Morgunblaðið - 21.03.1995, Blaðsíða 23

MORGUNBLAÐIÐ
ÞRIÐJUDAGUR 21. MARZ 1995 23
ERLENT
Hörð átök
í Bosníu
HER Bosníustjórnar gerði í
gær þunga stórskotaliðsárás á
sveitir Bosníu-Serba á tveimur
stöðum í Bosníu. Annars vegar
austur af borginni Tuzla og
hins vegar við Vlasic-fjall við
borgina Travnik í miðhluta
landsins. Serbar svöruðu og
eru þetta hörðustu átök í land-
inu frá áramótum.
Hart sótt að
Tsjetsjenum
RÚSSNESKI herinn hélt í gær
uppi harðri skothríð á stöðvar
tsjetsjenskra uppreisnar-
manna suður og austur af
höfuðborginni Grosní. Að sögn
Itar- Tass-fréttastofunnar
beittu Rússar flugher og stór-
skotaliði í árásum á bæina
Argun, Gudermes og Shali.
Skotið á sjón-
varpskonu
ALSÍRSKIR bókstafstrúar-
menn eru taldir hafa staðið
fyrir skotárás á kunna sjón-
varpskonu, Rachida Hammadi,
í gær. Hún særðist en systir
hennar, sem er ritari á sjón-
varpsstöðinni, beið bana.
Blaðamenn hafa verið sérstakt
skotmark bókstafstrúarmanna
og 32 slíkir verið myrtir frá
júní 1993 en Hammadi er
fyrsta blaðakonan sem sýnt
er tilræði.
Flengingar
með lottóinu?
ELIZABETH Peacock, þing-
maður breska íhaldsflokksins,
hefur lagt til að afbrotamenn
verði flengdir opinberlega.
Sjónvarpsþátturinn þegar
dregið er í lottóinu væri ákjós-
anlegastur þar sem fleiri horfa
þá á sjónvarp en á öðrum tim-
um vikunnar. Peacock vill að
harðar sé tekið á glæpamönn-
um og þjóðin fái að sjá að svo
er gert.
NATO semji um sér-
stök tengsl við Rússa
Carcassonne. Reuter.
Háð því að hernaði 1 Tsjetsjeníju verði
hætt og stækkun NATO samþykkt
UTANRIKISRAÐHERRAR Evr-
ópusambandsins (ESB) hafa boðið
Rússum sérstakan samning við Atl-
antshafsbandalagið (NATO) ef þeir
binda enda á hernaðaraðgerðirnar
í Tsjetsjeníju og láta af andstöðu
sinni við stækkun bandalagsins í
austur.
Ráðherrarnir 15 komu saman á
óformlegum fundi í bænum Cacas-
sonne í Frakklandi á sunnudag og
voru sammála um að ekki bæri að
einangra Rússa þrátt fyrir óánægju
Vesturlanda með hernaðaraðgerð-
irnar í Tsjetsjníju.
Þeir sögðu að Atlantshafsbanda-
lagið ætti að stefna að viðræðum
um samning við Rússa sem fæli í
sér sérstakan samráðsvettvang á
hættutímum, reglulegar pólitískar
viðræður og gagnkvæman griða-
sáttmála.
Rússar fallist á stækkun
„Við ættum að íhuga samning
eða sáttmála milli NATO og Rússa
samhliða stækkun bandalagsins til
að sýna Rússum að við vanrækjum
þá ekki,“ sagði Alain Juppe, utan-
ríkisráðherra Frakklands. „Við
verðum að finna leið til að vekja
trúnaðartraust þeirra.“
Helsta skilyrðið er að Borís Jelts-
ín Rússlandsforseti láti af andstöðu
sinni við að fyrrverandi aðildarþjóð-
ir Varsjárbandalagsins - svo sem
Pólveijar, Ungveijar, Tékkar og
Slóvakar - fái aðild að Atlantshafs-
bandalaginu. Douglas Hurd, utan-
ríkisráðherra Bretlands, lagði
áherslu á að ráðherrarnir vildu ekki
veita Rússum neitunarvald varðandi
framtíðarskipan öryggismála í Evr-
ópu.
Ráðherrarnir voru sammála um
að framganga Rússa í Tsjetsjeníju
hefði ekki breyst nógu mikið til að
Evrópusambandið gæti undirritað
bráðabirgðaviðskiptasamning sem
gerður hefur verið við Rússland.
Breskur embættismaður sagði að
bundnar væru vonir við að ástandið
í Tsjetsjeníju breyttist þannig að
hægt yrði að undirrita samninginn
fyrir 10. apríl.
Bandaríkjastjórn á móti?
Bandaríkjastjóm kann að verða
treg til að fallast á viðræður um
sérstakan samning NATO við
Rússa umfram samninginn um
„Samstarf í þágu friðar“ sem þegar
hefur verið gerður. Alain Juppe
sagði að Bandaríkjastjórn réði ekki
ein ferðinni. „Ef stækkun NATO
verður að veruleika verður það sam-
þykkt af aðildarríkjunum 16 en
ekki einu,“ sagði hann.
Rússar neituðu að undirrita sam-
starfssamninginn í desember og
kröfðust þess að NATO útskýrði
áform sín um fjölgun aðildarríkj-
anna. Klaus Kinkel, utanríkisráð-
herra Þýskalands, sagði að Rússar
yrðu að undirrita þann samning
áður en gengið yrði til viðræðna
um sérstök tengsl þeirra við NATO.
Andrej Kozyrev, utanríkisráð-
herra Russlands, sagði í gær að
ríki Mið= og Austur-Evrópu hefðu
rétt til að ákveða sjálf hvort þau
gengju í NATO en hann varaði við
því að fljótfærnislegar ákvarðanir
um stækkun bandalagsins í austur
gætu haft alvarlegar afleiðingar.
Hætta væri á að ný skipting áhrifa-
svæða ylli köldu stríði að nýju milli
Rússlands og Vesturlanda.
Clinton til Moskvu
í gær var tilkynnt í Washington,
að Bill Clinton forseti færi til
Moskvu og yrði viðstaddur hátíða-
höld þar 9. maí í tilefni þess að 50
ár verða þá frá lokum átaka í seinna
stríðinu.
Reuter
ELÍSABET Bretadrottning tekur við gjöf Nelsons Mandela, forseta Suður-Afríku, á skrifstofu hins
síðarnefnda í Höfðaborg í gær. Til hægri er frænka forsetans, Rochelle Mtirara.
Breta-
drottning
í S-Afríku
Höfðaborg. Reuter.
ELÍSABETII. Bretadrottning
kom í gær í sex daga heimsókn
til Suður-Afríku og varð fyrsti
breski þjóðhöfðinginn til að
ávarpa þing landsins frá 1947.
Drottningin lauk ræðunni með
orðunum: Nkosi Sikelel’ IAfrika
(Guð blessi Afríku), sem er heiti
annars af þjóðsöngvum landsins,
við mikinn fögnuð þingmanna.
Elísabet og Mandela komu
saman eftir ávarpið og drottn-
ingin sæmdi hann æðstu orðu
Bretlands sem útlendingi getur
hlotnast. Auk Mandela hefur að-
eins Móðir Teresa hlotið þennan
heiður.
Mandela sæmdi einnig drottn-
ingu æðstu orðu sem útlendingi
stendur til boða í Suður-Afríku.
E
TIL ALLT AO 36 MÁNAOA
RAÐGREHDSLUR
.HM .
TIL ALU AÐ 24 MÁNAÐA
GLÆSILEGT PARKET
á verði frá kr.
2
Við bjóðum
til parketveislu
aðeins þessa
einu viku!
Komdu og
gerðu einstök
OPIÐ tAUGARDAGA
FRÁ 10-14
kaup!
Teppaland
Parketland
Grensásvegi 13, sími 581 3577 og 588 1717