Morgunblaðið - 30.05.1991, Blaðsíða 54

-54
MORGUNBLAÐIÐ IÞROTTIR FIMMTUDAGUR 30. MAÍ 1991
KNATTSPYRNA / 1. DEILDARKEPPNIN
Valur-Víkingur:
„Þetta verð-
ur hörku-
leikur“
- segirGuðmundurSteinsson,
markakóngurúrVíkingi. Stjarnan
mætir Fram og Víðir leikur í Eyjum
„VALSMENN eru sterkir, en
við erum ákveðnir að standa
okkur. Þetta verður hörkuleik-
ur,“ sagði Guðmundur Steins-
son, miðherji Víkingsliðsins,
sem skoraði tvö mörk fyrir
Víkinga þegar þeir lögðu FH-
inga að velli, 4:2, í fyrstu um-
ferð 1. deildarkeppninnar í
knattspyrnu. Þrír leikir verða
leikir í deildinni f kvöld; Valur
: Víkingur, Stjarnan - Fram og
ÍBV - Víðir. Allir leikirnir byrja
kl. 20.
Það er hugur í mönnum. Við
vitum að við verðum að beijast
fyrir hlutunum og það ætlum við
okkur að gera,“ sagði Guðmundur.
Óvíst er hvort að Þorsteinn Þor-
steinsson, sem er meiddur á hné,
og Helgi Björgvinsson, sem er
meiddur á læri, geti leikið með
Víkingsliðinu.
Ingi Björn Albertsson, þjálfari
Valsmanna, sagði að hann væri
sammála Guðmundi um að leikurinn
verði jafn og fjörugur. „Bæði liðin
skoruðu mörg mörk í fyrstu um-
ferð. Það er mjög mikilvægt fyrir
öil lið að byija vel. Valur og Víking-
ur gerðu jafntefli í báðum leikjum
liðanna í fyrra, en ég er þó viss um
að það verður ekki jafntefli nú,“
sagði Ingi Björn Albertsson.
Stjarnan leikur gegn Fram á
grasvellinum í Garðabæ. ,;Við erum
ekki búnir að gleyma leiknum gegn
Val, sem við töpuðum, 0:3. Strák-
arnir geta gert betur," sagði
Jóhannes Atlason, þjálfari Stjörn-
unnar.
Kristinn R. Jónsson mun að öllum
líkindum leika með Fram gegn
Stjörnunni. „Hann er að verða góð-
ur,“ sagði Asgeir Elíasson, þjálfari
Fram. „Leikurinn verður erfiður.
Stjörnumenn töpuðu sínum fyrsta
leik, 0:3, og koma því ákveðnir til
leiks og verða harðir í horn að taka.
Við ætlum ekki að færa þeim mörk
á silfurfati, eins og við gerðum
gegn Blikunum. Strákamir eru ekki
búnir að gleyma mistökunum í þeim
leik,“ sagði Ásgeir.
Opna Diletto-
kvennamótib
verbur haldib á
Grafarholtsvelli
2. |úní
Vegleg verðlaun fyrir fyrstu þrjú sæti meö forgjöf og án.
Aukaverölaun fyrir næst holu á 2. braut og fyrir holu í höggi.
Þátttöku skal tilkynna í síma 82815 fyrir kl. 14:00 laugard. 1. júní.
Byrjaö veröur aö ræsa út kl. 9:00 sunnudaginn 2. júní.
Kaffiveitingar í boöi Ó. Johnson & Kaaber.
„Kastklúbburínn“
Guðmundur Steinsson sækir að marki FH-inga í fyrstu umferð.
Morgunblaðið/Einar Falur
FRJALSAR IÞROTTIR
færstyrk fra VISA
500 þúsund krónuriyrirsigurá Ólympíuleikunum
VISA íslands og fjögur fyrirtæki
hafa bundist samtökum um að
veita líklegum ólympíuförum
íslands í kastgreinum þjálfun-
ar- og afreksstyrki fram að
Ólympíuleikum í Barcelona á
næsta ári. Þeir íþróttamenn
sem hér um ræðir eru: Einar
Vilhjálmsson, Sigurður Einars-
son og Sigurður Matthíasson
spjótkastarar, Pétur Guð-
mundsson kúluvarpari og Vé-
steinn Hafsteinsson kringlu-
kastari.
Gerður hefur verið sérstakur
samningur milli þessara aðila
um auglýsingasamstarf fram að
leikunum. Markmiðið með samn-
ingnum er að gera viðkomandi
íþróttamönnum kleift að helga sig
alfarið íþrótt sinni og stuðla þannig
að því að árangur þeirra verði sem
allra bestur á Olympíuleikunum.
Fyrirtækin fimm , Visa ísland,
Flugleiðir, Landsbankinn, Sportval
og Utilíf, munu tryggj kösturunum
reglubundna ólympíustyrki á tíma-
bilinu maí 1991 til ágúst 1992, eða
í 16 mánuði. Styrkirnir verða m.a.
lagðir fram í formi 50 þúsund króna
úttektarheimilda á Visa-kortum
viðkomandi íþróttamanna. Jafn-
framt hefur verið samið um að 0,5%
af viðskiptum með Visa hjá sport-
vöruverslunum Sportvals í Kringl-
unni og Útilífi í Glæsibæ renni í
Pétur
sérstakan sjóð á vegum Ólympíu-
nefndar Islands og Visa, sem styrk-
ir ólympíufara íslands.
Þá mun umræddum íþróttamönn-
um veittir sérstakir afreksstyrkir
eftir árangri þeirra á mótum og ef
þeir setja met. Fyrir að vinna til
gullverðlauna á Ölympíuleikunum
verða veittar 500 þúsund krónur,
silfur 300 þúsund, brons 150 þús-
und og 100 þúsund fyrir að komast
í úrslit. Fyrir sigur á HM í Tókýo
verða veittar 300 þúsund, 200 þús-
und fyrir silfur, 150 þúsund fyrir
brons og 100 þúsund fym að kom-
ast í úrslit. Fyrir gullverðlaun á
alþjóðlegum stórmótum eru greidd-
ar 100 þúsund krónur. Ennfremur
Vésteinn
verða greiddar 300 þúsund fyrir
heimsmet og eitthvað minna fyrir
Norðurlandamet og Islandsmet.
Á fundi með blaðamönnum þar
sem samningurinn var kynntur
þakkaði Einar Vilhjálmsson fyrir
hönd íþróttamannanna og sagði
þetta rausnarlegt framlag. „Mark-
miðið með þessum styrk er að gefa
okkur kost á að búa við svipaðar
aðstæður og gerist hjá afreksmönn-
um annarra þjóða. Þetta er ómetan-
legt,“ sagði Einar.
Það má því segja að kastararnir
séu nokkuð vel settir þar sem þeir
fá einnig 60 þúsund krónur á mán-
uði úr Afreksmannasjóði ÍSÍ fram
að Ólympíuleikum.
Ó. Johnson & Kaaber hf
Sigurður
Einar
Sigurður