und- ur mikið, að þjóðir heimsins skuli vera hættar að ala af sér gáfaða leiðtoga og snjallt fólk, sem vill vinna fyrir hið opinbera... Heyrðu! Nú er landið okkar komið með nýtt heimsmet, opin- berar heimsóknir! íslenzkir lands- feður og embættismenn fara í fleiri opinberar 'heimsóknir en kollegar þeirra í nokkru öðru landi í víðri veröld. Ef við fengjum nú borgað fyrir heimsóknirnar, myndum við ekki þurfa að vera svona upp á fískinn komnir. Það er einn galli, sem maður má ekki vera haldinn, ætli maður að verða embættismaður á íslandi. Veiztu, hvað það er? Það er flughræðsla, því þá getur hann ekki ferðast og farið í opinberar heimsóknir! Mér var ekki skemmt. Ef til vill er þeim vorkunn, því líklega er erfíðara að stýra íslandi en mörgum öðrum löndum. Hyer höndin er upp á móti annarri. Öll þjóðin þykist vita allt betur, og fjölmiðlarnir eru öllum galopnir, og ekki lætur lýðurinn standa á sér. Það er þvf liklega skiljanlegt, að stjórnendurnir þurfí að komast burt öðru hvoru og bregði sér því út fyrir poHinn ... Pollinn? Heyrðu mig, ertu búinn að gleyma því, að þú lofaðir kon- unni að athuga með klósettkasann frammi, þennan sem lekur? Þú getur ábyggilega gert við hann sjálfur, frekar en að fara að borga pípulagningarmanni offjár fyrir verkið, sem er ábyggi- lega eitthvað nauðaeinfalt. Not- aðu bara hausinn ... Lengri var ekki hugsanaserían að þessu sinni, því miskunnsam- lega hurfu við báðir inn f draum- heimana. Hvaða hlutverki hugur- inn eða heilinn gegnir þar, er manninum enn leyndardómur. Gott er að hafa einhverja leyndar- dóma lffísins óleysta. Eitt af böli mannkyns er það, að nú á dögum verður öllu upp að ljóstra og gera opinbert. Morgunblaðið/Sigurður H. Þoreteinsson Nemendur Klúkuskóla og gestir frá Broddanesi framan við skólastof- una. Klúkuskóli í Bjarn- arfirði settur Laugarholi, Bjaniarfirði. ÁTTUGASTA og fyrsta starfsár skóla er nú að hefjast f Kaldrana- neshreppi. Klúkuskóli, að Laug- arhóli í Bjarnarfirði, var settur fimmtudaginn 1. september. Var þess minnst við skólasetningu. Þá var stofnaður tölvukaupa- sjóður við skólann af tilefni átt- ræðisafmælisins í vor. Söfnuðust þá þegar 14.000 krónur í sjóðinn frá ýmsum velunnurum skólans. Nú mun sjóðnum hafa bæst fé frá fyrirtækjum sem veita stuðn- ing. Svo reikna má með þvi að hverskonar vinna nemenda á tðlvu geti hafist í vetur. Það er venja við Klúkuskóla f Bjarnarfirði, að allir Bjarnfírðingar koma saman í skólanum við skóla- setningu og skólaslit. Einnig þegar haldin eru „Litlu jól" eða aðrar hátfðir í skólanum. Er skólinn þann- ig samofínn lífi fólksins í sveitinni og foreldrafundir f raun mun fleiri en skráðir eru f starfsáætlunum, því að allir hittast við þessi tæki- færi og málin eru þá vitanlega rædd. Núna f haust hefst áttugasta og fyrsta ár frá þvf að skólastarf var hafíð í Kaldrananeshreppi. Við skólauppsögn f vor var þessara tímamóta minnst með því að hrinda f framkvæmd hugmynd skólastjóra- hjónanna að stofna tölvukaupasjóð við skólann og hvort ekki yrðu nógu margir velunnarar og fyrirtæki til í að rétta hjálparhönd, svo að börn- in í þessum skóla geti einnig notið kennslu á tölvu, þó fá séu og hreppsfélagið svo fátækt að það hafi ekki efni á slíkum stórkaupum. Söfnuðust þegar 14 þúsund krónur í þennan sjóð og nú munu einhver fyrirtæki reiðubúin að leggja fé af mörkum, svo að telja má víst að af tölvukaupum geti orðið á þessu skólaári. Við skólasetningu lagði skóla- stjóri fram starfsáætlun skólans f höfuðdráttum og skýrði frá þróun mála um rekstur skólans á næstu árum, sem og þessari fjáröflun til tækjakaupa, þar eð ekki hefír feng- ist fé hjá hreppsnefhd til slíks. f Klúkuskóla verða 11 nemendur í vetur. Við skólann starfa 2 kenn- arar, ráðskona, ræstitæknir og tveir bifreiðastjórar. Eru þetta mestu leyti hlutastöður, en veita þó nokkra búbót í sveitarhluta hreppsins. - SHÞ
Blaðsíða 1
Blaðsíða 2
Blaðsíða 3
Blaðsíða 4
Blaðsíða 5
Blaðsíða 6
Blaðsíða 7
Blaðsíða 8
Blaðsíða 9
Blaðsíða 10
Blaðsíða 11
Blaðsíða 12
Blaðsíða 13
Blaðsíða 14
Blaðsíða 15
Blaðsíða 16
Blaðsíða 17
Blaðsíða 18
Blaðsíða 19
Blaðsíða 20
Blaðsíða 21
Blaðsíða 22
Blaðsíða 23
Blaðsíða 24
Blaðsíða 25
Blaðsíða 26
Blaðsíða 27
Blaðsíða 28
Blaðsíða 29
Blaðsíða 30
Blaðsíða 31
Blaðsíða 32
Blaðsíða 33
Blaðsíða 34
Blaðsíða 35
Blaðsíða 36
Blaðsíða 37
Blaðsíða 38
Blaðsíða 39
Blaðsíða 40
Blaðsíða 41
Blaðsíða 42
Blaðsíða 43
Blaðsíða 44
Blaðsíða 45
Blaðsíða 46
Blaðsíða 47
Blaðsíða 48
Blaðsíða 49
Blaðsíða 50
Blaðsíða 51
Blaðsíða 52
Blaðsíða 53
Blaðsíða 54
Blaðsíða 55
Blaðsíða 56
Blaðsíða 57
Blaðsíða 58
Blaðsíða 59
Blaðsíða 60
Blaðsíða 61
Blaðsíða 62
Blaðsíða 63
Blaðsíða 64
Blaðsíða 65
Blaðsíða 66
Blaðsíða 67
Blaðsíða 68

x

Morgunblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Morgunblaðið
https://timarit.is/publication/58

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.