Morgunblaðið - 30.04.1996, Blaðsíða 43

MORGUNBLAÐIÐ
ÞRIÐJUDAGUR 30. APRÍL 1996 43
FRÉTTIR
Sjálfstæðisflokkurinn
Fjallað um nýjar auðlind-
ir í íslensku atvinnulífi
UNDANFARIÐ hafa sjö málefna-
nefndir Sjálfstæðisflokksins staðið
fyrir fundaröð um samkeppnis-
stöðu íslands undir yfirskriftinni
Framtíð íslands á 60 mínútum.
Nú þegar hafa verið haldnir tveir
fundir, annars vegar um viðskipa-
umhverfi og samkeppnisstöðu ís-
lensks atvinnulífs og hins vegar
mikilvægi menningar og menntun-
ar. Báðir þessir fundir voru mjög
fjölmennir og þar sköpuðust lífleg-
ar umræður um samkeppnisstöðu
íslands í breyttum heimi, segir í
fréttatilkynningu.
í dag, þriðjudaginn 30. apríl,
verður þriðji og síðasti fundurinn
í fundaröðinni. Fundurinn verður,
líkt og fyrri fundir, haldinn á Hót-
el Borg, hefst kl. 17.15 og mun
Sumarbúðir
Þjóðkirkjunn-
ar að Núpi í
Dýrafirði
SUMARBÚÐIR fyrir börn verða
starfræktar að Núpi í Dýrafirði á
vegum Æskulýðssambands kirkj-
unnar á Vestfjörðum, ÆSK Vest,
í sumar.
Fjórir flokkar verða í boði. 1.
fiokkur verður 29. júní til 5. júlí
fyrir 10-12 ára börn, 2. flokkur
verður 7. júlí til 12. júlí fyrir 7-9
ára börn, 3. flokkur verður 13.
júlí til 18. júlí fyrir 10-12 ára
börn og 4. flokkur verður 21. júlí
til 26. júlí fyrir 7-9 ára börn.
Sumarbúðirnar eru einkum ætl-
aðar vestfirskum börnum sem búa
í Barðastrandar- og Ísafjarðar-
sýslum en einnig börnum frá öðr-
um stöðum ef húsrúm leyfir. Sum-
arbúðastjóri verður Elva Björg
Einarsdóttir frá Patreksfirði. Að
auki munu þrír starfsmenn annast
börnin. Innritun fer fram hjá sókn-
arprestum á Vestfjörðum og veita
þeir einnig upplýsingar.
standa í eina klukkustund.
Á fundinum verður íjallað um
nýjar auðlindir í íslensku atvinnu-
lífi. Með nýjum auðlindum er átt
við þau verðmæti sem felast í
nýsköpun í atvinnugreinum sem
áður voru vannýttar. Ör þróun í
þessa átt hefur verið á undanförn-
um árum og á fundinum verða ný
tækifæri íslendinga á sviði hug-
vits, hátækni, ferðamála og upp-
lýsingamála sérstaklega rædd.
Framsögumenn á fundinum
verða Halldór Blöndal, samgöngu-
ráðherra, Guðbjörg Sigurðardótt-
ir, tölvunarfræðingur, og Geir A.
Gunnlaugsson, framkvæmdastjóri
Marels hf. Fundarstjóri verður
Elsa Valsdóttir, varaformaður
Heimdallar.
Afhenti
trúnaðarbréf
HÖRÐUR H. Bjarnason, sendi-
herra, hefur afhent hr. Guntis Ulm-
anis, forseta Lettlands, trúnaðar-
bréf sitt sem sendiherra íslands í
Lettlandi með aðsetur í Stokkhólmi.
Halli Reynis á
Fógetanum
TRÚBADORINN Halli Reynis leik-
ur á veitingahúsinu Fógetanum
þriðjudagskvöld, en þá er opið til
kl. 3, og miðvikudagskvöld.
Páll Óskar og
Hunang
PÁLL Óskar Hjálmtýsson og hljóm-
sveitin Hunang leika þriðjudags-
kvöld í Festi í Grindavík.
■ UNGIR sósíalistar halda opið
hús og stefnukynningu í aðsetri
sínu og Pathfinder bóksölunnar,
Klapparstíg 26, 2. hæð t.v. (fyrir
ofan Bíóbarinn) miðvikudaginn 1.
maí kl. 14.30. Ávarp, umræður og
hressingar verða á boðstólum.
Nemendasýning Dans-
smiðju Hermanns Ragnars
UPPSKERUHÁTÍÐ
Danssmiðju Hermanns
Ragnars verður haldin
á Hótel íslandi miðviku-
daginn 1. maí kl. 15.
Þetta er nemendasýn-
ing og lokahátíð allra
nemenda skólans og er
hluti af námskeiðunum.
Sýndir verða sam-
kvæmisdansar, kántrý-
dansar, barnadansar,
dansar úr jassleikskól-
anum, stepp, gamlir
dansar og rokk. Dansar-
ar eru á ölium aldri frá
3-60 ára. Þeirra á með-
al eru danspör úr hjóna-
hópum og kántrýdans-
arar.
Nemendur skólans
geta framvísað nem-
endaskírteini sínu við
innganginn en aðrir
gestir geta keypt miða
í skólanumeða í miða-
sölu Hótel Islands.
Miðaverð er 300 kr.
Morgunblaðið/Júlíus
Harður árekstur
TVEIR menn voru fluttir á sjúkrahús en reyndust minna meidd-
ir en óttast var í fyrstu eftir geysiharðan árekstur á mótum Lista-
brautar og Kringlumýrarbrautar síðdegis á sunnudag. Að sögn
lögreglu voru fimm manns í bílunum tveimur. í fyrstu var óttast
að um meiriháttar áverka væri að ræða en við rannsókn kom í
ljós að betur hafði farið en á horfðist. Við áreksturinn valt ann-
ar bíllinn, sem er jeppi, á toppinn, og lagðist saman.
Athuga-
semd
MORGUNBLAÐINU hefur borist
athugasemd frá Stúdentaráði Há-
skóla íslands vegna fréttaflutnings
blaðsins af skrásetningargjöldum
Háskóla íslands:
„I.frétt Morgunblaðsins sunnu-
daginn 28. apríl virðist gæta mis-
skilnings á umræðum um upphæð
og skiptingu skráningargjalda við
Háskóla íslands. Deilurnar á Al-
þingi snúast um heimild Háskóla-
ráðs til þess að fella ýmsa þjónustu-
þætti undir skrásetningargjald
nemenda. Háskólinn greip til þessa
úræðis árið 1992 þegar fjárveit-
ingavaldið stóð fyrir stórfelldum
niðurskurði á fjárframlögum til
hans. Fyrir ári gerði umboðsmaður
Alþingis athugasemdir við að
margir þessara þátta féllu ekki
undir kostnað við skráningu og um
það er nú deilt.
Deilurnar á Alþingi snúast ekki
um að háskólinn ráðstafi hluta af
sértekjum sínum til að tryggja
nauðsynlega starfsemi stúdenta í
háskólasamfélaginu, samkvæmt
samningi milli Háskólaráðs og
Stúdentaráðs. Þar er um að ræða
gjald sem er áratuga hefð fyrir og
alls ekki um að ræða félagsgjöld
til Stúdentaráðs eins og látið er að
liggja í fréttinni, enda kemur ekki
til greina að innheimta félagsgjöld
af stúdentum á meðan núverandi
meirihluti er við völd í Stúdenta-
ráði.
Rétt er að minna á ummæli
Björns Bjarnasonar menntamála-
ráðherra í umræðum á Alþingi þar
sem hann segir að öllum ákvæðum
félagafrelsis sé fylgt í frumvarpinu
sem liggur fyrir Alþingi.
Stúdentaráð HÍ var stofnað af
stúdentum í samvinnu við Háskóla-
ráð fyrir rúmuni 75 árum. Á þeim
tíma hefur SHÍ iifað sjálfstæðu lífi
í háskólasamfélaginu og sinnt
margvíslegu hlutverki í þágu stúd-
enta og háskólans alls.
Þeim tilmælum er beint tii blaða-
manna Morgunblaðsins að þeir
kynnti sér mál frá öllum hliðum
og fjalli hlutlægt um þau á ábyrgan
hátt.
Vilhjálmur H. Vilhjálmsson,
formaður Stúdentarráðs HÍ.“
Ur dagbók lögreglunnar
Sjö líkamsmeiðing’ar
26. - 28. apríl 1996
UM HELGINA þurfti að vista 27
manns í fangageymslunum vegna
ýmissa mála. Tilkynnt var um 7
líkamsmeiðingar, 16 innbrot, 11
þjófnaði og 19 eignaspjöll. Af-
skipti voru höfð af 31 vegna
ósæmilegrar ölvunarháttsemi -
allt fullorðið fólk. Tæplega sjötíu
ökumenn voru kærðir fyrir að aka
of hratt og níu ökumenn eru
grunaðir um ölvunarakstur. Til-
kynnt umferðaróhöpp eru 21, auk
tveggja umferðarslysa. Útköll
vegna hávaða og ónæðis voru 18
talsins og lögreglumenn voru 10
sinnum kallaðir út vegna heimil-
isófriðar. Þar af var ofbeldi beitt
í fjórum tilvikum.
Á föstudagsmorgun var til-
kynnt um innbrot í bifreið við
Trönuhóla. Úr henni var stolið
magnara auk þess sem töluverðar
skemmdir voru unnar á bifreið-
inni. Útvarpi og geislaspilara var
stolið úr bifreið við Háaleitis-
braut. Úr bifreið í Ásgarði var
stolið útvarpi og sjónvarpi. Ungur
maður var staðinn að því að stela
sér tveimur skrifbókum í bóka-
verslun við Laugaveg. Hann var
færður á lögreglustöðina þar sem
mál hans fékk viðhlítandi af-
greiðslu. Sömu sögu er að segja
af tveimur aðilum, sem staðnir
voru að hnuþli í tískuvöruverslun
við Laugaveg. Tvö börn voru flutt
á slysadeild með sjúkrabifreið
eftir árekstur tveggja bifreiða á
Höfðabakka skömmu eftir há-
degi. Síðdegis var silfurgráu
Wheeler 3800 reiðhjóli stolið frá
húsi við Skeiðarvog. Við árekstur
tveggja bifreiða á Gunnarsbraut
kastaðist önnur bifreiðin á tvær
aðrar þannig að skemmdir hlut-
ust af. Ungur drengur féll fram
af klettum í Elliðaárdal skammt
vestan við Höfðabakkabrúna.
Hann var fluttur mikið slasaður
með sjúkrabifreið á slysadeild.
Þá var barn flutt þangað með
sjúkrabifreið eftir að hafa fallið
á hnakkann í húsi við Laugarnes-
veg. Um kvöldið sýndi maður
ungri stúlku á sér kynfærin þar
sem hún var á ferð um Skafta-
hlíð. Manninum er lýst sem ung-
um, dökkhærðum, hávöxnum,
klæddan blágrænum jogginggalla
með bleikum eða fjólubláum rönd-
um. Hann fannst ekki þrátt fyrir
leit. Stúlkan hafði ekki aldur til
að vera ein utan dyra á þessum
tíma. Maður var fluttur á slysa-
deild eftir að hásin slitnaði við
íþróttaiðkun á Seltjarnarnesi.
Um nóttina var um eitt þúsund
manns í miðborginni þegar flest
var þar eftir lokun skemmtistað-
anna. Sex unglingar undir 16 ár
aldri voru fluttir á lögreglustöðina
þangað sem þeir voru sóttir af
foreldrum sínum. Engir slíkir
sáust á ferli i miðbænum á laug-
ardagsnóttina. Áfengi var hellt
niður hjá tveimur ungmennum,
sem ekki höfðu aldur til að hafa
áfengi um hönd.
Skömmu eftir miðnætti á
föstudag var tilkynnt um eld í
rafmagnstöflu í fjöleignarhúsi við
Eiðjstorg. Mikill reykur fyllti
stigaganga. Vísa þurfti gestum
vínveitingastaðar út eftir að
reyksins var vart. Skemmdir urðu
á töflunni og næsta nágrenni svo
og reykskemmdir á stigagöngum.
Maður var handtekinn aðfara-
nótt laugardags eftir að hafa
brotið rúðu í húsi við Höfðatún
og farið inn. Hann var færður í
fangageymslu og síðan til yfir-
heyrslu. Maður var fluttur á
slysadeild eftir að hafa orðið fyr-
ir meiðslum í Hafnarstræti. Úm
kl. 3 um nóttina var hliðartaska
með snyrtivörum hrifsuð af öxl
gangandi konu á Hverfisgötu. Sá
sem það gerði var farþegi í grárri
Mazda 626 fólksbifreið. Hann er
ófundinn. Hér er um líka aðferð
að ræða og þekkist víða erlendis
og sjá hefur mátt í kvikmyndum.
Maður var sleginn í andlitið í
Austurstræti. Vitað er hverjir
voru þar að verki. Þá var maður
fluttur á slysadeild eftir að spark-
að var í andlit hans á Lauga-
vegi. Undir morgun var ökumað-
ur mældur á tæplega 130 km
hraða á Suðurlandsvegi. Hann
var færður á lögreglustöðina
grunaður um ölvunarakstur.
Á laugardagsmorgun var mað-
ur handtekinn, grunaður um inn-
brot og þjófnað á peningum.
Hann var vistaður í fanga-
geymslu. Brotist var inn í bifreið
í Frostaskjóli og úr henni stolið
útvarpi og geislaspilara. Reið-
hjóli, Moongoose, svart að lit með
grænum víralás, var stolið frá
húsi við Kvisthaga. Unglingur
stal einni lengju af vindlingum í
verslun í Hverafold. Hann var
færður á lögreglustöð og sóttur
af foreldrum. Tilkynnt var um
innbrot í herbergi í Maríubakka.
Um kvöldið barði kona mann í
höfuðið með inatardisk á veit-
ingastað við Laugaveg. Maðurinn
var fluttur á slysadeild.
Aðfaranótt sunnudags féll
maður niður stiga á veitingahúsi
í Vesturbænum. Hann fékk skurð
á höfuðið og var fluttur með
sjúkrabifreið á slysadeild. Stúlka
var flutt á slysadeild eftir líkams-
meiðingu á Lækjartorgi. Gerand-
inn var fluttur á lögreglustöð. Á
sunnudag var tilkynnt um innbrot
í bifreiðar við Beijarima, Vatna-
sel og Skeiðarvog. Tveir ökumenn
voru fluttir á slysadeild eftir harð-
an árekstur á gatnamótum
Kringlunnar og Listabrautar. Um
minniháttar meiðsl var um að
ræða. Drengur féll úr rennibraut
í Fjölskyldugarðinum í Laugar-
dal. Faðir drengsins fór með hann
á slysadeild. Fjólubláu Wheeler
drengjareiðhjóli var stolið frá
húsi við Skeiðarvog. Aðfaranótt
mánudags safnaðist hópur fólks
saman í Garðastræti með há-
reysti og læti. Lögreglumenn
dreifðu hópnum. Einn var hand-
tekinn er hann reyndi að losa sig
við meint fíkniefni. Um nóttina
var brotist inn í bifreið við Esju-
grund og úr henni stolið geisla-
spilara.
I Dagbókinni fyrir yiku var
þeim skilaboðum komið til
grunnskólayfirvalda að huga
sérstaklega að 30. apríl nk. For-
eldrar eru og hvattir til að verða
við áskorun foreldrafélaga og
fræðsluyfirvalda um að sinna nú
börnum sínum sérstaklega í dag
og í kvöld og gæta þess að ekk-
ert það kunni að gerast í þeirra
hópi sern ekki verður aftur tekið.