Morgunblaðið - 19.12.1995, Blaðsíða 16
16 ÞRIÐJUDAGUR 19. DESEMBER 1995
MORGUNBLAÐIÐ
LAIMDIÐ
Borgarafundur á Siglufirði um snjóflóðavarnir og hættumat á Siglufirði
Fjölmennasti fundur
á staðnum í áraraðir
Morgunblaðið/Sigríður Ingvadóttir
MIKILL fjöldi Siglfirðinga fylgdist með fundinum um snjóflóðamál á laugardaginn og kom greini-
Iega fram að margir hafa áhyggjur af vetrinum framundan.
Læra að búa við hættuna?
Siglufirði - Borgarafundur um snjó-
flóðamál var haldinn á Siglufirði
laugardaginn 16. desember og var
þetta fjölmennasti fundur sem hald-
inn hefur verið á Siglufirði í áraraðir.
Framsöguerindi héldu Magnús
Jóhannesson, ráðuneytisstjóri um-
hverfísráðuneytisins, Magnús Jóns-
son, veðurstofustjóri, Hafsteinn Haf-
steinsson, foramður almannavarnar-
áðs og Magnús Már Magnússon,
snjóflóðasérfræðingur hjá Veð-
urstofu Islands.
Magnús Jónsson, veðurstofustjóri,
útskýrði vel fyrir fundarmönnum
breytingar á stjórnskipulagi snjó-
flóðavarna og fór ítarlega yfir hvem-
ig þessi mál yrðu unnin af Veður-
stofu íslands. Hann sagði að þegar
það ástand skapaðist að snjóflóða-
hætta væri fyrir hendi yrði farið yfir
stöðu mála af tveimur veðurfræðing-
um, tveimur snjóflóðasérfræðingum
og snjóaeftirlitsmanni í viðkomandi
byggðarlagi. Þannig myndi fimm
manna nefnd sérfræðinga fjalla um
og meta ástandið.
Magnús sagði ennfremur að ef
sköpuðust afbrigðilegar veðurað-
stæður yrðu líklega rýmd stærri
svæði en áður, þ.e. þangað til betri
þekking væri til staðar á þessum
málum en hann taldi að eitt til tvö
ár liðu þangað til menn væru komn-
ir með haldbærari þekkingu á þess-
um málum. Magnús gat þess sérstak-
iega að spámar stæðust á meðan að
veðurspár standast í um 70% tilfella.
Veðurstofustjóri sagði ennfremur að
afstaða manna tii snjóflóðahættu
þyrfti að breytast og byggð þyrfti
að miðast meira við snjóflóðahættu.
Almennt séð var fundurinn já-
kvæður og vom fundargestir ánægð-
ir með þá kynningu sem þeir fengu
um væntanlegar vinnuaðferðir veð-
urstofu. Fjölmargir fundargestir
tóku einnig til máls og tjáðu skoðanir
sínar.
Hættumat fyrir Siglufjörð
er ekki tilbúið
Ekki er tilbúið staðfest hættumat
fyrir SigluQörð enda var öll vinna
við hættumat stöðvuð eftir snjóflóðið
á Flateyri. Bæjaryfirvöld létu gera
vinnuplagg með lista yfír hús sem
hugsanlega þarf að láta rýma við
erfiðustu aðstæður en sem ekki voru
á eldri drögum að hættumati. Sá listi
var kynntur almannavömum ríkisins
og er nú til skoðunar hjá Veðurstofu
íslands.
Að sögn Magnúsar Más Magnús-
sonar, snjóflóðasérfræðings hjá veð-
urstofunni gera breytingartillögur
ráð fyrir að veðurstofan vinni hættu-
mat en í þessu tilfelli muni hópur frá
veðurstofunni fara til Siglufjarðar
og vinna að endanlegri gerð hættu-
matsins ásamt heimamönnum.
Á borgarafundinum spunnust
umræður um hversu langt ætti
að ganga í að rýma hús þegar
hætta væri talin á snjófljóði. Ef
rýmt væri of oft ykist hættan á
því að almenningur hætti að taka
mark á viðvörnum en á móti var
talað um að ekki mætti sofna á
verðinum þegar raunveruleg
hætta væri á ferðinni. Jón Dýr-
fjörð, framkvæmdasljóri, lagði
m.a. I máli sínu áherslu á að fólk
í byggðarlögum, eins og Siglu-
firði, yrði að læra að búa við skil-
yrði sem þessi. Rósa Gunnarsdótt-
ir, sjómannskona og þriggja barna
móðir, sem á hús á hættusvæði
fyrir neðan svokallað Jörundaskál
sagðist hins vegar gjarnan vilja
heyra í þeim sem gæti kennt sér
og börnunum sínum að búa við
þessa hættu. Hún væri aðflutt frá
Akranesi og hefði ekki alist upp
við slíkar aðstæður. Enginn fund-
armanna gaf sig fram til að lið-
sinna henni.
Morgunblaðið/Þórey Guðmundsdóttir
NÝJA húsið í Borgarfirði
eystra en það stöðvaði Hér-
aðsbúa í önnum á ferð sinni
yfir Lagarfljótsbrú.
Veikindi
lömuðu
skólastarf á
Borgarfirði
eystra
Borgarfirði eystra - Mörgum þótti
sem jólasnjórinn væri kominn sunnu-
dagsmorgun er þeir risu úr rekkju.
Þunn hvít slæða hafði breitt sig yfir
allt umhverfið sem áður hafði verið
autt og haustlitir varla horfnir. Ekki
má þó mikið hlýna til að jólin verði
hér rauð.
Ekki má kenna tíðarfarinu það að
veikindi mikil hafa herjað á fólk hér
og svo rammt kvað að að skólastarf
lamaðist að mestu. Um tíma gátu
einungis tæp 20% nemenda mætt í
skóla og einn til tveir kennarar. Af
þessum sökum varð að fresta litlu
jólum skólans en það hefði einnig
orðið aðventuhátíð ársins á staðnum.
Hús það sem mestum usla olli í
umferðinni yfir Lagarfljótsbrú í byij-
un desember er nú komið á sinn stað
og er orðið fast á grunni sínum.
Húsið er ætlað til handíðakennslu
við grunnskólann og verður væntan-
lega tilbúið til notkunar upp úr ára-
mótum. Húsinu var valinn staður
vestan félagsheimilisins Fjarðar-
borgar.
Helgihald um jól og áramót verður
með þeim hætti að á aðfangadag kl.
11 fyrir hádegi verður helgistund í
Bakkagerðiskirkju fyrir yngstu borg-
arana. Á jóladag kl. 14 verður hátíð-
armessa. Þar leiða börnin safnaðar-
söng undir stjórn tónlistarskólastjór-
ans, Margrétar Bragadóttur. Á
gamlársdag kl. 18 verður aftansöng-
ur og hefur Halldór Guðfinnsson sem
var organisti í kirkjunni ijölda ára,
tekið að sér að leika undir sálmasöng
að þessu sinni.
Mikil áramótagleði er jafnan í
Borgarfirði og er slíks að vænta
seinna um kvöldið nú sem endranær.
Morgunblaðið/Silli
KIRKJUKÓR Húsavíkur sá um aðventustundina
í Húsavíkurkirkju.
Aðventustund í
Húsavíkurkirkju
Þrjár félagslegar íbúðir afhentar eigendum í Garðinum
„ Morgunblaðið/Arnór
PRÁ afhendingu íbúðanna á sunnudag. Talið frá vinstri: Jón
Hjálmarsson, formaður húsnæðisnefndar, Sigurður Jónsson, sveit-
arstjóri, Mona Ægisdóttir en hún býr að Lindartúni 1 ásamt Bald-
vin Vilhelmssyni, Ingvar Jón Gissurarson og og Margrét Hallgríms-
dóttir Lindartúni 5, og Sævar, bróðir Monu, Lindartúni 7.
ÞAÐ er orðinn fastur liður að
Kirkjukór Húsavíkur sjái um að-
ventustund í kirkjunni ájólaföstu.
Hátiðarstundin hófst að þessu
sinni með ávarpi sóknarprestsins
sr. Sighvats Karlssonar og söng
kirkjukórsins undir stjórn Nataliu
Chow við undirleik Helga Péturs-
sonar og slagverksleik Anton
Fournier og Valmar Valjaots.
Einsöng með kórnum sungu
Baldur Baldvinsson, Matthildur
Rós Haraldsdóttir, Sighvatur
Karlsson og Natalía Chow. Einleik
á fiðlu lék Lára Sóley Jóhanns-
dóttir og nemendur í Tónlistar-
skólanum léku á ýmis hljóðfæri
og sungu. Milli atriða lásu ferm-
ingarbörn ritningagreinar og
hinni hátíðlegu stund lauk með
því að allur söfnuðurinn söng
Heims um ból.
Ungt fólk
flytur
inn við
Lindartún
Garði - Sl. sunnudag fór fram form-
leg afhending á þremur íbúðum í
félagslega kerfinu. íbúðirnar
standa við Lindartún og eru í tveim-
ur eins parhúsum
Hvort húsanna er með tveimur
misstórum íbúðum. Annars vegar
er fjögurra herbergja, 105 fm íbúð
sem kostar tæpar 7,4 milljónir og
hins vegar þriggja herbergja, 90
fermetera íbúð sem kostar liðlega
6,3 milljónir. Meðalverð á fermetr-
ann er liðlega 70 þúsund krónur
sem þykir mjög gott verð.
Frágangur til fyrirmyndar
Aðalverktaki húsanna er Bragi
Guðmundsson húsasmlðameistari
og var byggingatími húsanna eitt
ár. Frágangur íbúða og lóða þykir
til fyrirmyndar og má nefna að bíla-
stæði og gangstéttir eru öll steypt
og lóðir tyrfðar.
Einni íbúðinni er enn óráðstafað
og hafin bygging á þriðja parhús-
inu sem áætlað er að verði tilbúið
1. maí á næsta ári en Gerðahrepp-
ur mun kaupa aðra íbúðina í því
húsi.
Að sögn formanns húsnæðis-
nefndar, Jóns Hjálmarssonar, verð-
ur þá 21 íbúð í félagslega kerfinu
í Garðinum og verða ekki fleiri
íbúðir byggðar í bili. Kemur þar
margt til en einkum þó erfiðar regl-
ur Húsnæðismálastofnunar.
Nýr húsráðandi
samkomuhússins
Hreppsnefndin ákvað fyrir
nokkru að bjóða út rekstur sam-
komuhússins. Nokkrir aðilar höfðu
áhuga á rekstrinum en gengu úr
skaftinu þegar á reyndi. Nú hefir
verið gengið ti! samninga við heima-
mann, Jóhann Þorsteinsson, og er
fastlega gert ráð fyrir að hann taki
við rekstrinum.