Morgunblaðið - 12.10.1996, Blaðsíða 2

2 LAUGARDAGUR 12. OKTÓBER 1996
MORGUNBLAÐIÐ
FRETTIR
Úthlutun á tollkvótum vegna kjötinnflutnings
Leyft að flytja inn strúta
kjöt og hreindýrakjöt
LANDBÚNAÐARRÁÐUNEYTIÐ hefur aug-
lýst eftir umsóknum um tollkvóta vegna inn-
flutnings á svínakjöti, alifuglakjöti, hreindýra-
kjöti og strútakjöti, en að sögn Guðmundar
Bjarnasonar landbúnaðarráðherra var ákveðið
að heimila innflutning á strútakjöti vegna þess
áhuga sem vaknað hefur á strútaeldi hér á landi.
Tollkvótamir miðast við tímabilið til 30. júní
næstkomandi og verður kvótinn á svínakjöti
samtals 43,2 tonn. Sú breyting verður frá því
sem verið hefur að auk innflutnings á frystu
svínakjöti verður heimilað að flytja inn saltað,
þurrkað og reykt svínakjöt. Tollkvótar á ali-
fuglakjöti verða samtals 40,6 tonn. Auk kjúkl-
ingakjöts og kalkúnakjöts verður nú leyfður
innflutningur á öndum, gæsum og perluhænsn-
um.
Heimilt verður að flytja inn samtals fjögur
tonn af hreindýrakjöti og strútakjöti. Guðmund-
ur Bjamason segir að vegna þess hve dregið
hafi úr þeim hreindýrafjölda sem felldur er
hafi verið ákveðið að heimila innflutning á
hreindýrakjöti frá Grænlandi, en í fyrra voru
flutt inn þaðan tvö tonn.
Kanna viðtökur strútakjöts
á íslenskum markaði
„Síðast en ekki síst þá er nú heimilað að
flytja inn strútakjöt, og það er vegna þess að
hér hefur verið ákveðinn áhugi á því að skoða
eldi strúta hér á landi, en við höfum verið mjög
varkárir í því máli og viljað skoða það ítar-
lega,“ sagði Guðmundur. „Það gæti kannski
verið áhugavert fyrir þá sem vilja skoða þetta
nánar að vita hvemig þessu kjöti er tekið á
íslenskum markaði, og það er í og með þess
vegna sem við opnum fyrir það.“
Frestur til að sækja um tollkvótana er til
föstudagsins 18. október næstkomandi, og ef
umsóknir berast um meira magn en heimilt
verður að flytja inn verður leitað tilboða í kvót-
ann. Innflutningurinn er sem fyrr bundinn við
að kjötið komi frá Finnlandi, Noregi eða Sví-
þjóð, en eins og áður segir kemur hreindýrakjöt-
ið frá Grænlandi.
Trygffingamiðstöðin
endurgreiðir til sam-
ræmis við lækkanir
Öll íelög-ÍM
hafa til-
kynntum
lækkun
TRYGGING hf. tilkynnti í gær um
lækkun á iðgjöldum bílatrygginga
til samræmis við þær lækkanir
sem orðið hafa í kjölfar þess að
sala á FÍB-tryggingu hófst í lok
síðasta mánaðar. Hjá Tryggingu
verður hámarksbónus nú 75% í
stað 70% áður og er iðgjaldalækk-
unin á bilinu 20-30% og er miðað
við gjalddaga 1. október. Svipaða
sögu er að segja hjá Skandia hf.
sem hefur einnig tekið upp 75%
hámarksbónus, en hjá Skandia er
miðað við gjalddaga 1. september
sl.
Tryggingamiðstöðin hf. tilkynn-
ir iðgjaldalækkanir bílatrygginga
eftir helgina, en að sögn Gunnars
Felixsonar, forstjóra félagsins,
tekur lækkunin gildi 1. nóvember
nk. og verður hún í samræmi við
þær lækkanir sem orðið hafa hjá
hinum tryggingafélögunum.
Tryggingamiðstöðin mun eitt
tryggingafélaganna endurgreiða
tryggingariðgjöld til samræmis við
þær lækkamr sem orðið hafa, en
hjá Sjóvá-Almennum verður metin
í hveiju tilviki endurgreiðsla til
þeirra sem greiddu iðgjaldið frá
1. september þar til lækkunin tók
gildi í lok september. Fastur gjaid-
dagi á bílatryggingum hjá Trygg-
ingamiðstöðinni er 1. september
og 1. mars, og fá þeir sem greiddu
trygginguna 1. september síðastlið-
inn endurgreiðslu senda með ávís-
un eða færða á greiðslukort hafí
verið greitt með því.
Haust-
verkin í
skóginum
Morgunblaðið/Kristinn
Myndbönd tilræð-
ismanns Bjarkar
Reyntað
hindra
birtingu
FJÖLSKYLDA Ricardos Lopez, tíl-
ræðismanns Bjarkar Guðmundsdótt-
ur tónlistarmanns, reyndi að koma
í veg fyrir að myndbönd, sem Lopez
gerði, yrðu sýnd fjölmiðlum, en hafði
ekki erindi sem erfíði.
Fjölskyldan kveðst hafa einkarétt
á birtingu efnisins, sem Lopez tók
upp síðustu níu mánuði ævi sinnar.
Þar sést hann meðal annars búa til
sýrusprengjuna, sem hann sendi
Björk, og fremja sjálfsmorð.
I frétt dagblaðsins Miarri Herald
í gær kemur fram að blaðinu hafí
borist bréf frá óþekktu fyrirtæki,
Suntime Entertainment, 4. október
þess efnis að höfundarréttur tæki
til myndbanda Lopez.
Notkun án leyfis bönnuð
Sagði þar að notkun myndband-
anna án leyfis Walters McGivneys,
fulltrúa fjölskyldunnar, væri bönnuð.
Sagði McGivney í viðtali við blaðið
að birtingarréttur væri á myndbönd-
unum vegna þess að þau væru eign
fjölskyldunnar. Nóg hafí verið gert
á hlut fjölskyldunnar, sorg hennar
sé næg.
Fulltrúar fjölda fjölmiðla voru við-
staddir þegar lögreglan í bænum
Hollywood í Flórída sýndi valin atr-
iði af 11 spólum, sem Lopez tók
upp. Þar voru dagblöð og sjónvarps-
stöðvar frá Flórída, en einnig sjón-
varpsmenn frá ýmsum þáttum, sem
fjalla um mál af þessu tagi, þar á
meðal „Inside Edition".
Fjölmiðlar fengu ekki spólu með
þessum atriðum, en máttu hafa
myndavélar í sýningarherberginu.
Ein sjónvarpsstöð sýndi upptöku af
sjónvarpsskjá, þar sem Lopez sást
undirbúa sjálfsmorðið, en hún var
klippt þegar hann setti skammbyssu
upp í sig. Engin viðbrögð höfðu í
gær borist við því að þetta var sýnt.
Samkvæmt upplýsingum Morgun-
blaðsins tók lögreglan afrit af mynd-
böndunum og fékk þau því næst fjöl-
skyldunni.
Lögreglan í Hollywood sagði að
hún ætti samkvæmt lögum að veita
aðgang að myndböndunum með ein-
hveijum hætti þar sem rannsókn
málsins telst lokið.
MEÐAL haustverka í skóginum er
grisjun og vinnsla afurðanna.
Starfsmenn Skógræktar ríkisins í
Hallormsstaðarskógi voru að saga
arinvið úr birkihríslum, sem þeir
höfðu grisjað, og pakka fyrir mark-
að á höfuðborgarsvæðinu þegar
blaðamenn áttu þar leið um í vik-
unni. Á öðrum stað var verið að
saga lerkiboli en lerkiborð og
-plankar fara einnig á markað víða
um land.
Von á áhrifamönnum
úr orkugeira Rússlands
VON er á sjö áhrifamönnum úr orku
geira Rússlands hingað til lands í
dag, bæði forráðamönnum orkufyrir-
tækja og hagsmunasamtaka, til að
kynna sér orkumál. Hópurinn kemur
fyrir milligöngu íslenska sendiráðsins
í Moskvu.
Hópurinn mun m.a. leggja leið sína
til Nesjavalla og Svartsengis ásamt
því að skoða frárennslisstöð Reykja-
víkurborgar. Þá munu Rússamir m.a.
hitta að máli fulltrúa Landsvirkjunar,
Háskóla íslands, Hitaveitu Reykjavík-
ur og iðnaðarráðuneytisins.
María E. Ingvadóttir, viðskipta-
fulltrúi í íslenska sendiráðinu í
Moskvu, hefur haft vég og vanda
af heimsókn Rússanna. Hún sagði í
samtali við Morgunblaðið að mörg
stór verkefni væru framundan í orku-
málum í Rússlandi. Áhugi hópsins
beindist að því hvernig Islendingar
hefðu nýtt sér náttúruauðlindir til
framleiðslu umhverfísvænnar orku,
og þá hefðu Rússarnir áhuga á
hvernig frárennslismálum og sorp-
eyðingu væri háttað.
Þrír piltar dæmdir
I
i
I
fyrir fjölda brota
ÞRÍR piltar voru í gær dæmdir í
12, 9 og 5 mánaða fangelsi í Hér-
aðsdómi Vesturlands. Refsing
þeirra er ýmist skilorðsbundin að
hluta eða öllu leyti. Einn mann-
anna var m.a. dæmdur fyrir að
ráðast á hina tvo.
Sá yngsti 17 ára gamall
Yngstur hinna dæmdu er 17 ára
piltur, sem var ákærður fyrir
glæfralegan framúrakstur í Borg-
arnesi, sem endaði með því að
hann ók á bifreið svo að sjö ung
menni slösuðust. Þá ók hann ölv
aður í annað skipti. Hann var einn
ig ákærður fyrir líkamsárás og
brot á lögum um skotvopn, fyrir
að hafa ógnað piltum með riffli
og slegið þá með riffilskeftinu.
Átján ára piltur var ákærður
fyrir að hafa komið riffli þess
yngsta undan og tálmað þannig
rannsókn brotsins. Þá var hann
ákærður fyrir líkamsárás, en hann
sló og sparkaði í mann. í það skipti
og
var hann í félagi við þann elsta,
sem er 21 árs. Sá 17 ára var
ákærður fyrir að hafa hvatt hina
tvo til árásarinnar.
Piltarnir þrír voru allir ákærðir
fyrir frelsissviptingu og líkams-
árás, með því að færa pilt nauðug-
an inn í bifreið, aka með hann í
malargryfju undir Hafnarfjalli,
færa hann úr fötum að ofan,
hrinda honum, sparka í hann,
berja og úða málningu á hár hans
og föt.
Sá elsti var að auki ákærður
fyrir skemmdir á bíl, sem hann
braut rúðu í og spegil af, auk ölv-
unaraksturs og fyrir kjaftshögg
og spörk í mann.
Vináttan dofnaði
Sá yngsti piltanna hlaut 12
mánaða fangelsi, en þar sem hann
hefur ekki áður sætt refsingu eru
9 mánuðir skilorðsbundnir til
þriggja ára. Hann var einnig svipt-
ur ökuréttindum í fjögur ár, auk
þess sem riffillinn var gerður upp-
tækur.
Tuttugu og eins árs maðurinn
var dæmdur í 9 mánaða fangelsi,
þar af eru 6 skilorðsbundnir. Að
auki var liann sviptur ökuréttind-
um í 6 mánuði. 18 ára pilturinn
var dæmdur í 5 mánaða fangelsi,
en refsing hans er skilorðsbundin
að fullu.
i
I
I
:
120 þúsund krónur í
skaðabætur
sá
Eitthvað virðist hafa fölnað vin
skapur piltanna þriggja, því
yngsti þeirra var jafnframt ákærð
ur fyrir líkamsárásir á hina tvo á
þessu ári, svo þeir nefbrotnuðu
báðir, auk ýmissa annarra meiðsla.
Öllum var þeim gert að greiða
manninum, sem þeir héldu
nauðugum, samtals 120 þúsund
krónur í skaðabætur. Þá var þeim
18 ára og þeim 21 árs gert að
greiða manni, sem þeir réðust í
félagi á, samtals 28.815 krónur.