Morgunblaðið - 12.11.1988, Page 49
MORGUNBLAÐIÐ, LAUGARDAGUR 12. NÓVEMBER 1988
49
■ ■
Morgunblaðið/Ámi Sæberg
Hér er Rannveig að matreiða ljúffengar laxabollur. Nemendur fylgjast spenntir með matargerðinni.
MATREIÐSLUNÁMSKEIÐ RANNVEIGAR
Morgunblaðsauglýsingin
hefiir dugað í tuttugu ár
Rlannveig Pálmadóttir, hús-
mæðrakennari með meiru, hef-
ur haldið matreiðslunámskeið í
kjallaranum heima hjá sér í tuttugu
ár. Árið 1968 auglýsti hún í Morg-
unblaðinu og hefur hún ekki þurft
að auglýsa aftur þar eð sú auglýs-
ing hefur dugað henni í gegn um
árin. Fleiri þúsundir íslendinga hafa
notið tilsagnar Rannveigar og er
kjallarinn þéttsetinn þijú kvöld í
viku.
Nú í vikunni byijaði hún með
nýtt námskeið, franskt sjávarrétta-
námskeið og. ábætisrétti. Fékk
blaðamaður meðal annars að
bragða á ljúffengum laxabollum,
laukböku og öðru sem ekki hefur
áður kitlað bragðlaukana. Á meðan
nemendur hennar sporðrenndu
hveiju góðgætinu á fætur öðru
sagði Rannvúic ýmsar sögur sem
vöktu mikla kæti meðal viðstaddra.
í örstuttu spjalli rifjaði hún upp
einstök viðbrögð við Morgunblaðs-
auglýsingunni fyrir tuttugu árum.
„Blaðið kom út klukkan sjö um
morguninn. Ég renndi yfir auglýs-
inguna, skreið aftur upp í rúm og
eftir augnablik fór síminn að
hringja og hann stoppaði ekki allan
daginn. Klukkan fímm þá gafst ég
upp og tók símann úr sambandi."
— Hvaða námskeið varstu að
auglýsa þama?
„Þetta var grill og kryddnám-
skeið. Síðan var ég með pottrétti
og þá austurlenska matargerð sem
ég bytjaði með árið 1980. Óll nám-
skeiðin hafa verið mjög vel sótt.
Þetta hefur spurst út og ég er yfír
pottunum allan veturinn, frá sept-
ember til júní. Yfirleitt er allt bókað
strax á haustin".
— Eru það bara konur sem koma
til þín?
„Fyrstu árin sem ég var með
þessi námskeið voru eingöngu kon-
ur. En það hefur aukist ár frá ári
að hjón komi saman. Oft koma
heilu hópamir saman, t.d vinnufé-
lagar eða hjónaklúbbar."
Nemendur hennar á námskeiðinu
vom flestar konur utan einn. Blaða-
maður náði tali af nokkrum konum
sem komið hafa til Rannveigar ár
eftir ár og kváðust þær allar hafa
lært heilmikið hjá henni. Austur-
lenska námskeiðið hafi verið hvað
mest spennandi. Og ýmsir höfðu
ávinningamir verið. Sumum hafði
tekist að draga eiginmennina með
á námskeiðin og fyrst eftir það
hefðu þeir þorað að fara inn í eld-
húsið heima hjá sér til annars en
að gleypaí sig matinn! Þær nefndu
ýmis önnur dæmi um hæfni kennar-
ans og sögðu meðal annars að eng-
inn væri eins fljótur að limlesta
kjúklinga og Rannveig!
En hver er hennar uppáhaldsrétt-
ur í gegn um tíðina? Hún nefndi
marga, meðal annars einn kjúkl-
ingarétt af fínna taginu og til gam-
ans látum við uppskriftina fljóta
með, en þennan rétt hefur Rann-
veig haft síðan á fyrsta námskeið-
inu fyrir tuttugu árum.
Kjuklingaréttur í hvítvínssósu
KJÚKLINGAR í HVÍTVÍNI,
FYRIR 5-6 MÁNNS.
2 kjúklingar
100 gr. smjörlíki
8-10 mtsk. hveiti
2-3 hvítlauksrif (skorin smátt og
marin, snöggsteikt fyrst upp úr
matarolíu)
2 1/2-3 tsk. salt
1/4 tsk. pipar
4 mtsk. sojasósa
4 mtsk. hunang
Safí úr þremur appelsínum +
appelsínukjötið
1/4 bolli appelsínuþykkni (Trópí-
þykkni)
1-2 appelsínur heilar (skolaðar
upp úr heitu vatni og skornar í
sneiðar, hver sneið síðan skorin í
fjórðunga)
200 gr. vínber (rauð)
1 1/2-2 bollar hvítvín
1/2-1 bolli vatn
Örlítil feiti sett á pönnu og hun-
angi bætt út í. Appelsínusneiðarnar
(þvegnar) steiktar í hunanginu.
Vínberin látin út í og þegar þau eru
orðin glansandi er þrýst örlítið á
þau (ekki meija) síðan er appelsínu-
kjötinu og þykkninu bætt í, þá
hvítvíninu og sojasósunni.
Eftir að öllu hefur verið blandað
saman er það tekið af pönnunni og
sett í skál. Smjörlíki látið á pönn-
una og kjúklingabitamir eru krydd-
aðir og steiktir vel. Þá er vátninu
hellt á pönnuna og látið krauma í
nokkrar mínútur, sósunni úr skál-
inni hellt yfir og allt látið sjóða í
10-12 mínútur.
SALAT
1/2 dós ananas, 1/2 haus ice-
bergsalat og ein dós sýrður ijómi.
Sýrða ijómanum er blandað sam-
an við ananassafann og ananasinn
skorinn í bita. Rífið niður iceberg-
salatið og blandið því út í rétt áður
en máltíð hefst. Rétturinn er borinn
fram með hrísgijónum.
ÍDAG
V-ÞÝSKA
KNATTSPYRNAN
kL 14:30
Bein útsending frá leik Bayem Múnchen og
Köln í vestur-þýsku knattspymunni.
| DAUÐADA I
(COMA)
I kí. 23:ÖÖ |
Hörkuspennandi kvikmynd frá 1977, í
aðalhlutverkum em Genevieve Bujold og
Michael Douglas. Sögusviðið er sjúkrahús
nokkurt. Þar gerast þeir undarlegu atburðir að
sjúklingar deyja án nokkurra skýringa. Ungur
læknir ákveður að kanna málið og fær unnusta
sinn, sem einnig er læknir, í lið með sér.
Amorgun
MATADOR
kí. 21:20
Þessi danski framhaldsmyndaflokkur hefur
farið sigurför víða um lönd og
hlotið miklar vinsældir. Lýst er í gamni og
alvöru lífinu í dönskum smábæ á þriðja
áratugnum. Þetta er þriðji þáttur.
A mAnudag
JA!
kl. 20:35
Spjallað verður við Ragnar Amalds og
Gunnar Eyjólfsson og sýnt verður úr
leikriti Ragnars, Sveitasinfóníu.
Einnig sjáum við brot úr uppfærslu
Alþýðuleikhússins á Kossi kóngulóarkon-
unnar, fjallað verður um Skuggabox,
nýútkomna bók Þórarins Eldjáms, og Þorsteinn
frá Hamri og Tryggvi Ólafsson segja frá nýrri
bók sinni. Sitthvað fleira verður í þættinum.
SJÓNVARPIÐ