Morgunblaðið - 03.06.1995, Blaðsíða 41

MORGUNBLAÐIÐ
LAUGARDAGUR 3. JÚNÍ 1995 41
BRÉF TIL BLAÐSINS
Föstudagurinn 13.
Frásögn af umferðaróhappi
Frá Hreiðari Eyjólfssyni:
Á DEGI hverjum verða fjölmörg
umferðaróhöpp. Oft verður ágrein-
ingur um hver eigi sökina, framburð-
ur vitna sker þá úr um hvernig
dæmt er, þetta á ekki síst við um
óhöpp sem verða á gatnamótum þar
sem umferðaljós eru.
Ég lenti í slíku óhappi í vetur
nánar tiltekið, föstudaginn 13. janú-
ar kl. 16.20. Ég var á leið austur
Bíldshöfða að Breiðhöfða. Þegar ég
kom að gatnamótunum var grænt
ljós fyrir umferð yfir Breiðhöfðann
svo ég hugðist halda ferð minni
áfram yfir gatnamótin, ég hafði jafn-
framt tekið eftir jeppabifreið sem
komið hafði sömu leið og ég austur
Bíldshöfðann og farið á beygjuak-
rein til vinstri inn á gatnamótin og
beið þar færis að komast Breiðhöfð-
ann til norðurs.
Rétt í þann mund sem ég er að
fara inn á gatnamótin skiptir öku-
maður jeppans um skoðun og ákveð-
ur að fara áfram austur Bíldshöfða,
hann ekur af stað og beygir til hægri
í veg fyrir mig. Ég hemlaði, en það
dugði ekki til að forða árekstri þar
sem hálka var á gatnamótunum,
mikil umferð var um gatnamótin svo
við færðum bifreiðarnar til að tefja
ekki fyrir frekari umferð.
Ég hringdi og bað um lögreglu á
staðinn sem tók skýrslu, en þar held-
ur ökumaður jeppans því fram að
ég hafi farið yfir á rauðu ljósi, far-
þegi sem var með honum í bílnum
staðfestir framburð hans.
Það tók tjónanefnd tryggingafé-
laganna mánuð að úrskurða í mál-
inu, en þar segir öll sök á ökumann
jeppans sem ekur úr kyrrstöðu í veg
fyrir mig.
Nokkru síðar fór ég í tryggingafé-
lag það sem jeppinn var tryggður
hjá og ætlaði að fá tjónið greitt út
og spurðist jafnframt fyrir um dag-
peninga, var mér þá sagt að aldrei
væru greiddir dagpeningar þegar
tjón væru greidd út. Ég ákvað því
að bíða með að fá greiðslur frá
tryggingafélaginu og kynna mér
málið nánar.
Allir sem ég ræddi við voru sam-
mála um að ég ætti rétt á dagpening-
um þó svo að ég fengi tjónið greitt
út. Ég fann síðan verkstæði sem gat
tekið að sér viðgerð á bílnum á þeim
tíma sem hentaði, hafði síðan sam-
band á ný við tryggingafélagið. Þá
var mér sagt að nú væri búið að
fara fram á lögreglurannsókn og
ekki yrði um bætur að ræða fyrr en
að henni lokinni. Lögreglurannsókn-
in fólst í því að taka skýrslu af tveim
nýjum vitnum sem nú voru komin
til sögunnar. Vitnin segjast hafa
verið á staðnum þegar áreksturinn
varð og séð mig fara yfir á rauðu
ljósi. Málið fer aftur fyrir tjóna-
nefndina sem úrskurðar nú alla sök
á mig sem fer yfir á rauðu ljósi að
sögn vitna.
Spyija má: Af hvetju gefur starfs-
maður tryggingafélagsins rangar
upplýsingar? Af hveiju koma vitnin
fyrst fram tveim mánuðum eftir
áreksturinn? Af hverju gáfu þau sig
ekki fram á staðnum. Eins og áður
hefur komið fram var mikil umferð
um gatnamótin og því víst að marg-
ir sáu hvað gerðist, af hveiju gaf
enginn þeirra sig fram á staðnum?
Nú hef ég orðið fyrir talsverðu
tjóni, sem ég tel mig ekki eiga á
nokkurn hátt sök á, af því að ég
varð mér ekki úti um vitni á staðn-
um. Kannist einhver við málið er
hann beðinn að hafa samband við
undirritaðan.
HREIÐAR EYJÓLFSSON,
Skólavörðustíg 41, Reykjavík.
s. 23448
Sýkt stjórnkerfi
Frá Kristjáni Péturssyni:
SAMKVÆMT fyrstu grein laga um
fiskveiðistjórnun eru allir nytjafískar
á íslandsmiðum sameign íslensku
þjóðarinnar. Úthlutun veiðiheimilda
samkv. lögum myndar ekki eignar-
rétt eða óafturkallanlegt forræði ein-
stakra aðila yfir veiðiheimildum.
Hvers virði er þessi lagagrein miðað
við óbreytta fískveiðistjórnun?
Núverandi kvótakerfí í sjávarútvegi
er í reynd óvitrænasta stjórnkerfi sem
nokkum tímann hefur verið við líði
við fiskveiðistjómun á íslandi. Skulu
hér tilnefnd nokkur dæmi:
Óheft framsal aflamarks hefur
leitt til þess, að kvótinn safnat sí-
fellt á færri lögaðila í sjávarútvegi,
sem hafa greiðan aðgang að fjár-
magni. Afleiðingin er samþjöppun
valds og byggðaröskun.
Með núgildandi fískveiðistjórnun
hefur ekki tekist að minnka flotann
til samræmis við afrakstur auðlind-
arinnar, þvert á móti hefur hann
stækkað og sóknargeta hans stór-
aukist.
Talsmenn kvótakerfísins hafa
haldið því fram að núverandi kerfí
væri besta leiðin til að takmarka
heildarveiði til samræmis við tillögur
Hafrannsóknarstofnunar. Reynslan
sýnir hins vegar að undanfarin ár
hefur þorskafli verið 25-40% umfram
tillögur stofnunarinnar.
Kvótakerfí ýtir undir að meðafla
og undirmálsfiski sé hent í hafíð og
eru í því sambandi nefndar tölur frá
15-40% af lönduðum afla. Þessi stað-
reynd raskar öllum viðmiðunartölum
Hafrannsóknarstofnunar til að
ákvarða stofnstærð bolfisktegunda,
því enginn veit í raun hve mikið er
veitt á íslandsmiðum.
Kvótakerfínu var ekki komið á
vegna verndunarsjónarmiða 1983,
því þá var nýliðun þorskstofnsins
einhver sú besta frá 1960. Kvóta-
kerfið var fyrst og síðast sett til að
vemda hagsmuni eigenda skipastóls-
ins og tryggja þeim veðheimildir með
úthlutun aflakvóta. í reyad er búið
að veðsetja kvóta fyrir um 80 millj-
arða úr sameiginlegri auðlind þjóðar-
innar, án þess að nokkur lagastoð
sé fyrir hendi.
Óheft sala og leiga á kvóta með
sex mismunandi framsalsaðferðum
endurspeglar ágalla kerfisins á hvers
konar braski. Afleiðingin er skert
kjör og mismunun á fiskverði til sjó-
manna.
Auðlind hafsins varðar hagsmuni
allra Islendinga, enda er hún sam-
eign þjóðarinnar. Við verðum að
skapa þjóðarsátt'um fiskveiðistjórn-
unina, og koma í veg fyrir meint
lögbrot, misbeitingu valds og órétt-
láta fyrirgreiðslu stjórnmálamanna
til sérhagsmunaaðila í útgerð. Þess
vegna þarf að skoða vel hvort hags-
munatengsl séu til staðar um eigna-
eða erfðakvóta einstakra þingmanna
eða ráðherra sem gætu haft afger-
andi áhrif á stefnumörkun þeirra í
sjávarútvegsmálum. Tillögur og
samþykktir LÍU og stærstu útflutn-
ingsaðila á sjávarfangi á fískveiði-
stjórnun hafa oftast náð fram að
ganga á alþingi með tilstyrk Fram-
sóknar- og Sjálfstæðisflokksins. Því
,ber að kanna hvort hér sé um að
ræða málefnalega afstöðu téðra aðila
eða óskilgreind hagsmunatengsl.
Ranglát fiskveiðistjórnun kallar á
viðbrögð af þessu tagi og brýtur
reyndar í bága við almenna hags-
muni og siðferðisvitund þjóðarinnar.
í komandi samningum sjómanna
og útgerðarmanna verður fyrst og
fremst tekist á um fiskveiðistjómun-
ina og launa- og kjaramál. Sjómenn
þurfa á öllum okkar stuðningi að
halda, þeirra kröfur eru grundvallað-
ar af sanngjömum og heiðarlegum
hætti. Samtakamáttur sjómanna og
landverkafólks getur verið mikill,
hann má ekki bresta á örlagastund.
KRISTJÁN PÉTURSSON,
fyrrverandi deildarstjóri.
FEGRIÐ GARÐINN OG BÆTIÐ
MEÐ SANDI OG GRJÓTI
SANDUR
SIGURSTEINAR
VOLUSTEINAR HNULLUNGAR
Þú færð sand og allskonar grjót
hjá okkur.
Við mokum þessum efnum á bíla
eða í kerrur og afgreiðum líka
í smærri einingum, traustum
plastpokum sem þú setur
í skottið á bílnum þínum.
NÝTT
SÍMANÚMER
577-2000
BJÖRGUN HF. ..
SÆVARHÖFÐA 33 1
Sími 871833 5
Afgreiðslan við Elliðaár er opin:
Mánud.-fimmtud. 7:30-18:30.
Föstud. 7:30-18:00.
Laugard. 8:00-17:00.
Opið í hádeginu nema
á laugardögum.
HltliIM OG
HAI.IT
íslenskt grænmeti er safríkt, bragð-
mikið, hreint og hollt.
Hreinleikarannsóknir hafa sýnt
að engin aukaefni finnast í
íslensku grænmeti.
Það er ómissandi í salöt, sem álegg,
í pottrétti eða sem ferskur biti á milli
máltíða.
Njóttu hreinleikans og hollustunnar
í íslensku grænmeti.
ÍSLENSK
GARÐYRKjA
ISLEftjSKUR
LANDBUNAÐUR