Morgunblaðið - 15.02.1996, Side 45

MORGUNBLAÐIÐ
FIMMTUDAGUR 15. FEBRÚAR 1996 45
_____MIIMIMIIMGAR_
EYGLÓ
KRISTJÁNSDÓTTIR
+ Eygló Kristj-
ánsdóttir fædd-
ist í Njarðvík 24.
desember 1942.
Hún lést á heimili
sínu 4. febrúar síð-
astliðinn og fór út-
för hennar fram
frá Fella- og Hóla-
kirkju 12. febrúar.
MEÐ ÖRFÁUM orðum
langar okkur að kveðja
Eygló Kristjánsdóttur.
Eygló hafði starfað hjá
ISAL í 17 ár.
Þegar við minnumst
Eyglóar kemur upp í hugann sér-
stakur áhugi hennar á Þýskalandi,
landi og þjóð. Hún hafði núna síð-
ari árin ferðast mikið með Grét-
ari, eftirlifandi eiginmanni sínum.
Hún heillaðist af Þýskalandi og fór
þangað oftsinnis. Eygló las sér til
um þá staði sem hún hugðist heim-
sækja og lærði meira að segja
þýsku hjá Námsflokkunum til að
búa sig undir ferðalög sín. Þetta
lýsir Eygló vel.
Eygló var vandvirk og hafði
gaman af handavinnu hverskonar.
Núna nýlega hafði hún sótt nám-
skeið í bútasaumi og kom með
afraksturinn til að sýna okkur sam-
starfskonunum, við urðum að von-
um hrifnar af handverkinu og lýst-
um áhuga okkar á að læra. Eygló
var fljót til, bauð okkur heim og
kenndi okkur.
Eygló talaði hispurslaust við
fólk og kom til dyranna eins og
hún var klædd. Þannig minnumst
við hennar og biðjum góðan Guð
að styrkja Grétar, synina þrjá,
tengdadætur, barnabörn og móður
í þeirri miklu sorg sem þau þurfa
nú að takast á við, eftir þetta
ótímabæra fráfall Eyglóar.
Með þökk fyrir samveruna,
Samstarfskonur hjá
íslenska álfélaginu hf.
Eygló vinkona okk-
ar er látin. Okkur setti
hljóð þegar okkur var
tjáð andlát hennar sem
bar mjög sviplega að.
Við sem vorum heima
hjá henni síðastliðinn
laugardag sáum hana
hressa, káta og fulla
af lífskrafti. Ekki datt
okkur í hug þá, að það
yrði í hinsta sinn sem
við áttum eftir að sjá
hana, því Eygló lést
daginn eftir. Það getur
verið svo stutt milli
gleði og sorgar, milli
lífs og dauða, enginn veit hvenær
kallið kemur.
Okkur langar að minnast
þessarar kæru vinkonu okkar í
fáeinum orðum. Gott var að sækja
Eygló heim. Alltaf var hún tilbúin
að rétta hjálparhönd ef eitthvað
var um að vera. Eygló lét sér annt
um útlit sitt, hún var ávallt fallega
klædd án tilgerðar. Eygló var mik-
il hannyrðakona og bar heimili
hennar þess vott. Hún var heil-
steypt persóna og viðkvæm í lund.
Fagurkeri var Eygló og unni hún
fögrum listum.
Það er nú stórt skarð höggvið
í vinahópinn við fráfall Eyglóar en
við erum henni innilega þakklát
fyrir allar góðu samverustundirn-
ar, hún var góð vinkona, góðar
minningar eigum við um hana sem
við munum varðveita í hjörtum
okkar um ókomin ár.
Við vottum Grétari og sonum
samúð okkar og biðjum Guð að
gefa ykkur styrk á erfiðum tímum.
Er sárasta sorg okkur mætir
og söknuður huga vorn grætir
þá líður sem leiftur úr skýjum
ljósgeisli af minningum hlýjum.
(Hallgrímur I. Hallgrímsson)
Kveðja,
Hólmfríður og Sigurmunda.
BRIPS
Umsjón Arnór G.
Ragnarsson
Dagskrá
Bridshátíðar
1996
BRIDSHÁTÍÐ verður sett kl.
19:00, föstudagskvöldið 16. febr-
úar. Áð þessu sinni mun Halldór
Ásgrímsson, utanríkisráðherra,
setja mótið.
Tvímenningskeppnin, sem er
Monrad-barómeter, með þátt-
töku 120 para, 30 umferðir, þrjú
spil á milli para, alls 90 spil,
hefst að lokinni setningu og
verður spilað til 00:30 á föstu-
dagskvöld, 12 umferðir, alls 36
spil með smákaffihléi. Klukkan
11:00 á laugardagsmorgun hefst
spilamennska að nýju og spilað
verður til kl. 13:53 og þá verður
gert matarhlé til kl. 15:00. Síðan
er spilað til 16:53 og þá gert
örlítið kaffihlé til 17:20 og tví-
menningnum lýkur síðan kl.
19:03.
Verðlaunaafhending verður að
lokinni sveitakeppninni mánu-
dagskvöldið 19. febrúar kl. 20:00.
Þijú efstu pörin fá verðlaunagripi
til eignar og átta efstu pörin
hljóta peningaverðlaun, samtals
10.350$.
1. verðlaun 3.200$, 2. verðlaun
2.200$, 3. verðlaun 1.600$, 4.
verðlaun 1.100$, 5. verðlaun
700$, 6. verðlaun 500$, 7. verð-
laun 300$, 8. verðlaun 250$, 9.
verðlaun 200$, 10. verðlaun
150$, 11. verðlaun 150$, 12.
verðlaun 150$.
Auk þess verða aukaverðlaun
fyrir hæstu skor í umferð 1-10,
11-20 og 21-30 150$ á par,
samtals 450$.
Opna Flugleiðamótið í sveita-
keppni hefst kl. 13:00 sunnudag-
inn 18. febrúar. Spilaðar verða
10 umferðir með 10 spila leikj-
um. Sveitum verður raðað saman
Morgunblaðið/Arnór Ragnarsson
FRÁ BRIDSHÁTÍÐ í fyrra. Guðmundur Sv. Hermannsson og
Helgi Jóhannsson spila gegn George Mittleman og Fred Gitle-
man. Hinir fyrrnefndu unnu silfurverðlaunin í sveitakeppninni
en Mittleman og Gitleman voru í sigursveit Zia Mahmood.
eftir Monradfyrirkomulagi, þ.e.
sveitir með svipaðan stigafjölda
eigast við. í fyrstu tveimur um-
ferðum ræður þó hlutkesti hvaða
sveitir spila saman. I 3. umferð
er raðað eftir úrslitum í 1. um-
ferð og í 4. umferð er raðað
miðað við stöðuna eftir tvær
umferðir.
Sex umferðir verða spilaðar á
sunnudag með matarhléi eftir 4
umferðir, kl. 19:00 til 20:30.
Sveitakeppninni verður haldið
áfram kl. 13:00 mánudaginn 19.
febrúar og spilaðar fjórar síðustu
umferðirnar. Spilamennsku lýkur
kl. 19:15 og verður verðlaunaaf-
hending fyrir hvoratveggju
keppnina kl. 20:00.
Fyrirliðar sveitanna fá í upp-
hafi móts eyðublöð þar sem úr-
slit hverrar umferðar eru skráð
og er áríðandi að þessum eyðu-
blöðum sé skilað til keppnisstjóra
um leið og úrslitin liggja fyrir svo
hægt sé að birta stöðu í mótinu.
Á þessi blöð eru einnig færð
gullstig spilaranna og eru fyrir-
liðar beðnir að merkja greinilega
hveijir spiluðu viðkomandi leik
og muna að setja kennitölur allra
spilaranna á blaðið.
Efsta sveitin fær verðlauna-
gripi til eignar og varðveitir
Flugleiðabikarinn næsta árið.
Að auki hljóta fimm efstu sveit-
irnar peningaverðlaun, samtals
7.300$.
1. verðlaun 3.000$, 2. verðlaun
2.000$, 3. verðlaun 1.200$, 4.
verðlaun 800$, 5. verðlaun 300$.
Valdir leikir úr opna Flugleiða-
mótinu verða sýndir á sýningar-
töflu í Auditorium. Tilkynnt verð-
ur jafnóðum hvaða sveitir eigast
við í töfluleikjum og fer það eftir
stöðu í mótinu.
Áhorfendum er einnig heimilt
að horfa á við spilaborðin í opnum
sal en þeir eru vinsamlega minnt-
ir á að fara eftir settum reglum.
Reykingar eða önnur tóbaks-
neysla eru ekki leyfð í spilasölun-
um.
Keppnisstjórar á Bridshátíð
eru Sveinn R. Eiríksson og Jakob
Kristinsson. Reiknimeistarar eru
Steingrímur Gautur Pétursson og
Sveinn R. Eiríksson. Mótstjóri er
Elín Bjarnadóttir.
SVIPMYNDIR
Hveifisgötu 18, simi 552 2690
FERMINGARMYNDATOKUR
Fylgstu meb í
Kaupmannahöfn
Morgunblabib
fæst á Kastrupflugvclli
og Rábhústorginu
■kjarni máisins!
voc*
JÞmatsös*.
flZZA
VOGA
tílJVFA
ytxiA
IIDÝFA
ibþl PÍTU5Ó5*
VOGA
,yo.GA
IDÝFA
yOGA
IDÝFA
[VOGA
NVNv

íslenskt H já takk
VOGABÆR
190 Vogar Sími: 424 6525