Morgunblaðið - 21.12.1995, Blaðsíða 6
6 FIMMTUDAGUR 21. DESEMBER 1995
FRÉTTIR
Kórstjóri Langholtskirkju, sem er í leyfi vegna deilna við sóknarprest
Annar hvor víki úr starfi
SÓKNARNEFND Langholtskirkju
hefur veitt Jóni Stefánssyni, organ-
ista, leyfi frá störfum frá því á
aðfangadag til 15. janúar. Jón ætl-
ar ekki að hefja aftur störf í kirkj-
unni nema sr. Flóki Kristinsson,
sóknarprestur, láti af embætti. Kór
Langholtskirkju stendur einhuga
að baki Jóni og treystir sér ekki til
að syngja án hans stjórnar í kirkj-
unni yfir hátíðirnar. í fréttatilkynn-
ingu frá kórnum eru vinnubrögð
prestsins gagnrýnd.
Sigrún Stefánsdóttir, formaður
stjórnar kórsins, talaði fyrir hans
hönd á blaðamannafundi organista
og kórs Langholtskirkju í gær. Hún
sagði að sr. Flóki hefði sýnt tónlist-
arstarfinu í kirkjunni áhuga til að
byrja með. Fljótlega hefði þó farið
að síga á ógæfuhliðina. Nú væri
svo komið að hann sýndi starfí kórs-
ins í besta falli tómlæti og í versta
falli algjöra lítilsvirðingu. Kórinn
hefði hins vegar ekki tjáð sig um
innri málefni kirkjunnar hingað til.
Sigrún gagnrýndi sr. Flóka fyrir
að draga Ólöfu Kolbrúnu, eiginkonu
Jóns, inn í umræðuna að ástæðu-
lausu.
Tónlistarstarf hrakið
úr kirkjunni
Nú þykir kórnum ástæða til að
gagnrýna prestinn opinberlega fyrir
nokkur atriði. í fréttatilkynningu
er talað um að hann sé langt kom-
inn með að hrekja tónlistarstarf úr
kirkjunni. Af völdum hans liggi
starf fjáröflunarnefndar nýs orgels
niðri og ekki verði séð að því verk-
efni verði lokið á næstunni. Kórinn
tekur fram að kirkjusókn hafí
minnkað, færri fermingar fari fram
í kirkjunni og sóknarböm hafi leyst
sóknarbönd eftir samskipti við sr.
Flóka.
Fram kemur að sr. Flóki hafí
ekki óskað eftir þátttöku kórsins
þegar hann hafí hafíð störf eftir
árshlé sl. sumar. Þegar kórinn hafí
svo hafíð þátttöku hafi hann þurrk-
að hlutverk hans gjörsamlega út.
Eftir utanaðkomandi þrýsting, m.a.
frá sóknarnefndarmönnum, hafí
hann leyft kórnum náðarsamlegast
Morgunblaðið/Ásdts
SÆMUNDUR Helgason, í stjórn Kórs Langholtskirkju, Jón Stefánsson, organisti, Sigrún Stefáns-
dóttir, formaður stjórnar kórsins, og Ólafur Vigfússon, í stjórn kórsins, á blaðamannafundi í gær.
að flytja eitt kórverk í messu.
Jón Stefánsson tók fram að
ágreiningurinn við sr. Flóka hefði
farið stigvaxandi og kirkjuyfirvöld
hefðu ekkert gert til að leysa hann.
Hann sagðist því hafa farið fram á
leyfí yfír hátíðirnar og ekki koma
aftur nema forsendur breyttust. Jón
játti því að um væri að ræða að
Flóki véki úr embætti. Ef svo yrði
ekki væri alltaf sá möguleiki fyrir
hendi að flytja kórinn úr kirkjunni.
Sú niðurstaða væri hins vegar mik-
il synd enda væri kirkjan gott tón-
listarhús og segja mætti að hún
væri fyrst og fremst þekkt fyrir
kórinn.
Jón tók undir að rætur deilunnar
væru af trúarlegum toga. „Sr. Flóki
telur að verið sé að fá almenning
í kirkju á fölskum forsendum með
tónlistarflutningnum. Ég er algjör-
lega á öndverðum meiði. Hver og
einn meðtekur trúna með sínum
hætti. Þú getur meðtekið trúna f
gegnum tónlist, með því að lesa
Biblíuna eða vera út í náttúrunni,“
sagði Jón og tók fram að tónlistin
væri eitt voldugasta aflið til að
undirstrika trúarþörfina. J.S. Bach
hefði t.d. í boðun verið líkt við guð-
spjallamennina og kallaður fimmti
guðspjallamaðurinn.
Sóknarbörn flest sammála
Hann sagðist álíta að sóknar-
börnin væru flest sammála sér og
nefndi því til stuðnings að um 900
kirkjugestir hefðu komið til kirkju
hjá sr. Sigurði Hauki um síðustu
jól. Sá fjöldi næði ekki fjölda kirkju-
gesta allt árið nú. Um hvort ástæða
væri til að ætla að margir kæmu í
kirkju aðeins vegna tónlistarinnar
sagði Jón að í predikun prestsins
hefði komið fram að íslensk könnun
gæfí til kynna að 40% kirkjugesta
kæmu til kirkju vegna tónlistarinn-
ar. Aðeins 4 til 8% kæmu aðeins
vegna trúarlegra ástæðna og aðrir
vegna annars.
Sóknarnefnd I.angholtskirkju
vinnur að því að fínna lausn á tón-
listarflutningi um jólahátíðina, að
því er fram kemur í tilkynningu frá
henni. Jafnframt hefur sóknar-
nefndin ákveðið að óska eftir aðstoð
prófasts við úrlausn ágreinings-
mála. Sr. Ragnar Fjalar Lárusson,
dómprófastur, sagðist í samtali við
Morgunblaðið vera harmi lostinn
yfir því hvemig komið væri. Hann
myndi beita sér fyrir því að nú yrði
gert samkomulag sem héldi. Sr.
Flóki baðst undan því að ræða við
blaðið í gærkvöldi.
Breytingar gerðar á lögum um tekju- og eignarskatt
Bótafjárhæðir breyt-
ast ekki á næsta ári
Morgunblaðið/Sverrir
Jón forseti
upplýstur
STYTTA Jóns forseta Sigurðs-
sonar á Austurvelli er eittaf
þekktustu kennileitum höfuð-
borgarinnar en hefur viljað
hverfa í skuggann í skamm-
deginu. Starfsmenn Reykjavík-
urborgar hafa nú bætt úr því
og komið fyrir sex ljósköstur-
um sem lýsa upp styttu manns-
ins, sem hvað mestur ljómi
stafar af í vitund þjóðarinnar.
ALÞINGI samþykkti í gær breytingu
á lögum um tekju- og eignarskatt.
Þar er meðal annars afnumin sjálf-
virk uppfærsla ýmissa afsláttar- og
bótafjárhæða í takt við vísitölur og
gert er ráð fyrir því að þessar fjár-
hæðir hækki ekki á næsta ári. Með
þessu móti aukast tekjur ríkissjóðs
um 1 milljarð á næsta ári.
Er þetta meðal annars gert til að
mæta tekjutapi ríkissjóðs vegna
skattfrelsis lífeyrisiðgjalda launþega
sem lögfest var í vor en það kostar
ríkissjóð um 800 milljónir árlega.
Einnig er felld niður heimild til ellilíf-
eyrisþega að undanskilja frá tekju-
skattí 15% af útgreiddum lífeyri og
skilar það ríkinu 250 milljónum á
næsta ári. Þessi heimild var lögfest
um síðustu áramót til að mæta tví-
sköttun lífeyrisspamaðar en fellur
nú niður á þeim forsendum að lífeyr-
issjóðsiðgjöld eru nú undanþegin
skatti.
Persónuafsláttur verður sá sami í
krónum talið á næsta ári og nú er,
samkvæmt lögunum. Hins vegar seg-
ir fjármálaráðuneytið að skattfrelsi
lífeyrisiðgjalda jafngildi í reynd
lækkun tekjuskatthlutfallsins um
Heildarskattbyrði
lækkar um 470
milljónir 1995
og 1996
rúmlega 1,5% og því hækki skatt-
leysismörk úr 59.700 krónum í rúm-
lega 60.300 krónur á síðari hluta
ársins.
Samkvæmt lögunum verður 5%
hátekjuskattur framlengdur í eitt ár.
Þá er barnabótaauki hækkaður á
þann hátt að tekjutenging verður
rýmkuð. Einnig má nefna að heimilt
verður áð færa verð bifreiða árlega
niður um 10% á skattframtali og er
það talið lækka eignarskatta um 50
milljónir. Er þetta gert vegna minnk-
andi verðbólgu þar sem almennar
verðbreytingar vega engan veginn
upp á móti verðfalli bifreiða ár hvert.
Lægsta skatthlutfall
síðan 1987
Friðrik Sophusson fjármálaráð-
herra sagði við atkvæðagreiðsluna í
gær, að á næsta ári ætti m.a. að
hækka barnabótaauka um 500 millj-
ónir og heimila skattfrádrátt lífeyris-
greiðsina upp að 4%. Samanlagt
væru skattar á yfirstandandi og
næsta ári að lækka um 470 milljónir
og hlutfall skatttekna af landsfram-
leiðslu yrði á næsta ári 23,2%, það
lægsta sem verið hefði hér á landi
síðan 1987.
Stjórnarandstaðan studdi sym atr-
iði lagafrumvarpsins en gagnrýndi
önnur harðlega, einkum afnám
skattaafsláttar ellilífeyrisþega og
afnám sjálfvirkrar hækkunar bóta-
fjárhæða sem var gagnrýnt.
Þingmenn Alþýðuflokks, Alþýðu-
bandalags og Þjóðvaka sátu hjá við
atkvæðagreiðslu um frumvarpið en
þingmenn Kvennalistans og Asta
Ragnheiður Jóhannesdóttir þing-
maður Þjóðvaka greiddu atkvæði
gegn lagafrumvarpinu. Sagði Kristín
Astgeirsdóttir við atkvæðagreiðsluna
að um væri að ræða vond lög sem
fælu í sér ómaklega árás á hóp fólks,
sem jafnframt ætti von á enn verri
sendingu frá meirihluta alþingis og
ríkisstjóminni. Átti hún þar einkum
við ellilífeyrisþega.
MORGUNBLAÐIÐ
Áhrif verðstríðs á
laun rithöfunda
Höfundar
bíða átekta
VERÐLÆKKUN á bókum umfram
það sem Félag íslenskra bókaútgef-
enda samdi um við bóksala gæti
þýtt samsvarandi launalækkun hjá
rithöfundum samkvæmt samningi
sem í gildi er á milli þtgefenda og
rithöfunda en í honum er rithöfund-
um reiknaður 16% hlutur af útsölu-
verði bóka fyrir utan virðisaukaskatt.
„Við vitum ekki hvernig tekið
verður á málum þegar gert verður
upp við höfunda eftir vertíðina, hvort
að útgefendur halda sig við gefinn
samning og Iáta hann þá merkja að
farið verði eftir verði sem gefið var
upp í bókatíðindum. Ég hef trú á að
reynt verði að fara í kringum það
verð og miðað verði við það útsölu-
verð sem er raunverulegt í dag.
Reyndar virðist sala á bókum vera
mun meiri nú en í desember í fyrra
og kemur það sjálfsagt á móti tekju-
lækkun vegna lægra verðs. Við ætl-
um ekki að vera í biðstöðu eftir þessi
jól eins og eftir þau síðustu heldur
taka á málunum strax og um hægist
og fara í viðræður við þá aðila sem
málið varða,“ sagði Ingibjörg Har-
aldsdóttir formaður Rithöfundasam-
bandsins. Aðspurð sagðist Ingibjörg
ekkert geta fullyrt um hvort einhveij-
ir höfundar hefðu látið eftir prósent-
ur af sínum hlut gegn mögulegri
söluaukningu þótt hún hefði heyrt
einhveijar óstaðfestar sögur þar að
lútandi.
♦ ♦ ♦----
Hringtorg á Reykjanesi
*
Aætlun 60 m.
kr. hærri en
fjárveiting
ÁKVÖRÐUN um gerð hringtorga í
nágrenni flugstöðvar Leifs Eiríks-
sonar verður ekki tekin fyrr en í jan-
úar þegar ljóst verður hveijar fjár-
veitingar til verkefnisins verða, en
endanleg kostnaðaráætlun er 60
milljónum króna hærri en fyrri áætl-
un gerði ráð fyrir og fjárveitng hafði
miðast við.
Að sögn Jónasar Sæmundssonar,
umdæmisverkfræðings Vegagerð-
arinnar í Reykjanesumdæmi, er gert
ráð fyrir einu hringtorgi á Reykja-
nesbrautinni á leiðinni að flugstöð-
inni, en frá því á síðan að koma af-
leggjari til Sandgerðis og annar út
í Garð. Á þeim afleggjara sem kall-
ast Garðskagavegur á síðan að koma
annað hringtorg þar sem hægt verð-
ur að aka inn í Keflavík. Heildar-
kostnaðaráætlun við þessar fram-
kvæmdir í heild er 170 milljónir
króna, en eldri áætlun hljóðaði upp
á 110 milljónir.
„Það lá ekki fyrir fullnaðarhönnun
þegar fjárveitingin var sett inn, og
það voru ýmis skipulagsmál sem
menn áttu eftir að leysa. Þegar þessi
skipulagstillaga og þar með fram-
kvæmdatillaga var fengin þá var
þetta orðið svona dýrt. Það frestast
í öllu falli fram í janúarlok að ganga
frá þessu og þá verður því kannski
að einhveiju Ieyti skipt í áfanga,"
sagði Jónas.
------♦ ♦ ♦----
Hjól af tengi-
vagni stór-
skemmdi bíl
AFTURHJÓL á stórum tengi-
vagni, sem vikurflutningabíll var
með í eftirdragi_ á Suðurlandsvegi
við Steinslæk í Ásahreppi á þriðju-
dag, losnuðu undan vagninum og
kastaðist annað hjólið framan á
fólksbíl sem kom úr gagnstæðri átt.
Fólksbíllinn er mjög mikið skemmd-
ur og óökufær en að mati lögreglu
kom notkun bílbelta í veg fyrir að
slys yrðu á fólki.
+
|
i
0
(.
f
(
í
(
■
i
í
í
I
«
i
i
(
(
(
(
i
-