Morgunblaðið - 15.11.1990, Síða 27

MORGUNBLAÐIÐ FIMMTUDAGUR 15. NÓVEMBER 1990
27
Alþjóðleg' siglingakeppni fyrirhuguð næsta sumar:
Siglt leið frönsku
Íslandssj ómannanna
FYRIRHUGAÐ er að halda alþjóðlega keppni í siglingu frá norður-
strönd Frakklands til íslands og aftur til baka í ágúst eða september
á næsta ári. Nýlega kom frönsk sendinefnd í tveggja daga heimsókn
til Reykjavíkur til undirbúnings keppninni. Ætlunin er að sigla sömu
leið og hundruð franskra fiskiskúta sigldu í áraraðir til þorskveiða
til íslands.
Franska sendinefndin átti fund
með Hannesi Valdemarssyni hafn-
arstjóra og starfsmönnum
Reykjavíkurborgar. Var ákveðið að
keppnisskúturnar, sem verða um
15 talsins, 15-20 metra langar,
fengju aðstöðu við Ingólfsgarð eða
við Miðbakkann í Reykjavíkurhöfn,
þannig að þær yrðu sem næst Mið-
bænum. Sagði hafnarstjóri að þetta
mundi geta lífgað verulega upp á
hafnarstarfið og borgina í heild.
Frönsku fulltrúunum leist vel á
að falast eftir leigu á Hótel Borg í
miðbænum fyrir mótstjórn, blaða-
menn og hótelherbergi fyrir kepp-
endur og fleiri, 70-100 manns. Er
nú beðið eftir formlegu svari borg-
aryfirvalda.
Fyrri daginn áttu Frakkarnir
fund með fulltrúum frá borginni,
að viðstöddum fulltrúum fleiri aðila,
sem þurfa að koma við sögu í skipu-
lagi keppninnar, frá Siglingaklúbbi
Reykj avíkur, Slysavarnafélaginu,
Landhelgisgæslunni o. fl. og var
málið kynnt. Þingmaðurinn og
borgarstjórinn í bæ Islandsjómann-
anna Gravelines, M. Albert Den-
vers, leiddi sendinefndina.
Áhugi fyrir keppninni hefur
reynst talsverður. Um 15 alþjóðleg-
ar keppnisskútur hafa lýst áhuga á
þátttöku, en þær eru frá ýmsum
löndum, m.a. Ástrálíu, Nýja Sjál-
andi, Frakklandi, Bretlandi, og
Bandaríkjunum. Þriggja til fimm
manna áhöfn er á hverri skútu.
Verður nokkurra daga sigling hvora
leið og nokkurra daga viðdvöl í
Reykjavík. Reiknað er með að lið
fréttamanna fylgist med keppninni
frá degi til dags. Þrenn verðlaun
verða veitt, fyrstu verðlaun tvær
milljónir króna.
Bók um íslenskar fjömr
BÓKAÚTGÁFAN Bjallan hef-
ur gefið út bók með fróðleik um
fjörur landsins og fjörulíf, gróð-
ur, dýr og margvíslegar nyljar
manna af fjörum fyrr og nú.
Þessi bók nefnist íslenskar fjörur
og er eftir Agnar Ingólfsson,
prófessor. Bókin er prýdd 80 lit-
myndum af fjörum og fjörulíf-
verum. Er þetta önnur bók Bó-
kaútgáfunnar Bjöllunnar í ritröð
uin íslenska náttúru, en áður
hefur komið út bókin „Islenskir
steinar".
í kynningu útgefanda segir m.a.:
„Umræða um náttúruvernd hefur
verið í brennidepli á undanförnum
árum. Mönnum er ljósara nú en
fyrr hve hart er sótt að íslenskri
náttúru. í þessari bók er lögð
áhersla á að kynna smádýr og þör-
unga fjörunnar, og er henni ætlað
að vera alþýðlegt fræðslurit. Mynd-
irnar munu opna mörgun sýn inn
í þann undraheim sem reynist við
bæjardyr flestra landsmanna. Þá
er þarna að finna þjóðlegan fróleik
og hinduivitni fyrri tíma.“
Agnar Ingólfsson
íslenskar fjörur er 96 blaðsíður í
stóru broti. Útgefandi Bjallan hf
og Prentsmiðjan Oddi annaðist
hönnun, setningu, umbrot, filmu-
vinnu, litgreiningu, prentun og bók-
band.
Jóladagatöl Lionsklúbbanna
LIONSKLÚBBURINN Freyr í
Reykjavík og Lionsklúbbar á
flestum stöðum á landinu hafa
nú selt jóladagatöl með sælgæti
í tæp tuttugu ár. Flestir íslend-
ingar 25 ára og yngri hafa notið
þessara dagatala og talið með
þeim dagana langa til jóla.
Allur hagnaður af sölu jóladaga-
talanna rennur til líknarmála og
með því að kaupa þau er fólk að
styrkja margvísleg mannúðarmál
um leið og það gleður börnin. Sem
dæmi má nefna að Lionsklúbburinn
Freyr gat veitt fé af sölu síðasta
árs til kaupa á talþjálfunartölvu
fyrir Grensásdeild Borgarspítalans,
björgunarbát fyrir Björgunarsveit-
ina Albert, sjónvarpi fyrir barna-
spítala Hringsins, heimilistækjum
fyrir sambýli Styrktarfélags van-
gefinna að Lækjarási og ýmsu
fleira.
Sala dagatalanna er að hefjast
þessa dagana. Eins og undanfarin
jól fylgir tannkremstúpa hverju
dagatali svo og hvatning frá jóla-
sveininum til barnanna um að muna
eftir að bursta tennurnar.
Það er von Lionsklúbbanna að
jóladagatölin fái sömu góðu móttök-
urnar eins og alltaf áður.
(Fréttatilkynning)
■ ■ OPINN stjórnmálafundur um
500 daga áætlunina. Forystumenn
í íslenskum stjórnmálum segja kost
og löst á Þjóðlífsáætluninni um „leið
íslands til markaðsbúskapar". Birt-
ing boðar til opins stjórnmálafund-
ar fimmtudaginn 15. nóvember í
Ársal Hótels Sögu, og hefst hann
kl. 20.30. Fimm forystumenn í
íslenskum stjórnmálum ijalla um
500 daga áætlun tímaritsins
Þjóðlífs um „leið íslands til mark-
aðsbúskapar" og segjá álit sitt á
henni, þau: Friðrik Sophusson,
alþingismaður, Jón Sigurðsson,
iðnaðarráðherra, Kristín Einars-
dóttir, alþingismaður, Ólafur
Ragnar Grímsson, fjármálaráð-
herra, og Steingrímur Her-
mannsson, forsætisráðherra. Að
lokinni stuttri framsögu fimm-
menninganna verða pallborðsum-
ræður með tveimur af höfundum
áætluninnar, þeim Guðmundi Ól-
afssyni hagfræðingi og Jóhanni
Antonssyni viðskiptafræðingi.
Fundarstjóri verður Svanfríður
Jónasdóttir.
(Fréttatilkynning)
SAUÐMEMLAUST
ÞYKKILDI
Ljóð og sögur
eftir
ívar Pál Jónsson
og
Gunnlaug Jónsson
Ný bók:
Sauðmeinlaust þykkildi
TVEIR bræður, ívar Páll Jónsson
og Gunnlaugur Jónsson, hafa
sent frá sér bókina Sauðmein-
laust þykkildi, en hún ber undir-
titilinn: Ljóð og sögur. Bókin er
58 blaðsíður að stærð og fjölrituð
í Offsetfjölritun hf.
Á bókarkápu segir: „Höfundar
þessa tímamótaverks í bókmennta-
sögu Islendinga eru bræður 14 og
16 ára gamlir. Hefur bókin að
greyma úrval úr verkum þeirra frá
þremur síðustu árum. Þetta eru
menn sem bera svo mikla um-
hyggju fyrir andlegri velferð þjóðar
sinnar, að þeir ,geta ekki hugsað
sér að láta hana bíða með að njóta
hæfileika sinna þar til þeir verði
fullorðnir. Þar að áuki fylgir sá
kostur ungum aldri þeirra, að þeir
verða ekki ekki lögsóttir af þeim,
sem finnst á sig hallað í bókinni,
t.d. hvorki Ástgraði Sveinssyni né
Geirþrúði á klósettinu."
HAGKAUP
Allt í jólabaksturinn
Ljómasmjörlíki,5oogr 99 Jumbó heslihnetukjarnar, 100 gr... 49
Kjarna bökunarsmjörlíki, 500 gr 89 Royal lyftiduft, 200 gr 90
Finax hveiti,2kg 69 DS púðursykur, dökkUr, 500 gr 69
Skælskersultur, 750 gr 169 Hagvers döðlur, 500 gr 158
(jarðarberja, hindberja, sólberja) Vita bökunarpappír, iomtr 139
Konsumsuðusúkkulaði, ioogr 90 Kjarna bökunarsultur, 1,2 kg 269
Odense marsipan okonomi, 500 gr 239 (rabarbara, blönduð, sveskju)
Mónusúkkulaðispænir, i5ogr 85 Vanillusykur 139
Valsa súkkulíki,4oogr 142 Negull 75
G.P.smjörpappír, minm 52 Tertubotnaforrn,23cm 119
Golden Sýróp (Tate and Lyle) 1 kg. 199 Jólakökuform, n-tii 159
Flóru kakó,4oogr 186 Jólakökuform, stór 169
Jumbó hakkaðar möndlur, ioogr... 79
Nýtt kortatímabil hefst í dag
TILB0Ð VIKUNNAR:
Kaupið góða vöru ódýrt