Morgunblaðið - 06.12.1994, Blaðsíða 33

MORGUNBLAÐIÐ
ÞRIÐJUDAGUR 6. DESEMBER 1994 33
LISTIR
Enn meira um Bert
og dagbókina hans
Norræna húsið
Sigurður
Marteinsson
á Háskóla-
tónleikum
Á HÁSKÓLATÓNLEIKUM í Nor-
ræna húsinu miðvikudaginn 7.
desember leikur Sigurður Mar-
teinsson píanóleikari. Tónleikarnir
eru um hálftíma_ að lengd að hefj-
ast kl. 12.30. Á efnisskránni er
eitt verk: Ensk svíta nr. 2 í A-
moll eftir Johann Sebastian Bach.
Verkið er í sex köflum: Prelúdía,
Allemande, Co-
urtante, Sara-
bande, Bourée I
og II, og Gigue.
Sigurður Mar-
teinsson er 39
ára gamall.
Hann hóf pían-
ónám í Tónlist-
arskóla Sauðár-
króks 13 ára, hjá
Evu Snæbjarn-
ardóttur. Þremur
árum síðar fór hann í Tónlistar-
skólann á Akureyri og nam þar
um fjögurra ára skeið. Síðan lá
leiðin til London, þar sem Sigurður
naut leiðsagnar Philips Jenkins í
þijú ár. Á árunum 1978-82 var
hann við nám í Tónlistarskólanum
í Reykjavík hjá Árna Kristjáns-
syni, ásamt því að ljúka píanó-
kennaraprófi vorið 1981. Sigurður
kenndi síðan í átta ár, aðallega
við Tónlistarskóla Hafnarfjarðar.
Næstu þijú árin var hann við fram-
haldsnám í Kaupmannahöfn og
naut þar leiðsagnar Bohumilu
Jedlicovu, sem er dósent við kon-
unglega danska tónlistarháskól-
ann. Sigurður kennir nú við Tón-
listarskóla Hafnarfjarðar ásamt
því að sjá um undirleik fyrir ein-
söngvara og kóra.
Sigurður heyrði fyrst þessa
geysivinsælu svítu í heild sinni á
tónleikum hjá Aliciu de Larrocha
í Háskólabíói og síðan heyrði hann
upptöku með flutningi Glens Go-
ulds á verkinu. Hann hreifst svo
mjög af verkinu að ekki varð aftur
snúið fyrr en hann hafði sjálfur
lært það og fáum við nú að heyra
afraksturinn.
Handhöfum stúdentaskírteina
er boðinn ókeypis aðgangur, en
aðgangseyrir fyrir aðra er 300 kr.
Sýning á
íslenskri
hreyfi-
myndalist
í HAFNARBORG, menningar-
og listastofnun Hafnai-fjarðar,
hefur verið sett upp sýning á
íslenskri hreyfimyndalist sem
stendur til 23. desember.
í kynningu segir: „Sýningin
er fjölbreytt enda er þar leit-
ast við að kynna bæði lista-
mennina þijá sem taka þátt í
henni og listformið sjálft því
hreyfimyndagerð verður að
teljast til nýjunga í íslenskum
listum. Alls er níu hreyfimynd-
ir kynntar og eru sýndar af
myndbandi í hliðarsal. í aðal-
sal eru síðan frummyndir sem
notaðar voru við gerð mynd-
anna og eru þær settar upp
þannig að áhorfendur geti átt-
að sig á vinnsluferlinu. Á sýn-
ingunni eru myndir ætlaðar
börnum og fullorðnum.“
Listamennirnir þrír sem
verk eiga á sýningunni eru
Inga Lisa Middelton, Kristín
María Ingimarsdóttir og Sig-
urður Orn Brynjólfsson.
BOKMENNTIR
Barnabök
ENN FLEIRI
ATHUGANIR BERTS
eftír Anders Jacobsson og Sören
Olsson. Jón Danielsson þýddi.
Skjaldborg, 1994 - 250 síður.
DAGBÆKUR Berts eru nú þegar
kunnar íslenskum lesendum og hafa
mörgum skemmt. Á síðum dagbókar-
innar birtist frásögn af hversdags-
legu lífi 13 ára strákpjakks sem er
að reyna að vera merkilegur og tjáir
sig óspart á sinn sérkennilega hátt.
í raun liggur kostur bókarinnar í því
að segja frá nauðaómerkilegum hlut-
um úr hversdagslífi unglingsstráks á
skemmtilegan og frumlegan hátt.
Eflaust geta einhveijar viðkvæmar
sálir móðgast yfir því hvemig hann
talar um ömmu sína og nánustu
skyldmenni en í raun er hann bara
að vinna gegn minnimáttarkennd og
óöryggi unglingsins með því að slá
um sig með mannalátum. í gegnum
söguna skín hinn eiginlegi Bert sem
er ekki alltof viss um sig og sitt.
Frásagnirnar eru allar af svipaðri
lengd eða rétt um ein blaðsíða fyrir
hvem dag. Hann heilsar dagbókinni
og kveður með sama orðalagi svo
lesendur vita að hveiju þeir ganga.
Hver dagur er merktur og þessi dag-
bók nær frá 1. september þegar hann
byijar í skólanum og til áramóta.
Það er ótrúlegt hvað hægt er að
skoða heiminn í gegnum fyndin gler
og höfundum sögunnar tekst einkar
vel að gera það hversdagslega ævin-
týri að bráðskemmtilegri grallara-
.sögu. Nokkrum persónum er hægt
að kynnast í gegnum gleraugu Berts.
Þar má fyrstan telja Áka sem er
haldinn skelfilegri kommúnistahug-
sjón og réttlætistilfinningu gagnvart
öllu og öllum og er fastagestur hjá
skólastjóranum. Litli-Eiríkur verður
skyndilega Eiríkur mikli eftir að hafa
gefið eldri strák á’ann og svo svífa
stelpurnar í kringum söguhetjuna
sem lætur sig dreyma um þær hvetja
af annarri. Lesandinn fær innsýn inn
í sænskt fjölskyldulíf og nærri því
skilnað og ekki er að spyija að ömm-
unni sem vill koma barnabarni sínu
í kristileg samtök.
Þýðingin á þessari sögu um Bert
er hnyttin og passlega spekingsleg
til að falla að ramma sögunnar.
Enginn kemst í dagbók Berts án
þess að skella uppúr nokkrum sinn-
um á þeirri ferð.
Sigrún Klara Hannesdóttir
. >”< ’

.

ssi m

HEIMSÞEKKT ÞJONUSTUMERKI
...sem mark er tekið á!
RAFRÆNT ÞJONUSTUKORT
...með öryggismerki íþrívídd!
TENGT BANKAREIKNINGI
5
KORT
í1
ABYRGÐARKORT
í tékkaviðskiptum
HRAÐBANKAKORT
heima og erlendis
BANKAKORT
í bankaviðskiptum
STAÐGREIÐSLUKORT
í rafrænum búðarviðskiptum
innanlands og utan
PERSÓNUKORT
traust persónuskilríki
meðmynd

Olí

VISA
VISA ÍSLAND
Álfabakka 16, 109 Reykjavík, simi 91-671700
Sigurður ’
Marteinsson
píanóleikari