Morgunblaðið - 12.10.1996, Blaðsíða 13

MORGUNBLAÐIÐ
LAUGARDAGUR 12. OKTÓBER 1996 13
LANDSFUIMDUR SJÁLFSTÆÐISFLOKKSINS
Morgunblaðið/Sverrir
ÁHUGI landsfundarfulltrúa á
dagskrárliðnum „Jafnrétti í
reynd“ á Landsfundi í gær var
mikill, jafnt meðal kvenna sem
karla. Áð framsðguerindum
loknum urðu líflegar umræður,
þar sem m.a. kom fram að 40%
Jafnrétti
í reynd
stuðningsmanna Sjálfstæðis-
flokksins eru konur, og bent
var á að þess hlutfalls gætti
ekki í flokksstarfinu. Gera yrði
konurnar sýnilegri og treysta
þeim fyrir fleiri ábyrgðarstöð-
um.
. . . skynsamlegt að auka
svigrúm fyrirtækja til frá-
dráttar frá skatti. . .
. . . grundvöllur fyrir sam-
einingu um að setja feðra-
fæðingarorlof í lög . . .
. . . á von á því að póstþjón-
usta verði í vaxandi mæli
boðin út um áramótin .. .
Umræða um jafnrétti í reynd á
landsfundi Sjálfstæðisflokksins
Þörf á breyttum
viðhorfum í
þjóðfélaginu
GEIR H. Haarde formaður þing-
flokks Sjálfstæðisflokksins kvaðst
í framsöguræðu sinni á landsfundi
flokksins í gær, telja líklegt að
jafnrétti kynja væri betur tryggt
í lögum en í samfélaginu.
í þeirri staðreynd sé fólgin skýr-
ing á að „mæður með lítil börn
eigi oft erfiðara með að fá vinnu
en feður sömu barna,“ og að
„vinnuveitendur semji við hærra
hlutfall karla en kvenna um ein-
staklingsbundin hlunnindi utan
kjarasamninga," sagði Geir.
Fjölskyldustefna í bígerð
Hann nefndi ýmis atriði önnur
sem mætti rekja til sömu for-
sendna, svo sem að konur hætti
oftar í námi en karlar til að vinna
fyrir maka sínum sem stundi einn-
ig nám og að körlum væri oft í
nöp við að ráða sig í svo kölluð
hefðbundin kvennastörf.
Hann kvað úrbætur ekki felast
í nýrri löggjöf um jafnréttismál
eða embætti umboðsmanns jafn-
réttismála sem lagt hefur verið til
á Alþingi að verði skipaður, heldur
viðhorfsbreytingu í þjóðfélaginu
öllu, jafnt í atvinnulífi, skólakerfi,
dómstólum, stjórnmálaflokkum og
á heimilum. Hluti af slíkri breyt-
ingu væri að koma á skipulagðri
fjölskyldustefnu, og væri ríkis-
stjórnin með slíka stefnu í bígerð.
Óásættanlegt hlutfall kvenna
í nefndum og ráðum
Birna Friðriksdóttir formaður
Landssambands sjálfstæðiskvenna
kvað slíka hugarfarsbreytingu
vera í fæðingu en gera verði átak
til koma henni á koppinn. Launa-
munur kynja sé hins vegar áþreif-
anleg staðreynd og óásættanlegt
hlutfall kvenna í nefndum og ráð-
um á vegum hins opinbera.
„Óánægja hjá stórum hópi fólks
með stöðu kvenna er staðreynd
og hún varð sérlega áberandi eftir
myndun þeirrar ríkisstjórnar sem
nú _situr,“ sagði Birna.
Árni Sigfússon oddviti Sjálf-
stæðisfiokks í borgarstjórn lagði
áherslu á mikilvægi fjölskyldunnar
í ræðu sinni. Verði ekki snúist til
varnar, muni fjölskyldumúrarnir
endanlega bresta, en nú þegar séu
komnar stórar glufur í þessa múra.
Elsa B. Valsdóttir formaður
Heimdallar kvað jafnréttisbaráttu
vera rekna út frá því sjónarmiði
að konur séu fórnarlömb. Þarna
sé um reginmisskilning að ræða,
auk þess sem baráttan á þessu
sviði sé háð að mestu í nefndum
og ráðum á vegum hins opinbera.
Færa verði hana aftur til fólksins
og hins fijálsa markaðar.
Niðurlægjandi
aðferðir
Meðul á borð við jákvæða mis-
munun á vinnumarkaði séu niður-
lægjandi og sama máli gegni um
ýmsar aðrar aðferðir sem miða að
sömu niðurstöðu. „Sanngjörn
launamyndun fer aldrei fram með
handafli,“ sagði Elsa.
í umræðum eftir framsöguræð-
ur minnti Sigrún Gísladóttir á að
40% stuðningsmanna Sjálfstæðis-
flokksins séu konur, en þessa hlut-
falls gæti ekki í flokksstarfinu.
Gera verði konurnar sýnilegri og
treysta þeim fyrir fleiri ábyrgðar-
stöðum, að öðrum kosti kvaðst hún
óttast um kjörfylgi fiokksins.
Ráðherrar Sjálfstæðisflokksins sátu fyrir svörum hjá landsfundarfulltrúum
Kosningalöggjöfinni
breytt á kjörtímabilinu
RÁÐHERRAR Sjálfstæðisflokksins
sátu fyrir svörum hjá landsfundar-
fulltrúum í gærmorgun og voru ráð-
herrar spurðir um margvísleg mál-
efni. Fíkniefnavandi meðal unglinga
var landsfundarfulltrúum ofarlega í
huga og bárust fjölmargar fyrir-
spurnir til ráðherra um forvarnir og
meðferð vegna fíkniefnaneyslu.
Davíð Oddsson forsætisráðherra
sagði m.a. að sér hefði brugðið mjög
við fréttir af því að álitið væri að
200 ungmenni væru alvarlega háð
fíkniefnum í Reykjavík. Fjölmargir
aðilar sinntu forvarnarstarfi sem
þyrfti að samræma betur. Einnig
kom fram í svari hans við fyrirspurn
um hvort opna ætti meðferðarheim-
ili fyrir 13-18 ára vímuefnaneytend-
ur að þetta mál yrði tekið til ítarlegr-
ar athugunar.
Þorsteinn Pálsson dómsmálaráð-
herra sagði að unnið væri að öflun
upplýsinga um hversu miklu fé ráðu-
neytin verðu til forvarnastarfs og í
undirbúningi væri almenn stefnu-
mörkun á þessu sviði. Að mati Björns
Bjarnasonar menntamálaráðherra
þarf að huga að því að koma á jafn-
ingjafræðslu í grunnskólum líkt og
í framhaldsskólunum. Sagði hann
að virkja þyrfti kennara og nemend-
ur enn betur í forvarnastarfinu en
jafnframt þyrfti að gera harðari ráð-
stafanir innan veggja skólanna til
að sporna við þessum vágesti.
Skiptar skoðanir um
alnetsþjónustu P&S
I svari við fyrirspurn um hvort
eðlilegt væri að Póstur og sími stæði
í samkeppni um alnetsþjónustu við
um 20 einkasöluaðila sagðist Björn
Bjarnason telja óeðliiegt að Póstur
og sími færi inn á þetta svið. „Eg
tel að röskun Pósts og síma á þess-
um markaði kunni að spilla framtaki
einkaaðila og sé þess vegna ekki tii
góðs,“ sagði hann.
Halldór Blöndal samgönguráð-
herra sagði að gengið hafi verið frá
fullum aðskilnaði á fjárreiðum einka-
réttarsviðs og samkeppnissviðs
Pósts og síma áður en fyrirtækið fór
að veita alnetsþjónustu. Kopiið hafi
fram að ýmis fyrirtæki hér á landi
hefðu ekki getað sótt þessa þjónustu
til íslenskra aðila og því hafi það
staðið þróun í fjarskiptum og upplýs-
ingaþjónustu fyrir þrifum að Póstur
og sími hóf ekki fyrr að veita alnets-
þjónustu. Þá benti Halldór á að þörf
væri fyrir aðila með sterka eiginfjár-
stöðu til þess að menn gætu stundað
alþjóðleg viðskipti.
I svari við annarri fyrirspurn sagði
Halldór að við breytingu Pósts og
síma í hlutafélag um áramót yrði
m.a. farið yfir rekstrarafkomu póst-
þjónustunnar. Tap á þeirri þjónustu
næmi mörg hundruð milljónum kr.
„Ég á von á því að póstþjónusta
verði í vaxandi mæli boðin út nú um
áramótin," sagði hann.
Auknar skattaívilnanir vegna
stuðnings við menningu
Ráðherrar voru spurðir hvort
ástæða væri til að auka skattaíviln-
anir vegna framlaga til menningar-
mála. Friðrik Sophusson fjármála-
ráðherra sagðist vera tilbúinn að
kanna kosti þess. Björn Bjarnason
sagðist telja skynsamlegt að auka
svigrúm fyrirtækja til frádráttar frá
skatti vegna stuðnings við menningu
og listir. Það væri í samræmi við
stefnu Sjálfstæðisflokksins að draga
úr opinberum afskiptum, auka ein-
staklingsfrelsi á þessu sviði og
minnka vald úthlutunarnefnda sem
störfuðu á vegum hins opinbera.
Davíð Oddsson sagði, er hann var
spurður um breytingar á kosninga-
löggjöfinni, að ekki léki vafi á því
að gerðar yrðu breytingar á kjör-
tímabilinu. „Fyrir tveimur eða þrem-
ur vikum voru þessi mál tekin sér-
staklega fyrir í ríkisstjórninni og
lagðar línur um með hvaða hætti
vinnubrögðum yrði hagað í sam-
starfi flokkanna um þetta mál. Ég
tel engan vafa á að þarna verði
breytingar í þá átt sem fiokkurinn
hefur ályktað um,“ sagði forsætis-
ráðherra.
Okkur ber að leita lags til að
lækka skatta
Félag sjálfstæðismanna í Grafar-
vogi beindi þeirri spurningu til for-
sætisráðherra hvort væri 100%
tryggt að staðið yrði við niðurfell-
ingu hátekjuskatts um næstu ára-
mót og var jafnframt bent á að álykt-
un seinasta landsfundar um þetta
mál hefði verið að engu höfð. „Það
er næstum því 100 prósent ótryggt
að staðið verði við niðurfellingu há-
tekjuskatts um næstu áramót. Gert
er ráð fyrir honum í fjárlagafrum-
varpinu," sagði Davið. Hann sagði
að sjálfstæðismenn hefðu samþykkt
í ríkisstjórnarsamstarfi með Alþýðu-
flokknum á sínum tíma, að koma á
hátekjuskatti til tveggja ára. „Þving-
aðir til þess að vísu til þess að ná
samkomulagi um önnur mál,“ sagði
Davíð. Hann sagði að stefna ætti
að því að leggja skattinn niður en
nú væri unnið að því að reka ríkis-
sjóð án halla. „Við teljum hallalausan
ríkisrekstur aðeins fyrsta skref að
skattalækkun. Við teljum að ef ekk-
ert óvænt gerist í efnahagsmálum á
þessu kjörtímabili beri okkur að leita
lags til að lækka skatta, jaðarskatta
sérstaklega og síðan almennt að
lækka skatta," sagði Davíð.
Frumvarp væntanlegt um
fæðingarorlof feðra
Fram kom í máli fjármálaráðherra
við fyrirspurn um breytingar á fæð-
ingarorlofi að nefnd á vegum heil-
brigðisráðherra ynni nú að tillögum
um það mál. Friðrik sagði hins veg-
ar að erfiðlega hefði gengið að ná
samstöðu í nefndinni, m.a. vegna
þess að fulltrúar verkalýðshreyfing-
arinnar í nefndinni hefðu sameinast
um sjónarmið, sem erfitt væri að
framfylgja. „Mér sýnist eftir viðtöl
við menn í nefndinni að það geti
skapast grundvöllur fyrir samein-
ingu um að setja feðrafæðingarorlof
í lög og ég á von á því að slíkt frum-
varp geti séð dagsins ljós á yfir-
standandi þingi,“ sagði hann.
Aðspurður hvort til stæði að
hækka sjálfræðisaldur úr 16 árum
í 18 ár sagðist Þorsteinn Pálsson
ekki hafa sannfærst um að rétt
væri að gera þá lagabreytingu. Benti
hann á að nefnd ynni nú að endur-
skoðun lögræðislaga en tillögur
hennar lægju ekki fyrir.