Morgunblaðið - 21.12.1995, Blaðsíða 20
20 FIMMTUDAGUR 21. DESEMBER 1995
MORGUNBLAÐIÐ
ERLEIMT
Talsmaður Jabloko um þingkosningarnar í Rússlandi
„Úrslitin afleiðing
stefnu stjórnarinnar“
ÚRSLIT þingkosninganna eru bein
afleiðing efnahagsstefnu ríkisstjórn-
ar Viktors Tsjernomyrdíns, að mati
Eugeniu Gillendorf, blaðafulltrúa
umbótaflokksins Jabloko, flokks
Grigóríjs Javlinskíjs. „Fólk dregur
fram lífið, ellilífeyririnn er lágur,
launin lág og greidd óreglulega út.
Mörgum fínnst eftirsjá að gamla
einræðiskerfinu, þó að þeir kunni
vissulega að meta lýðræðisumbætur.
Þegar Sovétríkin voru og hétu, fengu
menn örugglega laun, þó að þau
væru oft á tíðum lægri,“ sagði Gill-
endorf í samtali við Morgunblaðið
en einnig var rætt við talsmann
ftjálslynda lýðræðisflokksins, flokk
Vladímírs Zhírínovskíjs.
„Úrslitin eru vissulega vonbrigði
en ekki mikil. Við fengum aðeins
minna fylgi en okkur hafði verið
spáð,“ sagði Gillendorf. Hún segir
úrslitin ekki hafa verið óvænt nema
sigur kommúnista sem hafi verið
mun stærri en búist hafi verið við.
„Enn er talningu ólokið í héruðum
í mið- og vesturhlutanum og við
gerum okkur vonir um dálitla fylg-
isaukningu."
Gillendorf sagði það af og frá að
svokallaðir umbótasinnar ættu að
sameinast í flokka. „Við eigum ekk-
ert sameiginlegt með flokki Gajdars.
Hann hefur stutt ríkisstjórnina í
mörgum málum og hún hefur haldið
sig að hluta til við stefnuna sem
hann markaði í efnahagsmálum.
Flokkur okkar hefur verið andvígur
henni frá upphafi.“
Hvert ástandið verður í Dúmunni
eftir kosningar, segir Gillendorf erf-
itt að segja til um. „Kommúnistarn-
ir á síðasta þingi voru meira í ætt
við sósíaldemókrata. Við vitum ekki
hvað gerist nú þegar alls kyns
kommúnistar, harðlínumenn og hóf-
samir, fara inn á þing.“
„Viðunandi árangur"
Morgunblaðið hafði samband við
flokksskrifstofu Zhírínovskíjs í
Moskvu í gær. Talsmaður flokksins
sagði að árangurinn í kosningunum
væri mjög viðunandi. „Það var rek-
inn gegn okkur hatursáróður, þann-
ig var andrúmsloftið síðustu tvö
árin. Ríkisfjölmiðlar ráku áróður,
það var einnig gert í blöðum um-
bótasinna og kommúnista, fjölmiðl-
ar voru ekki hlutlausir gagnvart
okkur, hér eru engin hlutlaus blöð.
Það var sagt að flokkurinn væri
mjög slæmur, við værum illmenni.
En almenningur áttaði sig á þessu,
sá í gegnum þessar lygar og ég tel
að við höfum unnið sigur; þrátt fyrir
Reuter
GENNADIJ Zjúganov, leiðtogi kommúnista, hlýðir á næstráð-
anda flokksins, Valentín Kuptsov á blaðamannafundi í Moskvu.
ákafan andróður náðum við öðru
sæti. Það er mjög gott.
Ég tel að þessar kosningar hafi
ekki farið heiðarlega fram. Ég trúi
því ekki að fólk hafi kosið þennan
flokk Tsjernomýrdíns? Hver kýs rík-
isstjórn sem hefur rænt eigin þjóð?
Hann hefur rænt frá fólki, hvers
vegna skyldi það kjósa ræningj-
ana?“ Ég held að býsna margir
hafi falsað niðurstöðurnar, ekki all-
ir en víða var það gert.“
Spurt var hvort þingmenn myndu
starfa náið með kommúnistum í
nýju Dúmunni, þrátt fyrir ýmsan
ágreining. „Ef þeir fylgja góðri
stefnu fyrir landið okkar, þjóðina
okkar, munum við styðja þá, ella
munum við berjast gegn þeim.
Margir þeirra eru föðurlandsvinir“,
svaraði talsmaðurinn og í því slitn-
aði sambandið.
Deutch, yfirmaður
CIA, fyrir þingnefnd
Ottast að
hryðjuverk
aukist
Washington. Reuter.
JOHN Deutch, yfirmaður banda-
rísku leyniþjónustnnar, CIA, spáði
því í gær, að hryðjuverk ættu eftir
að aukast um allan heim. Við því
yrði brugðist með því að stórauka
tilraunir til að koma fyrir uppljóstr-
urum innan hryðjuverkahópa og rík-
isstjórna, sem þá styddu.
Deutch sagði á fundi með leyni-
þjónustunefnd þingsins, að honum
þætti miður að hafa komist að þess-
ari niðurstöðu en hann teldi að
hryðjuverkum myndi fjölga mjög á
næsta áratug. Yrði þeim ekki aðeins
beint gegn Bandaríkjamönnum,
heldur stjórnvöldum víða um heim.
Nefndi Deutch sem dæmi Hamas-
og Hizbollah-samtökin meðal Palest-
ínumanna og sagði, að átök milli
þjóða-, þjóðarbrota og trúarhópa
myndu áfram valda óstöðugleika og
vera jarðvegur fyrir hryðjuverka-
starfsemi.
Spá óháðra sérfræðinga um urslit þingkosninganna í Rússlandi
Bandalagí kommúnista
spáð u m 40% þingsætanna
Moskvu. Reuter.
KOMMÚNISTAR og bandamenn þeirra fá um
40% þingsætanna í kosningunum í Rússlandi á
sunnudag, samkvæmt spá óháðra sérfræðinga
sem byggð var á nýjustu kosningatölunum.
Kommúnistar þyrftu að tryggja sér stuðning
þjóðernissinnans Vladímírs Zhírínovskíjs til að
ná meirihluta á þinginu, eða 226 þingsæti af
450, að sögn sérfræðinganna.
Talningu var lokið í 223 einmenningskjör-
dæmum af 225 í gær. Kjörstjórnin sagði að
kommúnistar hefðu fengið 57 kjördæmaþing-
menn og bandamenn þeirra 29 (Bændaflokkur-
inn 20, vinstriflokkur undir forystu Níkolajs
Ryzhkovs, fyrrverandi forsætisráðherra Sovét-
ríkjanna, átta, og flokkur harðlínukommúnista
einn).
225 þingmenn til viðbótar eru kjörnir af lands-
listum og talningu í þeim hluta var lokið í 173
af 225 landskjördæmum. Flokkar sem ekki ná
5% atkvæða í þessum hluta fá enga þingmenn
kjörna af landslistunum.
Aðeins fjórir flokkar hafa náð þessu marki
og kommúnistaflokkurinn er þeirra stærstur með
21,41% 'atkvæðanna og 96 þingmenn, eða alls
153 þingmenn í báðum hlutum kosninganna.
Kommúnistar voru með 42 þingmenn á síðasta
þingi.
Samtals gætu því kommúnistar og bandamenn
þeirra fengið um 179 þingsæti í báðum hlutum
kosninganna.
Frjálslyndi lýðræðisflokkurinn, sem Zhír-
ínovskíj fer fyrir, er með 10,89% atkvæðanna,
samkvæmt nýjustu tölum, og fær 49 þingmenn
af landslistanum. Hann fékk aðeins einn kjör-
dæmaþingmann.
Kommúnistar, bandamenn þeirra og flokkur
Zhírínovskíjs gætu myndað meirihluta á þing-
inu, með 229 þingmenn. 226 atkvæði nægir til
að samþykkja tillögu um vantraust á stjórnina
og samþykkja frumvörp, en tvo þriðju atkvæð-
anna þarf til að hnekkja neitunarvaldi forsetans.
Sérfræðingar telja ólíklegt að kommúnistar
og flokkur Zhírínovskíjs geti náð samstöðu í
mörgum málum, þótt þeir geti komið stjórninni
í vanda með því að samþykkja vinsæl frumvörp
sem forsetinn yrði að beita neitunarvaldi gegn.
Jabloko með 51 þingmann
Samkvæmt nýjustu tölúm er flokkur Viktors
Tsjernomyrdíns forsætisráðherra, Heimili okkar
Rússland, með 9,98% atkvæða, sem nægir til
að tryggja 43 þingmenn af landslista. Flokkur-
inn hefur fengið 10 menn kjörna í einmennings-
kjördæmunum, eða alls 53 þingmenn.
Stærsti flokkur umbótasinna, Jabloko, fékk
7,27% atkvæða samkvæmt nýjustu tölum sem
færir honum 37 þingmenn af landslista. Hann
hefur fengið 14 kjördæmaþingmenn og alls 51
þingmann.
Samtök rússneskra samfélaga hafa fengið
fímm kjördæmaþingmenn og Val Rússlands,
stærsti flokkurinn á síðasta þingi, er nú með
10 þingmenn en var með 65.
77 óháðir frambjóðendur hafa náð kjöri, auk
22 frambjóðenda annarra smáflokka.
l\l % íendurgreiðslu
Skandia býður hlutabréf með 10% útborgun og afganginn á boðgreiðslum til 12 mánaða
• Hjá Skandia geta hjón keypt hlutabréf í Almenna hlutabréfasjóðnum hf. fyrir 270 þúsund krónur - borgað
aðeins 10% út og afganginn á boðgreiðslumVisa og Euro til 12 rnánaða.
• Með slíkum kaupum fá hjón u.þ.b. 90.000 króna skattaafslátt sem greiðist í ágúst á næsta ári.
• Hlutabréf í Almenna hlutabréfasjóðnum hf. hafa hækkað um 45% síðustu 12 mánuðina.
• Þú getur gengið frá kaupunum með einu sfmtali við Skandia í síma 56 19 700.
Skandia
Fjárfestingarfélagið Skandia hf.« löggilt verðbréfafyrirtæki
Laugavegi 170 • sími 56 19 700