Morgunblaðið - 30.01.1991, Blaðsíða 46
46
MORGUNBLAÐIÐ IÞROTTIR MlDyiKUDAGUR 30. JANÚAR 1991
WKEPPNIN
ÍSLENSKI HANDBOLTINN
19. UMFERÐ
Miövikudagur 30.01.
Valur - Víkingur
Kl. 18:30
Hlíðarendi
Miðvikudagur 30.01.
Stjarnan - ÍBV
Kl. 20:00
Ásgarður, Garðabæ
Miövikudagur 30.01.
Fram - Haukar
Kl. 20:00
Laugardalshöll
Miövikudagur 30.01.
FH - Grótta
Kl. 20:00
Kaplakriki, Hafnarfirði
Miðvikudagur 30.01.
Selfoss - ÍR
Kl. 20:00
íþróttahús Selfoss
Míðvikudagur 30.01.
KA-KR
Kl. 20:30
íþróttahöllin, Akureyri
VÁTRYGGIIVWÉLAGISIAMIS HF
X
HANDKNATTLEIKUR / BIKARKEPPNIN A SPANI
Alfreð tryggði Bidasoa bikarinn með 19. markinu:
„Mikilvægasta
markið á ferlinum“
ALFREÐ Gíslason bætti enn
einni rósinni íhnappagatið
um helgina, þegar hann átti
stóran þátt í að Bidasoa varð
spænskur bikarmeistari í
handknattleik ífyrsta sinn.
Alfreð fór á kostum í úrslita-
keppninni og ekki síst í sjálf-
um úrslitaleiknum, þar sem
hann gerði níu mörk. Leikur-
inn var í járnum lengst af og
þurfti framlengingu til að fá
fram úrslit. Að venjulegum
leiktíma loknum var staðan
16:16 og Bidasoa var 18:17
yfir i hléi framlengingarinnar.
Alfreð gerði 19. mark Bidasoa
með þrumuskoti fyrir utan og
réði það í raun úrslitum, en
Bidasoa vann 21:18. „Þetta
er mikilvægasta markið á ferl-
inum,“ sagði Alfreð við Morg-
unblaðið. „Það tryggði okkur
í raun sigurinn, því leikur At-
lético riðlaðist og liðið varð
að taka áhættu, sem gekk
ekki upp — vörn þeira opnað-
ist og eftirleikurinn varð auð-
veldari fyrir okkur.“
Bidasoa er frá Irun á Norður-
Spáni, en þar búa um 65.000
manns. Þegar Ijóst var að liðið
myndi leika til úrslita héldu hörð-
ustu stuðningsmennirnir til Val-
encia, þar sem úrslitin fóru fram,
en þangað er 12 tíma akstur.
„Það var okkur mikil hvatning að
fá þetta fólk og sem betur fer
hafði það erindi sem erfiði," sagði
Aifreð.
„Ótrúlegar móttökur"
Strax eftir úrslitaleikinn á
sunnudag hélt lið Bidasoa akandi
til Irun og kom þangað klukkan
rúmlega fimm á mánudagsmorg-
un. Alfreð sagði að menn hefðu
verið orðnir þreyttir eftir keppnina
og ferðalagið og hlakkað til að
komast í rúmið, en hvíldin varð
að bíða betri tíma.
„Við urðum mjög hissa, þegar
við ókum inn í Irun. Fjöldi manns
var saman kominn á aðaltorginu
og hafði fólkið beðið eftir okkur
alla nóttina. Þetta voru ótrúlegar
móttökur og þær komu okkur
sannarlega á óvart, en stemmn-
ingin var meiri háttar — og er
enn.“
Bidasoa varð spænskur meist-
ari 1986, en sigurinn í bikar-
keppninni að þessu sinni var ann-
ar stóri titillinn í sögu félagsins.
„Hér er allt á öðrum endanum og
ég veit ekki hvar þetta endar.
Allir keppast við að halda okkur
veislu enda ekki á hveijum degi
sem Bidasoa verður meistari —
reyndar átti enginn von á að
draumurinn myndi rætast.“
Alfreð Gíslason fór á kostum í úrslitakeppninni og ekki síst í sjálfum
úrslitaleiknum, þar sem hann gerði níu mörk.
„Ánægjulegasti titillinn
Alfreð varð Þýskalandsmeistari
með Essen 1986 og 1987, en varð
nú bikarmeistari í þriðja sinn.
Árið 1982 hampaði hann bikam-
um með KR og 1988 varð hann
þýskur bikarmeistari með Essen.
„Allt er þegar þrennt er og -það
var gaman að ná spænska titlin-
um — ætli þetta sé bara ekki
ánægjulegasti titillinn. Nú hefur
Stjáni [Kristján ArasonJ bara
Evróputitilinn fram yfir mig! Eins
er að ég á sjálfur meira í þessum
titli en öðrum. Árangur Bidasoa
byggist á því að við Wenta leikum
vel og við gerðum örugglega það
sem þurfti að þessu sinni. Þá varði
Zuniga ein 22 skot í úrslitaleikn-
um og það hafði heldur betur sitt
að segja.“
„Get kvatt með sæmd"
Samningur Alfreðs við Bidasoa
rennur út að loknu yfirstandandi
keppnistímabili. Þá kemur hann
heim og tekur við stjóminni hjá
KA á Akureyri.
„Þessi úrslit breyta engu hv_að
framhaldið hjá mér varðar. Ég
kem heim í sumar, en get þá kvatt
með sæmd enda verður varia ann-
að sagt en að ég skili góðu búi
af mér.“
Alfreð sagði að ef Bidasoa héldi
áfram að leika eins og í bikar-
keppninni yrði liðið jafnframt með
í baráttunni um meistaratitiiinn á
Spáni og Evrópumeistaratitil bik-
arhafa. Þar mætir liðið Dinamo
Búkarest frá Rúmeníu í átta liða
úrslitum í næsta mánuði og hefur
Bidasoa keypt útileikinn til Irun.
„Þessir leikir í bikarkeppninni
vom erfiðir og það þurfti mikinn
kraft til að rífa sig upp eftir að
Atlético hafði jafnað, 16:16, 20
sekúndum fyrir leikslok í úrslita-
leiknum. En okkur tókst það og
ef við höldum áfram á sömu braut
verðum við með í baráttunni.“
KORFUKNATTLEIKUR
Byrjunarmenn valdir
í IMBA-stjömuliðin
Búið er að velja byijunarlið
NBA-stjörnuliðanna, sem
mætast í Charlotte í Norður-
Karólínu, þar sem leikið verður í
íþróttahöll sem tekur 23.500 áhorf-
endur í byijun febrúar.
Það voru áhorfendur í NBA-
deildinni sem völdu byijunarliðin.
Þjálfarar liðanna velja síðan aðra
leikmenn í liðin. Eftirtaldir verða í
byijunarliðunum:
Austurströndin:
Bakverðir: Michael Jordan, Chicago og
Isiah Thomas, Detroit.
Miðvörður: Patrick Ewing, New York.
Framheijar: Larry Bird, Boston og Charl-
es Barkley, Philadelphia.
Þjálfari: Chris Ford, Boston.
Vesturströndin:
Bakverðir: Earwin „Magic" Johnson, LA
Lakers og Kevin Johnson, Phoenix.
Miðvörður: David Robinson, San Antonio.
Framheijar: James Worthy, LA Lakers og
Karl Malone, Utah.
Þjálfari: Rick Adelman, Portland.
Stórleikurað
Hlíðarenda
Efstu lið 1. deildar karla í handknatt-
leik, Víkingur og Valur, mætast að
Hlíðarenda í kvöld kl. 18.30. Heil
umferð er á dagskrá í kvöld. Eftir-
taldir leikir:
Hlíðarendi ....Valur - Víkingur 18.30
Garðabær.Stjarnan - IBV 20.00
Höll........Fram-Haukar 20.00
Kaplakriki.FH-Grótta 20.00
Selfoss.....Selfoss - ÍR 20.00
Akureyri..........KA-KR 20.30
1. deiíd kvenna:
Kaplakriki..FH - Valur 18.30
Höil......Fram - Grótta 18.30
Selfoss.Selfoss - Stjarnan 18.30
KÖRFUKNATTLEIKUR
Úrvalsdeild:
Seljaskóli.ÍR-Valur 20.00