Morgunblaðið - 17.06.1992, Blaðsíða 24

24
MORGUNBLAÐIÐ .MIÐVIKUDAGUR 17. JÚNÍ 1992
Skíðaskálimi í Hvera
dölum opnaður í dag
Morgunblaðið/Ámi Sæberg
NÝR SKÍÐASKÁLI í Hveradöl-
um verður opnaður í dag, 17.
júní. Hinn nýi skíðaskáli er svip-
aðrar stærðar og gamli skálinn
en nýtist á ýmsan hátt betur.
Gamli skíðaskálinn sem stóð
á sama stað í Hveradölum rétt
við Suðurlandsveginn var byggð-
ur 1934. Sá skáli brann hinn 20.
janúar 1991. Varð að ráði að
byggja nýjan skála í líkum stíl.
Sömu aðilar standa að rekstrin-
um, Carl Jónas Johansen veit-
ingamaður og fjölskylda hans,
en framkvæmdastjóri er Sveinn
Valtýsson.
Það kemur fram í fréttatil-
kynningu að ætlunin er að við-
halda þeirri gömlu hefð að brúð-
kaupsveislur og annar fagnaður
verði haldinn í skíðaskálanum.
Einnig verður nokkuð lagt í það
að bjóða erlendum ferðamönnum
áhugaverða tilbreytingu. Má
þess vænta að fljótlega verði
haldnar svonefndar víkingaveisl-
ur. Sömuleiðis verða sérstök ís-
landskvöld þar sem framreiðslu-
stúlkur íklæddar þjóðbúningum
bera fyrir gesti það besta í ís-
lenskri matargerð, bæði sjávar-
rétti og lambakjöt.
Skíðaskálinn verður opinn öll
kvöld vikunnar og yfir sumartím-
Nýi skíðaskálinn í Hveradölum.
ann verður einnig opið í hádeg-
inu. Verður hægt að fá létta og
ódýrari rétti auk þeirra íburðar-
meiri.
Hinn nýi skíðaskáli er teiknað-
ur af Bjarna Snæbjörnssyni hjá
Teiknistofunni hf. Ármúla, 6.
Byggingarmeistari var Harri
Kjartansson á Fiúðum. Bygging-
in er um eitt þúsund fermetrar
að stærð og tekur aðalsalurinn
um 200 manns í sæti. Til hliðar
við aðalsal er 70 manna salur
og á efri hæð er 20 manna sal-
ur. Setustofur eru víðs vegar um
húsið. Tvo bari er að finna í
húsinu, annar á efri hæð en hinn
íkjallara.
F.v.: Vignir Þröstur Hlöðversson matreiðslumeistari, Carl Jónas
Johansen veitingamaður og Elí Másson yfirþjónn.
Þröstur Ólafsson um niðurstöðu flokksþings Alþýðuflokks í sjávarútvegsmálum;
Ekki reynt að móta neinn
valkost við það sem fyrir er
ÞINGFULLTRÚAR Alþýðuflokksins sem tóku þátt í umræðum um sjáv-
arútvegsmál á flokksþinginu um helgina deildu hart um ýmsa þætti
þeirra mála en einkum þó um tvö atriði. Deilt var um frjálst framsal
á kvóta og um tillögu um að taka upp sóknarmark í stað aflamarks,
að sögn Þrastar Ólafssonar, sem er formaður af hálfu Alþýðuflokksins
í nefnd ríkisstjómarinnar um mótun nýrrar sjávarútvegsstefnu. Lands-
byggðarfulltrúar höfðu sig mikið í frammi við umræðurnar og bendir
Kristján Möller á Siglufirði á að það segi sína sögu að landsbyggðar-
menn verði í miklum meirihluta í milliþinganefndinni sem á að vera
flokksforystu og fulltrúum flokksins í sjávarútvegsnefnd stjómarflokk-
anna til ráðuneytis, en i henni sitja einn fulltrúi úr hveiju kjördæmi.
Ámi Gíslason skipstjóri segir að nefndin hafl rétt á að fá í hendur
útskrift á öllu sem fram hafí komið í sjávarútvegsnefnd ríkisstjómarinn-
ar og muni fylgja því fast eftir.
Ámi sem er varamaður í milli-
þinganefndinni segir að kvótaand-
stæðingar séu í miklum meirihluta i
nefndinni. Ámi bendir á að í ályktun-
inni um milliþinganefnd flokksins
segi að hún skuli m.a. fjalla um þær
tillögur um stjóm fiskveiða sem fram
komi á vettvangi sjávarútvegsnefnd-
ar stjómarflokkanna.
Hann segir að á þinginu hafí kom-
ið greinilega fram að grasrótin í
flokknum geti ekki undir neinum
kringumstæðum sætt sig við núver-
andi stjómkerfí fiskveiða og vegna
þess að þau sjónarmið hafi verið ráð-
andi við umræðumar hafí inntaki
draga að ályktun þingsins verið gjör-
breytt. Drögin sem hafí verið lögð
fyrir þingið hefðu hins vegar þýtt
að aðalinntak núverandi kvótakerfís,
frjálst framsal, hefði verið staðfest.
Tillaga um sóknarstýringu
Magnús Jónsson veðurfræðingur,
sem kosinn var formaður milliþinga-
nefndarinnar, lagði fram sérstaka
tillögu á þinginu þar sem hann lagði
m.a. til að helstu atriði nýs stjóm-
kerfís í sjávarútvegi verði að núver-
andi aflamarkskerfi með fijálsu
framsali verði afnumið, frelsi til veiða
eftir ströngum leikreglum og ábyrgð
verði homsteinn nýrrar stefnu, allur
sjávarafli sem kemur um borð t veiði-
skip skuli færður að landi og togveið-
ar verði stundaðar á grundvelli
sóknarmarks, þar sem árinu er skipt
í 2-3 veiðitímabil. Landhelgin verði
svæðaskipt og athugað verði hvort
ekki eigi að hafa lágmarkstogveiði-
landhelgi. Magnús lagði og til að
aflagjald mætti nota til að styrkja
djúpslóðarveiðar og ýmsar tilrauna-
veiðar og að sóknarmarkið verði
a.m.k að hluta til framseljanlegt
milli togveiðiskipa til að ná fram
hagræðingu. Netaveiðar verði einnig
stundaðar á grundvelli sóknarmarks
eftir ströngum leikreglum um veiði-
tíma, veiðisvæði og fjölda neta í sjó.
Var tillaga Magnúsar sett fram
gegn þeim drögum sem fyrir lágu
um að áfram yrði leyft frjálst fram-
sal kvóta og að auðlindaskattur yrði
svo tekinn upp í áföngum, sem and-
stæðingar kvótakerfisins töldu að
hefði þýtt að núverandi kvótakerfí
yrði fest í sessi, að sögn Árna Gísla-
sonar. Tillagan var þó ekki borin
undir atkvæði þar sem samkomulag
náðist um texta í endanlegri ályktun
sem samin var í hópi undir stjóm
Jóns Sigurðssonar viðskiptaráðherra.
Magnús sagði við umræðumar að
menn yrðu að hafa að leiðarljósi að
sátt ríkti um kerfí fískveiðistjómunar
meðal þjóðarinnar. „Menn þurfa ekki
að hlusta lengi til að skynja þá
óánægju og það ósætti sem er um
þennan óskapnað. Barátta sem geng-
ur út á líf og dauða heilu byggðarlag-
anna og baráttan innan staðanna
vegna mismununar fólks og fyrir-
tækja er að komast á það stig að
ekki verður mikið lengur við unað.
Ég óttast að framundan sé upplausn
og barátta sem gæti komist á stig
sem ekki hefur þekkst hér síðan á
Sturlungaöld. Orlygsstaðabardagi,
Flugumýrabrenna og Flóabardagi
yrðu þá eins og tölvuleikir miðað við
það sem þá gæti gerst. Alþýðuflokk-
urinn hefur lengi haft það á stefnu-
skrá sinni að gjaldtaka í einhverri
mynd skuli koma fyrir að fá að veiða
fisk við ísland. Um útfærslu á því
hafa hins vegar verið skiptar skoðan-
ir," sagði Magnús og hann sagðist
einnig vera hættur að hlusta á „kvó-
takóngana og þeirra varðmenn.
Menn sem hafa það að aðalstarfi að
braska með óveiddan físk á kostnað
skajtgreiðenda, vælandi peninga út
úr hinum ýmsu sjóðum og bönkum,
sem með ríkisábyrgðina að baki taka
veð í óveiddum físki sem kannski
ekki er til og það allt að 180 þúsund
tonnið. Menn sem um margt svipar
til Iénsherra í Evrópu fyrri alda enda
álíka málstað að veija,“ sagði hann.
Óheppileg tillaga
Þröstur Ólafsson sagði í samtali
við Morgunblaðið eftir þingið að hon-
um litist ekki á hugmynd Magnúsar
um að gefa sókn innan ákveðinna
reglna fijálsa.
„Við sem töldum þetta óheppilega
tillögu bentum á að búið væri að
reyna sóknarmark sem hefði verið í
gildi hér fram til 1991 sem önnur
af tveimur stýringaraðferðum og
hefði ekki heppnast vel. Reyndar
hefði það reynst svo illa að menn
hefðu verið sammála að afnema það
vegna þesshve sóunarsamt það væri.
Við bentum á að fískunum myndi
ekki fjölga þó tekið væri upp nýtt
stýrikerfi," sagði hann.
Þröstur sagði ekkert nema gott
um þá málamiðlun þingsins að segja
að setja á fót milliþinganefnd, sem
ætti að vera mönnum til halds og
trausts við mótun fiskveiðistefnunn-
ar. „Að öðru leyti voru líka miklar
umræður um hvað taka ætti fiski-
fræðina alvarlega. Menn bentu á að
þetta væri vísindagrein sem ætti
iangt í land með að verða sæmilega
marktæk. Þannig að menn yrðu að
taka þessu með varúð. Sumir gengu
svo langt að segja að það væri meiri
áhætta í því að fara eftir ráðlegging-
um fískifræðinga heldur en að gera
það ekki.
Ég er ánægður með niðurstöðu
þingsins. Ég var með þann málflutn-
ing allan tímann að það mætti ekki
koma til þess á þessu þingi að sam-
þykktar yrðu samþykktir sem lokuðu
möguleikum manna í sjávarútvegs-
nefnd til að ná þar niðurstöðu. Þá
myndi ekkert gerast, engin breyting
verða, því lögin myndu halda áfram
að vera í gildi. Niðurstaðan varð sú
að engum dyrum var lokað. Það var
eingöngu bent á að menn væru
óánægðir með gildandi kerfi. Á þessu
þingi var heldur ekki reynt að móta
neinn valkost við það sem fyrir er.
Við verðum því að vinna áfram að
þessum málum og leggja til grund-
vallar þann anda sem þama kom
fram,“ sagði Þröstur.
Framsal réttmætt í ákveðnum
tilvikum
„Það er ljóst að það þarf að hafa
einhveija góða stýringu á veiðunum
en ég skipti alveg um skoðun í þess-
um málum á síðasta ári þegar skip-
stjóri vestur á fjörðum lýsti því fyrir
mér þegar hann hefði verið búinn
með allan þorskkvóta og hefði farið
nokkrum sinnum á sjó til að veiða
kola. Hann lenti í miklu þorskfískiríi
og sagðist hafa hent 25 til 30 tonnum
af góðum þorski í hafíð vegna þess
eins að hann var svo óheppinn að
þorskurinn slysaðist með þegar hann
ætlaði að veiða kola,“ sagði Kristján
Möller í samtali við Morgunblaðið.
Kristján, sem á sæti í milliþinga-
nefndinni, segir að kvótakerfíð hafí
verið við lýði í átta ár og skili nú
mjög slæmu ástandi þorskstofnsins,
sem sýni að eitthvað alvarlegt sé að
þessu kerfí. „Ég lagði líka áherslu á
á þinginu að það er alveg ljóst, eins
og skipstjórar og sjómenn segja sjálf-
ir, að það er drepið miklu meira af
físki en kemur að landi. í þriðja lagi
er loðnuumræðan á síðastliðnum
árum mér mjög í fersku minni þar
sem stofninn hefur að mati fískifræð-
inga átt að vera hruninn en alltaf
veiðist einhver loðna,“ sagði hann.
Kristján sagði að á þinginu hefði
verið deilt um fijálst framsal veiði-
heimilda en sagðist ekki vilja úttala
sig um það. „Ég gagnrýni þó ekki
framsal á kvóta í tilfellum eins og
þegar útgerð sem stendur kannski
uppi með bilað skip þarf að selja
afnotaréttinn en ég er hiklaust á
þeirri skoðun, eins og aðrir Alþýðu-
flokksmenn, að þjóðin eigi auðlindina
og að greiða á aflagjald. Þó sú hug-
mynd sé góð held ég samt að það
sé lengra í að það verði gert, ‘ sagði
Kristján.
„Það er aldrei hægt að ræða svona
mál í botn á þingum sem þessum
þar sem ekki gefst tími til þess en
sú millilending sem varð með skipun
milliþinganefndar, þar sem „höfuð-
borgarvaldið“ er ekki í meirihluta,
verður vonandi til þess að við komum
sjónarmiðum fólksins út í kjördæ-
munum betur á framfæri. Ég reikna
með að við munum koma oft og
reglulega saman í þessari nefnd,“
sagði Kristján.
Boðflenn-
ur kveiktu
í sorpi
ELDUR kom upp í sorptunnu við
Frakkastíg í fyrrinótt. Talið er
að tveir menn hafi kveikt í sorp-
inu þegar þeim var meinuð inn-
ganga í samkvæmi í húsinu.
Tilkynnt var um eldinn kl. 3.15
um nóttina. Þá logaði í plastsorp-
tunnu á bak við hljóðfæraverslunina
Rín og hafði nokkur reykur komist
inn í verslunina. íbúar á efstu hæð
hússins grunuðu tvo unga menn um
að hafa kveikt í sorpinu vegna þess
að þeir voru ekki velkomnir í sam-
kvæmi þar. Mennirnir höfðu farið
fram á að fá lánaða símaskrá, þeg-
ar þeir fóru á brott. Leifar af brunn-
inni símaskrá í sorpinu þóttu renna
stoðum undir grunsemdir íbúanna.
----» ♦ ♦---
Fjölbrautaskóli
Suðurlands:
225 milljón-
ir lægsta
tilboð í ný-
bygginguna
Selfossi.
SIGFÚS Kristinsson bygginga-
verktaki á Selfossi átti lægsta
tilboð í annan áfanga nýbygging-
ar Fjölbrautaskóla Suðurlands,
224.697,065 kr., sem er 87,7% af
kostnaðaráætlun hönnuða, en
hún hljóðaði upp á 256.085,751 kr.
Tilboðin voru opnuð í gær klukk-
an 11.00 í fjölbrautaskólanum. Auk
Sigfúsar Kristinssonar buðu fjórir
aðrir, í verkið. Tilboð Hagvirkis-
Kletts hf. hljóðaði upp á kr
228.990,647 kr., SH verktakar
buðu 233.448,590, kr., Selós hf. og
Samtak hf. buðu 244.419,032 kr.
og ístak hf. bauð 256.036,708 kr.
Samkvæmt áætlunum er fyrir-
hugað að byggingu hússins verði
lokið í júlí 1994 að kennsla geti
hafíst þá um haustið í húsinu.
Sig. Jóns.
Hafnarfjarðar-
vegur:
JVJ með
lægsta
tilboð
JVJ hf. í Hafnarfirði átti
lægsta tilboð í lagningu
Hafnarfjarðarvegar frá
Engidal að Flatahrauni í ný-
legu útboði Vegagerðar rík-
isins. Tilboðið var 27,8 millj-
ónir kr. sem er 72,75% af
kostnaðaráætlun.
Vegarkaflinn er 0,9 km að
lengd og á að vinnast í sumar.
Kostnaðaráætlun Vegagerðar-
innar var 38,2 milljónir kr. Sjö
tilboð bárust, öll undir þeirri
áætlun.
Nýlega voru einnig opnuð
tilboð í Ólafsvíkurveg um Hól-
sand og Kolviðamesveg.
Lægsta tilboð átti Ellert Skúla-
son hf. í Njarðvík, 17,5 milljón-
ir kr. sem er 60,85% af kostnað-
aráætlun er hljóðaði upp á 25,9
milljónir kr.