Morgunblaðið - 10.09.1994, Qupperneq 48

MORGUNBLADID, KIilNGLAN I 103 REYKJAVÍK
SÍMI 691100, SlMBRÉF 691181, PÓSTHÓLF 3040 / AKUREYRl: HAFNARSTRÆTl 85
LAUGARDAGUR 10. SEPTEMBER 1994
VERÐ í LAUSASÖLU 125 KR. MEÐ VSK
Sahlgrenska sjúkrahúsið í Gautaborg
Skipt um hjarta og
liingn í Islendingi
ÁSDÍS Stefánsdóttir
úr Garði gekkst undir
hjarta- og lungna-
skiptaaðgerð á Sahl-
grenska sjúkrahúsinu í
Gautaborg í gær. Ás-
dís, sem er um fertugt,
er með hjartagalla og
hafði beðið eftir líffær-
um í um fímm ár. Eig-
inmaður Ásdísar,
Sveinbjörn Reynisson,
er með henni í Gauta-
borg.
Jón Dalbú Hró-
bjartsson, sendiráðs-
prestur í Gautaborg,
sagði að aðgerðin hefði
gengið eftir áætlun og
líðan Ásdísar væri eftir
atvikum. Sex til sjö
tíma aðgerð var lokið
um kl. 14 að íslenskum
tíma og var Ásdís ekki
vöknuð eftir aðgerðina
síðdegis, þegar Morg-
unblaðið ræddi við
hann.
Baráttukona fram
í fingurgóma
Guðmundína Ester
Guðmundsdóttir, vin-
kona Ásdísar, sagði að
fæðingargalli ylli þvi að hjarta og
lungnaskipti væri eina von hennar.
Ásdís hefði verið með farsíma og
beðið eftir kalli frá London í að
minnsta kosti tvö ár. Eftir það hefðu
hún og eignmaður hennar Svein-
björn Reynisson beðið á þriðja ár
eftir líffærum í Gautaborg.
Hún sagði að þrátt fyrir veikind-
in hefði Ásdís sýnt mikinn baráttu-
hug. „Ásdís er baráttukona fram í
fingurgóma. Hún einblínir á hið
jákvæða og sagði t.d. alltaf um það
sem hún gat ekki gert vegna veik-
indanna, að hún myndi geta gert
það þegar hún hefði læknast."
Viðbrögð við heilahimnubólgusýkingum
Fjölskyldur sjúklinga á lyf
ENGAR opinberar reglur eru til hér á landi um
hvemig bregðast skuli við sýkingum sem valda heila-
himnubólgu. Þó er ráðlagt að gefa þeim sem hafa
umgengist sjúkling sem hefur fengið sjúkdóminn
síðustu 10 daga áður en hann greinist sýklalyf.
Meningókokkabaktería, sem veldur heilahimnu-
bólgu, smitast um vit fólks. Hún situr í hálsi og
getur borist þaðan í blóðrás. Það gerist þó ekki
nema í einstaka tilfelli. Flestir ganga með bakter-
íuna í hálsi í nokkrar vikur eða mánuði og mynda
ónæmi gegn henni.
Aðstandendum þeirra sem fá heilahimnubólgu af
völdum meningókokka eru gefín sýklalyf ef það
skyldi vera með bakteríuna í hálsinum. Lyfið með-
höndlar ekki sjúkdóminn sem slíkan heldur útrýmir
bakteríunni úr hálsinum.
■ Flestir sem ganga/4
Skelfiskur hf. á Flateyri semur við bandarískt stórfyrirtæki
Öll kúfiskframleiðsla
næstu þrjú árin seld
SKELFISKUR hf. á Flateyri hefur gengið frá samningum við bandarískt
stórfyrirtæki, PET Corporated, um að fyrirtækið kaupi alla kúfískfram-
leiðslu fýrirtækisins næstu þrjú árin. Á aðalfundi Skelfisks á Flateyri í
gær var kosin ný stjóm fyrirtækisins og var Einar Oddur Kristjánsson
kosinn formaður stjómar. Hann kvaðst í samtali við Morgunblaðið fagna
því að samningurinn hefði náðst og sagði hann vera lykilinn að því að
hægt yrði að hefja framleiðslu í félaginu.
Ahugi á að fá Is-
lending í klaustur
ÁHUGI er á því meðal nunnanna í
Karmelklaustrinu í Hafnarfirði að
fá íslenskar konur til að ganga í
klaustrið. Tvö laus pláss eru í
kiaustrinu, en þar eru nú 19 pólsk-
-^•ir nunnur. Torfi Ólafsson, félagi í
'kaþólska söfnuðinum í Reykjavík,
sagðist síður eiga von á að áhugi
væri fyrir hendi meðal íslenskra
kvenna á því að ganga í klaustrið,
en möguleikinn væri fyrir hendi.
í riti kaþólskra á Islandi hafa
nýlega birst tvær greinar eftir syst-
ur Veróniku um Karmelklaustrið í
Hafnarfírði. Þar er m.a. getið um
að tvö laus pláss séu í klaustrinu
og íslenskum konum sé velkomið
að ganga í klaustrið.
Ströng kennsla
Torfi sagði að það væri ekki
auðvelt fyrir konur að gerast nunn-
ur. Þær þyrftu að ganga í gegn um
stranga kennslu í 4 ár áður en þær
gætu orðið nunnur. Nunnurnar
mættu ekki fara út fyrir klaustur-
veggina. Meirihluta dagsins veiji
þær til helgihalds. Hann sagði að
nunnurnar þyrftu því að gera mikl-
ar kröfur til sjálfra sín. Það væri
ekki fyrir hvern sem er að ganga
inn í þetta hlutverk.
Einar Oddur sagði að Coldwater,
dótturfyrirtæki Sölumiðstöðvar
hraðfrystihúsanna, hefði haft milli-
göngu um samningsgerðina vestra
og aðstoðað á alla lund.
Afkoman tryggð
„Sölusamningurinn við Banda-
ríkjamennina er á þá lund að þeir
kaupa alla okkar framleiðslu næstu
þijú árin og við náðum samningum
á mjög viðunandi verði,“ sagði Ein-
ar Oddur en vildi ekki fara nánar
út í upphæðir samningsins. Sagði
þó að samningurinn myndi tryggja
afkomu félagsins.
Einar Oddur sagði að PET væri
geysilega stór matvælasamsteypa,
tíu sinnum stærri en Coldwater.
Fyrirtækið kæmi til með að nota
kúfiskinn í sósur og súpur og fleira.
Hann kvaðst eiga von á því að fram-
hald yrði á samstarfi við Banda-
ríkjamennina að þremur árum liðn-
um.
„Við vissum að þessi afurð er
þekkt í Bandaríkjunum og höfum
því reynt markaðssetningu á þess-
um gríðarlega stóra markaði og það
hefur okkur nú tekist og við hyggj-
um á frekari sókn á þessu sviði,
sem ég ætla ekki að tíunda frekar
nú,“ sagði Einar Oddur.
„Verksmiðjuhús félagsins er nú
að verða tilbúið og flestar vélar sem
ætlaðar eru til kúfiskframleiðslu
eru komnar til landsins. Ég á von
á því að framleiðsla hefjist í nóvem-
ber næstkomandi og að fyrsta send-
ing vestur um haf af frosinni kú-
fískframleiðslu okkar verði fljótlega
eftir það,“ sagði Einar Oddur.
Hlutafé aukið
Á fundinum í gær var ákveðið
að auka hlutafé upp í 110 milljónir
króna, en það ér nú 100 milljónir
króna. Helstu eigendur Skelfísks
hf. eru Hjálmur hf., Flateyri, Kamb-
ur hf., Flateyri, Miðnes hf., Sand-
gerði, Haf hf., Reykjavík, Þróunar-
félag íslands hf., Reykjavík, Eign-
arhaldsfélagið Alþýðubankinn hf.,
Reykjavik, Hraðfrystihús Eski-
fjarðar, Eskifírði og ísfélag Vest-
mannaeyja ásamt allmörgum ein-
staklingum.
Auk Einars Odds voru kjörnir í
stjórn: Ágúst Emarsson, prófessor,
varaformaður, Ólafur B. Ólafsson,
útgerðarmaður í Sandgerði, Hreinn
Jakopsson, framkvæmdastjóri í
Reykjavík, og Guðlaugur Björg-
vinsson, framkvæmdastjóri í
Reykjavík.
Sumarblíða
í september
ÓVENJU veðurblíða sannfærði
Sunnlendinga um sumri væri
ekki að fullu lokið í gær. Víða
var hiti um 14 gráður og náði
mest 14,4 gráðum á Eyrarbakka.
Á sunnanverðum Vestfjörðum
var hiti á bilinu 10 til 11 gráð-
ur. Eitthvað svalara var um
norðanvert landið.
Horfur eru á áframhaldandi
góðviðri á Suðurlandi um helg-
ina. En að sögn Halldórs Eríks-
sonar veðurfræðings eru líkur á
svalara veðri fyrir norðan. Hann
minnti líka á að hætta á nætur-
frosti ykist með hverjum degin-
um. Því væri ekki seinna vænua
að fara í berjamó, væru menn á
þeim buxunum.
Viðamikil
útsending
ÚTSENDING frá knattspyrnu-
leik Akraness og Kaiserslaut-
ern frá Þýskalandi, sem fram
fer á Laugardalsvell nk. þriðju-
dag, verður ein viðamesta sjón-
varpsútsending sem um getur
frá íslandi til erlends lands.
Þýska sjónvarpsstöðin ARD
leggur mikila áherslu á leikinn
og stefnir að því að útsending-
in verði í hæsta gæðaflokki.
Fimmtán starfsmenn RÚV
koma til með að vinna við út-
sendinguna. Auk þess koma
fjöldi tæknimanna frá Þýsk-
landi til landsins.
■ Mikill viðbúnaður/44.