Morgunblaðið - 24.11.1995, Side 2

2 FÖSTUDAGUR 24. NÓVEMBER 1995
MORGUNBLAÐIÐ
FRÉTTIR
Framkvæmdastjóri Vinnuveitendasambandsins um áhrif uppsagnar samninga
Launahækkun
um áramótin
fellur niður
ÞÓRARINN V. Þórarinsson, fram:
kvæmdastjóri VSÍ, segir að ef ASÍ
segi kjarasamningunum upp um
áramót verði launahækkun, sem þá
átti að koma til framkvæmda, ekki
greidd. Samningar gera ráð fyrir
að laun hækki um áramót u.þ.b.
3% ef þeir gilda út næsta ár.
„Ef réttilega er að uppsögn
samninga staðið falla allar hækkan-
ir um áramót úr gildi. Það er bein-
línis tekið fram í samningum að ef
honum er sagt upp þá falli niður
ákvæði um launahækkanir um ára-
mót. Ef við metum það svo að rang-
lega hafi verið að uppsögnum stað-
ið verður málinu vísað til dómstóla
með sérstakri málshöfðun. Desemb-
ermánuður mun þá væntanlega fara
í málavafstur fyrir dómstólum,"
sagði Þórarinn.
Enginn fundur hefur verið boðað-
ur í launanefnd ASÍ og VSÍ, en hún
kom síðast saman til stutts fundar
sl. laugardag. Fulltrúar í nefndinni
hafa þó rætt óformlega saman.
Nefndin þarf að komast að niður-
stöðu fyrir 30. nóvember.
Þórarinn sagði að greinargerð
Þjóðhagsstofnunar, um mat á
samningum opinberra starfsmanna,
hefði haft talsverð áhrif á viðræð-
urnar. Hann sagðist ekki bera
brigður á tölur Þjóðhagsstofnunar,
en sagðist hins vegar ekki vera alls
kosta sáttur við túlkun forystu ASÍ
á þeim.
„Við teljum að það sé ekki eðli-
legt að draga svona einfalda línu á
milli samninga ASÍ annars vegar
og samninga annarra hópa hins
vegar eins og forysta ASÍ hefur
gert. Okkur virðist að hækkanir
einstakra hopa séu töluvert mis-
munandi. Það er útaf fyrir sig
áhyggjuefni að launakostnaðar-
aukningin hjá ríkinu verður sýni-
lega meiri heldur en á almenna
markaðinum eins og mál standa
núna á þessu tveggja ára samnings-
tímabili."
Dagsbrún segir upp
Trúnaðarmannaráð Verka-
mannafélagsins Dagsbrúnar sam-
þykkti samhljóða í gær að segja
upp öllum gildandi kjarasamning-
um. Uppsögnin tekur gildi 31. des-
ember 1995. Samþykktin er í sam-
ræmi við vilja félagsfundar í Dags-
brún, sem haldinn var 19. október
sl. VSÍ hefur mótmælt uppsögnun-
um skriflega.
■ Hvað segja þau/12
Forstjóri Ríkisspítala
Evróputónlistarverðlaun sjónvarpsstöðvarinnar MTV
Vigdís
Magnús-
dóttir sett
í stöðuna
INGIBJÖRG Pálmadóttir heil-
brigðisráðherra hefur ákveðið að
setja Vigdísi Magnúsdóttur, hjúkr-
unarforstjóra á Landspítala, í
stöðu forstjóra Ríkisspítala tíma-
bundið eða frá og með 1. desem-
ber næstkomandi til 1. mars á
næsta ári. Jafnframt hefur Ingólf-
ur Þórisson, framkvæmdastjóri
tæknisviðs Landspítala, verið sett-
ur til að gegna stöðu aðstoðarfor-
stjóra Ríkisspítala sama tímabil.
Auglýsingu starfsins frestað
vegna viðræðna um samstarf
Davíð Á. Gunnarsson lætur af
embætti forstjóra Ríkisspítala um
næstu mánaðamót og tekur við
stöðu ráðuneytisstjóra í heilbrigð-
is- og tryggingaráðuneytinu.
í fréttatilkynningu ráðuneytis-
ins í gær segir að vegna þeirra
viðræðna sem nú fari fram um
aukið samstarf Sjúkrahúss
Reykjavíkur og Landspítala hafi
verið ákveðið að bíða með auglýs-
ingu á starfi forstjóra Ríkisspítala
þar til línur skýrðust um hvemig
því samstarfi yrði háttað. Heil-
brigðisráðherra leggi áherslu á að
vinnu við könnun og undirbúning
samstarfsins verði hraðað eftir
föngum.
BJÖRK Guðmundsdóttir var í
gærkvöldi kosin söngkona ársins
1995 í Evrópukeppni MTV,
Music Television, stærstu tónlist-
arsjónvarpsstöðvar heims.
Evrópsku tónlistarverðlaunin
voru afhent á tónlistarhátíð í
París. Tilkynningunni um val
Bjarkar var vel fagnað og svo
henni, þegar hún tók við verð-
laununum.
Hún flutti örstutta þakkar-
ræðu og sagðist í lokin taka
Björk kosin
söngkona
ársins
verðlaununum sem miklum
heiðri.
Björk hefur nú tekið sér frí
frá tónleikahaldi fram yfir ára-
mót, en þá fer hún í hljómleika-
ferð um Bretlandseyjar og eftir
hana fer hún í tveggja mánaða
tónleikaferð um Aussturlönd
fjær.
Bein útsending var frá verð-
launaafhendingunni á dagskrá
Stöðvar 2 og Stöð 3 opnaði MTV
gervihnattarrás sína.
Myndin hér að ofan er frá
sjónvarpsútsendingunni og er
Björk þar að taka við verðlaun-
unum.
Heilbrigðisnefnd Reykjavíkur
Hundasvæðum fjölgað og lög-
hlýðnir eigendur fá umbun
HUNDAHALD verður áfram bann-
að í Reykjavík samkvæmt drögum
starfshóps innan Heilbrigðisnefnd-
ar Reykjavíkur að samþykkt um
hundahald í Reykjavík. Þó er heil-
brigðisnefnd heimilt að veita lög-
ráða einstaklingum undanþágu frá
ákvæðinu gegn skilyrðum sam-
þykktarinnar. Drögin voru harðlega
gagnrýnd á opnum fundi heilbrigð-
isnefndarinnar í gær.
Önnur grein draganna skyldar
hundaeigendur til að sækja um leyfi
til að halda hund eigi síðar en mán-
uði eftir að hann er tekinn á heimil-
ið og hvolpa eigi síður en 4 mán-
aða. Dveljist hundur tímabundið í
Reykjavík skal skrá hann til bráða-
birgða. Óleyfilegt er að halda hunda
af bullterrier-kyni og blendinga af
úlfum og hundum.
Kvörtunum fjölgað
Drögin gera ráð fyrir að borgar-
yfirvöld iáti merkja ákveðin svæði
í hveijum borgarhluta þar sem ekki
megi vera með hunda. Einnig skuli
merkja svæði í hverjum borgarhluta
þar sem sleppa megi hundum laus-
um innan afmarkaðs svæðis. Hjá
starfshópnum kom fram að ákvæð-
ið væri að erlendri fyrirmynd og
eðlilegt væri að vinna vegna þess
færi fram í tengslum við gerð aðal-
skipulags.
Hundaeigendur gagnrýndu drög-
in harðlega og einn fundarmanna
sagði að líkja mætti viðhorfinu til
hundaeiganda við viðhorfið til lit-
aðra í Suðurríkjum Bandaríkjanna
á síðari hluta nítjándu aldar. Þó
fram kæmi að einn fulltrúi starfs-
hópsins hefði viljað leyfa takmarkað
hundahald kom fram að ekki hefði
þótt tímabært að leyfa hundahald.
Ólafur F. Magnússon tók fram í
því sambandi að fjöldi kvartana
vegna lausra og óskráðra hunda
hefði þrefaldast í borginni á síðustu
tveimur árum. Hann og tveir aðrir
viðstaddir fulltrúar í starfshópnum,
Stefanía Traustadóttir og Sigur-
borg Daðadóttir, lögðu áherslu á
að í samþykktinni væri leitast við
að umbuna löghlýðnum hundaeig-
endum í gjaldskrá á kostnað hinna.
Stefanía sagði að að vonir stæðu
til að samþykktin stuðlaði að betra
eftirliti og samskiptum með þeim
afleiðingum að síðar þætti ástæða
til að endurskoða hana.
Nefna má að gjaldskrá gerir ráð
fyrir að við fyrstu leyfisveitingu sé
innheimt 100% gjald, eftir útrunninn
frest er innheimt 150% gjald, en 50%
fyrir annað leyfi á sama nafni sam-
kvæmt drögunum. Við fyrstu af-
hendingu handsamaðs hunds með
leyfi og ef eftirlitsgjald og vottorð
eru í skilum við handsömun er inn-
heimt 50% gjald en við aðra, þriðju
o.fl. afhendingar 150% gjald.
Tvíburarnir
hressast
TVÍBURABRÆÐURNIR, sem
fluttir voru í sjúkraflugi frá
Grænlandi aðfaranótt miðviku-
dags, eru orðnir talsvert hress-
ari en þeir voru við komu til
landsins. Annar þeirra átti þá í
vægum öndunarerfiðleikum auk
þess sem grunur lék á að hann
hefði fengið sýkingu. Að sögn
Sigurðar Þorgrímsson, barna-
læknis á kvennadeild Landspít-
alans, eru þeir á góðri bataleið.
Sagði Sigurður að nú þyrftu
drengirnir bara að þyngjast svo-
lítið og síðan ættu þeir að geta
farið heim.
Sendiherra Rússlands
Athugasemd
gerð við leið-
ara D V
SENDIHERRA Rússa á íslandi
gerði athugasemd við leiðara
Dagblaðsins undir yfírskriftinni
„Forseti Rússlands er róni“ í
samtali við Helga Ágústsson,
ráðuneytisstjóra í utanríkis-
ráðuneytinu, fyrir skömmu.
Helgi sagðist ekki hafa verið
á landinu þegar leiðarinn birtist
fímmtudaginn 26. október sl.
Eftir að hann kom heim átti
hann viðræður við sendiherrann
og sagði hann á þeim fundi að
sér mislíkuðu skrifin. Helgi
sagðist hafa svarað honum því
til að blaðaskrif væru frjáls í '
landinu og ráðuneytið gæti ekki
haft afskipti af málinu.
Öryggiskerfi að láni
„Síminn
rauðglóandi“
„SÍMALÍNUR voru rauðglóandi
allan daginn og nú þegar eru
nokkrir tugir húseigenda komn-
ir á biðlista vegna uppsetningar
á búnaðinum,“ sagði Hannes
Guðmundsson, framkvæmda-
stjóri Securitas hf. i gær.
Securitas auglýsti í Morgun-
blaðinu í gær að fyrirtækið hefði
ákveðið að bjóða hveiju heimili
á landinu að láni án stofnkostn-
aðar fullkomið öryggiskerfí.
Kerfíð er samsett af stjómstöð,
tveimur hreyfískynjumm, reyk-
skynjara og sírenu. Kerfið er
gangsett með einu handtaki
þegar húsið er yfírgefíð eða
gengið til náða og eftir það
tengist það stjórnstöð Securitas.
Tenging við stjórnstöðina með
fyrrgreindri þjónustu kostar
rúmar 4.000 þúsund krónur á
mánuði.
MEÐ blaðinu í dag fylgir
fjögurra síðna auglýsinga-
blað frá Nóatúni í tilefni
af 30 ára afmæli verzlunar-
innar.