Morgunblaðið - 03.06.1995, Blaðsíða 7

MORGUNBLAÐIÐ
LAUGARDAGUR 3. JÚNÍ 1995 7
FRÉTTIR
Innritun í framhaldsskóla hefst eftir helgi
Búist við óvenju mikilli aðsókn
SKÓLAYFIRVÖLD búast við að
sá árgangur sem sækist eftir inn-
göngu í menntaskóla í haust verði
óvenju stór og geti reynst erfitt
að fínna pláss handa öllum.
Hörður Lárusson, deildarstjóri
í menntamálaráðuneytinu, sagði
að tvennt kæmi til. Annars vegar
væri sá árgangur sem hefði verið
að ljúka 10. bekk með samræmd-
um prófum ljúka grunnskóla
óvenju stór. Hins vegar byggjust
menn við að einhveijir þeirra nem-
enda sem hættu námi í kennara-
verkfallinu í vor sæktust eftir að
hefja á ný nám í framhaldsskóla.
Beðið eftir niðurstöðum úr
samræmdum prófum
Innritun í framhaldsskóla verð-
ur á höfuðborgarsvæðinu þann 6.
og 7, júní og að henni lokinni geta
skólayfirvöld gert sér grein fyrir
fjölda þeirra sem sækjast eftir
skólavist, segir Hörður. Engar töl-
ur liggja fyrir um íjölda þeirra sem
hættu námi vegna verkfallsins.
Hörður segir að hægt verði að
vinna að úrvinnslu umsókna, en
endanleg ákvörðun um skólavist
yrði ekki tekin íyrr en niðurstöður
samræmdu prófanna lægju fyrir.
Það yrði væntanlega síðar í þess-
um mánuði, enda væri verið að
hraða yfírferð þeirra eins og
mögulegt væri.
Hann sagðist vona að hægt yrði
að láta nemendur vita áður en
skólar loka í júlí, annars yrði ekki
hægt að aðhafast neitt fyrr en í
ágúst.
NEMENDUR 10. bekkjar Breiðholtsskóla skoða einkunnir sínar.
Nýr sveit-
arsljóri á
Hvolsvelli
Á FUNDI hreppsnefndar Hvol-
hrepps, 1. júní sl.j var ákveðið að
ráða Ágúst Inga Ólafsson, kaupfé-
lagsstjóra, sveitarstjóra á Hvolsvelli.
Ágúst Ingi er 46 ára gamall og
hefur starfað hjá Kaupfélagi
Rangæinga á Hvolsvelli í 29 ár.
Hann stundar nám við Samvinnu-
skólann á Bifröst. Ágúst Ingi tekur
við starfinu seinnpart sumars af
ísólfi Gylfa Pálmasyni sem kjörinn
var á Álþingi í vor. Alls sóttu 47
um starfið en þrír drógu umsóknir
sínar til baka.
» ♦ ♦----
Fundur um
mannrétt-
indi kvenna
Mannréttindaskrifstofa íslands
boðar til fundar í Ráðhúsinu í
Reykjavík í dag, 3. júní, kl. 11. Þar
verða kynntar áherzlur norrænu
mannréttindastofnananna, fijálsra
félagasamtaka í mannréttindum
kvenna og rakin helztu atriði kven-
réttindabaráttu síðustu ára.
Karin Stoltenberg, Noregi, gerir
grein fyrir þeirri þróun sem orðið
hefur frá því að fyrsta heimsþing
Sameinuðu þjóðanna um málefni
kvenna var haldið í Mexíkó árið
1975 og fram að undirbúningi fyrir
IV. heimsþing SÞ sem haldið verður
í Peking í september.
Martin Scheinin, Finnlandi, gerir
grein fyrir niðurstöðu 11. norrænu
mannréttindaráðstefnunnar, sem
staðið hefur dagana 1. og 2. júní í
Norræna skólasetrinu á Hvalfjarð-
arströnd, en þar hefur verið íjallað
um mannréttindaþátt efnisatriða
lokaniðurstöðu Pekingþingsins.
Fundurinn er öllum opinn á með-
an húsrúm leyfír.
-----♦ ♦ ♦---
Sumarvinna í Garðabæ
Allir 14-16
fá atvinnu
ALLIR sem þess hafa óskað í ald-
ursflokki 14-16 ára fá vinnu hjá
Vinnuskóla Garðabæjar í sumar.
Úr hópi unglinga 17 ára og eldri
hafa 210 verið ráðnir hjá bænum
og segir Erla Bil Bjarnardóttir garð-
yrkjustjóri Garðabæjar að 75 um-
sækjendum sem eftir voru á biðlista
hafi boðist vinna í skógræktarhóp-
um í júní og júlí. Auk þeirra er um
að ræða margvísleg störf, þ.e.
gatna- og stígaviðhald, fram-
kvæmdir við lóðir, almenna hreins-
un og starfrækslu skólagarða og
smíðavallar.
aplcductof