Morgunblaðið - 10.09.1994, Page 10

10 LAUGARDAGUR 10. SEPTEMBER 1994
AKUREYRI
MORGUNBLAÐIÐ
Kartöfluuppskera verður langt umfram innanlandsneyslu
Sumir
henda
hluta upp-
skerunnar
LJÓST þykir að einhveijir kart-
öflubændur þurfi að fleygja
hluta af uppskeru sinni, þar sem
allt útlit er fyrir að uppskeran
verði langt umfram innanlands-
neyslu. Mikill taugatitringur er
meðal bænda, sem keppast við
að koma framleiðslu sinni í verð
fremur en að henda henni.
Ólafur G. Vagnsson ráðu-
nautur hjá Búnaðarfélagi Eyja-
fjarðar sagði að flestir kartöflu-
framleiðendur á Eyjafjarðar-
svæðinu væru komnir á fulla
ferð við upptökuna og skilyrði
væru hin ákjósanlegustu, hlýtt
og þurrt. Ljóst væri að uppsker-
an væru vel yfir meðallagi og
meira kæmi upp úr görðunum
en landsmenn hefðu lyst á að
borða.
Ekkert kaup
„Það sorglega í þessu er að
þegar menn sjá fram á góða
uppskeru hefjast undirboðin,
það hleypur kapp í menn að
losna við sína framleiðslu og
þeir freistast í undirboð," sagði
Ólafur. „Menn sjást ekki fyrir
og bjóða sífellt lægra verð og á
endanum fer þetta út fyrir öll
skynsamleg mörk og endar með
að bændurnir fá ekkert kaup.“
Harður slagur á markaðnum
Friður ríkir á kartöflumark-
aðnum þegar uppskera er undir
meðallagi og bændur sjá fram
á að geta selt afurðir sínar. Nú,
þegar framleiðslan verður með
mesta móti, er Ijóst að einhveij-
ir þurfa að henda hluta af upp-
skerunni, en áður en til þess
kemur er háður harður slagur
á markaðnum, þar sem bændur
keppast við að losna við sem
mest af sinni framleiðslu fyrir
það verð sem býðst.
Morgunblaðið/Rúnar Þór
Metuppskera
VEÐURSKILYRÐI til kartöfluupptöku hafa verið hin ákjósan-
legustu, þurrt og hlýtt og það notfærðu bændur að Steinkoti
norðan Akureyrar sér í gærdag. Sigþór Björnsson bóndi þar
sagði að um metuppskeru væri að ræða í ár en ásamt honum
var sonur hans Ingólfur við kartöfluupptökuna sem og þeir
ÓðinnBaldurssonoglngviSveinsbjörnsson.
21150-21370
LARUS P. VALDIMARSSOIM. framkvæmdastjori
KRISTJAN KRISTJANSSOM. loggiltur fasteigmasali
Til sýnis og sölu m.a. athyglisverðra eigna:
Gott steinhús - hagkvæm eignaskipti
Einbýlishús ein haeð um 165 fm auk bilskúrs 23,3 fm á vinsælum stað i
Vogunum. 5 svefnh. m.m. Sóh/erönd. Glæsileg lóð. Eignaskipti möguleg.
40 ára húsnæðislán kr. 3,3-5,0 millj.
Nokkrar góðar 3ja herb. íbúðir með þessum lánum m.a. við:
Vallarás 5. hæð, lyftuh. Parket. Útsýni. Endurb. sameign.
Dvergabakka 3. hæð í suðurenda. Parket. Ágæt sameign.
Furugrund á 7. hæð í lyftuh. Útsýni. Bílageymsla. Tilb. óskast.
Nökkvavogur - góður bflsk. - eignaskipti
4ra herb. góð aðalhæð. Sérhiti. Ágæt sameign. Bflskúr 32 fm. Skipti
æskileg á stærri hæð eða einbýli, helst í nágr.
2ja herb. - gott verð - góð kjör
Krfuhólar lyftuh. 7. hæð. 63,6 fm. Fráb. útsýni. Tilb. óskast.
Sólvallagötu í kj. góð samþ. Hentar m.a. námsfólki.
Barðavog í kj. rúmg. samþ. Sérinng. Þríbýli.
Jöklasel 2. hæð, 64,7 fm. Suðurendi. Sérþvhús. Góð sameign. Bíl-
skúr. 26 fm auk geymsluriss. Skipti æskileg á stærri íb.
Glæsileg endaíb. - gott verð
Mikið endurn. 4ra herb. íb. 108,6 fm við Hraunbæ. Sérhiti. Nýtt eld-
hús. Gott kjherb. m. snyrtingu. Skipti möguleg á góðri 2ja herb. íb.
Stór og góð við Hjarðarhaga
Skammt frá Háskólanum 4ra herb. íb. á 4. hæð. Nýtt gler. Rúmg.
svalir. Sérþvottaaðst. Ágæt sameign. Vinsæll staður. Tilboð óskast.
Á söluskrá óskast
4ra-5 herb. góð íb. í lyftuh. við Espigerði.
2ja herb. góða íb. í lyftuhúsi við Fannborg.
3ja-5 herb. góða íb. í lyftuhúsi við Skúiagötu.
Einbýlishús 250-300 fm við Hverafold eða nágr.
Traustir og fjársterkir kaupendur.
• • •
Opið ídag kl. 10-14.
Munum að sölumennska
og sviksemi
eiga aldrei samleið.
ALMENNA
FASTEI6NASALAH
LAUGAVEGl 18 SÍMAR 21150-21370
Umhverfisverðlaun
búsetafélaga
Danir verð-
launaðir
ÍBÚÐAFÉLAGIÐ Hyldespjældet í
Danmörku hlaut fyrstu umhverfís-
verðlaun NBO, samtaka norrænna
húsnæðissamvinnufélaga, en þau
voru afhent í gær í lok þings félag-
anna sem staðið hefur á Akureyri.
Hyldespjældet hlaut verðlaunin
fyrir djarfar og framsýnar aðgerðir
í umhverfismálum en meðal að-
gerða félagsins má nefna sparnað
í vatnsnotkun, orkusparandi ljósa-
perur eru notaðar í sameignum,
íbúarnir reka í sameiningu gróður-
hús og stunda lífræna ræktun í
görðum, þakvatn er notað til vökv-
unar og sorp er flokkað.
Reka hænsnabú
Gamlir gluggar voru fjarlægðir
og aðrir orkusparandi settir í þeirra
stað og margir íbúanna hafna aug-
lýsingum í póstkassa sína og þá
má ioks nefna að 5-6 hænsnabú
eru í rekstri á vegum félagins.
Ástæða fyrir vali dómnefndar
er áhugi sá sem íbúar hafa sýnt
öllu því sem viðkemur umhverfinu
og aðgerðir þeirra þó ekki sé úr
digrum sjóðum að spiia.
Margir sækja
um gjaldfrest
vegna erfiðleika
FJÖLDI fólks hefur leitað eftir
fresti á afborgunum húsnæðislána
og fjármálaráðgjöf vegna greiðslu-
erfiðleika til Húsnæðisskrifstof-
unnar á Akureyri.
Björgvin Baldvinsson sjómaður
á Akureyri, sem síðasta vor sótti
um frest á afborgunum í kjölfar
þess að hann varð atvinnulaus,
gagnrýndi í samtali við Morgun-
blaðið seinagang við afgreiðslu
umsókna, en hann kvaðst hafa
tekjð sína pappíra og hætt við að
sækja um frestinn eftir þriggja
mánaða bið. „Ég missti vinnuna
síðasta vetur og frétti þá að hægt
væri að sækja um frest á afborg-
unum húsnaeðislána ef þannig
væri ástatt. Ég er búinn að bíða
eftir svari í þijá mánuði og ekkert
gerist, fólk lendir í enn meiri
klemmu með sín fjármál þegar það
er dregið á svarinu og vextir hlað-
ast upp,“ sagði Björgvin.
Tekur tíma
Þorsteinn Þorsteinsson ráðgjafí
hjá Húsnæðisskrifstofunni á Akur-
eyri sagði að geysimikið hefði ver-
ið að gera í þessum málaflokki og
algjör sprenging orðið síðastliðið
vor þannig að engan veginn hefði
verið hægt að anna öllum fyrir-
spurnum sem bárust á sama tíma.
Fólk sem leitar eftir fresti á af-
borgunum eða fjármálaráðgjöf er
misjafnlega á vegi statt og úr-
lausnir margvíslegar, en að sögn
Þorsteins hefur verið hægt að gera
viðhlítandi ráðstafanir eða finna
heildarlausn á greiðsluvanda
fjölda fólks. „Það er ekki óeðlilegt
að afgreiðsla svona mála taki allt
upp í 6 mánuði. Þegar fólk í
greiðsluerfiðleikum kemur hér inn
með erindi er reynt að fínna heild-
arlausn á vandanum, lausn sem
heldur, og eðli málsins samkvæmt
tekur það langan tíma,“ sagði
Þorsteinn.
Að sögn Þorsteins hefur heldur
dregið úr ásókn fólks sem sækir
um frest á afborgunum húsnæðis-
lána síðustu vikur, „en hvað það
merkir er ómögulegt að segja,
auðvitað vonum við að ástandið
sé hætt að versna,“ sagði hann
en benti einnig á að margir fái
góða greiðslu gegnum skattakerf-
ið í ágúst og einnig mætti benda
á að fyrri hluti árs er mörgum
erfiður, þegar verið er að greiða
jólareikninga, fermingar í gangi
og eins væru margir að greiða
háar upphæðir í tryggingar á þeim
tíma.
Messur
AKUREYRARKIRKJA: Guðs-
þjónusta verður í Akureyrar-
kirkju á morgun kl. 11.
GLERÁRKIRKJA: Kvöld-
messa verður í Lögmanns-
hlíðarkirkju annað kvöld kl.
21. Fyrsti fundur æskulýðs-
félagsins verður í Glerár-
kirkju á morgun kl. 18 þar
sem landsmót æskulýðsfé-
laga sem haldið verður í
Vatnaskógi verður kynnt.
Bænastund kvenna verður
kl. 20.30. á mánudagskvöld.
HJÁLPRÆÐISHERINIM:
Sunnudagaskóli kl. 14,
hjálpræðissamkoma kl. 20 á
sunnudag. Miriam Óskars-
dóttir talar.
HVÍTASUNNUKIRKJAN:
Samkoma í umsjá ungs fólks
kl. 20.30 í kvöld. Brauðs-
brotning kl. 11. á sunnudag
og vakningarsamkoma kl.
20. Vitnisburður. Miðviku-
daginn 14. september kl.
20, samkoma, ræðumaður
John Warren frá Bandaríkj-
unum.
KAÞÓLSKA KIRKJAN:
Messur laugardaginn 10.
september kl. 18.00 og
sunnudaginn 11. september
kl. 11.
Morgunblaðið/Hólmfríöur
Hræin í land
í ÁRANNA rás hafa bílhræ safn-
ast saman í haug rétt við þorpið
í Grímsey. Haugurinn þykir lítið
augnayndi enda skipta hræin tug-
um sem þarna liggja. Nú hefur
hreppsnefndin ákveðið að efna til
landhreinsunar. Hún hefur
ákveðið að niðurgreiða flutning
þeirra í land til að hvetja eigend-
ur þeirra til að taka þátt í hreins-
uninni. Bílhræin verða flutt með
Sæfara til Dalvíkur og þaðan suð-
ur til Reykjavíkur þar sem Hring-
rás tekur við þeim og fargar.