Morgunblaðið - 12.09.1989, Blaðsíða 4

4
MORGÚNBLÁÐIÐ ÞRIÐJUDAGUR 12. SEPTEMBER 1989
Afgreiðslutími áfengis:
Áfskipti stjórnvalda
valda mér áhyggjum
- segir framkvæmdastjóri Sambands veitinga- og gistihúsa
„ÞAÐ veldur mér alltaf áhyggjum, þegar ráðamenn vilja sljórna of
miklu, til dæmis hvar fólk skemmtir sér, hvernig og hvenær. Það þarf
auðvitað að hafa einhvern ramma, en of mikil afskipti eru ekki að
mínu skapi,“ sagði Erna Hauksdóttir, framkvæmdastjóri Sambands
veitinga- og gistihúsa, þegar hún var innt álits á nýrri reglugerð um
sölu og veitingar áfengis, sem frá var skýrt í Morgunblaðinu á sunnu-
dag. I reglugerðinni er meginreglan sú, að áfengisveitingum í almenn-
um veitingastöðum skuli ljúka klukkan 23.30 á kvöldin og klukkan 1
aðfaranótt laugardags, sunnudags eða almenns frídags. Reglugerðin
tekur gildi 1. október.
Heimild til að veita áfengi lengur
að kvöldi til er bundin leyfí lögreglu-
stjóra, þar á meðal á skemmtunum,
en eins og verið hefur skal hætta
veitingum hálfri klukkustund áður
en skemmtun lýkur. í frétt frá dóms-
málaráðuneytinu segir, að reglur
þessar séu settar í ljósi þróunar und-
anfarinna ára og í samræmi við sjón-
armið, er komið hafi fram af hálfu
lögreglu í Reykjavík og borgaryfir-
valda.
Erna Hauksdóttir sagði að henni
virtust þessi mál mjög í lausu lofti.
„Þeir staðir, sem hafa sótt um að
fá að hafa opið lengur eru danshús
og krár,“ sagði hún. „Aður fengu
allir þetta leyfi. en nú virðist sem
staðir verði að flokkast sem
„skemmtistaðir". Ég get ekki kallað
krárnar annað, því þær bjóða oft upp
á tónlistarflutning og ýmsar uppá-
komur. Vonandi skýrast þessi mál
betur, en ég trúi því ekki að það
þurfi flennistórt dansgólf til að leyfi
fáist fyrir veitingum umfram þann
tíma sem reglugerðin tiltekur. Það
er mikill misskilningur, ef forsvars-
menn bindindisfélaga og fleiri halda
að ástandið í miðbænum batni þó
stöðunum sé lokað. Þetta verður ein-
göngu til þess að drykkjan fænst
úr þessum húsum og út á götur. Ég
treysti því að borgaryfirvöld og sveit-
arstjórnir almennt leysi þetta mál
sem allra fyrst.“
Böðvar Bragason, lögreglustjóri í
Reykjavík, kvaðst í gær ekki í stakk
búinn til að svara því,
hvernig reglugerð þessari yrði fram-
fylgt, þar sem það ætti eftir að ræða
það hjá hans embætti. Hann sagði
þó, að reglugerðin sýndi ljóst hver
meginstefnan í þessum málum yrði
og hún væri meira takmarkandi en
fyrri reglugerð.
VEÐUR
v
ÍDAGkl. 12.00:
V
Heimild: Veðurstofa islands
(Byggt á veðurspá kl. 16.15 i gaer)
VEÐURHORFUR íDAG, 12. SEPTEMBER
YFIRLIT í GÆR: Suð- og suðvestanátt, víðast stinningskaldi eða
allhvasst. Rigning var um mest allt sunnan- og vestanvert landið,
en þurrt norðaustanlands. Hiti var 8-18, hlýjast norðaustanlands.
SPÁ: Suð- og suðvestanátt, kaldi eða stinningskaldi. Yfirleitt þurrt
og bjart veður á norðausturlandi, en skýjað og skúrir í öðrum lands-
hlutum. Hiti 6 til 12 stig.
VEÐURHORFUR NÆSTU DAGA:
HORFUR Á MIÐVIKUDAG OG FIMMTUDAG: Suðvest-læg átt og
fremur kalt. Skúrir víða um land, síst þó á norðaustur- og austur-
landi.
TAKN:
Heiðskírt
Léttskýjað
Hálfskýjað
Skýjað
Alskýjað
y, Norðan, 4 vindstig:
* Vindörin sýnir vind-
stefnu og fjaðrirnar
vindstyrk, heil fjöður
er 2 vindstig.
r r r
r r r r Rigning
r r r
* r *
r * r * Slydda
r * r
* * *
* * * * Snjókoma
* * *
-J 0° Hitastig:
10 gráður á Celsíus
Skúrir
*
V E'
= Þoka
= Þokumóða
’, ’ Súld
OO Mistur
Skafrenningur
Þrumuveður
VEÐUR VÍÐA UM HEIM kl. 12:00 í gær að ísl. tíma hltl veður Akureyri 16 skýjað Reykjavík 11 rlgning
Bergen 14 léttskýjað
Heisinki 14 úrkoma
Kaupmannah. 17 léttskýjað
Narssarssuaq 5 heiðskfrt
Nuuk 2 alskýjað
Osló 15 léttskýjað
Stokkhólmur 14 hálfskýjað
Þórshöfn 10 þoka
Algarve 22 léttskýjað
Amsterdam 19 mistur
Barcelona 23 skýjað
Berl/n 18 skýjað
Chicago 13 léttskýjað
Feneyjar 22 þokumóða
Frankfurt 24 heiðrkírt
Glasgow 16 skýjað
Hamborg 18 skýjað
Las Palmas 26 léttskýjað
London 18 mistur
Los Angeles 16 þokumóða
Lúxemborg 20 skýjað
Madrid 22 léttskýjað
Malaga 26 léttskýjað
Mallorca 25 mistur
Montreal 16 skýjað
New York 26 mistur
Orlando 24 léttskýjað
Parfs 22 mistur
Róm 22 þokumóða
Vín 21 skýjað
Washington 25 mistur
Wlnnipeg vantar
Morgunblaðit_.....
Kanadísku nemendurnir á pólska
skólaskipinu Pogoria færðu frú
Vigdísi Finnbogadóttur, forseta
íslands, blóm. A innfelldu mynd-
inni er Pogoria við Faxagarð.
Forsetinn um borð
í pólsku skólaskipi
FRÚ VIGDÍS Finnbogadóttir forseti íslands og Svavar Gestsson mennta-
málaráðherra heimsóttu á mánudag pólska skólaskipið Pogoria sem
kom til Reykjavíkurhafnar íyrir viku. A skipinu er 31 kanadískur nem-
andi á aldrinum 16 til 19 ára.
Nemendurnir verða fimm mánuði
á skipinu og hafa nú þegar heimsótt
Rússland, Norðurlöndin og Skotland.
Héðan fer skipið til Grænlands og
því næst til Norður- og Suður-
Ameríku. í ferðinni læra nemendum-
ir meðal annars sjávarlíffræði,
stjórnmálasögu, félagsfræði, mann-
fræði og landafræði.
Hér heimsóttu nemendurnir Ár-
múlaskóla og kynntu sér íslenska
skólakerfið. Einnig fóru þeir meðal
annars til Þingvalla og Þórsmerkur.
Pogoria er 47 metra langt og 22
metra breitt. Á skipinu eru 17 segl.
0,25% hækkun verð-
tryggðra vaxta í IB
BANKAR og sparisjóðir tilkynntu ekki breytingar á vöxtum í gæi*, en
þá var einn þriggja vaxtabreytingardaga í mánuði hveijum, að öðru
leyti en því að Iðnaðarbankinn hækkaði vexti af verðtryggðum skulda-
bréfum um 0,25%, þannig að algengir vextir hækkuðu úr 7,75% í 8%
og kjörvextir úr 6,25% í 6,50%.
Boðaðar breytingar á vöxtum
óverðtryggðra skuldabréfa tóku hins
vegar gildi í gær, en þær þarf í flest-
um tilvikum að tilkynna með 10 daga
fyrirvara. Vextir þeirra lækkuðu um
allt að 4%. Þannig lækkaði meðaital
algengra vaxta á óverðtryggðum
skuldabréfum úr 29,4% í 27,5%. Þeir
eru lægstir í Landsbanka og Sam-
vinnubanka 27%, en hæstir í Al-
þýðubankanum 29%, samkvæmt
upplýsingum Seðlabankans. For-
vextir víxla eru 24 til 26% eða að
meðaltali 25,2%. 26% vextir á
tveggja mánaða víxli jafngilda 30,5%
vöxtum greiddum eftir á og 24%
forvextir jafngilda 27,8% vöxtum
greiddum eftir á.
Hækkun lánskjaravísitölu milli júlí
og ágúst var um 13% miðað við heiit
ár og spáð er 16% hækkun hennar
miðað við heilt ár í september og í
október hækkun sem jafngildir rúm-
lega 22% á heilu ári. Raunvextir á
60 daga víxii voru neikvæðir um 2,7%
á fysta ársfjórðungi 1989, jákvæðir
um 5,5% á 2. ársfjórðungi, jákvæðir
um tæplega 19% á þriðja ársfjórð-
ungi og miðað við núverandi vexti
og fyrirliggjandi spár um þróun verð-
lags og launa það sem eftir er ársins
Garðabær:
verða þeir jákvæðir um 8% á 4. árs-
fjórðungi. Þetta jafngildir rúmlega
7% meðalvöxtum á ári, þannig að til
lengri tíma litið virðist ríkja jafnvægi
milli verðtryggðra og óverðtryggðra
útlánsvaxta.
Flugvirkjar
Gæslunnar
gera samning
SAMNINGAR tókust hjá ríkis-
sáttasemjara í gær milli flug-
virkja Landhelgisgæslunnar
og forsvarsmanna hennar.
Samningurinn verður borin
undir atkvæði flugvirkja
Landhelgisgæslunnar í dag
eða kvöld.
Deilan kom til ríkissáttasemj-
ara í síðustu viku, eftir að til-
raunir til samninga í kjölfar
samninga flugvirkja fyrr í sumar
við flugfélögin skiluðu ekki ár-
angri. Deilunni olli að ríkið vildi
breyta sérkjarasamningi við
flugvirkja frá árinu 1987.
Dagvist hækkar um 15%
DAGVISTARGJÖLD í Garðabæ hækkuðu um 15% þann 1. september
sl. Fullt dagvistargjald er nú 12 þúsund krónur, en var 10.400. Fyrir
forgangshópa, einstæða foreldra og námsmenn, er dagvistargjald 7.100
krónur.
Að sögn Ingimundar Sigurpáls-
sonar, bæjarstjóra í Garðabæ, hækk-
uðu dagvistargjöld bæjarsins síðast
þann 1. apríl, en höfðu þá ekki hækk-
að frá 1. mars 1988. „Þessi hækkun
nú tekur mið af verðlagshækkun-
um,“ sagði hann. „Fjögurra klukku-
stunda almennt gjald var 4.700 á
mánuði, en hækkar í 5.400, fimm
klukkustunda gjald fer úr 5.800 í
6.700 og fullt dagvistargjald fer úr
10.400 í 12.000. Hins vegar held ég
að ég geti fuliyrt, að á dagvistar-
heimilum hér eru eingöngu börn for-
eldra í forgangshópum, það er ein-
stæðra foreldra og námsmanna.
Gjöldin fyrir þessa hópa eru lægri
og eftir hækkun eru þau 4.800 fyrir
fjórar stundir, 6.000 fyrir fímm
stundir og dagvistargjaldið er 7.100
krónur. Þá greiðir bærinn einnig nið-
ur gjöld dagmæðra," sagði bæjar-
stjórinn.