Morgunblaðið - 03.06.1995, Blaðsíða 13

MORGUNBLAÐIÐ
LAUGARDAGUR 3. JÚNÍ 1995 13
LANDIÐ
Morgunblaðið/Gunnar Hallsson
BENEDIKT Kristjánsson, formaður Golfklúbbs Bolungarvík-
ur, afhendir Ómari Dagbjartssyni, umsjónarmanni golfvallar-
ins, lyklana að nýja golfskálanum.
Bolungarvík
Nýr golfskáli
tekinn í notkun
Bolungarvík - Golfklúbbur Bol-
ungarvíkur tók í notkun nýjan
golfskála við golfvöll félagsins
nú um síðustu helgi. Hafist var
handa um byggingu skálans á
síðasti ári hann einangraður og
lagt í hann rafmagn, en nú í vor
var síðan hafist handa við að
klæða hann að innan. Húsið sem
er um 35 fm að stærð er hið vist-
legasta og vandað í alla staði.
Frumkvæðið að byggingu
skálans átti fá-
mennur hópur
golfáhugamanna
undir forystu
Ómars Dag-
bjartssonar, _ en
hann fór til Ólafs
Kristjánssonar
bæjarstjóra með
eina rúðu sem
klúbbnum hafði
áskotnast og bað
um styrk frá bænum til að byggja
utanum hana golfskála, það var
svo sérstaklega Sparisjóður Bol-
ungarvíkur og bæjarsjóður sem
aðstoðuðu klúbbfélaga við að láta
þennan draum rætast, en þar að
auki lögðu fjölmargir hönd á
plóginn með vinnuframlagi.
Kostnaður við skálann er um 2
milljónir og er það töluvert undir
þeirri kostnaðaráætlun sem
stuðst var við og er þá ekki tek-
ið tillit til þeirrar vinnu sem
klúbbsfélagar lögðu fram. Mikill
og vaxandi áhugi hefur verið á
golfíþróttinni hér að undanförnu
og með tilkomu þessa hús gjör-
breytist aðstaðan við golfvöllinn.
Golfklúbbur Bolungarvíkur
var stofnaður 19. apríl 1983 og
var fyrsti formaður hans Jón
Bjöm Sigtryggsson tannlæknir.
í upphafi voru lagðar þrjár braut-
ir á úthlutuðu svæði í minni
Syðridals, en fljótlega var þeim
fjölgað í sex. I dag er vísir að
níu holu golfvelli en á síðasta ári
fékk golfklúbb-
urinn Hannes
Þorsteinsson
golfvallarhönnuð
til að gera úttekt
á svæðinu og
gera tillögur að
golfvelli á þessu
svæði. Þessu
verki er lokið og
hefur verið sam-
þykkt að vinna
að uppbyggingu golfvallarins eft-
ir einni af tillögum Hannesar.
Golfklúbbur Bolungarvíkur
mun standa fyrir öflugu starfi í
sumar, efnt verður til golfdags
þar sem almenningi er kynnt
íþróttin, þá verða fengnir golf-
kennarar og staðið fyrir nám-
skeiðum og fleira.
Starfsmaður golfvallarins í
sumar verður Ómar Dagbjarts-
son en hann er jafnframt formað-
ur húsnefndar Golfklúbbsins.
Formaður Golfklúbbs Bolung-
arvíkur er Benedikt Kristjánsson.
GOLFSKÁLINN
í Bolungarvík.
Kraftmikil
tískusýning
DÚNDRANDI tónlist, dans og
mikið stuð einkenndi hár- og
förðunarsýningu sem nokkrir
nemendur efstu bekkjanna í
Grunnskólanum í Hveragerði
efndu til nú nýverið. Það var
greinilegt á öllu að unga fólk-
ið fylgist vel með i heimi tisk-
unnar, og nýjungar í fötum
og förðun allsráðandi. Það
var Sólveig Sigurjónsdóttir,
hárgreiðslumeistari í Hvera-
gerði, sem var krökkunum
stoð og stytta í öllum undir-
búningi fyrir sýninguna.
yr)

Morgunblaðið/Aldís
NÝVERIÐ fóru hestamenn á Sel-
fossi í sinn árlega reiðtúr niður
að Stokkseyri til þess að baða
hesta sína í lónunum þar og var
fjölmennt. Sá siður að baða hest-
ana i sjónum hefur verið við lýði
í fjöldamörg ár og var í upphafi
Hestabað á
Stokkseyri
Morgunblaðið/Gísli Gíslason
ætlaður til að hreinsa lús og aðra
óáran af hestunum, en nú er
þetta meira til gamans gert.
Meðlimir úr Slysavarnadeildinni
Dröfn á Stokkseyri voru á staðn-
um á gúmmíbát og sáu um að
allt færi slysalaust fram.
Jónas Erlendsson
SIGURVEGARAR í lijólaralli Víkurskóla fagna sigurlaunum sínum.
Hjólarall í
Víkurskóla
Fagradal - í lok hvers skólaárs í
Víkurskóla er haldin hjólaskoðun
og hið árlega hjólarall. Hjólaskoðun
er fólgin í því að lögregluþjónn stað-
arins, Reynir Ragnarsson, skoðar
hjólin hjá skólabörnunum og þau
börn sem eiga hjól í góðu lagi fá
bláan límmiða til að líma á hjólin.
Að lokinni hjólaskoðun er farið í
ýmiskonar þrautir og eftir það er
keppt í því hver er fljótastur í hjóla-
ralli. Keppendum er skipt í þijá
flokka eftir bekkjum. Sigurvegarar
í hveijum flokki fá farandbikara.
Eftir hina hefðbundnu keppni fóru
svo nokkrir nemendur í óformlega
stökkkeppni á sínum og þeir sem
stukku lengst flugu nokkra metra.
Egilsstaðir
Ágreiningur um brú-
arstæði Eyvindarár
Egilsstöðum - Borgarafundur var
nýlega haldinn á Egilsstöðum þar
sem lagðir voru fram ársreikning-
ar bæjarfélagsins ásamt fjár-
hagsáætlunum fyrir næstu þijú
árin. Fundurinn var fjölmennur og
var greinilegur áhugi um dag-
skrárliðinn „Brúarstæði Eyvindar-
ár“ en uppi eru hugmyndir um að
flytja brúna frá núverandi stað.
Arðsemisathugun gerð
Einar Þorvarðarson umdæmis-
verkfræðingur Vegagerðar ríkis-
ins hafði framsögu um málið og
kynnti niðurstöður arðsemisat-
hugunar sem gerð hefur verið um
val á milli núverandi brúarstæðis
og nýs stæðis við Melshom. Niður-
stöður athugunarinnar sýna að
leiðin fyrir Melshorn kostar 15
millj. meira, arðsemi væri áætluð
10%, meiri dreifing umferðar og
skýrari leiðir.
Um 30 atvinnurekendur lögðu
fram tilmæli til bæjarstjórnar að
ný brú verði byggð á sama stað
og núverandi er. Lýstu sömu aðil-
ar yfir áhyggjum sínum að leiðin
fyrir Melshom beini umferð ferða-
manna, til og frá Seyðisfirði, frá
Egilsstöðum og þeirri þjónustu
sem þar er veitt.
Bæjarstjórn sagði að tekin verði
endanleg ákvörðun í þessu máli á
næsta bæjarstjórnarfundi, nk.
þriðjudag.
Morgunblaðið/Anna Ingólfsdóttir
BORGARAFUNDURINN var ity'ög vel sóttur.