Morgunblaðið - 05.08.1992, Blaðsíða 44

44
MORGUNBLAÐIÐ MIÐVIKUDAGUR 5. ÁGÚST 1992
J
Guðmundur Olafs
son - Minning
Fæddur 21. janúar 1955
Dáinn 20. júlí 1992
Allir deyja, en ævi hvers manns
er mislöng. Fallinn er frá frábær
félagi minn, hetjan mín, íþróttafyr-
irmynd mín, Guðmundur Ólafsson,
langt um aldur fram.
Frábær félagi minn Guðmundur
Ólafsson sem kveikti hjá mér áhuga
á sundi dó í síðustu viku! Hann þjálf-
aði mig um langt skeið og gerði
mig að því efni í þann sundmann
ég er. Þegar hann hætti sökum
áframhaldandi náms að þjálfa hóp-
inn sem ég æfði með fékk ég sendar
vikulega æfíngar frá honum, við
unnum saman á annað keppnis-
tímabil. Ég synti einsamall æfíngar
hans og við ræddum útkomuna
vikulega, þetta tímabil er mest
þroskandi sem ég hef átt.
Guðmundur Olafsson hafði að
geyma stórbrotnasta mann sem ég
hef kynnst. Hann var einn mesti
hæfileikamaður á hvað það sem
hann tók sér fýrir hendur. Hann
dúxaði í skóla þegar hann hafði
metnað til að læra, og sömu sögu
er að segja úr íþróttunum, þar sem
hann sigraði allt sem hann hafði
metnað til að sigra. Hann þjálfaði
vel og kom mikilli þekkingu sinni
vel til skila. Guðmundur hefur alltaf
verið og mun ávallt verða hetjan
mín. Ég hef ávallt frá því fyrst ég
heyrði getið um þennan merka
mann litið upp til hans.
Fyrir nokkru uppgötvaðist hinn
ægilegi sjúkdómur sem dró Guð-
mund Ólafsson til dauða; hvítblæði.
Guðmundur barðist og fór í gegnum
miklar lyfjameðferðir. Horfurnar
voru góðar fyrir mergskipti. Allt
virtist þokast í rétta átt, þrátt fyrir
mikla erfiðleika, bardaga og veik-
indi.
Þó missi ég heyrn og mál og róm
og máttinn ég þverra fínni,
þá sofna ég hinzt við dauðadóm,
ó, Drottinn, gef sálu minni
að vakna við söngsins helga hljóm
í himneskri kirkju þinni.
Sb. 1945 - Ó. Andrésd.
Guðmundur hafði yfir að ráða
mjög sterku hjarta og öflugum
lungum sem hann hafði þjálfað upp
í sundíþróttinni. En þegar ekki er
hægt að gera fleira í þrotlausri
baráttu við sjúkdóminn og sársauk-
inn ef til vill orðinn mikill er hvíld-
in ef til vill best? Við skulum lifa í
þeirri von að ástvini okkar líði-nú
betur.
Það er sárast að sjá á eftir svo
ungum dreng, það koma tár í augu
og mann verkjar í háls.
Guðmundur andaðist aðeins 37
ára gamall, fæddur 21. janúar
1955.
Hin langa þraut er liðin,
nú loksins hlauztu friðinn,
og allt er orðið rótt,
nú sæll er sigur unninn
og sólin björt upp runnin
á bak við dimma dauðans nótt.
Fyrst sigur sá er fenginn,
fyrst sorgar þraut er gengin,
hvað getur grætt oss þá?
Oss þykir þungt að skilja,
en það er Guðs að vilja,
og gott er allt, sem Guði er frá.
(Sb. 1886 - V. Briem.)
Guðmundur Ólafsson var mikill
afreksmaður í íþróttum, hann var
frábær sundmaður, íslandsmethafí
í bringusundi. Árið 1975 varð Guð-
mundur Ólafsson stigahæstur allra
keppenda á bikarkeppni með 876
stig (heimsmet = 1000 stig). Per-
sónuleiki hans hvað varðar áhuga
á íþróttinni var hinn eini sanni af-
reksmaður. Guðmundur hafði ávallt
að leiðarljósi og gerði sér fyllilega
ljóst að í sundi væri ekkert pláss
fyrir gutlara, hann lagði meira á
sig og vissi hvað hann þurfti. Guð-
mundur Ólafsson hafði þann falleg-
asta bringusundsstíl sem ég hef
augum litið. Hann æfði vel.
Guðmundur Ólafsson var stór-
kostlegur þjálfari, allt frá því hann
var sjálfur að synda hafði hann
mikið vit á því hvað hann var að
gera og hugaði vel að hveiju smá-
atriði. Hann hugsaði mikið út í að
hafa áhrif á gerð þeirra æfinga sem
syntar voru. Hann aflaði sér sjálfur
þekkingar og þyrsti sífellt í meiri
og meiri fróðleik. Hann var mjög
vel inn í öllu varðandi flestar íþrótt-
ir. Guðmundur Ólafsson var mjög
vel gefínn. —r-
Guðmundur var valinn sem þjálf-
ari fyrir landsliðið er hélt m.a. á
Kalottkeppni í N-Noregi og síðar á
Evrópumeistaramót unglinga.
Sundlaugin og bakkinn var hans
heimavöllur. Þar vissi hann upp á
hár hvað var á seyði og hvað skyldi
gera.
Guðmundur Ólafsson mun ávallt
verða hetjan mín, málshátturinn:
„Ráð skal fá hjá reyndum vin“,
hann á vel við ástkæran félaga
minn Guðmund Ólafsson.
Arnþór Ragnarsson.
Kveðja frá systkinum
Guðmundur var fæddur þann 21.
janúar 1955 og var þriðji í röðinni
af sex systkinum. Hann ólst upp í
Hafnarfírði, nánar tiltekið á Vestur-
braut 20. Sjö ára gamall hóf hann
að æfa sund eins og hann átti kyn
til, og var hann einn fremsti sund-
maður landsins og átti nokkur ís-'
landsmet í bringusundi. Hann
stundaði æfingar af miklu kappi
því hann vildi ávallt standa sig sem
best í keppni. Ef hann var ekki í
topp æfíngu var útilokað að fá hann
til að taka þátt í mótum. Árið 1975
hélt hann til Danmerkur til æfínga
og stefndi þá að því að ná Ólympíu-
lágmörkum fyrir leikana í Montreal
en var aðeins fáeinum brotum frá
því og komst því ekki. Eftir það
kom hann heim og fór að draga
úr æfingum og hætti fljótlega upp
úr því. Guðmundur átti tvær dæt-
ur, þær Lísubet, fædda í júlí 1979
og Þórunni, fædda í ágúst 1980.
Fyrir liðlega einu og hálfu ári
greindist hann með sjúkdóm þann
sem dró hann síðan til dauða eftir
erfiða sjúkrahúslegu. í desember
1990 lést afi okkar, alnafni Guð-
mundar, og skrifaði þá Guðmundur
minningargrein um afa sinn og al-
nafna, sem þótti með afbrigðum vel
skrifuð. Eftir að Guðmundur veikt-
ist hafði hann á orði að sem minnst
yrði um sig skrifað, og verðum við
við þeirri beiðni hans. Að lokum
viljum við þakka starfsfólki krabba-
meinsdeildar Landspítalans fyrir
þeirra óeigingjarna starf. Sérstakar
þakkir fær Jóna sambýliskona hans
fyrir allar þær stundir sem hún var
við sjúkrabeð hans. Einnig eiga þær
Hadda og Kolla föðursystur okkar
þakkir skildar fyrir þeirra um-
hyggju svo og allir hinir.
Foreldrum okkar, Jónu, dætrum
og ömmu vottum við okkar dýpstu
samúð.
Erling, Svala, Örn,
Friðrik, Kollý.
Einstakt tækifæri:
Kjalvegur - Hveravellir - Blönduvirkjun
Sumarferð Framsóknarfélaganna í Reykiavík
verðurfarin laugardaginn 8. ágúst 1992
Farið verður um:
Gullfoss - Geysi - Hveravelli -
Blönduvirkjun
Kl. 08:00 Lagt af stað frá BSÍ og
ekið að Geysi í Haukadal, þar sem
fólki gefst kostur á að skreppa í
sjoppu.
Kl. 10:30 Lagt af stað frá Geysi.
Ekið norður Kjöl að Hveravöllum. Þar
munu ferðalangar borða nesti sitt.
Kl. 15:00 Lagt af stað frá
Hveravöllum og ekið norður að
Blönduvirkjun, þar sem virkjunin
verður skoðuð í fylgd
leiðsögumanns.
Kl. 18:00 Lagt af stað frá
Blönduvirkjun og ekið að
Staðarskála.
Kl. 21:00 Lagt af stað frá
Staðarskála og ekið til Reykjavíkur.
Áætlað er að koma til Reykjavíkur
kl. 23:45.
Fargjald kr. 2.800,-
Tekiö verður á móti sætapöntunum í síma 624480 eða á skrifstofu
Framsóknarflokksins, Hafnarstræti 20, 3. hæð, 4. - 7. ágúst.
Missió ekki af þessu einstaka tækifæri
RR - SKÓR
Kringlunni 8-12,
Laugavegi 60.