Morgunblaðið - 23.12.1988, Blaðsíða 20

20
f MORGUNBLAÐIÐ, FÖSTUDAGUR 23. DESEMBER 1988
Viðburða-
ríkur tími
í íslenska
fluginu
- segir Arngrím-
ur Sigurðsson um
árin 1939—41
„ÞETTA var viðburðaríkur tími í
fluginu. Flugið verður rammís-
lenskt og margt af því sem reynt
var og ákvarðanir teknar um á
þessum tima hefur haft mikil áhrif
á þróunina síðan,“ sagði Arngrím-
ur Sigurðsson í samtaii við Morg-
unblaðið um flug á íslandi árin
1939—11. Út er komið 5. bindið í
verki hans „Annálar íslenskra
flugmála", sem íslenska flugsögu-
félagið gefur út og nær það yfir
árin 1939-41.
Arngrímur Sigurðsson
Annálar íslenskra flugmála er
heimildarit um íslenska flugsögu frá
upphafí og þar til embætti flugmála-
stjóra var stofnað. Amgrímur segist
ætla að ljúka verkinu með einu bindi
enn, sem verður það sjötta í röðinni.
Hann segir að eftir að embætti flug-
málastjóra var stofnað séu öll gögn
fyrirliggjandi hjá embættinu og því
ekki eins mikil þörf á að rita annála
um þann tíma.
Meðal atburða á árunum 1939—41
sem tekin eru fyrir í 5. bindinu er
málaleitan þýska flugfélagsins Luft-
hansa um lendingarleyfí hér á landi
árið 1939 en henni var hafnað. Sama
ár voru tveir flugdagar haldnir hér á
landi og vöktu þeir mikla athygli.
Árið 1940 var Flugfélagi Akureyrar
breytt í Flugfélag Islands. Á þessum
árum hófst nokkuð reglulegt póstflug
með suðurströndinni til Austur-
Skaftafellssýslu og jafnvel allt austur
til Seyðisflarðar. Arngrímur segir að
reynslan sem fékkst með þessu flugi
hafi sýnt mönnum fram á að framtíð
væri í landflugi. í framhaldi af þvi
hafí verið tekin ákvörðun um kaup á
fyrstu tveggja hreyfla flugvél íslend-
inga, sem var Beechkraft-landvél.
Morgunblaðið/Einar Falur
Stúdentahópurinn sem útskrifaðist frá Fjölbrautaskólanum við Armúla á laugardaginn.
Fjölbrautaskólinn við Ármúla:
29 stúdentar brautskráðir
Hafsteinn Þ. Stefánsson skólameistari færði Lindu Pétursdóttur
fegurðardrottningu gjöf frá kennurum og nemendum Fjölbrauta-
skólans við Ármúla.
SÍÐASTLIÐINN laugardag
voru 29 stúdentar brautskráðir
frá Fjölbrautaskólanum við
Armúla. Af viðskipta- og hag-
fræðibraut voru sextán nem-
endur brautskráðir, þrír af
málabraut, tveir af íþrótta-
braut, tveir af náttúrufræði-
braut, tveir af heilsugæslu-
braut og tveir af uppeldis-
braut. Auk þess fengu afhent
prófskírteini einn stúdent frá
Verkmenntaskólanum á Akur-
eyri og annar frá Menntaskó-
lanum á ísafirði, en þeir luku
námi sinu í skólanum i samráði
við sitt heimafólk.
Við upphaf brautskráningar-
innar söng kór skólans nokkur lög
undir stjóm Gunnars Kristinsson-
ar, en síðan flutti Hafsteinn Þ.
Stefánsson skólameistari skýrslu
sina. Hann fór nokkrum orðum
um þann vanda sem skólanum er
búinn vegna umræðna um frestun
á gildistöku Qárlagakafla fram-
haldsskólalaga, en meðan sú
óvissa ríkir er ekki ljóst hvort
borgarsjóður eða ríkissjóður ann-
ast rekstur skólans komandi ár.
Skólameistari vék að því í ræðu
sinni að Fjölbrautaskólinn við
Armúla væri einungis hálfklárað-
Helga Barðadóttir dux scholae
flutti ávarp fyrrir hönd nýstúd-
enta.
ur, en eftir á að reisa þann hluta
skólahússins sem ætlaður er fyrir
hátíðasal og mötuneyti nemenda
auk annars. Taldi hann eðlilegt
að sú bygging yrði næsta fram-
kvæmd við framhaldsskóla í
Reykjavík og að því væri unnið.
Dux scholae að þessu sinni var
Helga Barðadóttir. Hún hlaut
verðlaun fyrir góðan námsárang-
ur yfírleitt og einstakar greinar
ásamt öðrum nemendum sem
fram úr sköruðu. Auk þess fengu
nokkrir stúdentar verðlaun fyrír
störf sín að félagsmálum nem-
enda. Þá afhenti skólameistari
Lindu Pétursdóttur fegurðar-
drottningu gjöf frá kennurum og
nemendum og færði henni heillaó-
skir.
Fulltrúi nýstúdenta, Helga
Barðadóttir, ávarpaði síðan sam-
komuna, og einnig fulltrúi 5 ára
stúdenta, Lárus Þór Kristjánsson
líffræðingur. Skólameistari talaði
síðan til nýstúdenta, og að lokum
sungu kór og gestir Heims um ból.
Morgunblaðið/Sveinn Guðmundsaon
Haldið var upp á litlu jólin i Reykhólaskóla fyrir skömmu og komu þá fram nemendur á öllum aldri.
Reykhólaskóli:
Grýla og Kertasník-
ir komu í heimsókn
Miðhúsum.
LITLU jólin voru haldin í Reyk-
hólaskóla fimmtudaginn 15.
desember og var byijað með
sameiginlegu borðhaldi starfs-
fólks og nemenda í hádeginu.
Þar framreiddu Unnur Stefáns-
dóttir og Indiana Ólafsdóttir
hátíðarmat og má ætla að
margur borði ekki betri mat á
sjálfum jólunum.
Um kvöldið var allsheijar sam-
koma og seldu foreldrar kaffi til
ágóða fyrir ferðasjóðinn og nem-
endur sýndu að þeir geta gert
fleira en að sitja á skólabekk. Þeir
léku marga smáleikþætti, sungu
og gerðu margt fleira til skemmt-
unar og svo urðu kennarar að hlýða
kalli nemenda og verða ungir í
annað sinn.
Þegar skemmtidagskráin var
búin veitti skólastjóri, Steinunn
Rasmus, verðlaun fyrir bestu um-
gengni á heimavist og hlaut þau
verðlaun Helga Samúelsdóttir,
Djúpadal. Einnig voru veitt fem
verðlaun fyrir umferðargetraun og
var dregið um verðlaunahafa.
Að lokinni 'kaffídrykkju var
gengið í kringum jólatréð og kom
Grýla gamla með son sinn, Kert-
asníki, í heimsókn og í stað þess
að leita uppi óþæg böm og fara
með þau til tröllabyggða þá gáfu
þau mæðgin krökkunum sælgæti
við mikinn fögnuð.
Margt var um manninn og tókst
skemmtunin mjög vel enda er jóla-
prófum lokið og allir geta eytt
fríinu eins og þeim sýnist.
- Sveinn