Morgunblaðið - 11.03.1994, Side 2

2
MORGUNBLAÐIÐ FÖSTUDAGUR 11. MARZ 1994
Hæstiréttur dæmir mann sem
tvívegis hefur orðið mannsbani
Ævilöngn fang-
elsi breytt í 20 ár
HÆSTIRÉTTUR hefur mildað dóm Héraðsdóms Reykjavíkur sem
dæmt hafði Þórð Jóhann Eyþórsson, 36 ára, til ævilangrar fangelsis-
vistar, en hann varð mannsbani öðru sinni i ágúst sl., þá á reynslulausn-
artíma eftir að hafa afplánað helming 14 ára fangelsisdóms, sem hann
hlaut fyrir að verða manni að bana á nýársdag 1983. í Hæstarétti í
gær var ævilangri fangelsisvist breytt í 20 ára fangelsi.
Manndrápið var framið aðfaranótt
22. ágúst sl. í húsi við Snorrabraut
í Reykjavík þar sem Þórður braut
sér leið inn í íbúð, þar sem fyrrver-
andi sambýliskona hans var stödd
ásamt fleirum, og rak vasahníf í
hjartastað á húsráðanda sem lést á
sjúkrahúsi skömmu síðar. Þetta
gerðist skömmu áður en íjögurra ára
reynslutími Þórðar á óafplánuðum
helmingi fyrrgreinds 14 ára fangels-
isdóms rann út. í Héraðsdómi var
talið við hæfi að dæma hann í ævi-
lanjgt fangelsi.
I dómi fjögurra af fimm hæstarétt-
ardómurum frá í gær segir að ekki
verði talið sannað að með Þórði Jó-
hanni hafi fyrirfram búið ásetningur
um að svipta manninn lífi þegar
hann fór niður kjallaratröppur húss-
ins og æddi inn í eldhúsið með brugð-
inn hníf og lagði til mannsins. Þó
hafi honum hlotið að vera Ijóst að
slík atlaga mundi sennilega leiða til
dauða. Því sé fallist á með Héraðs-
dómi að um ásetningsmarindráp hafl
verið að ræða.
Þá segir að Þórður Jóhann hafi
verið haldinn afbrýðisemi gagnvart
manninum sem hann deyddi vegna
fyrra sambands hans við fyrrverandi
sambýliskonu Þórðar og hafí auk
þess óttast að maðurinn héldi að
henni fíkniefnum. „Þótt þessar til-
fínningar afsaki ekki gerðir ákærða,
varpa þær þó ljósi á hugarástand
hans og verður að gera ráð fyrir
því, að hann hafí unnið verkið í geðs-
hræringu og óyfírvegað," segir í
dómi Hæstaréttar. Þar segir einnig
að við ákvörðun refsingar verði dæmt
í einu lagi fyrir brot það sem nú sé
dæmt með hliðsjón af sjö ára refsi-
vistinni sem ólokið sé og þyki þá
rétt að ákveða refsingu mannsins
20 ára fangelsi en gæsluvarðhald frá
22. ágúst komi til frádráttar.
20 ára fangavist er lengsta tíma-
bundna fangelsi sem hægt er að
dæma mann til að íslenskum lögum.
Hæstiréttur hefur aldrei fellt þyngri
refsidóm og mildar nú öðru sinni,
áður í Geirfinnsmáli, dóma undirrétt-
ar sem dæmt hafa ævilangt fangelsi
en í ævilöngu fangelsi felst ótíma-
bundin fangavist til æviloka viðkom-
andi.
Ingibjörg Benediktsdóttir, skilaði
sératkvæði og vildi staðfesta niður-
stöðu Héraðsdóms.
. Morgunblaðið/Þorkell
Með gamla laginu
RAGNAR Ingimarsson, forstjóri Happdrættis Háskóla íslands, nýtur hér aðstoðar EIísu Arnarsdótt-
ur, 8 ára, við að draga út afmælisvinningana úr gömlu tromlunni.
Afmælisvinningar Happdrættis Háskóla Islands dregnir út
Fékk 30 milljónir króna
í tilefni 60 ára afmælis Happ-
drættis Háskólans var í gær-
kvöldi dreginn út hæsti happ-
drættisvinningur hérlendis, 54
milljónir og skiptist hann á tvö
númer í fjórum flokkum.
Sex milljónir komu á trompm-
iða í B-flokki nr. 23594. Hann
var seldur hjá Frímanni Frí-
mannssyni í Hafnarhúsinu. Eig-
andi miðans, sem ekki vildi láta
nafns síns getið, fékk því 30
milljónir í sinn hlut. Einfaldir sex
milljóna króna vinningar komu á
miða nr. 23594E, 39042F,
39042G og 39042H.
Sjá vinningaskrá bls. 22.
Ákvæði í gjaldskrá firrir Póst og síma ábyrgð vegna mistaka
Umboðsmaður segir laga-
stoð skorta fyrir ákvæðinu
UMBOÐSMAÐUR Alþingis telur að lagastoð skorti fyrir ákvæði í
gjaldskrá Pósts og sima, þar sem kveðið er á um að stofnunin taki
ekki á sig ábyrgð á afleiðingum þess, ef mistök kunni að eiga sér
stað við afgreiðslu simskeyta eða samtala. Hann beinir þeim tilmæl-
um til Pósts og síma og samgönguráðuneytisins, að endurskoðuð
verði sú ákvörðun að synja manni um bætur, en síma hans var lok-
að vegna mistaka.
Póstur og sími lokuðu símanúmeri
mannsins, í stað skuldugs viðskipta-
vinar. Vegna þessa missti maðurinn
úr vinnu þar sem ekki náðist í hann
og vildi bætur fyrir. P&S sagði að í
gjaldskrá og reglum fyrir símaþjón-
ustu væru ákvæði um ábyrgðarund-
anþágu, m.a. væri kveðið á um að
stofnunin tæki ekki á sig ábyrgð á
afleiðingum þess, ef mistök ættu sér
stað við afgreiðslu símskeyta eða
símtala og ákvæðið tæki til þess er
samband væri rofíð fyrir mistök.
Símnotandinn skaut synjuninni til
samgönguráðuneytisins, sem var
sammála P&S. Umboðsmaður Al-
þingis fór fram á skýringar frá ráðu-
neytinu. í svari þess var vísað til
bréfs lögmanns P&S, þar sem segir
m.a. að ákvæðið sé sjálfstæð ábyrgð-
arleysisyfirlýsing. Þá segir, að við
pöntun á talsíma hafí væntanlegur
rétthafí undirritað umsókn. Þar hafi
komið fram samningsskilmálar Pósts
og síma, þ.á m. að viðkomandi rétt-
hafí hafí skuldbundið sig til að fylgja
þeim reglum og þeirri gjaldskrá sem
gilti á hveijum tíma. Abyrgðarleys-
isákvæðið hafí því verið hluti þeirra
reglna, sem samningssamband aðila
hafi byggt á.
íþyngjandi ákvæði
hafí lagastoð
Umboðsmaður féllst á að umrætt
ákvæðið gjaldskrárinnar gæti tekið
til tilvika þar sem símanúmeri er
lokað í misgripum. Hins vegar væri
ekki að fínna, í lögum eða lögskýr-
ingargögnum með þeim, ráðagerð
um að ráðherra geti sett almenn
fyrirmæli, er undanþiggi Póst og
síma ábyrgð á skaðaverkum, sem
stofnunin kunni að valda. Miða verði
við að ákvæði í almennum fyrirmæl-
um stjómvalda, sem séu íþyngjandi
fyrir borgarana eða takmarki rétt
þeirra, verði að eiga sér stoð í lögum.
Þá verði ekki talið að stjómvaldsregl-
ur, sem skorti lagastoð, verði sjálf-
krafa hluti af samniugi símnotanda
og Pósts og síma og yfirlýsingin, sem
notandi hafí undirritað, hafí ekki
nefnt að Póstur og sími væri undan-
þeginn skaðabótaábyrgð. Ríkar kröf-
ur verði að gera til skýrleika íþyngj-
andi ákvæðis, sem samið sé einhliða
af opinberum aðila.
Umboðsmaður endar umsögn sína
á að segja að þar sem þær ákvarðan-
ir Pósts og síma og samgönguráðu-
neytisins, að synja manni um bætur
vegna þeirra mistaka að síma hans
var lokað, hafí verið byggðar á röng-
um lagagrunni, séu það tilmæli sín
til nefndra stjórnvalda, að þau taki
málið upp að nýju.
Sjómenn
slasast
Höfn.
TVEIR sjómenn voru fluttir með
flugi frá Höfn í gær til Reylyavík-
ur, annar lærbrotinn, hinn illa
kraminn á fingri.
Skipverji á togaranum Sunnutindi
SU 59 frá Djúpavogi klemmdist á
fingn um fímmleytið í gærmorgun.
Lóðsinn á Höfn fór og sótti manninn
um sex mílur austur af Stokksnesi.
Maðurinn fór flugleiðis til Reykjavík-
ur og á slysadeild Borgarspítalans.
Hinn sjómaðurinn lærbrotnaði um
borð í Sigurði Lárussyni SF 110 frá
Höfn rétt fynr hádegi. Lóðsinn fór
með lækni um borð en skipveijinn
kom til Hafnar og síðan fór hann
með sjúkraflugi til Reykjavíkur.
- Snorri
Halldór Blöndal um nefndarálit Egils
Lýsir samningn-
um út í hörgul
í dag
Slök kunnátta
íslenskir grunnskólanemar urðu í 17.
sæti af 25 í könnun um landafræði-
menntun 18
Clarke arftaki Majors?
Kenneth Clarke, fjármálaráðherra
Bretlands, segist hafa fullan hug á
að verða forsætisráðherra 24
Norðurlandaráðsþing
Vangaveltur um framtíð norrænnar
samvinnu setja svip á Norðurlanda-
ráðsþing í Stokkhólmi 26
Leiðari
Frekari vaxtalækkun? 26
Fosteignir
► Hótel úti á landi - Nýjungar
í húsagerð - Markaðurinn -
Smiðjan - Lagnafréttir - Heimilið
Daglegt líf
► Vistheimili fyrir böm - List-
kynningar - Fullorðinsfræðsla -
Brúðkaupsferðir - Golf í spjó -
Skíðavika á ísafirði.
MIKILL ágreiningur kom fram á milli talsmanna ríkissfjórnarflokk-
anna um túlkun á búvörufrumvarpinu við aðra umræðu um frumvarp-
ið sem hófst á Alþingi í gær. Gísli S. Einarsson,, fulltrúi AlþýðuHokks
í landbúnaðarnefnd, styður stjórnarframvarpið en er andvígur nefndar-
áliti Egils Jónssonar, formanns nefndarinnar og Einars K. Guðfinnsson-
ar og Arna M. Mathiesen. Sagðist Gisli hafa neyðst til að skila séráliti
því í áliti formanns nefndarinnar kæmu fram mistúlkanir og rangfærsl-
ur á frumvarpinu. Jón Baldvin Hannibalsson utanríkisráðherra tók
undir gagnrýni Gísla á nefndarálitið við umræðurnar í gær en Halldór
Blöndal landbúnaðarráðherra sagði að nefndarálit Egils lýsti út í hörg-
ul samkomulagi stjórnarflokkanna. b
Gísli S. Einarsson telur að nefnd-
arálit formanns landbúnaðamefndar
sé til þess fallið að ala á réttaróvissu
og geti orðið hvati að óþarfa máls-
höfðunum. Davíð Oddsson forsætis-
ráðherra sagði í samtalið við Morg-
unblaðið í gær, að þingmenn væru
að fylgja úr hlaði breytingartillögum
við frumvarpið en nálguðust það úr
aðeins ólíkum áttum. Á því væri
enginn höfuðmunur og skipti að hans
mati engu máli.
Aðspurður hvort ólík nefndarálit
gætu ékki haft áhrif ef til dómsmáls
kæmi sagði Davíð það fráleitt því
lagatextinn sjálfur væri alveg skýr.
„Ef lagatextinn er skýr, þá þurfa
ekki lögskýringar að koma til,“ sagði
Davíð. S
Fulltrúar stjómaranstöðuflokk-
anna bera fram breytingartillögu
sem er samhljóða þeirri breytingartil-
lögu sem formaður landbúnaðar-
nefndar hafði látið semja í seinasta
mánuði en Alþýðuflokkurinn hafði
hafnað. Eggert Haukdal Sjálfstæðis-
flokki skilar svo fjórða nefndarálitinu
en sagðist í gær ætla að styðja breyt-
ingartillögu stjórnarandstöðunnar.
Sjá nánar á miðopnu.