Morgunblaðið - 11.03.1994, Blaðsíða 15

MORGUNBLAÐIÐ FÖSTUDAGUR 11. MARZ 1994
15
teikningar fyrir bygginganefnd
Reykjavíkur. Samkeppni opinberra
bygginga er það form, sem arki-
tektafélög alls staðar berjast fyrir,
enda fæst þar réttlát lausn á því
hvemig verkefnum er úthlutað. Svo
fór að fjölmargir arkitektar sýndu
samkeppninni áhuga, þó að ekki
væri um mjög stóra byggingu að
ræða. Alls var 40 verkefnum skilað
inn og að þeim stóðu á annað hund-
rað arkitektar. Er það álit fjöl-
margra fagmanna að sjaldan eða
aldrei hafi jafnmargar lausnir verið
jafnvel unnar. Sjálfsagt má alltaf
deila um orð dómarans. Ekki hafa
þó margir mælt gegn því að sú til-
laga, sem valin var til útfærslu,
færi vel í umhverfi sínu.
Það er alvarlegt mál, þegar sam-
keppnistillaga, sem hlotið hefur 1.
verðlaun og ákveðið hefur verið að
byggja eftir, er lögð til hliðar. Slíkt
rýrir gildi samkeppni, bæði í augum
væntanlegra útbjóðanda og þátt-
takenda, sem flestir leggja á sig
gríðarlega vinnu við að útfæra
lausnir, sem fæstar skila neinu,
nema hugsanlega umræðu á meðal
starfsfélaga.
Fyrirhuguð bygging hefur lítið
verið kynnt opinberlega, en farið í
gegnum kynningu hjá skipulags-
og bygginganefndum, auk allra
þeirra aðila, sem þurfa að gefa
umsögn sína á þeim ferli, svo sem
brunamálayfirvöld, heilbrigðiseftir-
lit og vinnueftirlit. Alls staðar hafa
fengizt tilskilin leyfí! Er því eðlilegt
að spyija, hvaða forsendur liggi á
baki þeim mótmælum, sem að und-
anfömu hafa birzt í Morgunblaðinu
og komið hafa fram í skoðunakönn-
unum DV. Ekki höfðu þá verið birt-
ar myndir af uppdráttum arkitekta
að fullteiknuðu húsi eða líkani, sem
ekki hefur verið til sýnis fram að
þessu!
Hvernig hafa mótmælendur get-
að aflað sér forsendna til þess að
byggja yfírvegaða niðurstöðu á?
Óttinn um bákn, sem skyggði á
nálægar byggingar, virðist senni-
legasta skýringin hjá þeim, sem
ekki vilja eingöngu líta á málið út
frá pólitísku sjónarhorni. Með mót-
mælunum lýsa þeir augsýnilega
yfír vantrausti á þær nefndir, stofn-
anir og stjórnvöld, sem fjallað hafa
um málið og veitt samþykki sitt
fyrir framkvæmdinni. Má þar til
nefna dómsmálaráðherra, bygg-
inganefnd Hæstaréttar, Húsameist-
ara ríkisins, Teiknistofu Ingimund-
ar Sveinssonar, Borgarskipulag
Reykjavíkur, á annað hundruð arki-
tekta og ráðgjafa þeirra, sem þátt
tóku í samkeppninni, skipulags-
nefnd Reykjavíkur, skipulagsnefnd
ríkisins, borgarstjórn Reykjavíkur,
borgarráð, umhverfisráðherra, AI-
þingi íslands og ríkisstjórnina, sem
veitti samþykki sitt fyrir fram-
kvæmdinni í upphafi.
Fyrirhuguð bygging er sánnar-
lega lítil. Þessi lóð, Lindargata 2,
krefst líka lítillar byggingar og með
því að staðsetja hana með þeim
hætti sem gert hefur verið ráð fyr-
ir skerpist götumyndin við Lindar-
götu. Nálægðin við Arnarhvál er
ekki óeðlileg, og í þeim anda, sem
skipulagið frá 1927 gerði ráð fyrir,
en með þessu er fjarlægð fyrirhug-
aðrar Hæstaréttarbyggingar frá
Safnahúsi eins mikil og nokkur
kostur er. Hræðslan um að bygg-
ingin beri byggingarnar umhverfis
lóðina ofurliði er fráleit. Þegar þær
voru reistar lá alltaf fyrir að byggð
mundi opinber bygging á lóðinni,
sýnu stærri en sú, sem stendur til
að reisa. Verði sú afdrifaríka
ákvörðun tekin, að hætta við bygg-
ingu húss Hæstaréttar á þessum
stað, og lóðin muni standa auð eft-
ir nokkur ár, er líklegt að ýmsir
beini athygli sinni að henni. Engin
trygging er fyrir því að skipulagsyf-
irvöld sjái þá ástæðu til þess að
standa gegn því að þétta byggðina
við gamla miðbæinn! Dæmin um
skipulagsslys eru því miður alltof
mörg á höfuðborgarsvæðinu, og
varhugavert er að treysta því, að
önnur bygging á þessari lóð verði
eins fyrirferðarlítil og taki betur
tillit til umhverfis síns.
Höfundur er arkitekt í Reykjavík.
QuarkXPress námskeið
94022
Tölvu- og verkfræðiþjónustan
Tölvuskóli Halldórs Kristjanssonar
Grensásvegi 16 • ® 68 80 90

Metsölublað á hverjum degi!

1%^
Frábœrar viðtökur
Þorpsbúar í Þorpinu, Borgarkringlunni,
þakka frábærar viðtökur við opnun Þorpsins
Nýtt á íslandi!
Spennandi verslunarform, þar sem 25 verslanir hafa myndað þorp í
Borgarkringlunni; hver verslun hefur sína gömlu bæjarburst með þekktu
verslunarheiti frá því fyrr á öldinni og hafa það að leiðarljósi að láta lága verðið
ráða ferðinni.
Skemmtiatriði:
Nóramagazín“ býður
hermannapeysuboli
núákr. 1.290
-áður kr 1.790
Lifandi tónlist
föstudag og laugardag
Komið til
að vera!
Atitikhúsgögn Geisladiskar
Málverk Barnaföt
Innflutt notuðföt Allur fatnaður
Gjafavara Skófatnaður
Verkfœri Skart o.fl.
ÞORPll)
Borgarkringlunni
Opið
mátiudaga -föstudaga
kl. 12-18.30;
laugardaga kl. 10-16.