Morgunblaðið - 11.03.1994, Qupperneq 39

MORGUNBLAÐIÐ FÖSTUDAGUR 11. MARZ 1994
39
inn flýgur. Hann vildi fá að kynn-
ast því umfangi sem felst í gerð
alvöru kvikmyndar. Um þetta leyti
gerði síðan fyrst vart við sig þessi
undarlegi sjúkdómur, sem virtist
vera eitthvert afbrigði flogaveiki,
er síðar átti eftir að verða honum
að aldurtila. Helgi talaði sjaldan um
þennan sjúkdóm sem plagaði hann,
enda var hann lítið gefinn fyrir að
barma sér eða láta vorkenna sér á
nokkurn hátt. Hann kvartaði þó
stundum undan minnisleysi við mig
og bað mig um að rifja upp fyrir
sér atvik frá þvi við vorum í sveit-
inni, því þeim minningum vildi hann
alls ekki glata. Hin síðustu ár
minntist Helgi aldrei á sjúkdóminn
við mig og vissi ég ekki annað en
hann heyrði sögunni til. Nú hefur
maður hinsvegar heyrt að hann
hafi plagað hann af og til og þá
eingöngu í svefni.
Þegar ég kom heim sumarið
1990, eftir nokkurra ára dvöl í
Kanada, setti Helgi Már sig strax
í samband við mig. Hann var nú
búinn að eignast myndbandsupp-
tökuvél og fórum við í nokkrar
ógleymanlegar ferðir saman þetta
sumar og mynduðum mikið. Við
dvöldum yfir verslunarmannahelg-
ina í sumarbústaðnum hjá Jóni Má
á Laugarvatni í yndislegu veðri.
Helgi ólgaði af lífsgleði og lék á
als oddi með sinn sérstaka húmor.
Við fórum einnig upp í Borgarfjörð
og heilsuðum upp á skyldfólk okkar
og fórum í útreiðartúr ásamt Þor-
valdi Inga, bróður Helga Más. Það
var síðan Helgi Már sem tók að sér
að festa á myndband stórkostlega
ferð skyldmenna af Þorbergsstaða-
ættinni vestur í Dali til að skoða
ættarslóðir. Sú ferð hafði djúpstæð
áhrif á Helga og varð kveikja að
handriti sem hann sendi mér til
yfirlestrar.
Helgi Már var mjög frændrækinn
og manna duglegastur við að efna
til gleðskapar meðal okkar frænd-
systkina. Hann var einnig einn aðal-
hvatamaðurinn að því að koma á
árvissu ættarmóti þar sem Eski-
holtsættin kemur saman og
skemmtir sér yfir eina helgi á hveiju
sumri. Helgi Már setti óneitanlega
sterkan svip á þennan gleðskap með
sínum óvenjulegu uppátækjum og
kæruleysislega gálgahúmor. Hans
verður sárt saknað því hann var svo
sannarlega páfugl í annars litlausri
flóru hversdagsins, einn þessara fáu
manna sem þora að vera þeir sjálf-
ir og neita að láta njörva sig niður
við þröngan stakk almenningsálits-
ins.
Helgi Már var mikill áhugamaður
um íþróttir og ágætur íþróttamaður
sjálfur. Hann fór oft á skíði, hjólaði
mikið og undanfarna tvo vetur
stunduðum við saman fótbolta með
nokkrum félögum okkar einu sinni
í viku. Ekki var annað að sjá en
Helgi væri frískastur og í besta
úthaldinu. Þetta sýnir manni að
maður stendur við dyr dauðans á
hveijum einasta degi. Ekkert er
öruggt í þessum heimi. Það má líka
segja að það sé kaldhæðni örlag-
anna að Helgi Már skuli deyja núna,
loksins er hann var að ná einhveiju
settu marki í lífinu. Hann var á
lokaári í Kennaraháskóla íslands
og hlakkaði mikið til að útskrifast
í vor. Arin í Kennaraháskólanum
voru búin að vera ár margra per-
sónulegra sigra hjá Helga Má, hann
var m.a. farinn að búa til ljóð í stór-
um stíl sem hann setti saman í
hefti og gaf vinum og vandamönn-
um.
Góði guð, ég fæ seint skilið hvað
fyrir þér vakir þegar ungt og hraust
fólk, í blóma lífsins er numið mis-
kunnarlaust á brott án nokkurs
fyrirvara og án nokkurs sjáanlegs
tilgangs. Ég bið þig um að umvefja
Helga Má ást og hlýju og gefa
okkur sem þekktum og elskuðum
hann styrk til að halda áfram að
lifa lífinu lifandi og varðveita minn-
ingu Helga Más í hjarta okkar.
Elsku Helgi minn, ég færi þér
mínar innilegustu þakkir fyrir allar
dásamlegu stundirnar sem ég hef
fengið að eiga með þér í gegnum
tíðina. Ég trúi því að þú hafir nú
verið kvaddur til æðri starfa á öðr-
um stað. Svo lengi sem ég lifi mun
minningin um þig lifa í hjarta mínu.
Þinn frændi og vinur,
Þorri.
Stefán Haukur Jóns-
son — Minning
Fæddur 25. nóvember 1967
Dáinn 7. febrúar 1994
Á mánudagskvöldið hinn 7. febr-
úar sl. bárust okkur þau sorgartíð-
indi að Stefán mágur okkar væri
látinn. Okkur setti hljóð og minning-
ar liðinna ára leituðu á hugann.
Kynni okkar af Stefáni Hauki hófust
fyrir um sjö árum þegar hann hóf
sambúð með Þóru systur okkar.
Stefán var fæddur á Akureyri og
bjó á Seyðisfirði allt til ársins 1987,
en þá fluttist hann á Árskógssand.
Hann var elstur fjögurra systkina.
Foreldrar hans eru Sigurbjörg Jóns-
dóttir og Jón Aðalsteinn Stefánsson
og búa þ_au á Seyðisfirði. Systkini
hans eru Omay Trausti, Hafþór Svan-
ur og Lára Ósk. Stefán byijaði að
vinna 14 ára gamall og vann hjá
Norðursíld á Seyðisfirði meðan hann
bjó þar. Eftir að hann fluttist á Ár-
skógssand vann hann bæði til sjós
og lands en síðustu árin var hann
eingöngu á sjónum. Þau Stefán og
Þóra eignuðust tvær dætur: Tinnu,
fædda 1988, og Andreu, fædda 1990.
Þær sáu'ekki mikið af pabba sínum
vegna þess hversu mikið hann var á
sjónum. En þær stundir sem hann
var í landi var mikið fjör og læti í
þeim systrum enda litlu sólagreisl-
arnir hans pabba síns.
Stefán var rólegur og dulur mað-
ur, bar ekki tilfinningar sínar á torg.
Hann var mjög duglegur og vinsæll
í vinnu. Við getum ekki leynt því að
okkur finnst dauði hans ótímabær.
Margar spurningar sitja eftir í huga
okkar sem við fáum aldrei svör við.
Elsku Þóra, Tinna, Andrea,
Bogga, Steini og aðrir aðstandendur.
Innilegustu samúðarkveðjur flytjum
við frá okkur öllum í fjölskyldunum
og biðjum Guð um styrk á þessum
erfiðu tímum.
Far þú í friði,
friður Guðs þig blessi,
hafðu þökk fyrir allt og allt.
Gekkst þú með Guði,
Guð þér nú fylgi,
hans dýrðarhnoss þú hljóta skalt.
(V. Briem.)
Valgerður, Inga og Jóhann.
Stefanía Guðrún As-
kelsdóttir - Minning
Fædd 9. mars 1918
Dáin 26. febrúar 1994
Kveðja
Ég hitti Stebbu fyrst árið 1963
þegar uppeldissonur hennar, Sæ-
mundur Bjarkar, kynnti mig á heim-
ili sínu.
Allar götur síðan var hún mér sem
mætasta móðir og besti vinur, og
þó að leiðir okkar Sæmundur skildu
eftir tæplega sex ára hjónaband stóð
heimili Stebbu og Óskars á Grenimel
4 mér og mínum alltaf opið.
Stebbu verður ekki minnst nema
geta þess að eitt áttum við sameigin-
legt — en það var ljósgjafí í lífi okk-
ar beggja, dóttir okkar Sæmundar
og nafna hennar, Stefanía Guðrún.
Stebba stóra var alltaf tilbúin að
gæta nöfnu sinnar sem gjarnan var
nefnd Stebba litla. Er mér ljúft nú
á kveðjustundu að þakka henni enn
á ný þá ómetanlegu aðstoð sem hún
veitti mér á þeim árum sem stúlkan
mín var að vaxa úr grasi og ég vann
langan vinnudag — fyrir öryggið sem
Stebba litla hafði alltaf hjá ömmu
sinni og nöfnu, og afa sínum Óskari.
Ljósgjafmn óx úr grasi og er hún
hóf háskólanám flutti hún í risið hjá
ömmu og afa á Grenime! 4.
Stebba stóra var hamingjusöm að
hafa nöfnu sína undir sama þaki.
Enn jókst gleði hennar og stolt þeg-
ar nafna hennar giftist elskulegum
manni, Braga Vilhjálmssyni, sem var
eins og nýr sonur í fjölskyldunni. í
desember 1992 fæddist þeim dóttirin
Kristín Jóna, sem kom eins og sólar-
geisli í líf langömmu sinnar, á tíma
þegar farið var að halla undan fæti
og veikindi heijuðu fastar að. Verður
ekki á neinn hallað þó sagt sé, að
Stebba stóra naut hjá þeim þeirrar
bestu aðstoðar og ástúðar sem hún
gat hugsað sér.
Að leiðarlokum þakka ég þér
Stebba mín stóra fyrir alla þína ást-
úð og umhyggju sem þú ætíð hafðir
fyrir velferð minni, og síðast en ekki
síst, hversu ómældri ástúð þú um-
vafðir dóttur mína, tengdason og
ömmustelpu.
Elsku Óskar minn, missir þinn og
allra ástvina Stebbu er mikill — en
minnumst allra gleðistundanna sem
hún veitti okkur, þær verða aldrei
frá okkur teknar.
Kristín Jóna Halldórsdóttir.
Minning
Guðrún S. Möller
Föðursystir mín, Guðrún Sveina
Möller, lést hinn 18. febrúar sl. Hún
fæddist í Stykkishólmi hinn 13. júlí
1914, elst fjögurra barna hjónanna
Williams Thomasar Möller og Krist-
ínar Elísabetar Sveinsdóttur. Hin
eru Alvilda, lést ung, Óttarr og
Jóhann Georg. Amma Kristín lést
þegar Gunna var aðeins tólf ára
gömul. Afi kvæntist aftur, Mar-
gréti Jónsdóttur frá Suðureyri í
Tálknafirði, og gekk hún börnunum
í móðurstað. Afi og amma Margrét
eignuðust þijú börn, Agnar, Krist-
ínu og William Thomas. Gunna
eignaðist einn son, Bertram Henry
Möller, og kona hans er Guðríður
Erla Halldórsdóttir. Barnabörn
Gunnu eru fjögur og barnabarna-
börn tvö.
Gunna hafði mikinn áhuga á
ættfræði og ósjaldan hringdi ég til
hennar til að fá upplýsingar um
hvernig jiessi eða hinn væri skyldur
okkur. Ég fékk að vita allt sem ég
þurfti en oft eftir löng símtöl varð
ég að bera fram spurninguna aftur
því ég var farin að rugla öllu sam-
an, svo mikið vissi Gunna. Hún
hafði líka gamah af að ferðast og
eru þær margar heimsborgirnar
sem hún heimsótti. Eitt sinn komu
þær Gunna og amma Margrét til
mín þegar ég bjó í Kaupmanna-
höfn. Það var skemmtilegur tírni
og mikið hlegið.
Um leið og ég kveð Gunnu
frænku, vil ég senda mínar innileg-
ustu samúðarkveðjur til allra að-
standenda.
Kristín Möller.
t
Þökkum innilega auðsýnda samúð við andlát og útför föður
okkar, tengdaföður og afa,
BJÖRGVINS SIGURÐSSONAR
hæstaréttarlögmanns.
Sigurður Björgvinsson, Sigurbjörg Björgvinsdóttir,
Elfn Bergljót Björgvinsdóttir, Ragnar Guðmundsson
og barnabörn.
t
Þökkum innilega auðsýnda samúð við andlát og útför móður
okkar, tengdamóður, ömmu og langömmu,
GUÐRÚNAR MÖLLER,
Seljahlíð.
Bertram Möller,
Guðríður Erla Halldórsdóttir,
börn og barnabörn.
t
Þökkum innilega auðsýnda samúð og hlýhug við andlát og útför
bróður míns og mágs,
PÉTURS KRISTJÁNSSONAR
fyrrverandi kaupmanns.
Sérstakar þakkir viljum við færa starfsfólki og stjórnendum á elli-
og hjúkrunarheimilinu Grund.
Haraldur Kristjánsson, Gerða Herbertsdóttir
og aðrir aðstandendur.
t
Þökkum innilega auðsýnda samúð og
vináttu við andlát og útför móður okk-
ar, tengdamóður og ömmu,
GUNNÞÓRUNNAR PÁLSDÓTTU R.
Sérstakar þakkir viljum við færa starfs-
fólki hjúkrunarheimilisins Skjóls.
Fyrir hönd fjölskyldunnar,
Ólöf Ingibjörg Jónsdóttir.
t
Innilegar þakkir fyrir auðsýnda samúð og vinarhug við andlát og
útför
FRIÐRIKS RÓSMUNDSSONAR,
Borgarhrauni 6,
Hveragerði.
Sérstakar þakkir færum við starfsfólki gjörgæsludeildar Land-
spítalans.
Guð blessi ykkur öll.
Anna Jónsdóttir,
Stefán Friðriksson, Elísabet Friðriksdóttir,
Björn Friðriksson, Sveinn Friðriksson,
Friðrik Friðriksson og fjölskyldur.
t
Þökkum innilega auðsýnda samúð og hlýhug við andlát og útför
móður okkar, tengdamóður, ömmu, langömmu og langa-
langömmu,
GUÐFINNU JÓNSDÓTTUR
frá Heiðarbæ,
Vestmannaeyjum.
Sigurgeir Ólafsson, Erla Eiríksdóttir,
Jóna Guðrún Ólafsdóttir,
Eggert Ólafsson,
Einar ÓJafsson, Viktorfa Ágústa Ágústsdóttir,
Guðni Ólafsson, Gerður Guðrfður Sigurðardóttir,
barnabörn, barnabarnabörn
og barnabarnabarnabörn.
t
Þökkum auðsýnda samúð og vinarhug
við andlát og útför ástkærrar eiginkonu
minnar, móður okkar, tengdamóður og
ömmu,
REGÍNU GUNNARSDÓTTUR,
Fannborg 7,
Kópavogi.
Sérstakar þakkir færum við starfsfólki
heimahlynningar Krabbameinsfélagsins.
Halldór Jónsson,
Jórunn Halldórsdóttir, Ragnar Óli Ragnarsson,
Esther Halldórsdóttir, Guðmundur S. Sighvatsson,
Hrefna Gunnlaugsdóttir, Óli Viktorsson
og barnabörn.