Morgunblaðið - 26.10.1996, Blaðsíða 12

12 LAUGARDAGUR 26. OKTÓBER 1996
AKUREYRI
MORGUNBLAÐIÐ
Ráðstefna um rekstur og framkvæmdir sveitarfélaga
Dalvík sparar 4-5
millj. með útboðum
FJÁRHAGSLEGUR spamaður Dal-
víkurbæjar við það að leggja að mestu
niður starfsemi áhaldahúss bæjarins
en bjóða þess í stað út verk eða semja
við verktaka um einstaka þjónustu-
þætti nemur um 4-5 milljónum króna
á ári. Þetta kom fram í erindi Svein-
bjöms Steingrímssonar bæjartækni-
fræðings á Dalvík á ráðstefnu um
rekstur og framkvæmdir sveitarfé-
laga sem haldin var á Akureyri í gær.
Fleiri geta veitt góða þjónustu
Rúm tvö ár eru frá því breytingin
var gerð og hafa ekki komið fram
óskir um að hverfa til fyrra horfs.
Nú hefur áhaldahús bæjarins yfir að
ráða tveimur bílum auk ýmissa hand-
verkfæra, en önnur tæki hafa verið
seld. Áhaldahúsið sjálft var selt og
minna og hentugra húsnæði keypt
og þannig losað um fj'ármagn.
„Mannskap á launaskrá hefur fækk-
að, bærinn þarf ekki að endumýja
tæki og fyigjast með í þeirri þróun,
öðrum er látið það eftir og auðveld-
ara er fyrir bæinn að gera kröfur til
tækja og búnaðar," sagði Sveinbjörn,
en jafnframt séu meiri kröfur gerðar
til tæknideildar bæjarins um að betri
gögn og eftirlit með verktökum sé
betra og markvissara. Almenningi
væri að skiljast að ýmsir aðrir en
Dalvíkurbær geti veitt góða eða betri
þjónustu og mjög færi vaxandi að
ýmsir aðilar væru að bjóða þjónustu
sem sveitarfélögin önnuðust áður
sjálf, s.s. götusópun, holræsahreins-
un, götumálningu og fleira.
Verktökum leigð bílastæðahús
Benóný Ólafsson framkvæmda-
stjóri Gámaþjónustunnar nefndi
nokkur dæmi þar sem verktaka á
þjónustu sveitarfélaga gæti hentað,
m.a. snjómokstur, umhverfíshreins-
un, skrúðgarðyrkja og bílastæðahús.
„Oft er talað um lélega nýtingu á
bílastæðahúsum í Reykjavík og þá
um leið að þau skili litlum tekjum.
Vel má hugsa sér að bjóða verktaka
slíkt hús á leigu gegn gjaldi sem
gjarnan mætti tengjast veltu. Verk-
takinn myndi síðan útvega sér fasta
viðskiptavini meðal einstaklinga og
fyrirtækja. Verktakinn myndi síðan
geta boðið meiri þjónustu, t.d. að
bíllinn yrði þveginn einu sinni í viku,
bónaður einu sinni í mánuði og margt
fleira," sagði Benóný.
Vonaði hann að í framtíðinni yrði
það reglan að þjónustustarfsemi yrði
boðin út. Hins vegar þyrfti að stór-
bæta viðskiptasiðferði, m.a. koma í
veg fyrir „kennitöluhopp". „Með
bættu viðskiptasiðferði er hægt að
ná fram ómældum sparnaði fyrir
sveitarfélög, fyrirtæki, einstaklinga
og þjóðfélagið í heild.“ Skilyrði
sumra sveitarfélaga um að eingöngu
heimamenn fái að bjóða í verk sagði
hann hefta alla framþróun, þetta
væri þröngsýnn hugsunarháttur sem
væri hættulegur og skapaði ein-
göngu ríg og óvild milli byggða.
Kjallari Giljaskóla
Þrjú tilboð
í bygging-
una
ÞRJÚ tilboð bárust í byggingu
kjallara Giljaskóla á Akureyri,
en þau voru opnuð í gær. Tvö
tilboðanna voru yfir áætluðum
kostnaði Akureyrarbæjar.
Tilboðin voru frá Hyrnu
ehf., sem bauð 13.963.372 kr.
í verkið sem er 107,4% af
áætluðum kostnaði, SS-Byggi,
sem bauð 12.514.904 kr. eða
96,2% af kostnaðaráætlun, og
frá Spretti ehf., sem bauð
14.150.000 kr. eða 108,8% af
kostnaðaráætlun, en hún
hljóðaði upp á 13 milljónir
króna.
Fyrsta skóflustunga að
skólanum var tekin um miðjan
september síðastliðinn og er
nú verið að vinna við jarðvegs-
skipti á svæðinu.
Samhjálp
kvenna
KRISTBJÖRG Þórhallsdóttir
kynnir samtökin Samhjálp
kvenna á íslandi og starfsemi
hliðstæðra samtaka víða um
heim á fundi í Samhjálp, fé-
lagsskap kvenna sem fengið
hafa krabbamein í bijóst.
Fundurinn verður haldinn
næstkomandi mánudagskvöld,
28. október, og stendur frá
kl. 20 til 22. Hann verður hald-
inn í húsnæði Krabbameinsfé-
lags Akureyrar og nágrennis
að Glerárgötu 24, 2. hæð.
Einnig verður kynning á
nýjustu vörunum frá Stoð hf.,
Össuri hf. og Elínu Finnboga-
dóttur.
Elsa tekur við
af Gísla hjá
Framsókn
ELSA B. Friðfinnsdóttir var
nýlega kjörinn formaður
Framsóknarfélags Akureyrar.
Hún er hjúkrunarfræðingur að
mennt og starfar sem lektor
við heilbrigðisdeild Háskólans
á Akureyri.
Elsa tekur við formennsk-
unni af Gísla Kristni Lórenz-
syni sem verið hefur formaður
félagsins síðustu ár.
Fulltrúar ferðaþjónustuaðila á faraldsfæti
Eyj afj arðarsvæðið
kynnt erlendis
GUÐMUNDUR Birgir Heiðarsson,
forstöðumaður Upplýsingamið-
stöðvarinnar á Akureyri, og Árni
Steinar Jóhannsson, umhverfisstjóri
bæjarins, sem á sæti í stjórn mið-
stöðvarinnar, voru nýlega á ferð um
Noreg, Þýskaland og Ítalíu, auk
þess sem þeir komu við í Dan-
mörku. Tilgangurinn var að kynna
hvað aðilar í ferðaþjónustu í Eyja-
firði hafa upp á að bjóða yfir sum-
ar- og vetrartímann. Guðmundur
Birgir segir að þeir félagar hafi
rætt við ferðamálafulltrúa, ferða-
heildsala og starfsfólk Flugleiða í
löndunum, um möguleika á að selja
ferðir til Eyjafjarðar.
„Við fengum mjög góðar undir-
tektir og komum með mikið af upp-
lýsingum úr ferðinni sem við þurfum
að fara betur yfir hér heima. Heim-
sókn til íslands um áramót er með-
al þess sem menn hafa áhuga á.
Við höfum aðallega verið með kynn-
ingu á þeim ferðum í Frakkalandi
og eru þegar farnar að berast pant-
anir í slíka ferð um næstu áramót.
Einnig virðist áhugi á Ítalíu og
Þýskalandi."
Þeir félagar dreifðu nýútkomnu
riti um ferðaþjónustu í Eyjafirði í
ferðinni og segir Guðmundur Birgir
að með áframhaldandi góðri sam-
vinnu við ferðaskrifstofur og Flug-
leiðir, séu frekari sóknarmöguleikar
mjög góðir. Viðræður hafa farið fram
við Flugleiðir um möguleika á beinu
flugi erlendis frá til Akureyrar yfir
sumartímann og rætt um Hamborg
í Þýskalandi í því sambandi.
„Ég á ekki von á því að af beinu
flugi verði næsta sumar, þar sem
tími til undirbúnings er of skamm-
ur. Við munum vinna áfram að því
verkefni og vonumst til að hægt
verði að hefja beint flug hingað
sumarið 1998. Þá hafa Flugleiðir
lýst yfir vilja til að kanna möguleika
á frekari lækkun innanlandsfar-
gjalda í pakkasamningum og það
er ekki síður mikilvægt fyrir okkur.“
Japanir sýna áhuga
Fulltrúar japanskra ferðaskrif-
stofa voru á ferð á Akureyri í vik-
unni, ásamt fulltrúum Ferðamála-
ráðs og sagði Guðmundur Birgir að
þeir hafi sýnt Eyjafjarðarsvæðinu
mikinn áhuga. „Markaðurinn í Jap-
an er allt öðruvísi og það er mjög
mikilvægt að ná tengslum þangað.
Þeir eru að vinna mikið í vetrarferð-
um og nú þegar eru komnar fyrir-
spurnir um tvær ævintýraferðir til
Eyjafjarðar í vetur með japanska
ferðamenn.“
SIGÞÓRA við trönurnar, en hún var að mála karl. Morgunbiaðið/Kristján
VERUM saman, leikum saman
var yfirskrift þemaviku sem stað-
ið hefur yfir í Lundarskóla á
Akureyri en þá var vikið frá hefð-
bundinni stundaskrá og unnu
börnin og kennarar þeirra að
margvíslegum verkefnum. Hörð-
ur Ólafsson skólastjóri sagði að
vel hefði tekisttil, en tilgangur-
inn væri m.a. að auka og efla
samstarf meðal nemenda skólans.
Foreldrar komu í skólann í gær
og tóku þátt í starfinu með börn-
unum.
Tölvuskrán-
ing útlána
TÖLVUSKRÁNING útlána á
Amtsbókasafninu á Akureyri
hófst í vikunni, en unnið hefur
verið að tölvuvæðingu safnsins í
3-4 ár. „Þetta er stór áfangi fyrir
okkur, við höfum unnið svo lengi
að því að ná honum,“ sagði Hólm-
kell Hreinsson amtsbókavörður.
Fram til þessa hefur verið not-
ast við fótstigna myndavél, sem
tók myndir af skírteinum bóka-
safnsgesta og bókinni sem þeir
fengu að láni. Hún fer nú á eins
konar eftirlaun, eins og amts-
bókavörður orðar það, en henni
verður komið fyrir á Minjasafninu
á Akureyri. Vélin þótti mikil nýj-
ung fyrir um þijátíu árum þegar
safnið var opnað við Brekkugötu.
Morgunblaðið/Kristján
HÖRÐUR Stefánsson og Ragnhildur Franzdóttir við nýju tölv-
urnar, á milli þeirra er Hólmkell Hreinsson amtsbókavörður,
en fremst á myndinni er gamla fótstigna myndavélin sem nú
verður flutt á minjasafnið.
Verum saman,
leikum saman
MESSUR
AKUREYRARPRESTAKALL:
Sunnudagaskóli í Safnaðar-
heimilinu á morgun, skemmti-
legir gestir koma í heimsókn.
Munið kirkjubílana. Fjölskyldu-
messa kl. 14. Ungmenni að-
stoða. Sérstaklega er vænst
þátttöku fermingarbarna og
ástvina þeirra. Messað verður á
Hlíð kl. 14. Messað verður á
FSA kl. 17. Æskulýðsfundur í
kapellunni kl. 17. Biblíulestur í
Safnaðarheimilinu kl. 20.30 á
mánudagskvöld.
GLERÁRKIRKJA: Biblíu-
lestur og bænastund í kirkjunni
kl. 11 í dag. Fjölskylduguðs-
þjónusta kl. 11 á morgun,
Bamakór Glerárkirkju syngur.
Foreldrar hvattir til að mæta
með bömum sínum. Fundur
æskulýðsfélagsins kl. 17 á
sunnudag.
HJÁLPRÆÐISHERINN:
Sunnudagaskóli kl. 11, bæna-
stund kl. 19.30, almenn sam-
koma kl. 20. Sérstakur gestur
er Miriam Óskarsdóttir. Heim-
ilasamband á mánudag kl. 16,
krakkaklúbbur fyrir 6 ára og
eldri á miðvikudag kl. 17, bibl-
íulestur sama dag kl. 20.30.
11+ á fimmtudag kl. 17 fyrir
10 til 12 ára krakka. Flóamark-
aður á föstudag, unglingakór
um kvöldið kl. 19.30 og ungl-
ingaklúbbur kl. 20.30.
HVÍTASUNNUKIRKJAN:
Vakningasamkoma á sunnudag
kl. 14. Ræðumaður Vörður L.
Traustason. Samskot tekin til
starfsins. KK fyrir 10 til 13 ára
á þriðjudag kl. 17.30, biblíulest-
ur og bænasamkoma kl. 20 á
miðvikudag, unglingasamkoma
kl. 20.30 á föstudag.
KFUM og K Sunnuhlíð 12 á
Akureyri. Samkoma kl. 20.30 á
morgun, ræðumaður Bjami
Guðleifsson. Bænastund kl. 20.
Tekin samskot til starfsins.
ÓLAFSFJARÐARKIRKJA:
Sunnudagaskóli kl. 11 á morg-
un, Messa kl. 14 í Dvalarheimil-
inu Hornbrekku, altarisganga.
Fundur hjá samtökum um sorg
og sorgarviðbrögð á Ólafsfirði
og Dalvík í safnaðarheimili Ól-
afsfjarðarkirkju kl. 20.30 í ÓI-
afsfjarðarkirkju. Gestur fund-
arins er Valgerður Valgarðs-
dóttir djákni á Fjórðungssjúkra-
húsinu á Akureyri.