Morgunblaðið - 03.12.1994, Qupperneq 13

MORGUNBLAÐIÐ
LAUGARDAGUR 3. DESEMBER 1994 13
LANDIÐ
ÞAU hlutu viðurkenningar á aðalfundi Austra f.v.: Þorsteinn Árbjörnsson, María Hjálmarsdóttir,
Anna Rósa Antonsdóttir og Friðjón Magnússon. Á myndinni er einnig Jóhanna Sölvadóttir sem tók
við viðurkenningu fyrir hönd sonar síns Sigurðar Sölva Davíðssonar.
Stefán Gíslason
íþróttamaður Austra
Eskifirði - íþróttamenn Austra
á Eskifirði í hverri grein voru
útnefndir á aðalfundi félagsins
nýlega.
Einn af þeim sem valdir eru
í hverri grein er jafnan valinn
íþróttamaður Austra og varð
hlutskarpastur að þessu sinni
Stefán Gíslason knattspyrnu-
maður. Hann varð fastamaður
í unglingalandslið 14-16 ára í
ár en hann er aðeins 14 ára.
Stefán á ekki langt að sækja
hæfileikana því Valur bróðir
hans, margreyndur unglinga-
landsliðsmaður og nú leikmað-
ur Fram, hefur tvisvar verið
valinn íþróttamaður Austra.
I einstöklum greinum voru
valin Stefán Gíslason í knatt-
spyrnu,í frjálsum íþróttum
María Hjálmarsdóttir, sundi
Þorsteinn Árbjörnsson, körfu-
bolta Sigurður Sölvi Davíðsson
og í skiðaíþróttinni var valin
Anna Rósa Antonsdóttir.
Þá voru veittar ýmsar viður-
kenningar fyrir frjálsar íþrótt-
ir. Einnig var veittur svokallað-
ur Tannabikar sem markahæsti
maður í knattspyrnu fær. Að
þessu sinni kom bikarinn í hlut
Friðjóns Magnússonar í 6.
flokki, sem skoraði 37 mörk.
Tannabikarinn gaf íþróttafé-
lagið Völsungur til minningar
um Jónatan Helgason, mikinn
Austrafélaga.
Einnig var fjölhæfasti
íþróttamaðurinn valinn og fyrir
valinu varð Þorsteinn Árbjörns-
dóttir en hann keppir í knatt-
spyrnu, á skíðum, sundi og
frjálsum íþróttum og náði mjög
góðum árangri í öllum grein-
um.
STEFÁN Gíslason íþrótta-
maður Austra á Eskifirði.
Þá lét stjórnin af störfum og
voru henni þökkuð vel unnin
störf, þá sérstaklega Hrafnkatli
Jónssyni sem verið hefur for-
maður undanfarin ár. Ný sljórn
var kjörinn og hana skipa:
Nanna Tómasdóttir, formaður,
Ingvar Stefánsson, Pétur
Brynjarsson, Brimir Björnsson
og Einar Björnsson.
Hátíðarhöld í ME
Egilsstöðum - Menntaskólinn á
Egilsstöðum var með hátíðardag-
skrá 1. des. sl. Tilefnið var þrenns
konar; fullveldishátíð, 50 ára lýð-
veldishátíð og vígsla á nýjum há-
tíðarsal. Flutt voru ávörp nemenda
og annarra og fjölmörg skemmti-
atriði. Nemendur undirbjuggu og
stóðu fyrir þessum hátíðahöldum
með aðstoð kennara.
Nýr salur
bætir aðstöðu
„Félagslíf í ME er mjög öflugt,
hér er ábyrgður hópur,“ segir
Ólafur Jón Arnbjörnsson skóla-
meistari. „Nemendur eru mjög
virkir í starfi og þessi salur opnar
nýja möguleika hvort sem um
skemmtanir eða fundahöld er að
ræða.“
Gífurleg
aðsókn að ME
Ólafur segir að skóiinn sé full-
setinn og aldrei verið fleiri á
heimavist, en þar eru um 120 nem-
endur. Hann segir 30 nýjar um-
MICHELLE Mielnik, banda-
rískur nemandi ME, hélt há-
tíðarræðu um sjálfstæði á
lýtalausri íslensku.
sóknir um heimavist hafa borist
nú um áramót og enn ekki fyrir-
séð hvort allir komist að.
Mikil sauðfjárslátrun
á Hvammstanga
Hvammstanga - Á Hvammstanga
eru rekin tvö sláturhús. Annað er
í eigu Kaupfélags Vestur-Hún-
vetninga en hitt í eigu hlutafélags
bænda, Ferskra afurða. Óvenju-
mikil slátrun sauðfjár var í þessum
húsum á liðnu hausti, um 48.800
kindur.
Heildarslátrun sauðfjár hjá
Kaupfélaginu var 41.800 fjár.
Slátrað var 37.020 dilkum og
4.780 fullorðnum kindum. Meðal-
þungi dilka var 15,78 kgr reiknað
í þurrvigt. Flokkun dilka var góð,
í I-A flokk fóru 87,5%, í I-B 10,8%
og í I-C 1,4%.
Kaupfélagið hefur á liðnum
árum gert verulegar endurþætur á
sláturhúsi sínu og umhverfi þess.
Sláturhúsið hefur því fengið svo-
nefndan ESB-stimpil, þ.e. að af-
urðir hússins eru með útflutnings-
leyfi til ESB-landa. Verulegur
flöldi sauðfjár er fluttur úr öðrum
héruðum til slátrunar í húsinu á
þessu hausti, 8.940 kindur. Er þar
að mestu svokallað „umsýslukjöt“,
þ.e. kjöt framleitt umfram fullvirð-
isrétt og á ekki að fara á innan-
landsmarkað.
Hjá Ferskum afurðum hf. var
slátrað 7.010 kindum, þar af komu
úr öðrum héruðum nálega 4.000
fjár. Fé var flutt til Ferskra afurða
hf. úr Dölum, Austur-Húnavatns-
sýslu og af Vestfjörðum.
Hjá báðum sláturhúsunum
stendur yfir slátrun stórgripa, en
hún er einnig óvenjumikil. Margt
sveitafólk hefur haft vinnu við slát-
urhúsin á þessu hausti.
Verkamannafélagið
Dagsbrún
OAGSERUN
LAGLAUNABÆTUR
Desemberuppbót
Þegar Dagsbrúnarmönnum verða greidd laun fyrir
desembermánuð, ber atvinnurekanda jafnframt að
greiða láglaunabætur í síðasta sinn samkvæmt -
núgildandi kjarasamningum. Láglaunabætur á að
greiða þeim Dagsbrúnarmönnum sem voru
í starfi 1. desember sl.
Láglaunabætur eru reiknaðar út frá heildarlaunum
án orlofs og er miðað við að menn í fullu starfi, sem
hafa haft að meðaltali minna en 80 þúsund krónur á
mánuði á tímabilinu 1. september-30. nóvember
1994, fái bætur. Mönnum í hlutastarfi, sem upp-
fylla skilyrði reglna um launabætur, reiknast
bætur í samræmi við starfshlutfail og starfstíma.
Launabætur eru reiknaðar þannig að meðaltal heild-
artekna september-, o'któber- og nóvembermánaða
sl. er fundið og dregið frá viðmiðunarupphæðinni -
80 þúsund krónum - og nema launabæturnar
helmingi mismunarins.
Dæmi Gert er ráð fyrir fullu starfi:
Tekjur í september 70.000
Tekjur í október 60.000
Tekjur í nóvember 80.000
Meðal mánaðartekjur 70.000
Viðmiðunartala 80.000
Láglaunabætur 10.000 -70.000 2 = 5.000 kr.
Allar nánari upplýsingar um láglaunabætur
og desemberuppbót eru veittar á skrifstofu
Dagsbrúnar, Lindargötu 9, Reykjavík.
Sími skrifstofunnar er 25633.
Auk láglaunabóta ber atvinnurek-
end að greiða desemberuppbót
eigi síðar en 15. desember nk.
Desemberuppbótin er eingreiðsla
að upphæð 13.000 krónur.
Þeir, sem eiga rétt á desemberupp-
bót, eru:
a: Allir sem voru við störf í fyrirtæki
í síðustu viku nóvember eða í
fyrstu viku desember 1994.
b: Allir, sem hafa starfað samfellt í
20 vikur á yfirstandandi ári hjá
fyrirtæki.
Menn í hlutastörfum og þeir, sem
létu af störfum á árinu vegna
aldurs, fá greidda desemberuppbót
í samræmi við starfshlutfall
og starfstíma.