Morgunblaðið - 05.08.1992, Blaðsíða 56

56
MORGUNBLAÐIÐ MIÐVIKUDAGUR 5. ÁGÚST 1992
.... i .. , i . ... .... . ...... ■
"þafc l&t ekki suonct ut i búkihtiL”
Gunna! Gunna! Fullt hús ...
*
Ast er...
1-23
.. .að gleymast aldrei.
TM R«g. U.S. P»t Otf.—aH rights r*Mrv*d
91991 Lot AngslM TimM Syndicat*
Þú verður að láta gera við lugt-
irnar...
BRÉF HL BLAÐSINS
Aðalstræti 6 101 Reykjavík - Sími 691100 - Símbréf 691222
Oþarft Ríkisútvarp
Frá Þorleifi Kr. Guðlaugssyni:
ÞEGAR útvarpsstöðin Bylgjan tók
til starfa var gripið til auglýsinga-
herferðar og sagt að nú væri einok-
un Ríkisútvarpsins af þjóðinni af-
létt. Þetta var þó ekkert nema orð-
in tóm, ég benti á í skrifum mínum
að staðreyndin væri sú að Ríkisút-
varpið væri áfram sama einok-
unarfyrirtækið að öðru leyti en því
að öðrum stöðvum var heimilað
að senda útvarpsefni í loftið. í
framhaldi af því hóf Stöð 2 útsend-
ingar og breytti miklu. Við vorum
þó ekki laus við Ríkissjónvarpið
þó við vildum, verðum að borga
afnotagjöldin hvort sem okkur lík-
ar betur eða verr að viðlagðri lög-
sókn, — og þó við horfum ekki á
það sem sjaldan er þess virði.
Þvinganir af þessu tagi eru í
takt við gamla kommúnismann og
leifar hans, enda var samsafn af
kommum þarna starfandi og þeir
reyndu oft að læða sínum áróðri í
útsendingarnar.
Tilefni þess að ég tek þetta til
umíjöllunar er að nú er verið að
upphefja áróður gegn öðrum stöðv-
um og dásama Ríkisútvarpið fyrir
mikla og góða og ódýra þjónustu.
Þó er sannleikurinn sá að hún er
hvorki ódýr né í anda fijálsræðis,
því við verðum að borga nær tvö-
falt það gjald sem er innheimt með
afnotagjöldum, þ.e. gegnum ríkis-
sjóð sem borgar árlega marga tugi
milljóna með Ríkissjónvarpinu
aukalega. Þetta eru aðdáendur rík-
isrekstrarins nú að skýra út fyrir
þjóðinni að sé ódýrt miðað við t.d.
Stöð 2. Raunveruleikinn er þó sá
að það verður aldrei hrakið að all-
ar aðrar útvarpsstöðvar veita
ókeypis þjónustu.
Rás 2 er algerlega óþörf vegna
þess að svo margar smástöðvar eru
á öldum ljósvakans að engin þörf
er fyrir ríkisframlag af poppmúsík
og þvílíku. Um mismuninn á af-
notagjöldum Stöðvar 2 og Ríkis-
sjónvarpsins vil ég segja það að
Stöð 2 hefur miklu lengri útsend-
ingartíma en Ríkissjónvarpið, allt
að þremur tímum á hvetjum degi.
Ríkissjónvarpið er því í engra
þágu eins og nú er háttað. En það
gæti orðið gott kennslutæki á
mörgum sviðum, s.s. með kennslu
í náttúrufræði, landafræði og fleiri
greinum. Það er löngu kominn tími
til að útvarpsgjald sé ekki skuld-
fært á afnotagjaldseðla Ríkisút-
varpsins.
ÞORLEIFUR KR.
GUÐLAUGSSON
Nökkvavogi 33, Reykjavík
HEILRÆÐI
Það er svo freistandi að toga í
dúkinn!
Einn bolli af kaffi getur skað-
brennt lítinn líkama.
+
RAUÐI
KROSS
ÍSLANDS
Víkveiji skrifar
HOGNI HREKKVISI
Víkveiji lagði leið sína út á land
um verzlunarmannahelgina
eins og margir aðrir landsmenn.
Sem betur fer hafa ekki orðið nein
stórslys í umferðinni um helgina,
en Víkveija fannst ökumenn mis-
varkárir úti á þjóðvegunum. Vík-
veiji ók norður í land og var því
fegnastur þegar hann var kominn
framhjá afleggjaranum í Stykkis-
hólm, því að þar beygðu flestir
verstu ökumennirnir útaf. Líklega
voru margir þeirra nýkomnir með
bílpróf og áttuðu sig ekki aíveg á
því hvað þarf til að umferðin gangi
greiðlega fyrir sig. Sumt unga fólk-
ið, sem sennilega var á leið á útihá-
tíð, sveigði skyndilega út í kant,
að því er virtist ekki vegna þess
að neitt væri að, heldur til þess að
bíða eftir félögum sínum. Ekki var
alltaf verið að leita að útskoti, held-
ur voru bílarnir hafðir hálfir inni á
veginum, sem stóreykur hættu á
árekstrum þegar menn þurfa að
sveigja hjá kyrrstæðu bílunum.
Ekki batnaði ástandið þegar ein-
hveijir ungir ofurhugar óku bílum
sínum út á vegöxlina á móti til
þess að komast framúr þeim, sem
voru að sveigja hjá blaðrandi ungl-
ingum á hinum vegkantinum.
xxx
Ihelgarferðalaginu kom Víkveiji í
Laufás í Þingeyjarsýslu og
skoðaði gamla torfbæinn þar, sem
nú er safn. Þegar Víkveiji renndi í
hlaðið var presturinn í Laufási, sr.
Pétur Þórarinsson, að ryðja drasli
út úr skemmu gamla bæjarins. Þar
ætla presthjónin að koma upp lítilli
kaffistofu fyrir ferðamenn. Víkveiji
hlakkar mikið til að koma aftur í
Laufás þegar kaffistofan verður
komin í gagnið og fá sér kaffi og
vöfflur.
xxx
Komandi kynslóðum er mikill
fengur í að gamlar byggingar
eins og bærinn í Laufási hafa varð-
veitzt. Víkveiji er þó þeirrar skoð-
unar að oft sé ekki vanþörf á að
merkja betur þá gömlu muni, sem
hafðir eru til sýnis á byggðasöfnum
út um land. Hlutirnir þurfa áð vera
merktir með heiti og til hvers þeir
voru notaðir. Það er ekki hægt að
ætlast til að sú kynslóð, sem nú er
að vaxa úr grasi, þekki gömul verk-
færi eða ílát og viti hvernig þau
voru notuð. Þjóðminjasafnið ætti
að láta þetta mál til sín taka.
x X x
Víkveija finnst oft gott að slappa
af í sólbaði á svölunum. Hins
vegar fer hávaðamengunin, sem oft
fylgir góðu veðri, í taugarnar á '
honum. Þar eru tveir mengunar-
valdar helztir. Fyrst er að nefna
garðsláttuvélar. Drunurnar úr þeim
kveða við úr mismúnandi görðum
allan liðlangan daginn þegar veður
er gott. Víkveiji leggur til að tekinn
verði upp sérstakur garðsláttutími,
eins og tíðkast í sumum öðrum
Evrópulöndum, en eyrum sóldýrk-
enda hlíft utan þess tíma. í öðru
lagi er það hróplegt tillitsleysi, sem
margir sýna með því að taka stóra
segulbandstækið sitt með út í garð
þegar verið er að snyrta og dytta
að. Víkveija finnst óþolandi að
liggja á svölunum og þurfa að
hlusta á þungarokk eða revíusöng,
sem berst úr nærliggjandi görðum.
Segulbandstækin eru bezt geymd
innandyra.