Morgunblaðið - 03.04.1991, Blaðsíða 14

14
MORGUNBLAÐIÐ MIÐVIKUDAGUR 3. APRIL 1991

GARfílJR
s.62-1200 62-1201
Skipholti 5
2ja-3ja herb.
Urðarstígur. 2ja herb. 60 fm
íb. tilb. u. trév. á 2. hæð í nýend-
urb. húsi. Verð 4,2 millj.
Reykjavíkurvegur. 3ja herb.
74,3 fm ib. á 1. hæð í steinh.
Snotur, björt íbúð á mjög rólegum
stað. Ágæt lóð. Verð 5,7.
Eyjabakki - góð kaup. 2ja
herb. 59,7 fm íb. á 1. hæð i blokk.
1 gott herb. á sömu hæð fylgir.
Snotur íb. Góð kaup. V. 5 m.
Eskihlíð. 3ja herb.
endaíb. á 2. hæð í blokk. l’b.
er 2 fallegar stofur, 1 svefn-
herb., eldh. og bað. Góður
staður. Verð 6,1 millj.
Kleppsvegur. 3ja herb. 82,7
fm íb. á 1. hæð i háhýsi. ib. er 2
saml. stofur, 1 herb., bað og hol.
Góð íb. Húsvörður. Suðursv. Veð-
bandalaus. Verð 6,5 millj.
Vesturberg. 3ja herb. 73,2 fm
íb. á 3. hæð í lyftubl. Góð íb., vel
staðsett. Verð 5,5 millj.
Rauðalækur. 3ja herb.
91,1 fm stórglæsil. jarðh. í
fjórbýli. íb. er öll sem ný
m.a. nýtt í eldh. og á baði.
Nýtt gler. Nýtt á gólfum.
Sérinng., þvottaherb. og
hiti.Laus.
4ra herb.
Engihjalli. 4ra herb.
107,9 fm íb. á 1. hæð í
blokk. Ib. er stofa, 3 svefn-
herb., gott eldh. og bað-
herb. með glugga. Góð íb.
Nýtt lán frá hússt. 2,4 millj.
Kári Fanndal Guðbrandsson,
Axel Kristjánsson hrl.
Sigrún Sigurpálsdóttir,
lögg. fasteignasali.
/
Fyrsta
ástín
Leiklist
Aðalleikarar „Litbrigða jarðar“, Hjálmar Hjálmarsson og Stein-
unn Olína Þorsteinsdóttir
Súsanna Svavarsdóttir
Ríkisútvarpið-Sjónvarp
LITBRIGÐI JARÐARINNAR
Höfundur: Olafur Jóhann Sig-
urðsson
Leikgerð og leikstjórn: Ágúst
Guðmundsson
Leikmynd og lýsing: Steingrím-
ur Þorvaldsson
Búningar: Anna Ásgeirsdóttir
Myndataka: Páll Reynisson
Tónlist: Ríkharður Örn Pálsson
Það hefur verið sagt að fyrsta
ástin sé sú merkilegasta í lífi hvers
og eins; þegar æskan kveður og
tilfinningar manns færast út fyrir
þröngan heim fjölskyldunnar. Þau
tímamót þegar maðurinn þarf að
takast á við önnur gildi en hann
þekkir á bernskuheimili sínu; gildi
sem eru honum framandi. Fyrsta
ástin verður því tími nýrra tilfinn-
inga, óöryggis - en þó óendan-
legrar hamingju. ,,
Aðalpersónan í Litbrigðum
jarðarinnar, Mummi, er á þessum
tímamótum. Hann er sextán ára;
saklaus sveitadrengur og á heim-
ili hans er greinilega aðeins talað
um það sem þarf að tala um; tíðar-
far og skepnur, verkefni sérhvers
dags og verkaskiptingu. Á heimil-
inu eru foreldrar hans og yngri
systir. Mannleg samskipti og allt
hjal um tilfinningar er órafjarri
þessari fjölskyldu - enda fer það
svo að þegar Mummi hittir Sigr-
únu Maríu, fyrstu ástina sína,
verður hann óttalega kjánalegur.
Hún er einu og hálfu ári eldri og
frá heimili þar sem greinilega er
meiri gestagangur en á heimili
Mumma. Hún hefur því líklega
séð og heyrt meira um mannleg
örlög en hann. Það er því Sigrún
sem stígur fyrsta skrefið í sam-
skiptum við Mumma. Hún daðrar
við hann 0g lætur að því liggja
að hún sé ástfangin af honum.
Þetta kemur, vægast sagt, flatt
upp á Mumma, en smátt og smátt
verður hann heltekinn af þessari
staðreynd og verður sjálfur ást-
fanginn upp fyrir haus.
En Sigrún María er bara ung
stúlka sem er að finna sér stað í
tilverunni. Því fylgir, að sjálf-
sögðu, að eiga aðdáendur. Það er
jú alltaf mælikvarði á eigið verð-
gildi. Og svosem ekki margt ann-
að að sýsla þarna í fásinninu. Það
er bara Mummi sem gerir sér
enga grein fyrir þessu og upplifir
þá yndislegu tilfmningu að hann
skipti einhvern máli - að hann
sé sérstakur. Og sakir æsku og
sakleysis, nær hann ekki skiiaboð-
unum, þegar Sigrún María reynir
að gera honum ljóst að hún hefur
ekki áhuga á honum. Hann upplif-
ir því þann óbærilega sársauka
sem fylgir því að vera hafnað; en
um leið opnast honum dyr að
heimi hinna fullorðnu. Hann er
kominn út fyrir verndarsvæði for-
eldranna - og hefur kjark til að
stíga yfir þröskuldinn.
Leikgerð Ágústs Guðmunds-
sonar er mjög trú sögunni - og
ekki síst þeim tilfinningum sem í
henni hrærast. ÖU umgjörð sög-
unnar er ákaflega falleg. Búning-
ar einfaldir og lausir við tilgerð,
ieikmynd skemmtileg og ótrúlega
nákvæm hvað varðar allt skraut
á heimilum. Tökustaðir og töku-
tímar vel valdir og myndatakan
mjög góð. Sagan sjálf, sem kemst
vel til skila, er líka sériega falleg;
það er fátt eins fallegt og að gera
sig að fífli, sakir æsku og sakleys-
is.
Aðalpersónan Mummi á því
örugglega vísan samastað í hjarta
manns, enda sagan sögð út frá
hans sjónarhóli. Þó er kostur sög-
unnar kannski fyrst og fremst
fólginn í því að Sigrún María er
ekki dæmd sem nein ótukt; hún
er líka að leita að sjálfri sér. Leit
þessara tveggja ungmenna fer
fram í tilveru sem er samsett af
ótal römmum. Stéttaskiptingin
skipar þeim Mumma og Sigrúnu
hvoru í sinn ramma - og þótt
ekki væri nema af þeim sökum,
er samband á milli þeirra útilok-
að. Það er kannski mikilvægasta'
lexían í prófraun Mumma; hann
lærir ekki bara eitthvað um mann-
legt eðli, heldur líka um það sam-
félag sem mannlegu eðli hefur
tekist að klúðra saman.
Hjálmar Hjálmarsson leikur
Mumma og er ótrúlega sannfær-
andi. Hann kemur vel til skila
þessari ótrúlegu hamingju yfir því
að einhver „þú“ skuli vera til í
heiminum. Hann er hamingjusam-
ur 1' vöku vegna þess - og ham-
ingjusamur í svefni, alsæluríkinu,
vegna þess að daglegt amstur
skyggir ekki á þessa einu, tæru
tilfinningu. Einlægni Mumma er
fullkomlega eðlileg - svo og von-
brigði hans.
Steinunn Ólína Þorsteinsdóttir
fannst mér ekki eins sannfærandi
í hlutverki Sigrúnar Maríu. Hún
kom ekki nógu hreint til skila
þeim „dúalisma“ sem felst í því
að segja eitt og meina annað.
Þetta var einkennilega óljóst, því
þótt Sigrún vilji ekkert með
Mumma hafa, vill hún samt eiga
aðdáun hans og ást - í íjarlægð.
Auk þess hefur Steinunn gjallandi
rödd og raddbeitingin verður á
köflum einkennileg. Hún hljómar
ekki nógu vel í kvikmynd - og
held ég að Steinunn verði að vinna
vel með röddina í sér, ef hún á
ekki að standa henni fyrir þrifum.
Unnur Stefánsdóttir fer með
hlutverk systur Mumma og gerir
því góð skil. Þessi rólynda stúlka
á fermingaraldri verður eftir-
minnileg, þótt hún sé kannski
fyrst og fremst fulltrúi fyrir það
sakleysi sem Mummi er að tapa.
Önnur hlutverk í sýningunni era
smá, en almennt eru þau vel leik-
in. Þó verð ég að játa að mér
fannst Gísli Rúnar Jónsson þreyt-
andi sem formaður Ungmennafé-
lagsins og held að Gísli mætti vel
fara að gæta að sér, því persónur
hans eru fremur farnar að líkjast
kæk en leiklist.
Litbrigði jarðar er ákaflega fal-
leg saga og víst var sjónvarpsleik-
ritið fallegt, en það verður að
segja eins og er að íslenskir leik-
stjórar virðast eiga í einhveijum
vandræðum með að þjappa efni
saman. í stað þess er það teygt
og togað svo spennan í framvin-
dunni fellur niður. Eg get ekki
sagt að ég hafi verið mjög
„spennt" að sjá seinni hlutann
eftir að þeim fyrri lauk. Það var
ekkert sem kallaði á mann. En
einmitt af þessum sökum kannski,
naut frábær tónlist Ríkharðs Arn-
ar sín sérstaklega vel. Hún var
með því best lukkaða sem ég hef
heyrt við íslenskt sjónvarpsleikrit;
var trú þeim hreinu tilfinningum
ástar og sársauka sem í verkinu
eru, hélt sýningunni saman og
gerði það að verkum að biðin eft-
ir að eitthvað gerðist var ljúf. í
heild var þetta því eftirminnilegt
sjónvarpsleikrit, vegna allrar feg-
urðarinnar sem í því var.
Hafnarfjörður - útsýni
Vorum að fá til sölu þetta sex íbúða stigahús á einum besta útsýnis-
stað í Hafnarfirði. Húsið stendur við Eyrarholt nr. 14 og skiptist í
tvær 3ja herb., tvær 4ra herb. og tvær 5-6 herb. íbúðir. 3ja-6 herb.
íbúðirnar eru á tveimur hæðum þ.e. hæð og ris.
HRAUNHAMARhf
A A FASTEIGNA-OG
I SKIPASALA
| Reykjavíkurvegi 72.
| Hafnarfirði. S-5451 1
Sími54511
Magnús Emilsson
lögg. fasteignasali,
kvöldsími 53274.
Grindavík:
Slasaður
sjómað-
ur sóttur
Grindavík.
LIÐSMENN í björgunarsveitinni
Þorbirni í Grindavík sóttu slasað-
an sjómann út á sjó á mánudags-
kvöld.
Ferðin sem tók um 4 tíma gekk
vel að sögn Gunnars Jóhannssonar
skipstjóra Odds V. Gíslasonar,
björgunarskips deildarinnar. Beiðni
barst frá ísfisktogaranum Ásbirni
RE sem var staddur á miðunum
um 60 sjómílur suður af landinu.
Skipin mættust um 40 sjómílur frá
landi og sjómaðurinn sem hafði
fengið karfabein í höfuðið var tek-
inn um borð í Odd og síðan til
Grindavíkur þar sem hann komst
undir læknishendur.
Að sögn Gunnars er þetta 7. út-
kallið frá áramótum sem berst til
björgunarsveitarinnar og er þetta
mikill sparnaður fyrir útgerðina þar
sem ekki þarf að sigla í land og
slysin hafa ekki verið þessháttar
að landhelgisgæslan sinni þeim þar
sem þau teljast lítilsháttar. Þarna
sé björgunarsveitin því að sinna
þjónustuhlutverki við bátaflotann.
FO
• * •----
Mýrasýsla:
Sameining
sveitarfélaga
til umræðu
SAMEINING sveitarfélaga hefur
verið til umræðu í Mýrasýslu und-
anfarna mánuði. Starfandi er sam-
einingarnefnd með fulltrúum sex
af sjö sveitahreppum sýslunnar.
Að sögn Jóns Þórs Jónassonar
oddvita Stafholtstungnahrepps hefur
bæði verið rætt um sameiningu allra
hreppa Mýrasýslu, utan Borgarness,
og sameiningu í smærri einingar.
Hann sagði að málið hefði verið til
umræðu síðastliðinn vetur án niður-
stöðu og umræður haldið áfram 1
vetur. Taldi Jón Þór að ekki væri
mikil stemmning fyrir sameiningu
nú en menn vildu samt ræða málin.
Sameiningarnefndin boðar til aÞ
menns fundar um sameiningarmálin
í Þinghamri í dag klukkan 14. Meðal
framsögumanna verður Birgir Þórð-
arson fyrrverandi oddviti Önguis-
staðahrepps og mun hann segja frá
reynslunni af sameiningu þriggja
hreppa í Eyjaíjarðarsveit.
Stóðhestur-
inn Orri frá
Þúfu seldur
HÓPUR áhugamanna hefur
keypt 90% eignarhlut í stóðhest-
inum Orra frá Þúfu í Landeyjum
af Indriða Ólafssyni bónda þar.
Kaupendurnir eru um 40 talsins
hvaðanæva að af landinu, sem
samtals kaupa 60 hluta í hestin-
um, en uppgefið kaupverð er 35
þúsund krónur á hvern hlut.
Stofnað hefur verið félag um
kaupin sem heitir Orri sf.
Stóðhesturinn Orri er 4 vetra
gamall, og er hann undan Otri frá
Sauðárkróki, en móðir hans var
alin á Þúfu undan Adam frá Meðal-
felli. Orri hlaut 1. verðlaun á sýn-
ingu Stóðhestastöðvar ríkisins í
fyrravor og einnig á landsmótinu í
fyrrasumar.
Að sögn Indriða Ólafssonar er
Orri á samningi hjá Stóðhestastöð-
inni þar til í haust, en eftir að hann
losnar þaðan verður hann fyrst um
sinn geymdur að Þúfu.