Morgunblaðið - 10.06.1995, Blaðsíða 13

Morgunblaðið - 10.06.1995, Blaðsíða 13
MORGUNBLAÐIÐ LAIMDIÐ LAUGARDAGUR 10. JÚNÍ 1995 13 tjaldvagnar Ferðafélaginn sem bregst þér ekki! Um helgina sýnum við allt úr- valið af vögnum og ferðavöru sem við höfum á boðstólum í ár. Við kynnum nú Starcraft fellihýsi og pallhús á íslandi en Starcraft er þekkt í Bandaríkjunum fyrir framúrskarandi gæði. Camp-let tjaldvagnar eru þrautreyndir við íslenskar aðstæður og hafa verið traustir ferðafélagar margra um áraraðir. Við bjóðum bæði upp á Hobby og Knaus lúxushjólhýsi frá Þýskalandi og frá Trio koma fortjöldin á bíla eða hjólhýsi. Þá er ótalin allur viðlegu- búnaðurinn og gas- og ferðavörurnar! Sjón er sögu ríkari,- líttu við og sjáðu allt úrvalið. Opið um helgar í sumar. Cfey JÓNSSONHF Bíldshöfða 14, 112 Reykjavík, Sími 587 6644 Forseti íslands á Seyðisfirði Kaupstað- arréttindi í 100 ár SEYÐFIRÐINGAR fagna um næstu mánaðarmót því að 100 ár eru liðin frá því að staðurinn fékk kaupsaðarréttindi. Mikið verður um að vera á Seyðisfirði og hefur undir- búningur hátíðahaldanna staðið yfir frá því sl. sumar. Gert er ráð fyrir miklum fjölda gesta og þá ekki síst brottfluttum Seyðfirðingum og ætt- ingjum þeirra, Austfirðingum og ferðamönnum sem leið eiga um Austurland. Segja má að hátíðahöldin hefjist fimmtudaginn 29. júní, en þá verð- ur opnaður fjöldi listsýninga. Þar sýna m.a. Dieter Roth, Kristján Guðmundsson, Sigurður Guð- mundsson, Þorvaldur Þorsteinsson o.fl. Frá Listasafni íslands verða verk Kjarvals, Schevings, Nínu Tryggvadóttur og Dunganons. Á fimmtudagskvöldið verður sýning á leikverki Leikfélags Seyðisfjarðar, Aldarmótaelexír eftir systumar Kristínu og Iðunni Steinsdætur. Föstudaginn 30. júní hefst dag- skráin kl. 15.00 með komu forseta íslands, frú Vigdísar Finnbogadótt- ur. Setningarhátíðin hefst síðan kl. 16.00 við nýja miðbæjartorgið. Þar rnun forsetinn afhjúpa listaverkið Útlínur og ýmis önnur atriði verða á dagskránni. Um kvöldið verður sérstök sýning á Aldamótaelexír, þar sem forsetinn verður heiðurs- gestur. Þá verða tveir dansleikir. Hljómsveitin Jammhópurinn o.fl. leikur fyrir unga fólkið í stóru sam- komutjaldi, en hljómsveitin Eins- dæmi verður í Herðubreið. Laugardaginn 1. júlí verða stans- laus hátíðahöld frá morgni til kvölds. Siglingar og skipulagðar gönguferðir fyrri hluta dags. Kl. 14.00 hefst skemmtidagskrá á Mið- bæjartorgi og kl. 18.30 verður út- igrill með Óskari Finns. Þar verður söngur, glens og gaman. Kl. 20.30 eru áhugaverðir tónleikar sem bera yfirskriftina „Þokkabót kemur fagnandi". Að þeim loknum verða dansleikir í samkomutjaldi með hljómsveitinni Tweety, og í Herðu- breið þar sem Hljómsveitin Eins- dæmi leikur, og einnig munu marg- ar af gömlu og góðu „Seyðisfjarðar- hljómsveitunum" troða þar upp. Sunnudaginn 1. júlí hefst dag- skráin með hátíðarmessu í Seyðis- fjarðarkirkju kl. 11.00. Sóknar- prestur sr. Kristján Róbertsson, organisti María Gaskell, kirkjukór Seyðisfjarðar ásamt Snælandskóm- um syngja. Skemmtidagskrá verður kl. 14.00 á Miðbæjartorgi, leiksýn- ing kl. 16.00 í Herðubreið. Afmælis- hátíðinni lýkur svo með tónlistar- dagskrá og opið hús verður í Herðu- breið fram á nótt. Sérstök leikja- og íþróttadagskrá verður og gæsla verður fyrir böm alla daga. Á Seyðisfírði er góð aðstaða til að taka á móti fjölda fólks. Tjald- stæði í hjarta bæjarins hafa verið stækkuð og öll aðstaða þar verður til fyrirmyndar. Verslanir og þjón- ustufyrirtæki verða opin langt fram á kvöld og útimarkaður í göngugöt- unni. Birtir yfir á Seyðisfirði Norröna kom með sumarið Seyðisfirði - Sumarþyrstir Seyð- firðingar fengu loks raunverulegan sumardag er birta tók af degi á fimmtudag. Þá var kominn þægi- legur lofthiti og lækir og fossar vaknaðir til lífsins eins og vera ber á þessum árstíma. Klukkan sjö um morguninn renndi farþegafeijan Norröna að bryggju í Seyðisfírði. Alltaf er tekið vel á móti Norröna á hveiju sumri en nú var tekið sérstaklega vel á móti skipinu. Þann 14. júní verða liðin tuttugu ár frá því að ferðir Smyril-Line milli íslands, Færeyja og meginlandsins hófust. Fyrstu átta árin var Smyrill í þessum flutn- ingum en Norröna tók við hlutverk- inu fyrir tólf árum. í tilefni af þessum tímamótum var skotið af kanónu Seyðisfíarðar- kaupstaðar og hlýddu menn síðan á Lúðrasveit Tónlistarskólans á Seyðisfírði. Aðstandendur Norröna buðu gestum til veglegrar veislu um borð. Þar voru mættir margir þeir sem unnið hafa að starfsemi feijunnar þessa tvo áratugi. í veislunni tók fíöldi manns til máls og skipst var á mörgum góðum gjöfum og fékk hitt afmælisbarnið, Seyðisfjarðarkaupstaður, hundrað ára, sinn skerf. Flestir þeir sem til máls tóku lögðu mikla áherslu á þá vináttu sem feijusiglingarnar hafa styrkt milli Færeyinga og ís- lendinga. Frumstæðar aðstæður í upphafi Um borð var maður sem þekkir fyrstu ferð Smyrils betur en flestir aðrir. Það er Frederich Mechlen- burg sem var skipstjóri á Smyrli þegar hann hóf siglingar til ís- lands. „Þá voru nú aðstæður frum- stæðari en nú. Stelpurnar sem unnu um borð voru heldur ekki eins van- ar og vel þjálfaðar og þær sem nú vinna hér á þessu skipi. Þetta voru bara krakkar sem höfðu varla verið að heiman fyrr. Nú er þetta orðið mjög fullkomið og þekkingin á þess- um málum orðin miklu meiri og Norröna mun stærra og betur út- búið skip.“ Morgunblaðið/Pétur Kristjánsson NORRÖNA siglir út Seyðisfjörð. Þó Mechlenburg hafí að sjálf- sögðu oft komið til íslands er þetta í fyrsta skiptið sem eiginkona hans kemur hingað. Hún skrapp í stutta ferð um fjörðinn meðan skipið dvaldi á Seyðisfírði og sagðist vera frá sér numin af fegurðinni sem við blasti. Á þeim tuttugu árum sem Smyr- il-Line hefur haldið uppi ferðum til íslands hafa komið um 214.000 farþegar og 64.000 bflar. Að þessu sinni komu um 400 farþegar með skipinu. MECHLENBURG- hjónin í góðu yfirlæti í veislunni um borð í Norrönu.

x

Morgunblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Morgunblaðið
https://timarit.is/publication/58

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.