Morgunblaðið - 26.10.1996, Síða 14

14 LAUGARDAGUR 26. OKTÓBER 1996
MORGUNBLAÐIÐ
LAIMDIÐ
Eitt ár liðið frá snjóflóðinu á Flateyri
Skilur eftir
djúp spor
Flateyríngar minnast í dag þeirra tuttugu
íbúa staðaríns sem fórust í snjóflóðinu fyrír
réttu árí. Magnea Guðmundsdóttir fyrrver-
andi oddvíti segír að atburðimir skilji eftir
djúp spor. Margt hafí veríð gert á þessu ári
en þó séu enn mörg mál óleyst.
UNNIÐ að gerð snjóflóðavarnagarða í hlíðinni fyrir ofan Flateyri.
Morgunblaðið/Golli
MAGNEA Guðmundsdóttir, varaforseti bæjarsljórnar ísafjarð-
arbæjar, fyrir framan nýja leikskólann á Flateyri.
„ÉG sé ekki ástæðu til annars en
að vera bjartsýn," segir Magnea
Guðmundsdóttir fyrrverandi odd-
viti á Flateyri og nú varaforseti
bæjarstjórnar ísafjarðarbæjar. „Á
þessum tímamótum lítum við til
baka og á sama tíma fram á veg-
inn. Það sem gerðist skilur eftir
djúp spor í reynsluheimi okkar og
við verðum að læra að lifa með
því. Flateyringar hafa sýnt að þeir
standa saman og með samstilltu
átaki okkar og stjómvalda gengur
þetta upp.“
Fljótlega eftir snjóflóðið var far-
ið að hugsa um framtíð Flateyrar
sem nú er orðin hluti af ísafjarð-
arbæ. Unnið var að skipulagsmál-
um í ljósi breyttra aðstæðna.
Ákveðið var að setja upp volduga
snjóvarnargarða í hlíðinni fyrir
ofan byggðina og hefur verið unn-
ið að fyrsta áfanga þeirra í haust.
Framkvæmdir hafa tafist en Krist-
ján Þór Júlíusson bæjarstjóri von-
ast til að áfanganum ljúki nú fyrir
veturinn. Rústir húsa á snjóflóða-
svæðinu hafa nú verið hreinsaðar
og unnið er að undirbúningi minn-
ingargarðs á svæðinu. Magnea
segir að æskilegt hefði verið að
hreina snjóflóðasvæðið fyrr en eig-
endur húsanna hefðu ekki heimilað
það fyrr en að loknu fullu upp-
gjöri. Bygging nýs leikskóla er á
lokastigi en hann er að mestu leyti
byggður fyrir gjafafé frá Fær-
eyingum og fleirum. Þá hafa
nokkrir einstaklingar verið að gera
upp íbúðarhús niðri á eyrinni í stað
húsa sem eyðilögðust.
„Margt hefur verið gert en það
er líka mikið eftir. Enn eru ýmis
mál óleyst. Hefur það bitnað á
fólki sem á um sárt að binda, fólki
sem varð fyrir því að hús þess
skemmdust að hluta þannig að
ekki er búandi í þeim. Þetta fólk
hefur búið sér heimili annars stað-
ar og hefur því orðið fyrir verulegu
tjóni. Þykir mér sárt að málinu
skuli ekki vera lokið,“ segir
Magnea.
Kristján Þór bæjarstjóri segir
að mál þeirra sem óskað hafi eftir
uppkaupum húsa sinna séu komin
í athugun en hann vill ekkert full-
yrða um niðurstöðu.
Hafa kennt okkur mikið
Magnea segir að það hafi sýnt
sig í veðrinu í byijun vikunnar að
fólk væri ekki öruggt um sig. Seg-
ir hún eðlilegt að fólk sé viðkvæmt
þessa dagana og það þurfi tíma
til að jafna sig. „Mér finnst íbúar
Flateyrar hafa staðið sig vel. Þeir
sem búa hér gera það vegna þess
að hér vilja þeir vera en hvergi
annars staðar og hafa trú á þess-
ari byggð. Þeir sem misstu sína
nánustu hafa verið á fullu í at-
vinnulífinu og kennt okkur hinum
svo rnikið," segir hún.
íbúum hefur fækkað á Flateyri
vegna snjóflóðsins. Tuttugu létust
og margir sem áttu um sárt að
binda fluttu burtu. Magnea segir
að sumir hafi snúið aftur heim og
einnig hafi komið fólk sem ekki
hafi átt heima á Flateyri áður.
„Þetta fólk sér þörf fyrir starfs-
krafta sína við að byggja þetta
samfélag upp að nýju og það sýn-
ir okkur það sem við vissum fyrir
að hér er gott að vera,“ segir
Magnea.
Kraftur
í atvinnulífinu
Magnea lætur vel af atvinnulíf-
inu, segir að næg vinna hafi verið
hjá Fiskvinnslunni Kambi. Það
hafi hins vegar verið mikið áfall í
júlí þegar kúfiskskipið Æsa sökk
og skelvinnslunni var lokað í kjöl-
farið en hún kveðst bjartsýn á að
vinnslan komist aftur í gang á
næstu mánuðum.
Mikið hefur mætt á Fiskvinnsl-
unni Kambi hf. frá því snjóflóðið
féll. Fyrirtækið var að byggja sig
upp þegar hörmungarnar dundu
yfir. Hinrik Kristjánsson fram-
kvæmdastjóri segir að nauðsynlegt
hafi reynst að sækja vinnuafl út
fyrir byggðarlagið og sé enn. Hef-
ur fyrirtækið vinnubúðir frá
Landsvirkjun fyrir verkafólkið.
„Við fórum þá leið að fá útlend-
inga sem ráða sig frá einu ári til
fimm ára,“ segir Hinrik. Nú vinna
liðlega 30 útlendingar hjá fyrir-
tækinu, að stórum hluta Pólveijar,
auk íslendinga víðs vegar af land-
inu. Hins vegar segist Hinrik hafa
alltof fáa heimamenn í vinnu.
Kostnaður við aðkomna vinnu-
aflið vegna flutnings og aðstöðu
þess á staðnum og ekki síður
ístöðuleysi íslendinganna hefur
háð starfseminni. Segir Hinrik al-
gengt að menn ráði sig til vetrar-
ins en séu svo farnir eftir viku eða
hálfan mánuð, jafnvel án þess að
kveðja.
Stefnt að opnun
félagsmiðstöðvar
Viðmælendur á Flateyri eru
sammála um að göngin undir
Breiðadalsheiði hafi opnað mikla
möguleika fyrir Flateyri og rofið
einangrun byggðarlagsins.
Magnea Guðmundsdóttir segist
ekki geta ímyndað sér hver þróun-
in hefði orðið án ganganna. Hin-
rik segir að félagsleg aðstaða sé
betri á Flateyri nú en fyrir snjó-
flóðið og þar hafi göngin mest
áhrif. Fólk geti alltaf komist norð-
ur og svo heimsæki margir Flat-
eyri.
Góð aðstaða er á efri hæð nýja
leikskólans og er verið að athuga
möguleika á að koma þar upp fé-
lagsmiðstöð unglinga. Á vegum
Rauða kross-deildar Önundarfjarð-
ar er unnið að samfélagslegu verk-
efni fyrir íbúana. Að sögn Sigrún-
ar Gerðu Gísladóttur hjúkrunar-
fræðings, sem er í verkefnishópn-
um, miðar verkefnið að því að
styrkja samfélagið til sjálfbjargar
þannig að það nái aftur sinni fyrri
reisn. Æskulýðsmálin eru for-
gangsverkefni og segir Sigrún
Gerða til athugunar að leggja til
starfsmann í félagsmiðstöðina í
samvinnu við sveitarfélagið og fé-
lagasamtök á staðnum.
Enginn hefur
áhuga á að skoða
skítugt land
Barnaskóla Staðarhrepps 21.10 1996
Morgunblaðið
b.t. Landið
Ágæti umsjónarmaður með efnis-
þættinum „Landið“
Við nemendur í Barnaskóla
Staðarhepps fórum á dögunum í
ferðalag út á Heggstaðanes í V-
Hún. Við fundum marga fallega
hluti en við fundum líka töluvert
mikið af rusli. Á meðfylgjandi
disklingi er smá grein sem mætti
gjaman koma í blaðið:
„Á dögunum fóru nemendur
og kennarar Barnaskóla Staðar-
hrepps í Hrútafirði í vettvangs-
ferð á Heggstaðanes. Heggstaða-
nes er nesið sem skilur að Hrúta-
fjörð og Miðfjörð í Vestur-Húna-
vatnssýslu. Skólabílar óku börn-
unum áleiðis en síðan var gengið
um fjörur á nesinu. Nemendur
söfnuðu rekaviðarspýtum og
steinum, en auk þess var í fjör-
unni ógrynni af rusli af ólíkleg-
asta toga. Meðal þess sem fannst
var „notað“ jólatré og tóku börn-
in sig til og „skreyttu tréð“ með
ruslinu. Árangurinn, og nemend-
urna, má sjá á myndunum. Mest
var af alls kyns rusli er tengist
útgerð, s.s. net, netakúlur og
fiskkassar, en einnig rusl með
annan uppruna t.d. brunasmyrsl
og skór.
Islendingar, munið að hreint
land er fagurt land. Það hefur
enginn áhuga á að skoða skítugt
land.
Nemendur Barnaskóla Staðar-
hrepps."
Málþing um-
boðsmanns
barna á Eg-
ilsstöðum
UMBOÐSMAÐUR barna heldur
málþing um málefni bama og ung-
menna í Austurlandskjördæmi í há-
tíðarsal menntaskólans á Egilsstöð-
um fyrsta vetrardag, laugardaginn
26. október, kl. 13.30-16.30.
Frummælendur eru börn og ung-
menni undir 18 ára aldri og munu
þau m.a. ræða um janfrétti til náms,
hvernig tilveran liti út ef þau mættu
ráða í einn dag og hvað taki við
þegar 16 ára aldrinum verði náð.
A milli erinda verða skemmtiatriði
í umsjón bama og ungmenna og Sam-
band sveitarfélaga í Austurlandskjör-
dæmi býður upp á hressingu í hléi.
Síðasti liður dagskrárinnar er pall-
borðsumræða þar sem þingmenn og
sveitarstjórnarmenn úr kjödæminu
svara fyrirspurnum frá börnum og
ungmennum.
Umboðsmaður barna, Þórhildur
Líndal, flytur ávarp og setur mál-
þingið en málþingsstjóri er sr. Davíð
Baldursson, prófastur í Austfjarðar-
prófastsdæmi.