Morgunblaðið - 30.05.1991, Qupperneq 45

MOKGUNBLAÐIÐ FIMMTUDAGUR 30. MAÍ 1991
45
Helga Heiðar hjúkr-
unarkona — Minning
Helga Ragnheiður Halldóra
Runólfsdóttir Heiðar, hjúkrunar-
kona, andaðist fyrir nokkru, 91
árs að aldri. Hún fæddist að Síð-
umúla, Hvítársíðu, Borgarfirði, 7.
janúar 1900. Faðir hennar var
Runólfur Þórðarson, bóndi þar,
fæddur 25. maí 1860, dáinn 19.
maí 1931, sonur Þ. Sigurðssonar
bónda Fiskilæk, Leirársveit, Borg-
arfirði og Sigríðar Runólfsdóttur,
ljósmóður þar. Móðir hennar,
Helga Salóme Ragnheiður Salóm-
ónsdóttir, fædd 28. janúar 1860,
dáin 7. febrúar 1940, var dóttir
S. Sigurðssonar, hreppstjóra, Síð-
umúla, Hvítársíðu, Borgarfirði og
Helgu Ólafsdóttur.
Helga stundaðí nám við Skods-
borg Sanatorium 1920—1924 og
lauk prófi í almennri hjúkrunar-
fræði, ljós-, bað- og nuddlækning-
um, jafnframt námskeiðum í
tungumálúTn og matreiðslu. Hún '
starfrækti nuddlækningastofu á
Hverfisgötu 18, Rvík, 1925—
1930, stundaði sama starf næstu
3 árin á ýmsum stöðum. Var við
hjúkrunarnám á Landspítalanum
1933—34 og öðlaðist réttindi
hjúrkunarkvenna. Hún var hjúkr-
unarkona við sjúkrahús Hvíta
bandsins frá því það tók til starfa
1934 og til hausts 1942, lækna-
varðstofu Rvík 1952—1955, síðan
slysavarðstofu Rvík.
Hún kvæntist 28. ágúst 1942
Ólafí Ólafssyni, Snóksdalín, sem
starfaði við lögreglustjóraembæt-
tið í Rvík. Hann fæddist 11. nóv-
ember 1904, sonur Ó. Jóhannsson-
ar, bónda og gullsmiðs við Breiða-
fjörð og Elínar Vigdísar Ólafsdótt-
ur. Þau eignuðust ekki afkvæmi
en Ólafur átti son með unnustu
sinni, Ólaf, myndlistarmann. Ólaf-
ur átti systur sem lifir, Guðlaugu,
og var ávallt kært með þeim. Þær
voru á sama aldursári.
Frændgarður Helgu sálugu er
stór og margir þjóðkunnir menn.
Föðurbróðir frú Helgu var Matthi-
as Þórðarson minjavörður, Kristj-
án Albertsson rithöfundur var ná-
skyldur en ég man ekki tengslin,
en föðurbræðir Helgu voru fleiri
og kunnir menn.
Helga var vel að sér í íslenskum
bókmenntum, bundnum og
óbundnum, einnig var hún vel les-
in í enskum og hélt minni sínu vel
ávallt.
Heittrúuð var hún og guðstrú
hennar skýr og hrein og ijarska
aðgengileg, þar var allt skýrt og
hreint, skipulagt af mikilli skyggni
hinnar trúuðu konu, sem og allt
hennar líf var hreint og flekklaust.
Við þekktumst vel og lengi og
sátum langtímum og spjölluðum
um bækur og listir, listræn var
hún með afbrigðum, og hafði mik-
ið yndi af hljómlist og spilaði á
orgel sjálf og margt af hennar
fólki. Salómon Heiðar, tónskáld,
var bróðir hennar sem samdi fal-
lega lagið við Sveininn hjá lækn-
um, sem Steingrímur Thorsteins-
son þýddi og fleiri munu þau vera.
Tónlistin hélst við ættmenni henn-
ar, Helgi Heiðar læknir, sem dvel-
ur nú vestan hafs er mikill unn-
andi organsins. Hann er sonur
Salómons og Guðrún dóttir Salóm-
ons er einnig búsett vestan hafs,
nánar tiltekið í Washington-ríki.
Hún er gift efnafræðingi, frönsk-
um manni. Hún er einnig efna-
fræðingur og eiga þau 2 dætur
en Helgi læknir 2 syni. Salómon
átti áður Hauk Heiðar sem ávallt
sýndi Helgu hlýhug og umhyggju.
Einnig átti Helga systur, Sign'ði,
sem nú er látin.
Eitt sinn urðum við samferða
vestur um haf, ég til New York
en Helga hélt til Toronto í Kanada.
Mér fannst leiðin stutt því svo vel
voru strengir okkar stilltir saman.
Þó aldursmunur okkar væri mik-
ill, þá fann ég það aldrei, svo lif-
andi og síung var þessi kæra trúa
vinkona mín.
Eg veit að margir muni þeir af
starfsfólki spítalanna, læknum,
hjúkrunarfólki og sjúklingum sem
muna hina frómu, árvökulu hjúkr-
unarkonu.
Hún elskaði sumarið og sólina
og fór með manni sínum til Ítalíu
þar sem þau áttu vini, gróandi
sólarinnar byggði hana upp að
takast á við skammdegið heima.
Hin mæta kona er hér kvödd
og veit ég að margir munu þeir
sem óska henni guðs blessunar á
sólarströnd nýrrar tilveru.
Jóhanna Brynjólfsdóttir Wathne
Gíslína H. Magnús-
dóttír — kveðjuorð
Fædd 9. febrúar 1934
Dáin 22. maí 1991
Sú harmafregn barst mér sl.
fimmtudag að hún Helga Gíslína
Magnúsdóttir væri dáin. Ég vildi
ekki trúa mínum eigin eyrum,
Helga hafði svo oft verið mikið
veik en með viljastyrk sínum kom-
ist á fætur aftur, en hún veiktist
af krabbameini fyrir 18 árum.
Við kynntumst í fyrsta stuðn-
ingshóp „Styrks“ fyrir þrem árum,
Helga hafði frá mörgu að segja
og er hún rakti sjúkrasögu sína
fannst okkur hinum við hefðum
ekki frá neinu að segja. Þessi hug-
rakka kona átti alltaf hvatningu
og góð ráð að gefa þeim sem í
kringum hana voru. Aldrei kvart-
aði hún, gerði frekar að gamni
sínu, og sló á létta strengi ef talið
barst að veikindum hennar. Helga
var ein af stofnendum „Styrks“
og vann ötullega í samtökunum,
ávallt tilbúin að leggja lið væri hún
ekki fárveik inni á sjúkrahúsi, þó
lét hún ekki sjúkrahúsvistina aftra
sér frá því að koma á fund 16.
apríl sl. Hún kom í hjólastólnum
sínum með leyfi læknis og lék á
als oddi þó fársjúk væri.
Á síðasta fundi vetrarins 14.
maí komst hún ekki, en litlu
dótturdæturnar hennar þijár
Leiðrétting
Misritun varð í fyrirsögn í minn-
ingargrein um Geir Arnesen hér í
blaðinu síðastliðinn þriðjudag. Þar
stóð fyrrverandi efnafræðingur.
Hér átti að standa efnafræðingur.
Beðist er velvirðingar á þessum
mistökum.
komu með móður sinni og færðu
„Styrk“ að gjöf afrakstur af hluta-
veltu er þær höfðu haldið nokkrum
dögum áður, þær vildu leggja lið.
Við minnumst Helgu með sökn-
uði, hún barðist hetjulega meðan
kraftar leyfðu.
Dætrum hennar og öðrum ást-
vinum sendum við okkar innile-
gustu samúðarkveðjur.
F.h. „Styrks", samtaka krabba-
meinssjúklinga og aðstandenda
þeirra.
Steinunn Friðriksdóttir
DÓMS- og kirkjumálaráðherra
hefur í samráði við biskup Is-
lands og menntamálaráðherra
skipað nefnd til að huga að mál-
efnum Skálholtsstaðar og gera
tillögu þar að lútandi. Nefndinni
er ætlað að skoða öll mál, sem
snerta Skálholtsstað, þ. á m.
framtíðarskólarekstur á staðn-
um og rekstur sumarbúða stað-
arins. Ennfremur skipulags- og
byggingarmál og hvernig sé
heppilegast að nýta land staðar-
ins til landbúnaðar.
Lára Mai'grét Ragnarsdóttir, al-
þingismaður, hefur verið skipuð
formaður ' nefndarinnar. Aðrir
nefndarmenn eru sr. Jónas Gísla-
son, vígslubiskup, skipaður sam-
kvæmt tilnefningu biskups Islands,
sr. Sigurður Sigurðarson, Selfossi,
skipaður samkvæmt tilnefningu
menntamálaráðherra, sr. Jón Ein-
arsson, prófastur í Saurbæ, skipað-
ur samkvæmt tilnefningu kirkju-
ráðs, og Ásdís Siguijónsdóttir,
deildarsérfræðingur, skipuð af fjár-
málaráðherra.
(Fréttatilkynning)
Leiðrétting
í frétt Morgunblaðsins í gær þar
sem sagt var frá níunda fundi sveit-
arstjórnarmálaráðherra aðildarríkja
Evrópuráðsins vantaði í inngang-
inn. Þar átti að vera að fulltrúar
Póllands hafí setið fundinn sem
áheyrnarfulltrúar og að Jóhanna
Sigurðardóttir félagsmálaráðherra
hafi sótt fundinn fyrir íslands hönd
ásamt Húnboga Þorsteinssyni skrif-
stofustjóra og Þórhildi Líndal deild-
arstjóra. Morgunblaðið biðst vel-
virðingar á þessum mistökum.
Nefnd um málefni
Skálholtsstaðar
Helga Gunnars-
dóttir — kveðjuorð
Einn haustdag 1972 sitjum við
fimm í sal Tónlistarskólans í
Reykjavík og glímum við spurning-
una: „Ilvers vegna viltu verða tón-
menntakennari?"
Næstu þijú árin glímdum við
áfram. Við tengdumst vináttubönd-
um og mikið gátum við hlegið!
Helga var okkar reyndust á tón-
listarsviðinu og var því oft leiðsögu-
maður hópsins á námstímanum.
Heimili Helgu og Sigurgeirs í
Hraunbænum varð aðalsamkomu-
staður okkar. Þar kynntumst við
kínversku tei, frönsku víni og síðast
en ekki síst hinu ógleymanlega
heimabakaða brauði. Við ræddum
kvennabaráttuna og málefni líðandi
stundar. Við skrifuðum ritgerðir,
lásum fyrir próf og krufum námið
til mergjar. Var jafnvel ekki laust
við að mönnum þætti stundum nóg
um atorku okkar á ýmsum sviðum
skólalífsins.
Eitt af því eftirminnnilegasta frá
námstímanum var samsöngur allra
nemenda tónmenntakennaradeild-
arinnar. Við fengum nafnið „Engla-
kórinn“ og var það ekki minnst að
þakka hljómfágun Helgu og söng-
gleði, sem hreif okkur hin með.
Við sungum mikið og skemmtum
okkur saman þessi ár, og þó sam-.
fundum fækkaði að loknu námi
hélst gleðin óbreytt þegar við hitt-
umst.
Síðastliðið haust var ákveðið að
kalla hópinn saman og Helga sagði
strax: „Ef ég verð hress, þá komum
við öll heim til mín.“ Þannig minn-
umst við Helgu. Hún opnaði okkur
heimili sitt og ásamt fjölskyldunni
miðlaði hún okkur af listinni að lifa.
Fyrir það viljum við þakka.
Hlín, Magga, Þórdís
og Jóhanna.
Ráðstefna um mönnun, skrán-
ingar og rekstur kaupskipa
Samgönguráðuneytið,
Farmanna- og fiskimannasamband íslands, FFSÍ,
Félag matreiðslumanna, FM,
Samband íslenskra kaupskipaútgerða, SÍK,
Siglingamálastofnun,
Vinnumálasamband samvinnufélaganna, VMS og
Vinnuveitendasamband íslands, VSÍ
boða til ráðstefnu um mönnun, skráningu og rekstur
kaupskipa.
Ráðstefnan verður haldin í ráðstefnusal ríkisins í Borgar-
túni 6, föstudaginn 31. maí 1991 og hefst kl. 8:45. Ráð-
stefnugjald er kr. 2.000,- Skráning í síma 62 99 33.
Sérstakur gestur ráðstefnunnar verður Halldór Blöndal,
samgönguráðherra.
Dagskrá:
Ávarp. Samkeppnisreglur og stefna íslenskra stjórnvalda
í siglingum.
Ólafur St. Valdimarsson, ráðuneytisstjóri.
íslensk kaupskipaútgerð.
Einar Hermannsson, SÍK.
Hlutdeild kaupskipaútgerðarinnar í þjóðarbúskapnum.
Guðmundur Friðjónsson, Þjóðhagsstofnun.
Skráningareglur islenskra kaupskipa.
Magnús Jóhannesson, siglingamálastjóri.
Erlend samkeppni.
Þorvaldur Jónsson og Magnús Ármann, skipamiðlarar.
Samkeppni i alþjóðlegum siglingum.
Benedikt Valsson, FFSI, og Einar Hermannsson, SÍK.
Stefnumótun Evrópubandalagsins og EES í siglingum.
Ólafur St. Valdimarsson, ráðuneytisstjóri.
Áhrif útflöggunar á farmannastéttina.
Guðlaugur Gislason og Helgi Laxdal, FFSI.
Réttarstaða skipverja á skipum undir erlendum fánum.
Hjalti Steinþórsson, hrl., FFSÍ,
og Jón H. Magnússon, hdl., VSÍ.
Öryggis- og búnaðarkröfur ísl. og erl. kaupskipa.
Ari Guðmundsson, Siglingamálastofnun, og
Agnar Erlingsson, Det Norske Veritas.
Aðdragandi, forsendur, stofnun og reynsla af DIS - Dansk
International Skipsreglster.
Peter Bjerregaard, Danmarks Bederiforbund.
K. Mols Sörensen, Danmarks Styrmands Forening.
Aðdragandi, forsendur, stofnun og reynsla af NIS - Norsk
International Skipsregister.
Frode Gross, Det Norske Makinistforbund.
Per Kure, Norges Rederforbund.
Pallborðsumræður og fyrirspurnir.
Ráðstefnuslit verða um kl. 16:30.
Hádegisverður og kaffi er innifalið i ráðstefnugjaldinu.
Stjórnandi pallborðsumræðu:
Magnús Jóhannesson, siglingamálastjóri.
Ráðstefnustjórar:
Helga Jakobs, SKFÍ, og Jóhanna Eyjólfsdóttir, VSFÍ.