Morgunblaðið - 30.01.1991, Blaðsíða 35

MORGUNBLAÐIÐ MIÐVIKUDAGUR 30. JANÚAR 1991
Lögmaðurinn Ford er í virkilega vondum málum í Uns sekt er
sönnuð.
Bruggnð banaráð
Skuggaleg
andlitslyfting
Kvikmyndir
Sæbjörn Valdimarsson
Bíóborgin:
Uns sekt er sönnuð — „Pres-
umed Innocent"
Leikstjóri Alan J. Pakula. Hand-
rit Pakula og Frank Pierson,
byggt á skáldsögu Scotts
Turow. Aðalleikendur Harrison
Ford, Bonnie Bedelia, Greta
Scacchi, Paul Winfield, Raul
Julia, Brian Dennehy,- Joe Griaf-
asi. Bandarísk. Warner Bros
1990
Fáar skáldsögur hafa skapað
annað eins uppnám og Uns sekt
er sönnuð, fyrsta bók Turows,
þekkts lögfræðings sem sneri sér
að ritstörfum og kvaddi réttarsal-
ina. Áður en bókin kom út voru
kunnir kvikmyndaframleiðendur
búnir að marg-yfirbjóða hver ann-
an (veðjuðu á réttan hest því hún
varð metsölubók) og kvikmynda-
rétturinn fór á morð fjár. Það er
ekkert til sparað í kvikmyndagerð-
ir með slíka forsögu og Uns sekt
er sönnuð er lýtalaust dæmi um
fágaða atvinnumennsku.
Saksóknara (Ford) er fengið
snúið mál til meðferðar, samstarfs-
maður hans, aðstoðarsaksóknarinn
Scacchi, er myrtur og fyrr en var-
ir berast böndin að honum sjálfum.
Ford er giftur, en átti í endasleppu
ástarsambandi við hina látnu og á
morðstaðnum finnast geigvænleg
sönnunargögn, fingraför hans o.fl.
Til að bæta gráu ofaná svart á
yfirboðari hans (Dennehy) í
strangri og tvísýnni kosningabar-
áttu og verður það stórpólitískt að
bragði, enda vatn á myllu andstæð-
inga Denniiys.
Þungamiðja myndarinnar er því
spurningin hvort Ford sé sekur eða
saklaus og vissulega slævir það
skemmtunina að hafa lesið bókina.
Fléttan er meginprýði bókarinn-
ar/myndarinnar. En Pakula kemst
prýðilega frá handritinu, heldur
jafnvel þrautkunnugum lesendun-
um í óvissu á köflum. Áhorfandinn
kemst í nánari snertingu við bak-
tjaldamakk dómsvaldsins en í öðr-
um skyldum myndum á undanförn-
um árum. Lítið fer fyrir kaldhæðni
bókarinnar, Pacula hefur valið efn-
inu alvarlegri f'arveg. Yfirbragðið
er sterkt og þunglamalegt en held-
ur manni við efnið frá upphafi til
enda. Leikaravalið er næstum óað-
finnanlegt, hér fá afburðaleikarar
sem ekki hafa fengið of mörgtæki-
færi, að njóta sín. Julia, Dennehy,
Winfield og Bedelia fara á kostum,
Grifasi óborganlegur, Scacchi und-
irförul femme fatale. Hinsvegar
er erfitt að sætta sig við leik og
útlit Fords í aðalhlutverkinu og þó
hann geri margt býsna vel, eins
og hans er von og vísa, er þáttur
hans einn fárra galla ágætismynd-
ar. Það má örugglega skrifa hann
á reikning leikstjórans að miklu
leyti. Of mikið er gert úr umkomu-
og ráðaleysi hans og klippingin
ljær honum frekar útlit tugthús-
slims en virts lögmanns.
Hvað sem öðru líður er mergur
málsins sá að Uns sekt er sönnuð-
er ein af þessum fágætu myndum
sem fá bíófýkilinn til að hreiðra
um sig strax á upphafsmínútunum,
fá sæluhroll því hann veit að hann
á í vændum sannkallað Bíó — með
stórum staf.,
Kvikmyndir
Arnaldur Indriðason
Skuggi („Darkman"). Sýnd í Laug-
arásbíói. Leikstjóri: Sam Raimi.
Aðalhlutverk: Liam Neesön, Fran-
cis McDormand.
I vísindahrollvekjunni Skuggi
eða „Darkman" leikur sá ágæti
leikari Liam Neeson vísindamann
sem fundið hefur aðferð til að búa
til mannshúð í tilraunastofu. Gall-
inn er bara sá að hún dugar ekki
nema í 99 mínútur. Eftir það tekur
hún að eyðileggjast. Óþokkar í leit
að upplýsingum frá vinkonu
vísindamannsins leggja rannsókn-
arstofuna hans í rúst og sprengja
hana svo í loft upp. Neeson slepp-
ur lifandi úr eldinum en mestallt
andlitið er horfið og mikill partur
líkamans brunninn. Hann flýr af
spítalanum og kemur sér fyrir í
yfirgefínni skemmu þar sem hann
heldur áfram að búa til mannshúð,
núna til að fela sína eigin afskræm-
ingu og til að hefna.
Þetta. er bláþráðurinn í einni
skemmtilegustu og hressilegustu
vísindahrollvekju sem sýnd hefur
verið hér síðustu árin. Hún er eft-
ir B-myndasmiðinn Sam Raimi og
tekur margt að láni úr kvikmynda-
sögunni eins og „Dr. Jekyll and
Mr. Hyde“, „The Beauty and the
Beast“ og jafnvel skikkjuklædda
skálkabananum, „Batman"
(Danny Elfman sér líka um tónlist-
ina í þessari), en bakar það saman
í eldföstu formi dúndurgóðrar af-
þreyingar með verulega ógnvæn-
legum skúrkum, sprengingum, elt-
ingarleikjum, góðum áhættuatrið-
um og skotbardögum.
Innanum öll lætin gefur Raimi
sér líka tíma fyrir sálarangist hinn-
ar harmrænu hetju sem dregið
hefur sig úr samfélagi mannanna
inní myrka undirheima mannhat-
urs og hefndarþorsta. Innri barátta
hans gefur myndinni nauðsynlega
dramatíska innspýtingu; sálin er
jafnilla brunnin og andlitið og þótt
hann haldi áfram að vera sá öðling-
ur sem hann áður var er kominn
annar og dekkri og ofsafengari í
hann líka, sem hefur enga stjórn
á hamslausri bræðinni.
Sam Raimi skapar virkilega
góða B-mynda tilfinningu í Skugga
(fín þýðing þótt hin sanna Tíma-
hetja eigi nafnið), með áhrifaríkri
leikstjórn, hraða í frásögn og af-
dráttarlausu ofbeldi (óþokkinn er
sannkallaður óþverri), í bland við
vísindaskáldskap sem er á mörkum
hins vitræna. Vísindamaðurinn
getur með húðframleiðslu sinni
breytt sér í hvern sem er í 99
mínútur og notar það hugvitsam-
lega til að vinna á óþokkunum;
eftirminnilegast er þegar vísinda-
maðurinn hefur breytt sér í erki-
fjanda sinn og þeir mæta hvor
öðrum í snúningsdyrum.
. Mitt í öllum ófögnuðinum lúrir
svo ljúfsár ástarsaga á milli Nees-
ons og vinkonu hans, hinnar frá-
bæru Francis McDormand. Leikur-
inn er allur með mestum ágætum.
Neeson smellur í hlutverkið og lýs-
ir einkar vel angist og sálarkvölum
myrkraverunnar og McDormand
er ljósið í myrkrinu.
Afmæliskveðja;
Olafur Þórðar-
son í Suðurgarði
Óli í Suðurgarði í Vestmannaeyj-
um er áttræður í dag. Ólafur Þórðar-
son er þeirrar ættar að óhægt er
að lýsa í fáum orðTTm, en þó er ein-
urð ríkjandi í fari þessa fólks í Jasi
sem málafylgju. í eðli sínu er Óli í
Suðurgarði byltingarmaður og
ósjaldan hefur hvesst hressilega yfir
eldhúsborðinu í Suðurga.rði með til-
heyrandi lífi og fjöri. I Óla í Suður-
garði býr veldi ólíkra þátta, barna-
gælunnar, veiðimannsins, baráttu-
mannsins og bókaormsins sem ann
ljóðum og listrænum frásögnum,
enda inaðurinn sjálfur lista sögu-
maður og líf hans allt með slíkum
tilþrifum að ævintýralegt þætti_ í
svæsnustu skáldsögu. Ungur fór Óli
til sjós bæði sem fiskimaður og far-
maður og heimshöfin hefur hann
siglt með viðkomu og ævintýrum í
hinum aðskiljanlegu höfnum. Hann
sigldi í stríðinu og lenti í hrikalegum
átakspunktum þegar menn urðu að
sigla mannslífln af sér og dagskipun-
in réð ferðinni og heildaráætlun en
ekki það sem upp kom og skipti
sköpum um líf eða dauða einstakl-
inganna. Fiskimaður, farmaður, raf-
virki, vélstjóri, bóndi, lundaveiði-
maður. Þannig er lengi hægt að
halda áfram með Óla í Suðurgarði,
því hann hefur víða komið við og
hvarvetna hefur hann sett svip á
umhverfi sitt og lífsins kómidí, hvort
sem er í spjalli á dívaninum í eldhús-
inu hjá honum og henni Svölu í
Suðurgarði, eða þegar vínið þraut
og hann arkaði á móti flugvélinni í
flugtaki á Vestmannaeyjaflugvelli til
þess að komast „suður“, eða í spjalli
með vinnufélögunum í hinum ýmsu
heimsálfum. En þrátt fyrir að oft
hafi kippt af leið á langri ævin eins
og gengur og gerist hefur það aldr-
ei brugðist hjá Óla í Suðurgarði að
taka upp hanskann fyrir lítilmagn-
ann, réttlæti og sanngirni þar sem
hver einstaklingur á að eiga sinn
möguleika og sinn rétt. Á síðari
árum hefur Óli unnið merkilegt
hjálparstarf innan raða AA-samtak-
anna og enn er þessi síungi maður
kvikur og grannur sem unglingur,
enda munar hann ekkert um að
bregða sér í lárétta stellingu hvenær
sem er og taka eins og 15-20 arm-
beygjur. Oli í Suðurgarði er traustur
vinur og félagi, kröfuharður en sann-
gjarn. Megi hann lengi enn halda
þeim takti sem er aðalsmerki hans,
snerpu í fasi og framkomu með
stóískri gamansemi. Lífsakkerið
hans, hún Svala í Suðurgarði, hefur
að vanda kaffi á könnunni handa
hverjum þeim sem að Suðurgarði
ber á afmælisdaginn sem endranær.
Megi gifta og gæfa fylgja þessum
sérstæðu hjónum oghamingjuóskir.
Árni Johnsen
__________Brids_____________
ArnórRagnarsson
Islandsmót kvenna og yngri
spilara í sveitakeppni
Skráningu í þessi Islandsmót lýkur
í dag, miðvikudaginn 30. janúar. Ef
einhverjir eru ekki búnir að láta skrá
sig, þá þarf að gera það strax í dag.
Byrjað verður að spila föstudagskvöld-
ið 1. febrúar kl. 19.30, þá og á laugar-
daginn verður spiluð undankeppni,
síðan úrslitakeppni á sunnudag. Spilað
verður í Sigtúni 9 og keppnisstjóri
verður Kristján Hauksson.
Bridshátíð 1991
Gestalistinn á Bridshátíð Bridssam-
bands íslands og Flugleiða er nú tilbú-
inn. Þar er fyrst að nefna sveit frá
Austurríki. Tveir þeirra voru gestir
okkar á Bridshátíð ’89, Heinrich Berg-
er og Wolfgang Meinl. Þeir urðu þá í
17. sæti í tvímenningi Bridshátíðar
en félagar þeirra Fucik og Kubak
unnu hann þá örugglega. Þeir koma
ekki núna en í stað þeirra kom Kadlec
og Terraneo. Góðvinur okkar, Zia
Mahmood, kemur með skemmtilega
blandaða sveit eins og oft áður. Hann
ætlar að þessu sinni að spila við ísra-
elsmanninn Lev og með þeim koma
tveir Frakkar, Paul Chemla og Christ-
ian Mari. Þriðja boðssveitin kemur frá
Bandaríkjunum og þar eru vel þekkt
nöfn frá Bridshátíðum á ferð. Mike
Polowan, Mark Molson og Alan
Sontag eru nöfn sem við þekkjum og
með þeim kemur Boris Baran. Skrán-
ing í tvímenning og sveitakeppni
Bridshátíðar stendur yfir og lýkur
skráningu í tvímenninginn næsta
mánudag, 4. febrúar. 48 pör geta ver-
ið með í tvímenningnum og verður listi
yfir þátttakendur birtur strax að lokn-
um skráningarfresti.
ísland í A-flokk!
\
Hvað hefur áunnist? Hvað er framundan?
Hvers konar ríkisstjórn?
Árni Gunnarsson, efsti maður á lista Alþýðuflokksins í Suðurlandskjördæmi og Jón Baldvin
Hannibalsson, utanríkisráðherra og formaður Alþýðuflokksins, á opnum fundi í sal Sveinafélags
jórniðnaðarmanna, við Heiðarveg, Vestmannaeyjum, n.k. miðvikud. 30. jan. kl. 20.30.
Fundarstjórn: Þorbjörn Pálsson
Fjölmennum á skemmtilegan fund.
ALÞÝÐUFLOKKURINN