Morgunblaðið - 13.12.1994, Page 35
MORGUNBLAÐIÐ
ÞRIÐJUDAGUR 13. DESEMBER 1994 35
LISTIR
„ílát meðal
annars“
MYNPLIST
Gallcrí Fold
MÁLVERK
Sara Vilbergsdóttir
Opið mánud.-laugard.l0-18 og
sunnud. 14-18 til 18. desember. Að-
gangur ókeypis
SARA Vilbergsdóttir er aiin upp
vestur við ísafjarðardjúp, og hefur
frá upphafi verið ljóst að umhverfi
hárra fjalla, opins hafs og þungir
litir langrar vetrartíðar hafa haft
mikil áhrif á þá myndsýn, sem birst
hefur í verkum hennar. Á sýningu
hennar í Gallerí FÍM fyrir þremur
árum voru aðalviðfangsefnin farar-
tæki og áfangastaðir, myndgerð
þeirra drauma og ferðalaga sem
gætu borið mann burt frá slíku
umhverfi. En jafnframt var þar að
finna keröld og kirnur, táknmyndir
fábreytileikans í tilverunni, sem um
leið er þó undirstaða þess sem við
búum við.
Listakonan hefur frá upphafi
skapað sér persónulegan myndstíl,
sem flestir listunnendur kannast við;
þar ríkja dumbaðir litir yfír fá-
breyttu myndefni, þar sem dreymin
einangrun er helsta viðfangsefnið. Á
þessari sýningu vinnur Sara enn með
sama hætti, en meðhöndlun litanna
hefur breyst nokkuð; þeir eru í mörg-
um tilvikum hreinni en áður, og fyr-
ir vikið verða myndirnar skarpari
en fyrr.
Viðfangsefnin eru sömuleiðis að
nokkru önnur. Hið heimilislega
(skálar, vasar, glös og flöskur) kem-
ur nú enn frekar en áður fram sem
mikilvægt efni; jafnframt hefur
listakonan tekið að leita meira út á
við, til fjallamynda, líkt og margir
fleiri gera um þessar mundir. Þessi
málverk eru þó unnin með nokkuð
persónulegum hætti, og vísa um
margt til þess umhverfis, sem hún
LISTAKONAN við málverkið
„Skálin sem grænkaði að lok-
um“ (nr. 5).
sprettur úr — há fjöll við strendur,
skörð, haf og himinn — og eru frem-
ur minni en staðarlýsingar, umvafin
þoku og hlýju litanna, sem þau
spretta fram úr.
Samhliða því að myndefnin hafa
þannig breyst hafa fletirnir sjálfir
minnkað. Flest verkin á sýningunni
eru í smærra lagi miðað við fyrri
verk listakonunnar, og sum eru
raunar örsmá. Því kann að koma á
óvart að þessi stærð hentar mynd-
efninu oft ágætlega, jafnvel þar sem
unnið er út frá landslagsminnum,
og nægir að benda á „Tilbrigði við
landslag“ (nr. 13-16) í því samhengi.
Á sýningunni nú eru há glös mjög
áberandi í mörgum verkanna. Þau
eru tæpast mikilvægt viðfangsefni
sem ílát í sjálfu sér, en einfalt form
þeirra gefur listakonunni tækifæri
til ýmissa tilbrigða í notkun lita og
skugga, þar sem rauð, brún, svört
og hvít glös standa ein sér eða með
belgvíðum vínflöskum eða öðrum íl-
átum. í sumum vilvikum standa þau
líkt og bautasteinar með tígulegt
landslag í baksýn, eins og í „Fimm
glös“ (nr. 18), en í öðrum verkum
vísa mismunandi litir fremur til mis-
munandi tíma, líkt og í nr. 20.
Urvinnsla litanna er eins og fyrr
segir nokkuð skarpari en oft áður,
og má í því sambandi t.d. vísa til
„I rauðri rnynd" (nr. 37), þar sem
blæbrigði litarins eru einkar ríkuleg;
í „Fjöllin mætast" (nr. 1) er sem lit
himinsins sé hellt í hafið um það
þrönga skarð, sem myndast af fjöll-
unum tveimur, og haf og himinn
samstillt í gegnum litinn. Loks má
benda á myndir eins og „Skálin sem
grænkaði að lokum“ (nr. 5) sem
dæmi um fínlega úrvinnslu, í anda
þess sem hefur einkennt verk Söru
um nokkurn tíma.
Sara Vilbergsdóttir vex af þessari
sýningu; litaskali hennar er að skýr-
ast og eftir því sem myndefnin verða
fjölbreyttari, kemur í ljós að efnistök
hennar gera sig með ágætum á
breiðari vettvangi.
Eiríkur Þorláksson
Gróska
í listínni
á Bíldudal
Bíldudal. Morgunblaðið.
BALDUR hélt árshátíð sína laugar-
daginn 3. desember sl. Þar var flutt
dagskrá sem byggð er á verkum
Jónasar Árnasonar.
Leiknir voru tveir kaflar úr leikrit-
unum Drottins dýrðar koppalogn og
Deleríum Búbónis. Félagið hefur einu
sinni áður leikið verk eftir Jónas,
Skjaldhamra.
Hljómsveit Ástvaldar Jónssonar
sá um tónlistina í sýningunni en hún
lék einnig á dansleik að sýningu lok-
inni. Leikstjóri sýningarinnar var
Oddur Björnsson.
Hafliði Magnússon rithöfundur er
að senda frá sér fimmtu bók sína,
en hún heitir Gömul blöð frá Bíldu-
dal 1903-1914. í bókinni eru greinar
úr handskrifuðu blaði er félag nokk-
urt á staðnum gaf út. í því voru
m.a. greinar frá félagsmönnum og
kennir þar ýmissa grasa, til dæmis
gagnrýna menn leiksýningar á staðn-
um, en þær voru mjög tíðar á þessum
árum.
Hafliði hefur áður sent frá sér fjór-
ar bækur, þar á meðal Bíldudals
grænar baunir og skáldsöguna Togá-
rasaga með tilbrigðum. Hann hefur
einnig samið leikþætti fyrir útvarp
og leiksvið, smásögur og söngtexta.
Leikfélag Akureyrar sýndi eftir hann
leikritið Sabínu á sínum tíma.
Landbúnaður
skapar
allt að
15.000
Þú færð
500 g stk. á
iiKlÍIÍsv
á íslandi
atvinnu.
Gerðu gott betra
með jólasmjöri.
Bvggir
á gömlu,
góðu
framleiðslu-
hefðunum.
Ekki
sprautusallað,
rvruar því
lítiö við
suðtt.
Marg-
verðlaunað
í íslensknm
02; norrænimi
fagkcppnuin.
^óía
HANGIKJÖTIÐ
NOATUN
Nóatúni 17 - Kleifarseli 18
Hringbraut 121 -Rofabæ 39
Laugavegi 116
Hamraborg - Fururgrund 3
og Þverholti 6, Mosfellsbæ.